ሚያዚያ 20 ቀን 2008 ዓ.ም.

Ø ቦኮ ሃራምን ለመቋቋም የተቋቋመው የአምስት አገሮች የጋራ መከላከያ ኃይል አዛዥ ሚያዚያ 19 ቀን 2008  በሰጡት መግለጫ የጋራው ወታደራዊ ኃይል ውጤት ያለው ስራ እንዲሰራ የገንዘብና የማቴሪያል ድጋፍ ያስፈልገዋል ብለዋል። በመጨረሻው የአፍሪካ ህብረት የመሪዎች ስብሰባ ላይ ረጅዎች ለጋራ ኃይሉ 250 ሚሊዮን ዶላር ለመስጠት መመደባቸው የተገለጸ ቢሆንም እስካሁን ድረስ ገንዘቡ ለጋራው ኃይል ያልደረሰ መሆኑኑ አዛዡ ተናግረዋል፡፡ ገንዘቡ ይሰጣል ተብሎ ቃል የተገባ ከመሆኑ ባሻገር እስካሁን የጋራው ኃይል የደረሰው የተወሰኑ የመገኛኚያ መሳሪያዎችና 11 ወታደራዊ መኪናዎች ብቻ ነው ብለዋል። 8500 ወታደሮችን የያዘው የጋራ ወታደራዊ ኃይል ተደጋጋሚ ጥቃቶችን ሰንዝሮ ቦኮ ሃራምን አዳክሟል ቢባልም ውጤት ያለው ስራ ለመስራት እርዳታ ያስፈልገዋል ተብሏል፡፤

Ø ረቡዕ ሚያዚያ 19 ቀን 2008 ዓም. በደቡብ አፍሪካ በሚገኙት በጆሃንስበርግ፤ በኬፕ ታውንና በደርበን ከተሞች በርካታ የደቡብ አፍሪካ ዜጎች ፕሬዚዳንት ዙማ ከስልጣን እንዲነሱ በመጠየቅ ሰላማዊ ሰልፎች አካሄደዋል። ሰልፈኞቹ ፕሬዚዳንት ዙማ በሙስናና እና በዝምድና ስራ ውስጥ የተዘፈቁ በመሆናቸው አገራችውን ለመምራት ብቃት የላቸውም የሚሉ መፈክሮችን ሲያሰሙ እንደነበር ታውቋል። ከጥቂት ቀናት በፊት በአገሪቱ ምክር ቤት ውስጥ  ከስልጣናቸው እንዲወገዱ ተካሄዶ የነበረውን እንቅስቃሴ በድል ያሸነፉት ፕሬዚዳንት ዙማ በደቡብ አፍሪካ ነጻ ምርጫ የተካሄደበትን 22 አመት ለማክበር በተዘጋጀ ስነስርዓት ላይ ባደረጉት ንግግር የአገሪቱ መሪዎች የሚለወጡት በዴሞክራሲያዊ ምርጫ እንጅ በአቋራጭ እና በመፈንቅለ መንግስት አይደለም ብለዋል። በዴሞክራሲ ውህዳን የአብዛኛውን ሕዝብ ውሳኔ ተቀብሎ የመሄድ ግዴታ አለባቸው ብለዋል። በደቡብ አፍሪካ ያለው የፖለቲካ አለመረጋጋት ከቀን ወደ ቀን እየተባባሰ መምጣቱ እየታየ ያለ ክስተት ሲሆን ከተወሰኑ ወራቶች በኋላ የሚደረጉት የከተሞች አስተዳድር ምርጫዎች የሕዝቡን ስሜት በተወሰነ ደረጃም ቢሆን ሊያሳዩ ይችላሉ በማለት ታዛቢዎች አስተያየታችውን ይሰጣሉ። በሚቀጥሉት የከተሞች አስተዳደር ምርጫዎች ገዥው ፓርቲ ከተሸነፈ የአፍሪካ ብሔራዊ ኮንግሬስ በአገሪቱ ላይ ባለው የስልጣን ሁኔታ ላይ ከፍተኛ ተጽእኖ ሊኖረው እንደሚችል ብዙዎች ይተቻሉ።

Ø በግብጽና በሊቢያ ወሰን ከሕገ ወጥ ስደተኞች ጋር በተደረገ ግጭት 16 የሚሆኑ ግብጻውያን ስደተኞች የተገደሉ መሆናቸውን ረቡዕ ሚያዚያ 19 ቀን 2008 ዓ.ም. የግብጽ የውጭ ጉዳይ ሚኒስቴር በሰጠው መግለጫ ገልጿል። ግድያው የተፈጸመው ባኒ ዋሊድ በተባለችው ከተማ ውስጥ ሲሆን  ከአስተላላፊዎች ጋር በተነሳ ግጭት ስደተኞቹ የተገደሉ መሆናቸው ተነግሯል። በሊቢያ የሚገኘው የተባበሩት መንግስታት ድርጅት የእርዳታ ተልእኮ መስሪያ ቤት መሪ በሰጡት መግለጫ  12 ግብጻዉያን እና ሶስቱ ሊቢያውያን መገደላቸውን ተናግረው ድርጊቱን በጽኑ ኮንነዋል። በሊቢያ በተለያዩ ወገኖች መካከል የእርስ በርስ ግጭት ከተጀመረና አለመረጋጋት ከተፈጠረ ወዲህ አገሪቱ ከልዩ ልዩ አገሮች የመጡ ስደተኞች ወደ አውሮፓ የሚሰደዱባት ማዕከል ሆና የቆየች ስትሆን የስደተኛ ማስተላለፍ ንግድም ደርቶ የሚገኝባት ቦታ ናት።  በሊቢያ በኩል ከሚተላለፉ ስደተኞች መካከል በወያኔው ዘረኛና አምባገነን ስርዓት አፈናና ብዝበዛ ተማረው አገራቸውን ጥለው የሚሰደዱ ኢትዮጵያን የሚገኙበት መሆኑም ይታወቃል። በዚህ አጋጣሚ ባለፈው አመት አይሲስ በሚባለው የአክራሪና የአሸባሪ ቡድን አባላት ግፍ በተሞላበት መንገድ በስለት የታረዱ  ኢትዮጵያን ሰማዕታት ወገኖችን የምናስታውሰው በከፍተኛ ሀዘን ነው።  

Ø ረቡዕ ሚያዚያ 19 ቀን 2008 ዓም. በሱዳን ካርቱም የዩኒቨርስቲ የተማሪዎችን ሰልፍ ለመበተን ፖሊሶች በተኮሱት ጥይት አንድ ተማሪ ተመቶ የሞተ መሆኑ ተነገረ። በኦምዶርማን የሚገኘው የአህሊያ ዩኒቨርስቲ ቅጥር ግቢ የሚማሩ ተማሪዎች ቀደም ብሎ በተደረገ ሰልፍ ተይዘው በቁጥጥር ስር የነበሩት ተማራዎች እንዲፈቱ ለመጠየቅ ሲያካሂዱ የነበረውን ሰልፍ ለመበተን ነጭ ለባሽ ፖሊሶች በፈጠሩት ግርግር አንድ ተማሪ በጥይት ተመቶ ወዲያውኑ የሞተ መሆኑ ለማወቅ ተችሏል። ረቡዕ ማታ የገዥው ፓርቲ ቃል አቀባይ ተማሪው ከዩኒቨርስቲው ቅጥር ግቢ ውጭ በሽጉጥ ተመቶ መሞቱን አምኗል። የሟቹን ተማሪ አስከሬን በርካታ ተማሪዎች ተሸክመው ወደ መኖሪያው አካባቢ በመውሰድ እንዲቀበር ያደረጉ ሲሆን በርካታ ተማሪዎች ተማሪ መግደል አገርን እንደመግደል ይቆጠራል ብለዋል። የዩኒቨርስቲው አስተዳደር የተማሪውን መገደል አውግዞ ዩኒቨርስቲው ላልተወሰነ ጊዜ የዘጋ መሆኑን ገልጿል። የካርቱም ዩኒቨርሲቲ ተማሪዎች በየጊዜው ከጸጥታ ኃይሎች ከፍተኛ ጉዳት ቢደርስባችውም አገዛዙን በመቃወም ተደጋጋሚ የተቃውሞ ሰልፎች ሲያደርጉ መቆየታቸው  ይታወቃል።

Ø በሊቢያ የተባበሩት መንግስታት ተልእኮ መሪ በሰጡት መግለጫ የአይሲስ አሸባሪዎች በየጊዜው በአገሪቱ የነድጅ ማውጫ አካባቢዎች ላይ የሚፈጽሙት ጥቃት ከፍተኛ ስጋት የፈጠረ መሆኑን ገልጸዋል። የአሸባሪዎቹ ጥቃት የነዳጅ ምርቱን የሚያስተጓግለው መሆኑን የተናገሩ ሲሆን ጥቃቱም የአገሪቱን ኢኮኖሚና በነዳጅ ምርቱ ገቢ በሚተዳደሩ በሚሊዮን የሚቆጠሩ የሊቢያ ዜጎችን የኖሮ ሁኔታ ይጎዳል በማለት ኃላፊው ተናግረዋል።

Ø በተያይዘ ዜና የተባበሩት መንግስታት የጸጥታው ምክር ቤት ከሊቢያ የአማጽያን አካባቢ ህገ ወጥ በሆነ መንገድ ነዳጅ ጭኖ መንቀሳቀሱ በተደረሰበት በአንድ በህንድ የተመዘገበ የጭነት መርከብ ላይ ማዕቀብ እንዲደርግ የወሰነ መሆኑ ታወቀ። ከሁለት ዓመት በፊት የጸጥታው ምክር ቤት በሊቢያ አማጽያን ቁጥጥር ስር ካሉ የነዳጅ ማምራቻ ቦታዎች ነዳጅ እንዳይጫን መከልከሉ የሚታወስ ሲሆን ይህንን  ህግ በመተላለፍ ነዳጅ ጭኖ ወደ ማልታ አቅንቷል የተባለው የጭነት መርከብ ማዕቀብ የተጣለበትና ጉዞው የቅርብ እየተደረገበት መሆኑ ተነግሯል። መርከቡ ከቅርብ ጊዜ ወዲህ ለማይታወቅ ሰው የተሸጠ ሲሆን ስሙም የተቀየረ መሆኑ ተነግሯል።

ሚያዚያ 19 ቀን 2008 ዓ.ም.

Ø የዓለም አቀፉ ህብረተሰብ በኢትዮጵያ ለገባው ድርቅና ረሃብ እንደ ችግሩና መጠንና ስፋት አስፈላጊውን እርዳታ ባያቀርብም ከፍተኛ መጠን ያለው እርዳታ መስጠቱ ይታወቃል። የወያኔ መሪዎች የእርዳታ እህሉን ከወደብ ለማንሳት እግራቸውን እየጎተቱ የራሳቸውን ማዳበሪያ እያጓጓዙ ሲሆን ወደ መሀል አገር የገባውን የእርዳታ እህልና ሸቀጣ ሸቀጥን ደግሞ በየመደብሩ በመውሰድ መቸብቸብ ጀምረዋል፡፤ በረሃብተኛ ሕዝብ ስም በተማጽኖ የመጣውን የእርዳታ እህል የወያኔ መሪዎችን ኪስ ማደለቡና የዘርና የቋንቋ ፖለቲካው ማራመጃ የፖለቲካ መሳሪያ እንደሆነ ተገልጿል፡፤

Ø በአሜሪካ የሚረዳው የአፍሪካ ሰላም አስከባሪ ኃይል በሶማሊያ በየጊዜው ከአልሸባብ ጥቃት እየደረሰበት መሆኑና አሜሪካንም በድሮንና በጦር አውሮፕላን በአልሸባብ መሪዎችና የጦር አበጋዞች ላይ ያነጣጠረ ጥቃት ስትፈጽም መቆየቷ ይታወሳል። ከቅርብ ዓመታት ወዲህም በአልሸባብ ቁጥጥር ስር የነበሩ ከተሞችና የገጠር መንደሮች በአፍሪካ ሰላም አስከባሪ ኃይል በሚታገዙ የሶማሊያ ወታደሮች ቁጥጥር ስር መዋላቸው ይዘገብ እንጅ አልሸባብ ከተሞቹን እንደገና በጦርነትና ያለ ጦርነት እየወሰደ መሆኑ ከሶማሊያ የሚመጣው ዜና አስረድቷል። ከታችኛው  ሸብሌ ግዛት ከሞቃዲሾ ደቡባዊ ምዕራብ በ 110 ኪ.ሜ ርቀት ላይ የምትገኘው ጃናሌ ከተማ በአልሸባብ እጅ የወደቀች ስትሆን ከተማዋን ይቆጥጠሩ የነበሩ የኡጋንዳ ወታደሮች ያለ ምንም ጥቃት ከተማዋን ለቀው መውጣታችው ታውቋል። ባለፈው ነሐሴ ወር መጨረሻ ላይ በጃናሌ ከተማ በርካታ የኡጋንዳ ወታደሮች መገደላቸው ይታወሳል።

Ø በተባበሩት መንግስታት የአፍሪካ ህብረት ልኡክና የቀድሞ የሞዛምቢክ ፕሬዚዳንት ሚስተር ቺሳኖ ለተመድ የጸጥታው ምክር ቤት ልዩ ስብሰባ ባሰሙት ንግግር በምዕራብ ሳህራ ያለውን ችግር አስመልክቶ  ተገቢ እርምጃዎች ካልተወሰዱ  ከፍተኛ ችግር ሊከተል እንደሚችል አስጠንቅቀዋል። በአሁኑ ጊዜ ችግር አነስተኛ ቢመስልም ትልቁን የደን እሳት የምታቀጣጥለው ትንሽ እሳት መሆኗን በማወቅ ለችግሩ ተገቢ ትኩረት መስጠት ይኖርብናል ብለዋል። ከጥቂት ወራት በፊት የተመድ ዋና ጸሐፊ ባንኪ ሙን የምዕራብ ሳህራን ግዛት በሞሮኮ የኃይል ቁጥጥር ስር ያለ ግዛት ነው በሚል ንግግር ማድረጋችውን ተከትሎ ሞሮኮ በወሰደችው የአጸፋ እርምጃ ከ 20 የሚበልጡ የተመድ የሰላም አስከባሪ ሉኡካን ከምዕራብ ሳህራ ግዛት እንዲወጡ መደረጋቸው ይታወሳል። በ1983 ዓም በምዕራብ ሳህራ የተመደበው የተባበሩት መንግስታት የሰላም አስከባሪ ኃይል የልዑካን ቡድን የአገሪቱን የወደፊት እድል አስመልክቶ ሕዝቡ በምርጫ እንድወስን የሚችልበትን ሁኔታ ለማመቻቸትና ለማደራጀት ኃላፊነት ቢሰጠውም  ድምጽ መስጠት የሚችለው ማነው በሚለው ላይ ልዩነት በመፈጠሩ እስካሁን ምርጫው ሳይካሄድ ቆይቷል። የሞሮኮ መንግስት ግዛቱ የሞሮኮ ነው ሲል ከ1967 ዓም. ጀምሮ የትጥቅ ትግል ሲያካሄድ የቆየው የፖሊሳሪዎ ድርጅት ደግሞ ሕዝቡ በውሳኔ ህዝብ መወሰን አለበት ሲል ቆይቷል። የአፍሪካ ህብረት የሳህራዊ አፍሪካ ሪፕብሊክ ግዛትን አባል አገር አድርጎ በመቀበሉ ሞሮኮ የአፍሪካ ህብረት እንደ ገለልተኛ አካል አታየውም። በምዕራብ ሳህራ የተመድ ተልእኮ ስለመቀጠል እና አለመቀጠሉ የጸጥታው ምክር ቤት በሚቀጥለው ሳምንት ውሳኔ የሚሰጥ ሲሆን የምክር ቤት አባላት የተከፋፈሉ መሆናቸው ታውቋል። ፈርንሳይ ስፔን ግብጽ እና ሴኒጋል ሞሮኮን ሲደግፉ ሌሎች ይቃወማሉ ተብሏል። የምዕራብ ሳህራ ጉዳይ ተገቢ መልስ ካላገኘ የማያባራ ጦርነት ሊከተል እንደሚችል ብዙዎች ይጠቁማሉ።

Ø በምዕራብ አፍሪካ በምትገኘው የኬፕ ቬርዴ ደሴት 8 ወታደሮችና ሶስት ሰላማዊ ሰዎች በጥይት የተገደሉ መሆናቸው ታውቋል። ግድያውን የፈጸመው አንድ ከስራ ገበታው ላይ ተሰውሮ የነበረ ወታደር ነው የሚል ጥርጣሬ ያለ ሲሆን ድርጊቱን ለመፈጸም ምን እንዳነሳሳው ግን የታወቀ ነገር የለም። ከሞቱት ሰዎች መካከል ሁለቱ የስፔን ዜግነት ያላቸው ቴክኒሺያኖች ሲሆኑ አንዱ የደሴቷ ዜግነት ያለው ነዋሪ መሆኑ ታውቋል። መንግስት በሰጠው መግለጫ ሕዝቡ እንዲረጋጋ ጥሪ ያደረገ ሲሆን አውሮፕላን ማረፊያውን ጨምሮ በዋና ከተማዋ አንዳንድ ቦታዎች ዝግ ሆነዋል በሚል የተስፋፋው ወሬ መሰረተ ቢስ ነው በማለት አስተባብሏል። የግድያው መነሻን ለማወቅ ምርመራ መጀመሩን ገልጾ እስካሁን ድረስ ያሉት መረጃዎች የሚያመለክቱት ግድያው የተካሄደው በግል ችግር ምክንያት ነው ብሏል። የቀድሞ የስፔን ኮሎኒ የነበረቸውና ከሴኒጋል ወደብ 500 ኪሎሜትር ርቀት ላይ የምትገኘው የኬፕ ቬርዴ ደሴት  ግማሽ ሚሊዮን የሚሆን ሕዝብ የሚኖርባት አገር ነች ነው።

Ø የደቡብ ሱዳን አማጽያን መሪ ሚስተር ማቻር እንደተጠበቀው  ሚያዚያ 18 ቀን 2008 በአገሪቱ ዋና ከተማ  የገቡ ሲሆን ለምክትል ፕሬዚዳንትነቱ ስልጣን ቃለ መሀላ ሲፈጽሙ በተናገሩት ቃል በሁሉም ወገን ላይ የተፈጠረው ቁስል ባስቸኳይ እንዲድን አድርገን ሕዝባችንን ወደ አንድነት ማምጣት አለብን ብለዋል። የሰላም ስምምነቱን ተግባራዊ ለማድረግ በሙሉ ልብ እንደሚሰሩና የእርቁ ሂደት ባስቸኳይ ተግባራዊ እንዲሆን የሚጥሩ መሆናቸውንም ገልጸዋል።  ሬክ ማቻርን ለመቀበል በተደረገው የአቀባበል ስን ስርዓት ላይ የደቡብ ሱዳን ፕሬዘዳንት ሳልቫ ኬር በበኩላቸው “ ወንድሜን ማቻር ስቀበል ደስታ ይሰማኛል ካሉ በኋላ የአሳቸው ወደ ጁባ መመለስ የጦርነቱን ማብቃትና የሰላሙ ሁኔታን መጀመር እንደሚያበስር ጥርጥር የለኝም”  ብለዋል። የተባበሩት መንግስታት ድርጅት ዋና ጸሐፊ ባንኪ ሙን የማቻር መመለስ ለሰላሙ ጥረት አዲስ ምዕራፍ የከፈተ መሆኑን ገልጸው የአንድነቱ መንግስት ባስቸኳይ ተመስርቶ ስራ መጀመር አለበት ብለዋል። ሁኔታው በሙሉ በሙሉ የተረጋጋ ባለመሆኑ የሰላሙን ጥረት ተግባራዊ ለማድረግ ከፍተኛ ጥረት የሚጠይቅ መሆኑን ብዙዎች ይናገራሉ። በየካምፑ ያሉት የሁለቱ ወገኖች ወታደሮች ከኃይል እርምጃ እንዲቆጠቡ ማድረግ  ቀላል ስራ አይደለም።  ለሁለቱም ወገኖች ታዛዦች ያልሆኑ የሚሊሺያ ኃይሎች በተለያዩ የአገሪቱ ክፍሎች አሁንም ጦርነት እያካሄዱ ነው። በአንድነት መንግስቱ ውስጥ የሚነሱ ልዩነቶችንም በተገቢው መንገድ የማስተናገድ ኃላፊነትም ይኖራል። በእነዚህና በሌሎች ምክንያቶች በአገሪቱ ውስጥ ውጥረቱ ከፍተኛ ውጥረት የሚታይ ሲሆን የሚቀጥሉት ጥቂት ቀናት ወሳኝ ይሆናሉ በማለት አስተያየታቸው የሚሰጡ ወገኖች ብዙ ናቸው።

Ø በግብጽ በሲና ባህረሰላጤ መንገድ ውስጥ በተቀበረ ፈንጅ ሶስት የፖሊስ ሰራዊት አባላት የተገደሉ መሆናቸውን የግብጽ መንግስት የዜና ወኪል ገለጸ። ረቡዕ ሚያዚያ 19 ቀን 2008 ዓም በሲና ባህረ ሰላጤ የፖሊስ ሠራዊት አባላትን ጭኖ ሲጓዝ የነበረ አንድ ወታደራዊ መኪና የፈንጅው ጥቃት ደርሶበት የተገለበጠ ሲሆን ከሞቱት በተጨማሪ  8 ወታደሮች በጽኑ የቆሰሉ መሆናቸው ታውቋል።  የቆሰሉት ወደ ሆስፒታል የተወሰዱ ሲሆን ለድርጊቱ ኃላፊነትን የወሰደ አካል የለም። ላለፉት ሁለት ዓመታት በአካባቢው ጥቃት ሲፈጽም የቆየው የአይሲስ ቅርንጫፍ የሆነው ቡድን ድርጊቱን ሳይፈጽም አይቀርም ተብሎ ተጥርጥሯል።

በተያያዘ ዜና በግብጽ ዋና ከተማ በካይሮ ተገድሎ አስከሬኑ እንዳልነበር ሆኖ ተጥሎ የተገኘውን የጣሊያን ተወላጅ ጉዳይ አስመልክቶ የእንግሊዝ መንግስት ሰኞ ሚያዚያ 17 ቀን ባወጣው መግለጫ ላለፉት ሶስት ወራት የግብጽ መንግስት  ስለግለሰቡ ገዳዮች ያካሄደው ምርመራ ምንም ውጤት አለማስገኘቱ የእንግሊዝ መንግስትን ቅር ያሰኘ መሆኑን ገልጿል። መግለጫው የጣሊያን መንግስት ከግብጽ መንግስት የሚፈለገውን ትብብር አለማግኘቱ የእንግሊዝ መንግስትን ያሳዘነ መሆኑን ገልጾ ምንም እንኳ የግብጽ የጸጥታ ክፍሎች በግድያው ላይ አሉበት የሚለው ግምት የተረጋገጠ ባይሆንም ትክክለኛውን ገዳይ ለማወቅ ማናቸውም ጥረት እንዲደረግ ለዓለም አቀፍ ማህበርሰብ ጥሪ አስተላልፏል፡፤

ሚያዚያ 18 ቀን 2008 ዓ.ም.

Ø ጋምቤላ 18 ኪሎሜትር ርቀት ላይ ባለው የደቡብ ሱዳን የጀዊ ስደተኞች ሰፈር የፈነዳው ግጭትና ግድያ ትላንትም ቀጥሎ እንደነበር በቦታው ያሉ ምስክሮች ገልጸዋል ። በቦታው የሰፈሩት ስደተኞች መቶ በመቶ የደቡብ ሱዳን አማጽያን መሪ የሪያክ ማሻር ተከታዮችና የኑዌር ተወላጆች ሲሆኑ የተባበሩት መንግስታት የስደተኞች ኮሚሽን ሾፌር የነበረው ኢትዮጵያው ሁለት ስደተኛ ህጻናትን በመኪና ገጭቶና ገድሎ በመሰወሩ ኑዌሮቹ በሰፈሩ ያሉትን ኢትዮጵያውያን ለመግደል ተነስተው ብዙዎችን እንደገደሉ ይታወቃል ። ከተገደሉት ውስጥ የስደተኛው ኮሚሽን ኢትዮጵያዊ ሰራተኞችም እንዳሉበት ታውቋል። ጀዊ የአንዋኮች አካባቢ ስትሆን ወያኔ ኑዌሮችን በዚያ ያሰፈረው ለተንኮል ነው ተብሎም ተጋልጧል። ወያኔ ከግድያው በኋላ ዜጎችን ለመከላከል ምንም እርምጃ ባለመውሰዱ ኢትዮጵያውያኑ ተደራጅተው የስደተኛውን ሰፈር ማጥቃታቸው ታውቋል። የሟቹ ቁጥርም ቀላል አልሆነም ። የተባበሩት መንግስታት የስድተኛ ኮሚሽን ሰራተኞቹን ከጀዊ አካባቢ አሽሽቷል። ግጭቱ ገና አልበረደም ሲል ዛሬም የደረስ ዜና ያረጋግጣል ።

Ø ወያኔ ለዘረፋና ለስርቆት እንዲያመቸው ከ 100 ሺ ሄክታር በላይ የጋምቤላ መሬትን ለጥጥ እርሻ በማለት ለንግድ ሸሪኮቹ በመስጠትና ለልማትም በማለት 3 ቢሊዮን ብድር በመፍቀድ የጥጥ ምርትን እናሳድጋለን በማለት ፕሮፓጋንዳውን ካሰራጨ ወዲህ የጥጥ ምርቱም ሳይኖር ልማቱም ሳይካሄድ ደን ተጨፍጭፎ ከቆየ በኋላ በብድር የተሰጠው ገንዘብ ለምን ተግባር እንደዋለ እንኳ ለማወቅ አለምቻሉ ተገልጿል። ለጥጥ ልማት በማለት መሬት ወስደው ደን መንጥረው ገንዘብ ተበድረው ጠፉ የተባሉ ሰዎችና ኢንቬስተሮች እነማን እንደሆኑ ባይገለጽም  ወያኔ ምርመራና ማጣራት ጀምሬያለሁ ብሏል። ጉዳዩን የተከታተሉ ወገኖች ግን ዘረፋውና  የተፈጥሮ ወድመቱ በወያኔ አባላትና በንግድ ሸሪኮቻቸው መፈጸሙን ይናገራሉ።

Ø በአባይ ወንዝ ግድብና አጠቃቀም ዙሪያ ወያኔና ግብጽ የገቡበትን የፖሊቲካና የዲፕሎማሲ ውዝግብ ለማብረድ በወያኔ ፓርላማ አፈጉባዔ የሚመራ አንድ የልኡካን ቡድን ግብጽንና ሱዳንን መጎብኘቱ ይታወሳል። የጉብኝቱ ዓላማ የታሰበለትን ግብ ይምታ አይምታ ባይታወቅም በወቅቱ የነበረውን የዲፕሎማሲ ውጥረት ግን ሳያለዝበው እንዳልቀረ ተገምቷል፡፤ ወያኔ ከሱዳን ጋር መልካም ወዳጀነት ፈጥሮ በድንበር አካባቢ ለም መሬቶችን አሳልፎ ከሰጠና ሱዳንም በአገሩ የሚገኙ የወያኔ ተቃዋሚዎችን እያፈነ ለወያኔ ለመስጠት ጥረት በሚያደርግበትና በሁለቱ አገሮች መካከል የድንበር ጥበቃ ውል ተፈርሞ ባለበት በአሁኑ ሰዓት የሱዳን ሕዝብ ዲፕሎማሲ የተባለ ቡድን የወያኔን ባለስልጣኖችን እንደሚያነጋግር ተገልጿል። ጉብኝቱ ግንቦት 1 ቀን 2008 ዓም የሚጀመር ሲሆን የዲፕሎማሲው ቡድን ከወያኔው ጠቅላይ ሚኒስትር ተብየው ጀምሮ ከሌሎች የወያኔ ባለስልጣኖችን ያናገጋራል ተብሏል፡፤

Ø መጭውን የትንሳዔ በዓል አስታኮ የወያኔ አገዛዝ ሱቆችን በማደራጀት አባ ወራዎችን በቡድን እየመደበ እንደሚያሰማራ ታውቋል። ከአስራ አምስት እስከ ሃያ የሚደርሱ አባወራዎች በአንድና በሁለት ሱቆች ሸቀጦች እንዲሸጡ በማደራጀትና በማስገደድ ነዋሪዎንና የነጋዴው ህብረተሰብን ለማጋጨት እየተሞከረ መሆኑ ተገልጿል። ሱቆቹ በዋናነት ስኳርና ዘይት የሚያቀርቡ ሲሆን ሌሎች ሸቀጦችንም ሊጨምሩ እንደሚችሉ ተነግሯል። የወያኔ አገዛዝ በመላ ኢትዮጵያ ላንሳራፋው የኑሮ ውድነት ተጠያቂ መሆኑ የሚታወቅ ቢሆንም የችግሩ መነሻና ምንጭ የነጋዴው ህብረተሰብ እንደሆነ አድርጎ በማቅረብ ነጋዴዎችን ከሕዝብ ጋር ለማጋጨት የሸማቾች ማህበራትን ማቋቋሙ ይታወቃል። የፋሲካ በዓልን ተንተርሶ እንደ ቅቤ እንቁላል ዶሮ በግና በሬዎች የመሳሰሉ የምግብ አቅርቦቶች ዋጋ ጭማሪ እያሳየ መሆኑ ታውቋል።

Ø ኢትዮጵያውያን ስደተኞችን ለወያኔ ማስረከብ የለመደበት የኬንያ መንግስት የታይዋን ተወላጅ ሆነው በህገወጥነት የወነጀላቸውን የታይዋን ተወላጆች አስሮ ለሀገራቸው ሳይሆን ለቻይና ማስረከቡ ተጋለጠ። ቻይና ታይዋን ግዛቴ ናት ብትልም ቻይናና ታይዋን ሁለት የተለያዩ ሀገሮች ሆነው እንድሉ ይታወቃል። ወያኔ በበኩል ኬንያ እንደ የመን የሚመጡ ተቃዋሚዎችን አግታ እንድታስረክብ ዝርዝር ስሞችን ሰጧል ተብሎም መረጃ አለ ።

Ø ከጥቂት ቀናት በፊት በብሩንዲ አንድ የጄኔራል ማእርግ ያላቸው ከፍተኛ ባለስልጣን ከነባለቤታቸው ባልታወቁ ሰዎች መገደላቸው የሚታወስ ሲሆን  ገዳዮችን አፈላልገው እንድይዙ የአገሪቱ ፕሬዚዳንት ለወታደሮቻቸው የአንድ ሳምንት የጊዜ ገደብ ያለበት ጥብቅ መመሪያ የሰጡ መሆናቸው ታውቋል።  ፕሬዚዳንቱ ለሟቾቹ ቤተሰቦች ሀዘናቸውን የገለጹ ሲሆን የአገሪቱ የጦር ኃይልም አንድነቱን አጠናክሮ ሁኔታውን በቁጥጥር ስር እንዲያደርግ ተማጽነዋል። የፕሬዚዳንቱ ትእዛዝ በብሩንዲ እየተካሄደ ያለውን ግድያ ያፋፍማል የሚል ስጋት ፈጥሯል። የብሩንዲ የእርስ በርስ ግጭት ከጀመረ ወዲህ የመንግስት ባለስልጣኖች ማንነታቸው ባልታወቀ ሰዎች ሲገደሉ የመንግስት የጸጥታ ኃይሎች ደግሞ በሰላማዊ ሰዎች ላይ የጅምላ ግድያ እያካሄዱ ከመሆናቸውም በላይ በርካታ ሰዎችን አስረው ሰቆቃዊ ድርጊት እየፈጸሙባቸው መሆኑ ይነገራል። 

Ø በሱማሊያ ከዋናዋ ከተማ ከሞጋዲሾ ሰሜን ምዕራብ 250 ኪሎሜትር ርቀት ላይ ከምትገኘው ከባይደዋ ከተማ አጠገብ በሚገኘው የአፍሪካ ህብረት እና የሱማሊያ መንግስት የጦር ካምፕ ላይ አልሸባብ ጥቃት ሰንስዝሮ ቢያንስ 20 ወታደሮችን የገደለ መሆኑ ከስፍራው የተገኘው ዜና ይገልጻል። ከተወሰነ የተኩስ ልውውጥ በኋላም የአፍሪካ ህብረት የሰላም አሰከባሪ ሃይሎች እና የሱማሊያ ወታደሮች የጦር ሰፍሩን መልሰው መቆጣጠራቸው ተነግሯል።  የአልሸባብ አጥቂዎችም ከባድ ጉዳት እንደደረሰባቸው የአፍሪካ ህብረት የሰላም አስከባሪ ኃይል ቢገልጽም ከአልሸባብ በኩል የተሰማ ዜና የለም።

Ø መንግስታዊ ያልሆኑ ድርጅቶችና የሰብአዊ እርዳታ ሰጭ ድርጅቶች በጋራ ባወጡት መግለጫ በሱማሊያ የገባውን ከፍተኛ ድርቅና ረሃብ ለመቋቋም አስቸኳይ እርዳታ እንደሚያስፈልግ ገልጸዋል። ድርጅቶቹ በጋራ መግለጫቸው ላለፉት አራት አመታት በሱማሊያ ዝናም በመጥፋቱ ምክንያት ከ5 ሚሊዮን በላይ የሚሆን ሕዝብ መሰደዱን ገልጸው ሁኔታው በዚህ ከቀጠለ ከፍተኛ እልቂት ሊኖር እንደሚችል ተናግረዋል። ከስድስት ዓመት በፊት በሱማሊያ በገባው ድርቅ ምክንያት ከ250 ሺ ሰው በላይ የሞተ መሆኑን አስታውሰው ተመሳሳይ የሕዝብ እልቂት እንዳይደርስ ከፍተኛ እርዳታ መሰብሰብ አለበት ብለዋል።

Ø ከጥቂት ቀናት በፊት ከአንድ የቱርክ የንግድ መርከብ ላይ በባህር ላይ አፋኞች ተጠልፈው ተወስደው የነበሩ ስድስት የመርከቡ ሰራተኞች የተለቀቁ መሆናቸውን የንግድ መርከቡ ባለስልጣኖች ገልጸዋል። ሚያዚያ 3 ቀን 2008 ዓም. ማንነታቸው ያለታወቀ የባህር ላይ አፋኞች መርከቧ ላይ በመውጣቱ ካፕቴኑ የሚገኝበትን ስድስት ሰዎች በቁጥጥር ስር ማድረጋቸው የታወቀ ሲሆን ማክሰኞ ሚያዚያ 18 ቀን 2008 ለቀዋቸዋል ተብሏል። የተለቀቁት የመርከቧ ሰራተኞች በጥሩ የጤና ሁኔታ ላይ መሆናቸው ቢነገርም ለመለቀቃቸው ካሳ መከፈሉ እና አለመከፈሉ የተገለጸ ነገር የለም። በዚህ ዓመት ብቻ በናይጄሪያ ወደብ አካባቢ ከ32 በላይ የመርከብ ጠለፋዎች የተካሄዱ መሆናቸው ከተባበሩት መንግስታ ድርጅት የጸጥታው ምክር ቤት አካባቢ የተገኙ ዜናዎች ይጠቁማሉ።

Ø የደቡብ ሱዳን አማጽያን መሪ ሪክ ማቻር ለአንድ ሳምንት ያህል ጉዟቸው ካዘገዩ በኋላ በዛሬው ቀን ጁባ ገብተዋል። የአማጽያኑ ድርጅት ቀደም ብሎ ባወጣው መግለጫ ሚስተር ማቻር ዛሬ ሚያዚያ 18 ቀን  ከቀኑ ስምንት ሰዓት ላይ ጁባ የሚገቡ መሆናቸውን ገልጾ የነበረ ሲሆን  በታቀደው መሰረት ለምክትል ፕሬዚዳንቱ ቦታ ለመያዝ ቃለ መሃላ ፈጽመዋል ተብሏል። ሚስተር ማቻር ጁባ ይገባሉ ተብሎ ታቅዶ የነበረው ሚያዚያ 10 ቀን የነበረ ሲሆን ከዚያ በኋላ በተደጋጋሚ በታቀዱት ቀናት ወደ ጃባ ባለመለሳቸው  በዓለም አቅፉ ህብረተሰብ በሌሎች ላይ ከፍተኛ  ስጋት ፈጥሮ እንድነበር አይዘነጋም።

ሚያዚያ 17 ቀን 2008 ዓ.ም.

Ø የእንግሊዙ ዕለታዊ ጋዘጣ ዘ ቴሌግራፍ የእርዳታ ድርቶችንና በመስክ ላይ ያሉ ሰራተኞችን ጠቅሶ እንደዘገበው በኢትዮጵያ ያለው ድርቅና ረሃብ ከ18 ሚሊዮን በላይ ኢትዮጵያውያንን እያጠቃ መሆኑን ግልጽ አድርጓል። እስከ አሁን ድረስ በወያኔና በዕርዳታ ድርጅቶች በኩል የረሃብና የድርቁ ተረጅ ወገኖች ቁጥር እስከ 12 ሚሊዮን ይገመት እንደነበር ይታወቃል። በአዲሱ አሀዝ መሠረት ከኢትዮጵያ ሕዝብ 20 ከመቶ የሚሆነው በአሁኑ ጊዜ የእርዳታ ፈላጊ አድርጎታል። የወያኔ ባለስልጣኖች የተረጅውን ሕዝብ ቁጥር መጨመር ደፍረው ባያናግሩትም የዓለም አቀፉ ኅብረተሰብ  ለረሃብና ለድርቁ የሚሰጠው ዕርዳታ ከተረጅው ቁጥር ጋር አይመጣጠንም በማለት አድበስብሰው ለማለፍ ሙከራ እያደረጉ መሆኑ እየተነገረ ነው።

Ø በጋምቤላ ከደቡብ ሱዳን የመጡ ታጣቂዎች በመቶ የሚቆጠሩ ገድለው በመቶ  በሚቆጠሩ ህጻናት አፍነው ከወሰዱና በሺ የሚቆጠሩ ከብቶችን ከነዱ ወዲህ በጋምቤላ ያለው ዘግናኝ እልቂት የዓለም ሕዝብ ዓይንና ጆሮ እየሳበ ነው።  በጃዊ ስደተኛ ጣቢያ አቅራቢያ አንድ ኢትዮጵያዊ አሽከርካሪ የደቡብ ሱዳን ስደተኛ ላይ የመኪና አደጋ በማድረሰ ህይወቱ እንዲያልፍ አድርጓል በሚል ምክንያት በካምፕ ውስጥ የነበሩት  ስደተኛች አብዛኞቹ የኦሮሞ እና የአማራ ተወላጅ የሆኑ ኢትዮጵያውያንን  በአሰቃቂ ሁኔታ መግደላቸው የሚታወስ ሲሆን ድርጊቱን ለመቃወም አደባባይ በወጡ ዜጎች ላይ የወያኔ ፖሊሶችና ወታደሮች  በወሰዱት እርምጃ ግድያና የመቁሰል አደጋ ማድረሳችው ታውቋል። ለተቃውሞ ከወጡት መካከል 5 መገደላቸውና ከ 15 በላይ መቁሰላቸው ተገልጿል። በጋምቤላ ውጥረቱ እየከረረ ሲሆን ቁጣውም እየባሰ መምጣቱ ይነገራል ወያኔ በስደተኞቹ ስም የሚሰጠው ገንዘብ እንዳይጓደልበት ጥቃቱን ችላ ከማለቱም በላይ እያባባሰው ይገኛል።

Ø በግብጽ በተለያዩ ቡድኖች የተድራጀና የተቀናጀ ከፍተኛ የሆነ የተቃውሞ ስልፍ መታቀዱን ተከትሎ የአገሪቷ ፕሬዚዳንት ሲሲ ሰልፉን ለማስቆም በቴሌቪዥን ከባድ ማስጠንቀቂያ ሰጥተዋል።  የግብጽ ሕዝብ ከቅርብ ጊዜ ወዲህ በአገሪቱ የኢኮኖሚ ሁኔታ መዳከምና እንዲሁም የጸጥታ ኃይሎች በሰላማዊ ሕዝብ ላይ በሚወስዱት አፈና ምክንያት መማረሩን በመግለጸ ተቃውሞ እያሰማ ሲሆን ከጥቂት ሳምንታት በፊት ሁለት በግብጽ ቁጥጥር ስር ያሉ ደሴቶችን የሲሲ መንግስት ለሳኡዲ አረቢያ መስጠቱ ደግሞ ምሬቱ ይበልጥ እንዲባባስ አድርጎታል። የተለያዩ ቡድኖች የተቃውሞ ስልፍ ለማድረግ መወጣናቸው በመታወቁና ሰልፉም ሊያስከትለው የሚችለው ከፍተኛ ችግር ስጋት ስለፈጠረ ፕሬዚዳንት ሲሲ በይፋ ማስጠንቀቁያ መስጠት ተገደዋል። በንግግራቸው ላይ “የግብጽን መጥፋት የሚፈልጉ ኃይሎች እንደገና ጸጥታዋን ለማድፍረስ እየተዘጋጁ ነው ካሉ በኋላ የኛ ተግባር የህዝቡን ደህንነትና ጸጥታ መጠበቅ ስለሆነ አስፈላጊውን ርምጃ እንወስዳለን” ብለዋል። የጸጥታ ኃይሎች በተለያዩ ቦታዎች የተሰማሩ ሲሆን ሰላማዊ ስልፎችን ያደራጃሉ፤ ግለሰቦችን ይቀሰቅሳሉ ብለው የሚገምቷቸውን ግልሰሰቦችን ጋዜጠኞችንና የህግ ባለሙያዎችን ከየቤታቸው በመልቀም ያሰሯቸው መሆኑ ታውቋል።  በወታደራዊ መፈንቅለ መንግስት ሲሲ ወደ ስልጣን ከመጡ ወዲህ ከ 1000 ሰዎች በላይ የተገደሉ ሲሆን ወደ 40 ሺ የሚገመቱ ሰዎች መታሰራቸውም ይነገራል።

Ø በብሩንዲ የተናጠል ግድያው እየቀጠለ መሆኑ ተገለጸ። ሰኞ ሚያዚያ 16 ቀን 2008 ዓ..ም የብሩንዲ ምክትል ፕሬዚዳንት የጸጥታ አማካሪ የሆኑት ጄኔራል ካሩዛ እና ባለቤታቸው በመኪና ልጃቸውን ትምህርት ቤት ካደረሱ በኋላ ባልታወቁ ሰዎች የተገደሉ መሆኑ ተነግሯል። ለድርጊቱ ኃላፊነቱን የወሰደ ወገን የለም። ባለፈው ነሐሴ ወር የፕሬዚዳንቱ የግል የጸጥታ ጉዳይ ኃላፊ የሆኑት ጄኔራል ማንነታቸው ባልታወቀ ሰዎች መገደላቸው አይዘነጋም። እሁድ ሚያዚያ 15 ቀንም የብሩንዲ የሰብአዊ ጉዳይ ሚኒስትር ከቤተክርስቲያን ሲወጡ ቦምብ ተወርውሮባቸው ሳይጎዱ በህይወት ሊያመልጡ ችለዋል።  በብሩዲ በተለይ በከፍተኛ ባለስልጣኖችና የጦር መኮንኖች ላይ የሚካሄደው የተናጠል ግድያ የብሩንዲን ፕሬዚዳንት አስተዳደር እያናጋው ነው ተብሏል። የብሩንዲ የውስጥ ችግር ከጀመረ ጀምሮ ከ400 በላይ የሆኑ ሰዎች መገደላቸው ይታወቃል።

በተያያዘ ዜና ሄግ የሚገኘው የዓለም አቀፉ ፍርድ ቤት በብሩንዲ እየተካሄዱ ባሉ ወንጀሎች ላይ ክስ ለመስረት አቃቤ ህጉ የመጀመሪያ ደረጃ ጥናትና ምርመራ እያካሄደ መሆኑ ታውቋል።  የመጀመሪያ ደረጃው ጥናት እንደተጠናቀቀ ሙሉ የሆነው የምርመራና ማስረጃ የማሰባብ ስራ የሚጀመር መሆኑና  ጥፋተኛ ናቸው ተብለው የሚከሰሱ ሰዎችም ለፍርድ እንደሚቀርቡ ተነግሯል።

Ø በዳርፉር ለሶስት ተከታታይ ቀኖች በተካሄደ የውሳኔ ሕዝብ ምርጫ አብዛኛው ሕዝብ ዳርፉር  በአምስት ክልሎች መከፋፈሏን መደገፉን የሱዳን መንግስት ገልጿል። በመንግስቱ መግለጫ መሰረት በተካሄደው ምርጫ ድምጽ ለመስጠት ከተመዘገበው መካከል በምርጫው የተሳተፈው 97 በመቶ የሚሆነው እንደሆነ ሲነገር ድምጽ ከሰጠው መካከል ደግሞ 98 በመቶ የሚሆነው መራጭ ዳርፉር ለአምስት ክልሎች መከፋፈሏን መርጧል ተብሏል። በርክታ ተፈናቃዮች ድምጽ መስጠት በማይችሉበት ሁኔታና  ኃይልና ማስፈራሪያ በሰፈነበት ሁኔታ የሚካሄድ የውሳኔ ሕዝብ ምርጫ እውነተኛ የሕዝብ ፍላጎት አያንጸባርቅም በማለት አማጽያኑ ኃይሎች ምርጫው እንዳይካሄድ አድማ ያደረጉ ሲሆን የምዕራብ አገሮችም የጸጥታው ሁኔታ ለነጻና ርቱዓዊ ምርጫ ምቹ ባለመሆኑ ምርጫው መካሄድ የለበትም ማለታቸው ይታወሳል። የሱዳን መንግስት ባለስልጣኖች ምርጫው የአረብ አገሮችና ሌሎች ዓለም አቀፍ ታዛቢዎች ባሉበት የተካሄደ በመሆኑ የሕዝቡን እውነተኛ ስሜትና ፍላጎት ያንጸባርቃል እያሉ ናቸው።

ሚያዚያ 15 ቀን 2008 ዓ.ም

Ø በጋምቤላ ንጹሃን ዜጎች ድንበር ተሻግረው በመጡ የደቡብ ሱዳን ታጣቂዎች እልቂት ከተፈጸመባቸው አንድ ሳምንት ባስቆጠረበትና በታጣቂዎቹ ታግተው የተወሰዱ ህጻናት ጉዳይ አሁንም ምንም ምላሽ ባላገኘበትና እንዲሁም ዓለም አቀፉ ህብረተሰብ ድርጊቱን አውግዞ ህጻናቱ አለምንም ቅደመ ሁኔታ እንዲፈቱ ጥሪ እያቀረበ ባለበት ሰዓት ደቡብ ሱዳናውያን አሁንም 14 ኢትዮጵያውያንን መግደላቸው ታውቋል። ግድያው የተፈጸመው ከጋምቤላ ከተማ 17 ኪሎሜትር ርቀት ላይ ጃዊ የስደተኞች ካምፕ አቅራቢያ መሆኑ የተነገረ ሲሆን መንስኤው አንድ ኢትዮጵያዊ ሹፌር በአንድ የደቡብ ሱዳን ስደተኛ ላይ የመኪና አደጋ በማድረሱ ነው ተብሏል። በአራቢያው የነበሩ የደቡብ ሱዳን ስደተኞች ለአደጋው ምላሽ በአቅራቢያው የነበሩ 14 ኢትዮጵያውያንን በጭካኔ ገድለዋል። በስደተኛ ካምፕ ውስጥ የሚገኙት ደቡብ ሱዳናውያን ግድያውን የፈጸሙት በገጀራ በድንጋይ በቢላዋ መሆኑ ሲታወቅ አንድም የወያኔ ፖሊስ ሆነ ወታደራዊ ኃይል ወደ አካባቢው አለመላኩ ብዙዎችን አስገርሟል።

Ø ከአዲስ አበባ ትምህርት ቤቶች በተገኘው መረጃ በመንግስት ትምህርት ቤቶች በመምህርነት ሲያገለግሉ የነብሩ 1500 የአዲስ አበባ መምህራን የስራ መልቀቂያ አስገብተው 700 ያህሉ መሰናበታቸው ተገልጿል። መምህራኑ በሚደርስባቸው የፖሊቲካ ጫና የደሞዝ ማነስና ዓይን ያወጣ የዘር መድልዎ የተነሳ በመማር ማስተማሩ ሂደት መቀጥል ባለመቻላቸው ሥራውን ለመልቀቅ መገደዳቸው ታውቋል። መምህራን ወያኔ ባሰማራቸው የደህንነት መስርያ ቤት ባልደረባ ምመህራንና በወያኔ ስር በተደራጀ የወጣት ማህበራት ሰላዮች ክትትል እንደመደረግባቸው ታውቋል።

Ø የታንዛኒያ ባለስልጣኖች በታንዛኒያ የእስር ዘመናቸውን የጨረሱትን 74 ኢትዮጵያውያን በኬኒያ ድንበር ላይ በመጣላቸው በኬኒያ እና በታንዛኒያ መካከል ውዝግብ የቀሰቀሰ ከመሆኑ በላይ የኬኒያ ፖሊስ ስድስት ኢትዮጵያውያንን በህገ ወጥ መንገድ አገር ውስጥ ገብተዋል በማለት ማሰሩን አርብ ሚያዚያ 14 ቀን 2008 ዓ.ም.በሰጠው መግለጫ ገልጿል።  እንደ ኬኒያ ፖሊስ ከሆነ ኢትዮጵያውያን ስደተኞች በሞምባሳ በኩል አቋርጠው ወደ ደቡብ አፍሪካ ሊጓዙ ሲሉ በጥቆማ መያዛቸው ሲታወቅ ከስደተኞቹ ጋር አንድ የኬኒያ ሹፌርም አብሮ ተይዟል። ኢትዮጵያውያን ስደተኞቹ ያለ ህጋዊ የጉዞ ሰነድ ኬኒያ በመግባት ወንጀል ሲከሰሱ የኬኒያው ሾፌር ደግሞ ስደተኞችን በማስረግ ወንጀል እንደሚከሥ ተጠቁሟል። ኢትዮጵያውያን ስደተኞች በብዙ የአፍሪካ አገሮች ውስጥ የከፋ መከራና ስቃይ ይደርስባቸው እንደነብር የሚታወቅ ሲሆን አሁን ደግሞ ስደተኛነታቸው እንደ ጥፋት እየተቆጠረ መታሰር እየተለመደ በመጣቱ ድምጽ አልባ ለሆኑት ኢትዮጵያውያን ስደተኞች ሁሉም ወገን በሚችለው አቅሙና መንገድ ጉዳዩ ለሚመለከታቸው ዓለም አቀፍ ኤጄንሲ እንዲያሳውቅ ሀገር ወዳድ ዜጎች ጥሪ ያቀርባሉ።

Ø የሶማሊያው አልሸባብ ሐሙስ ሚያዚያ 13 ቀን 2008 ዓም ስድስት የወያኔ ወታደሮችን መንገድ ላይ በተቀበረ ፈንጅ መግደሉን አስታውቋል። የፈንጅ አደጋውን በደቡባዊ ባይ ግዛት ውስጥ አውደሊን ከተማ አቅራቢያ መሆኑን የገለጹ ሲሆን በጥቃቱ ወቅት የአፍሪካ ኅብረት በሶማሊያ ያሰማራቸው ሰላም አስከባሪ በወታድር አጀብ ይጓዝ እንደነበረና ከሞቱት የወያኔ ወታደሮች ውስጥ ከፍተኛ አዛዦች እንደሚገኙበት አብራርቷል። በሶማሊያ የሚገኘው የአፍሪካ ሰላም አስከባሪ ኃይል አልሸባብ አደረስኩ ስለሚለው ጥቃት የተናገረው ነገር የለም። የወያኔ አገዛዙም እንደተለመደው የተነፈሰውና ያለው ነገር አልተመዘገበም።

Ø የደቡብ ሱዳን አማጽያን መሪ ሚስተር ሪክ ማቻር ቅድሜ ሚያዚያ 15 2008 ዓ.ም.  ጁባ እንዲገቡ በዓለም አቀፍ ድርጅቶች የተሰጠውን ቀነ ቀጠሮ አሁንም ያልተከበረ መሆኑ ታውቋል። ባለፈው ዓመት በተደረሰው ስምምነት መሠረት ሚስተር ማቻር ጁባ እንዲገቡ ታቅዶ የነበረው ሚያዚያ 10 ቀን 2008 መሆኑ የሚታወስ ሲሆን አጅበው በሚገቡ ወታደሮች ብዛት ላይ እና ሊይዟቸው በሚችሉ የመሳሪያ ዓይነቶች ላይ ከሱዳን መንግስት ባለስልጣኖች ጋር ስምምነት ባለመደረሱ ጉዟቸው የዘገየ መሆኑ ተነግሯል፡፤ ትናንት አርብ ሚያዚያ 14 ቀን 2008 ዓም በነፍስ ወከፍ ኤኬ 47 አውቶማቲክ መሳሪያ ከታጠቁ 190 አጃቢዎች  እና 20 መትረየሶችና ከ20 አርፒጂ ጋር እንዲገቡ ስምምነት ላይ የተደረሰ በመሆኑ በሚቀጥለው ሳምንት ጁባ ይገባሉ ተብሎ ይጠበቃል። የደቡብ ሱዳን የማስታወቂያ ሚኒስትር እንደገለጹት ሚስተር ሪካ ማቻር የሚጓዙበት አውሮፕላን ወደ ክልሉ እንዲገባ የሚፈቀድለት ከጋምቤላ አውሮፕላን ማረፊያ ከመነሳቱ በፊት የሚመጡት ሰዎች ቁጥርና የያዙት መሳሪያ በስምምነቱ መሰረት መሆኑን የዓለም አቀፍ ድርጅት አባላት ማረጋገጫ ከሰጡ በኋላ ብቻ ነው ብለዋል። የተባበሩት መንግስታት ድርጅት ዋና ጸሐፊ እንዲሁም አሜሪካ እንግሊዝ እና ኖርዌይ ሚስተር ሪክ ማቻር እንዲመለሱ ከፍተኛ ግፊት ሲያደርጉ መቆየታቸው ተነግሯል።

Ø በግብጽ የቀድሞው ፕሬዚዳንት መሀመድ ሞርሲ የካታር መንግስት ሰላይ ናቸው በሚል ቀርቦባቸው የነበረው ክስ ዛሬ ሚያዚያ 15 ቀን ሊታይ ታቅዶ የነበረ ሲሆን ፍርድ ቤቱ በጉዳዩ ላይ ዝግጅት ያስፈልጋል በሚል ለሚያዚያ 30 ቀን 2008 ዓ.ም.  ያስተላለፈው መሆኑ ተነግሯል። ካታር የሚስተር ሞርሲን አስተዳደርና የግብጽን የሙስሊም ወንድማማቾች ማህበር ስትረዳ መቆየቷ የሚታወቅ ሲሆን  የፕሬዚዳንት ሲሲ አስተዳደር ካታር በግብጽ የውስጥ ጉዳይ ጣልቃ ገብታለች በሚል ክስ ትታሰማ መቆየቷም ይታወቃል። በፕሬዚዳንት ሲሲ እና በተባባሪዎቻቸው አማካይነት በተካሄደ ወታድራዊ መፈንቅለ  መንግስት በስልት ከስልጣናቸው የተነሱት ሞርሲ ከዚህ ቀደም በሶስት የተለያዩ ወንጀሎች ተከሰው የሞት ፍርድ፤ የእድሜ ልክ እስራትና የሃያ አመታት እስራት የተበየነባቸው መሆኑ ሲታወቅ ይህኛው ክስ አራተኛው መሆኑ ነው። ሞርሲ እና ሌሎች አስር ሰዎች የግብጽ የጸጥታ ሁኔታን የሚመለከቱ ሚስጥራዊ ሰነዶች በሚሊዮን የሚቆጠር ገንዘብ ተቀብለው ከካታር ሸጠዋል የሚል ክስ አቃቤ ህጉ ያቀረበባቸው መሆኑ ታውቋል።

Ø በዚህ ሳምንት በማሊ በአማጽያን ታግተው የነበሩ ሶስት የቀይ መስቀል ሠራተኞች አለምንም ቅደመ ሁኔታ የተለቀቁ መሆናቸው ተነገረ። በሰሜን ማሊ የሚንቀሳቀሰውና ከአልካይዳ ጋር ግንኙነት አለው የሚባለው አንሳር ዲን የተባለው ድርጅት ባለፈው ሐሙስ በሰጠው መግለጫ ሰራተኞቹን ያገተው ድርጅቱ መሆኑንና ሊፈቱ የሚችሉት በፈረንሳይ ወታደሮች ቁጥጥር ስር ያለው ሚያቴን አግ ማያሪስ የተባለው የድርጅቱ አባል ሲፈታ ብቻ መሆኑን ገልጾ እንደነበር ይታወሳል። አርብ ዕለት ታግተው የእርዳታ ሰጭ ድርጅቶች መለቀቃቸው የተነገገረ ሲሆን ሊለቀቁ የቻሉትበፈረንሳይ ወታደሮች ቁጥጥር ስር የሚገኘው ግለሰብ ስለተለቀቀ ይሁን አይሁን አልታወቀም። ሰላም በማስከበር ስም ፈረንሳይ በሰሜን ማሊ ከ3500 በላይ የሆኑ ወታደሮች እንዳላት ይታወቃል።

Ø በምስራቅ ሊቢያ ራሱን መንግስት ነኝ የሚለው ክፍል ፓርላማ በተመድ አማካይነት የተቋቋመውን መንግስት ለመደገፍ ውደ ኋላ ሲል መቆየቱ ይታወሳል። ባለፈው ሐሙስ 198 ከሆኑት የምክር ቤቱ አባላት መካከል 108 የሚሆኑት የአንድነት መንግስቱን መደገፋቸውን በመግለጽ መግለጫ ያወጡ ቢሆንም በዙዎቹ በግል ማስፈራሪያ ስለደረሳቸው ድምጽ ሊሰጥበት የሚችል ስብሰባ ማካሄድ ያልቻሉ መሆኑ ተገልጿል። አርብ ሚያዚያ 14 ቀን የምዕራብ መንግስታት አምባስደሮች በሰጠቱ መግለጫ ማስፈራሪያውን በጽኑ አውግዘው አንዳንድ የምክር ቤቱ አባላት የተደረገባቸውን ተጽእኖ ተቋቁመው ድምጻቸውን ለማሰማት መቻላቸውን አወድሰዋል። ምከር ቤቱ ተሰብቦ ውሳኔዎችን በህጋዊ መንገድ እንድያስወስንም ተማጽነዋል።

ሚያዚያ  14 2008 ዓ ም

Ø በጋምቤላ የደረሰውን አሰቃቂና ዘግናኝ እልቂት በመቃወም ዜጎች በተለያዩ መንገዶችና ዘዴዎች ተቃውሟቸውን እየገለጹ ይገኛሉ። በዚህ መሰረት በዛሬው ዕለት ሚያዚያ 14 ቀን 2008 ዓ.ም. በአዲስ አበባ ከተማ በተለምዶ ሰንጋ ተራ በሚባለው አካባቢ ተማሪዎች ፊታቸውን ጥቁር ቀለም በመቀባት በጋምቤላ የደረሰውን ፍጅት በመቃወወም አስቸኳይ መፍትሄ እንዲፈለግ እየጠየቁ ባለበት ሰዓት ከሆቴል ደ  አፍሪክ ከሚባለው ሆቴል አካባቢ የነበረው የወያኔ የፖሊስ ኃይል ተማሪዎቹን በዱላ በመደብደብ ማባረሩን በቦታው የነበሩ የአይን እማኞች ተናግረዋል። እነዚህ ከተለያዩ ትምህርት ቤቶች የተውጣጡና  በራሳቸው ፍላጎት ለወገኖቻቸው ሞትና መታፈን የቆሙ ወገኖች መደብደባቸው ብቻ ሳይሆን ተይዘው መታሰራቸው ታውቋል።

Ø በጋምቤላ የተፈጸመውን ዘግናኝ እልቂት ተከትሎ ልዩ ልዩ አገራትና ድርጅቶች የውግዘት ድምጻቸውን እያሰሙ ነው። ዓለም አቀፉ የህጻናት መርጃ ድርጅት ፍጅቱን በማውገዝ የታገቱት ህጻናት ያለምንም ቅድመ ሁኔታ እንዲፈቱ መጠየቁን የዘገብን ሲሆን ሀሙስ ዕለትም የአውሮፓው ህብረት በደቡብ ሱዳን ታጣቂዎች ታፍነው የተወሰዱት ህጻናት እንዲፈቱ ጥሪ አድርጓል። የአውሮፓ ህብረት ባለስልጣኖች ለተጎጂ ቤተሰቦች መጽናናትን ተመኝተው የደቡብ ሱዳን ባለስልጣናት በአስቸኳይ የታገቱት ልጆች ወደ ቤተሰባቸው እንዲመለሱ ጥረታቸውን እንዲጨምሩና ፍጅቱን ያካሄዱት ለህግ እንዲያቀርቡ ጠይቀዋል።

Ø የጋምቤላውን እልቂት ተከትሎ የደቡብ ሱዳን መንግስት ባለስልጣኖች እርስ በርስ መካሰስ መጀመራቸው ታውቋል። የሱዳኑ ዕለታዊ ጋዜጣ ሱዳን ትሪቡን እንደዘገበው የደቡብ ሱዳን ከፍተኛ የጦር መኮንኖችና ጀኔራሎች ለጋምቤላው ፍጅት የቦማ ግዛት ኃላፊዎችን ተጠያቂ አድርገዋል። የቦማ ግዛት ገዥ ባባ ሜዳ ለጥቃቱ ጀርባ እንደሆኑ የመርሌ ጎሳ አባል የሆኑት ሌ/ጄኔራል ዲቪድ ዋዩ ተናግረው መረጃውን ከአካባቢው መሰብሰባቸውን ገልጸዋል፡፡ አያይዘውም የቦማ ግዛት ኃላፊዎች ለእልቂቱ የጦር መሳሪያ በማቀበል በኑር ጎሳ አባላት ላይ ጥቃቱ እንዲፈጸም አስተባብረዋል በማለት የቦማ ባለሥልጣኖች የያገተቱን ህጻናት በአስቸኳይ እንዲፈቱ ጠይቋል። የቦማ ግዛት ኃላፊዎች ግን የተሰነዘረባቸውን ክስ በማስተባበል በጋምቤላው ጥቃት እጃቸው እንደሌለና በግዛቱ ያሉ ታጣቂዎችም የደቡብ ሱዳን ጦር አባል ሆነው መካተታቸውን ተናግረዋል።

Ø ሐሙስ ሚያዚያ 13 ቀን 2008 ዓም አምነስቲ ኢንተርናሽናል የተባለው የሰብአዊ መብት ተከራካሪ ድርጅት ባወጣው ዘገባ ባለፈው ታህሳስ ወር የናይጄሪያ ወታደራዊ ተቋም  350 የሚሆኑ የሺያ እስላም ተከታዮችን ገድሏል፣ አስከሬናቸውን በአንድ ጉድጓድ ውስጥ በጅምላ ቀብሯል፣ እንዲሁም ድርጊቱን ለመሸፈን የተለያይ እርምጃዎችን ወስዷል በማለት ወንጅሎታል። የሰብአዊ ድርጅቱ በመግለጫው ላይ ሟቾቹ የተገደሉት የአንድ ወታደራዊ ክፍል መሪ የነበሩትን ጄኔራል ለመግደል ሙከራ ሲያደርጉ ነው በሚል ከናይጄሪያ መከላከያ ተቋም የተሰጠውን ምክንያትም መሰረተ ቢስ ነው በማለት አጣጥሎታል። የናይጄሪያ መከላከያ ሚኒስቴር ቃል  በአምነስቲ የቀረበው ዘገባ ነጻና ፍትሃዊ በሆነ መንገድ የተዘጋጀ አለመሆኑን ገልጾ ዘገባውን ከማውጣቱ በፊት ስለዝርዝሩ ሊያሳውቀንና አስተያየታችንን ሊጠይቅ ይገባው  ነበር ብሏል። ትክክለኛ መረጃ አለን ካሉ ያቅርቡና ያሳምኑን የሚል ቃልም አሳምቷል።  ባለፈው ታህሳስ ወር የኢስላሚክ ሙቭመንት ኦፍ ናይጄሪያ የተባለው የሺያ ሙስሊም ድርጅት  አባላት በሰሜን ናይጀሪያ ውስጥ በጸሎት ላይ እያሉ በነበረት ወቅት የወታደራዊ ተቋም መሪ የየሆኑት ጄኔራልን አጅቦ የነበረው ኮንቮይ በአካባቢው እንዳያልፍ በሰላማዊ መንገድ ተቃውሞ በማሰማታቸው  ወታደሩ በወሰደው የበቀል እርምጃ ከ350 ሰዎች በላይ ለመግደል ችሏል ተብሏል። ይህንንም ሀቅ ባለፈው ሳምንት አንድ የናይጄሪያ ከፍተኛ ባለስልጣን የመሰከረ  መሆኑ ተገልጿል። አምነስቲ ኢንተናሽናል በዘገባው ላይ ፕሬዚዳንት ቡሃሪ በጉዳዩ ላይ ምርመራ ተካሄዶ አስፈላጊው እርምጃ ይወሰዳል ብለው ቃል ቢገቡም እስካሁን የተወሰደ እርምጃ የለም ሲል  ዘግቧል። እንዲያውም በተጻራራው  የናይጀሪያ የዜና አውታሮች ሐሙስ ሚያዚያ 13 ቀን  በዘገቡት ዜና ካዱና በተባለችው ከተማ 50 የሚሆኑ የሺያ እምነት ተክታይ አባላት አንድ ወታደር ገድለዋል የሚል ክስ ቀርቦባቸው የሞት ቅጣት እንዲፈጸምባቸው እየተጠየቀ መሆኑ ተገልጿል።

በተያያዘ ዜና በሰሜን ምስራቅ ናይጄሪያ ቤት ንብረታቸውን ጥለው በተሰደዱ ዜጎች ካምፕ አጠገብ አንዲት የቦኮ ሃራም  አጥፍቶ ጠፊ ባፈነድችው ቦምብ ሰባት ሰዎች የተደሉ መሆናቸውን የናይጄሪያ ወታደራዊ ተቋም ቃል አቀባይ ሐሙስ ዕለት ከሰጠው መግለጫ ለማወቅ ተችሏል። የቦምቡ ፍንዳታ የደረሰው ባለፈው ረቡዕ ሚያዚያ 12 ቀን 2008 ዓም በንጋቱ ላይ ሲሆን ማይዱጉሪ ከተባለው ከተማ 130 ኪሎ ሜትር ርቆ በሚገኝ የናይጄሪያና የካሜሩን ወሰን ላይ ነው። ቦምቦችን ለማፈንዳት  ቦኮ ሃራም ከላካቸው ሁለት ሴቶች መካከል አንደኛዋ የያዛቸውን ቦምብ ሳታፈንዳ እጅ ከፍንጅ ተይዛለች ተብሏል። ቦኮሃራም አእምሮ የሚመረዝ እጽን እየሰጠ ቦምብ እንዲያፈነዱ የሚልካቸው ሴቶችና ህጻናት ቁጥር ከጊዜ ወደ ጊዜ እየጨመረ መሄዱ ይታወቃል።

Ø ሂውማን ራይትስ ዎች የተባለው የሰብአዊ መብት ተከራካሪ ድርጅት ሐሙስ ሚያዚያ 13 ቀን 2008 ይፋ ባደረገው ዘገባ በግብጽ ፖሊሶች ቁጥጥር ስር ያሉ እስረኞች ሰቆቃዊ ድርጊት እየተፈጸመባቸው መሆኑን አጋልጧል። ከእነዚህ መካከል የተወሰኑት ህጻናት መሆናቸውንም ገልጿል። የሰብአዊ መብት ተከራካሪ ድርጅቱ ይፋ ባደረገው ዘገባ ባለፈው የካቲት ወር ህገ ወጥ በሆኑ የተቃዋሚ ስልፎች ላይ ተሳትፋችኋል፤ የንብረትና መዝረፍና የማቃጠል ወንጀል ፈጽማችኋል ተብለው  በአሌክሳንድሪያ የታሰሩ ዜጎች በእስር ላይ እያሉ ከፍተኛ ድብደባና የአካል ስቃይ የደረሰባቸው መሆኑን ለቤተሰቦቻቸው መናገራቸውን ዘግቧል። ድርጅቱ ከ20 በላይ በሚሆኑ እስረኞች ላይ ድብደባ እንደተፈጸመ መረጃ የደረሰው መሆኑን ገልጾ የግብጽ መንግስት ከፍተኛ ድብደባ የፈጸመባቸው እስረኞች በቁጥጥር ስር መደረጋቸውን በመጀመሪያ ክዶ የነበረ መሆኑን የሰብአዊ መብት ድርጅት መግለጫ ያጋልጣል። የግብጽ ባለስልጣኖች ዘገባው የፈጠራ መረጃው የያያዘ ነው በማለት አጣጥለውታል።  ወታደራዊ መንግስት ወደ ስልጣን ከመጣ ጀምሮ በዜጎች ላይ የሚወስደው አሰቃቂ እርምጃ ከጊዜ ወደ ጊዜ እየጨመረ መምጣቱ በየጊዜው የተገለጸ ሲሆን ባለፈው ዓመት በቁጥጥር ስር የሚገኙ እስረኞችን በድብደባ  ገድላችኋል ተብለው በርካታ የግብጽ ፖሊሶች ክስ ተመስርቶባቸው የተፈረደባቸው መሆኑ ይታወሳል።

Ø የቻዱ ፕሬዚዳንት ኢድሪስ ዲቢ ለአምስተኛ ጊዜ በምርጫ አሸንፈው ስልጣን የተቀዳጁ መሆኑ ሐሙስ ሚያዚያ 13 ቀን 2008 ተነገረ። ኢድሪስ ዲቢ  የድምጹን 60 ከመቶ በማግኘት  17 የሚሆኑ ተወዳዳሪዎቻቸውን አሸንፈው ነው ድል ተቀዳጅተዋል የተባለ ሲሆን ያገኙት ከድምጹ 50 ከመቶ በላይ በማግኘታቸው ሁለተኛ ዙር ምርጫ ማካሄድ አላስፈለጋም። ተቃዋሚ ፓርቲዎች ምርጫው የተጭበረበረ ስለሆነ አንቀበለውም ብለዋል። በርካታ የምርጫ ሳጥኖች የተሰረቁ መሆናቸውንና ፤ ወታደሮችን ጨምሮ ኢድሪስ ዲቢን  በመቃወም ድምጽ የሰጡ ግለሰቦች መታሰራቸውና መዳረሻቸው መጥፋቱን ተናግረዋል። የአፍሪካ ህብረት ታዛቢዎች ምርጫው ነጻና ፍትሃዊ ነው ቢሉም በርካታ ሰዎች ያልተዋጠላቸው መሆኑ ታይቷል። በምርጫው ወቅት የኢንተርኔት አገልግሎት ሙሉ በሙሉ ተቋርጦ የነበረ ሲሆን በሞባይል ስልኮች መልክቶችን መለዋውጥ ሳይቻል ቀርቷል። ከጥቂት ቀናት በፊት አራት የሲቪል ማህበራት መሪዎች ሕዝቡን ለስላማዊ ስልፍ አነሳስታችኋል በማለት መታሰራቸው ይታወሳል። ምርጫው የተካሄደው የሆስፒታል ሰራተኞች የትምህርት ቤት አስተማሪዎችና የዩቢቨርስቲ ፕሮፈሰሮች የተወዘፈ ደሞዛቸው እንዲከፈል የስራ ማቆም አድማ ባደረጉበት ወቅት ነው። ቻድ በ1995 ዓም በአገሪቱ የተገኘውን የነዳጅ ምርት መጠቀም ብትጀምርም 13 ሚሊዮን የሚሆነው የአገሪቱ ዜጋ ከድህነት በታች በሆነ የኑሮ ሁኔታ ውስጥ የሚኖር ሲሆን  ከቻድ ዜጎች መካከል ከ 10 ሩ  ሰባቱ መጻፍ እና ማንበብ እንደማይችሉ መረጃዎች ይፋ አድርገዋል።

Ø 36 የጋምቢያ  የተቃዋሚ ፓርቲ መሪዎችና አባላት ሐሙስ ዕለት ፍርድ ቤት ቀርበው በልዩ ልዩ ወንጀሎች የተከሰሡ መሆናቸው ተገለጸ፡፤ የዩናይትድ ዴሞክራቲክ ፓርቲ መሪ ሚስተር ዳርቦይ ከተከሰሱት መካከል አንዱ ሲሆኑ ተካሶቹ በስድስት የተለያዩ ክሶች የተከሰሱ መሆናቸውና በዋስ ለፈቱ መቻላቻውና አለመቻላቸው በሚቀጥለው ሳምንት እስከሚወሰን ድረሰ በእስር ቤት እንዲቆዩ የተደረገ መሆኑም ተነግሯል። የዩናይትድ ዴሞክራቲክ ፓርቲ የድርጅት ጉዳይ ጸሐፊ ሚስተር ሳንዴንግ እና ሌሎች ባለፈው ሳምንት ሐሙስ ዕለት ያልተፈቀደ ሰላማዊ ስልፍ አደራጅታችኋል በሚል ሰበብ የታሰሩ መሆናቸው ሲታወቅ ግለሰቡና ሌሎች ሁለት ሴቶች በእስር ቤት በድብደባ ህይወታቸው ያለፈው መሆኑ ተነግሯል። የፓርቲው መሪ ሚስተር ዳርቦይ እና ሌሎች ተከሳቾች የታሰሩት ባለፈው ቅዳሜ ቀደም ብለው የታሰሩት አባሎቻቸው የታሰሩበት ምክንያት አለአግባብ አለመሆኑን ለመግለጽ ሰላማዊ የተቃውሞ ሰልፍ ሲያደርጉ ነው ። የአፍሪካ የሂውማን ራይትስ ኮሚሽን እና ሌሎች የሰብአዊ መብት ድርጅቶች የታሰሩትን  ለመጎብኘት እንዲችሉ ፈቃድ የጠየቁ መሆናቸው ታውቋል። 

ሚያዚያ 13 ቀን 2008 ዓ.ም.

Ø ስድስተኛ ቀኑን ያስቆጠረው የጋምቤላ እልቂት በታጣቂዎች ታፍነው የተወሰዱ ሕጻናት ሊገኙ አለመቻላቸው አጠያያቂ እየሆነ ነው። ዓለም አቀፍ የሕጻናት መርጃ ድርጅት ዩኒሲኤፍም ከጋምቤላ የተጠለፉ ሕጻናት አለምንም ቅድመ ሁኔታ ባስቸኳይ እንዲለቀቁ ጥሪ አድርጓል። በጋምቤላው እልቂት ከ200 ሰው በላይ ተገድለው በመቶ የሚቆጠሩ ቆስለው ከ20 ሺ በላይ ከቀየው ተፈናቅሎ መሰደዱም ታውቋል። የወያኔ መሪዎች ከቀያቸው ለተፈናቀሉት ዜጎች የሚያደርጉት እንክብካቤ በጋምቤላ ካሉት የደቡብ ሱዳን ስደተኞች በጣም ያነሰ እንደሆነ እየተገለጸ ሲሆን የወያኔ ወታደራዊ አለቆች ህጻናቱን ለማስለቀቅ ፍንጭ አግኘተናል አካባቢውን እየከበብን ነው ይበሉ እንጅ ዝርዝር ጉዳዮችን ግን አላብራሩም።

Ø የአባይን ግድብ አስመልክቶ በወያኔ በግብጽና በሱዳን መካከል የሚደረገው የዙር ንግግር ባለበት እርገጥ በሆነበት በአሁኑ ሰዓት የወያኔ የግብጽና የሱዳን የውሃ ሚኒስትሮች ካርቱም ላይ አንድ ዝግ ስብሰባ ማድረጋቸውን የሱዳን ሚዲያዎች ዘግበዋል። በዋናነት የአባይ ግድብን በሚመለከት መምከራቸው ታውቋል።

Ø ባለፈው ሳምንት በምዕራብ አፍሪካ በምትገኘው ጋምቢያ ውስጥ የተደረገውን ሰላማዊ ሰልፍ ህገ ወጥ በሆነ መንገድ አደራጅታችኋል በሚል ወደ 40 የሚጠቁ ዜጎች ተከሰው ፍርድ ቤት የቀረቡ መሆናቸው ተገለጸ። ባለፈው ሳምንት በጋምቢያ ውስጥ ሀገሪቱ የምርጫ አሰራርና ህግ እንዲሻሻል ለመጠየቅ በተቃዋሚ ፓርቲዎች አደራጀነት ከፍተኛ የተቃውሞ ስልፍ መካሄዱ የሚታወስ ሲሆን ፖሊስ ስልፉን ለመበተን ጥያት የተኮሰ መሆኑና በርካታ ሰዎችም ይዞ ተነግሯል። ተይዘው ከነበሩት መካከል ሶስት የተቃዋሚው ፓርቲ ነባር አባላት በእስር ቤት ውስጥ መገዳላቸው ይታወቃል። ጋምቢያ በሚቀጥለው ዓመት ታህሳስ ወር ውስጥ ብሄራዊ ምርጫ ለማካሄድ ማቀዷ ታካሄዳለች ተብሏል።

Ø በብሩንዲ ዋና ከተማ በብጁምብራ አንድ የኮሎኔል ማዕረግ ያለው ወታደራዊ መኮንን ባልታወቁ ሰዎች መገደሉ የአገር ውስጥ የዜና ምንጮች ገልጸዋል። ኮሎኔል አማኑኤል ቡዙቦና የተባለው መኮንን የተገደለው ከአንድ ሌላ ሰው ጋር በሞተር ቢስክሌት እየተጓዘ በነበረበት ወቅት ላይ ሲሆን አብሮት የነበረውም ሰው የተገደለ መሆኑ ታውቋል። በብሩንዲ ውስጥ የርስ በርስ ግጭት ከተጀመረ ወዲህ   ወታደራዊ መኮንኖች ማንነታቸው ባልታወቀ ሰዎች በተደጋጋሚ እየተገደሉ መሆናቸው ሲታወቅ የመንግስቱን ስልጣን በያዘው ኃይልና በተቃዋሚዎች መካከል እርቅ እስካልሰፈነ ድረስ ችግሩ ሊቀጥል እንደሚችል ጉዳዩን በቅርብ የሚከታተሉ ወገኖች ይናገራሉ።

Ø ባለፈው ማክሰኞ ሚያዚያ 11 ቀን 2008 ዓም ለረቡዕ አጥቢያ  የቦኮ ሃራም ታጣቂዎች  በሰሜን ምስራቅ ናይጄሪያ ዳማቱሩ ከተማ በሚገኝ አንድ መንደር ውስጥ በፈረስ ሆነው ወረራ ከአካሄዱ በኋላ 11 ሰዎች የገደሉ መሆናቸው በአካባቢው የነበሩ የዓይን እማኞች ለዜና ምንጮች ገልጸዋል። ከሁለት ሳምንት በፊትም ተመሳሳይ ጥቃት ፈጽመው 20 ሰዎች መግደላቸው ተነግሯል። የቦኮ ሃራም ታጣቂዎች እኩለ ሌሊት ላይ ወደ መንደሯ ገብተው የእሩምታ ተኩስ ሲከፍቱ ነዋሪዎች በመደናገጥ ቤታቸው እየጣሉ የወጡ ሲሆን በነበረው ተኩስ አስራ አንድ ሰዎች መገደላቸውና እና ሌሎች ቀጥራቸው ያልታወቀ ሰዎች የአካል ጉዳት የደረሰባቸው መሆኑ ነዋሪዎቹ ተናግርዋል፡፤  አጥቂዎቹ እህል ንብረትና ከብቶች ከዘረፉ በኋላ መንደሩን አቃጥለው የሄዱ መሆናቸው ታውቋል፡፤ አሸባሪዎቹ  የድብቅ ካምፖችን በመስራት የጦር ስፈር አድርገው ከቆዩበት ሳምቢሳ ከተባለው ጫካ ሳይመጡ አልቀረም የሚል ግምት አለ። የናይጀሪያ ወታደራዊ ተቋም ቦኮ ሃራምን ማጥቃቱንና ማዳከሙን በመግለጽ በተደጋጋሚ መግለጫ የሰጠ መሆኑ የሚታወስ ሲሆን ቡድኑ  ጎላ ያለ እንቅስቃሴ በማድረግ የሚያካሂዳቸው ጥቃቶች አለመዳከሙን ያሳያል የሚሉ በርካታ ናቸው።

Ø በደቡብ አፍሪካ ላለፉት አራት ዓመት ከመስሪያ ግዥ ጋር ተያይዞ ፕሬዚዳንት ዙማ እና ሌሎች ባለስልጣናት ከፍተኛ ሙስና ፈጸመዋል በሚል ቀርቦ የነበረው ክስ ሲያጣራ የነበረው ኮሚሽን ስራውን መፈጸሙንና ፕሬዚዳንቱን ነጻ ማውጣቱን ፕሬዚዳንት ዙማ በሰጠቱ መግለጫ ገልጸዋል። ፕሬዚዳንቱ ሐሙስ ሚያዚያ 13 ቀን 2008 ዓ.ም በሰጡት መግለ ኮሚሽኑ ዘገባውን ያቀረበው ከአራት ወራት በፊት ቢሆንም አሁን ለሕዝብ ይፋ ሆኗል ካሉ በኋላ ባደረገው ምርመራ መሰረት በእሳቸውም ሆኖ በሌሎች ላይ ምንም ጥፋት ያላገኘ መሆኑን ገልጸዋል። ፕሬዚዳንት ዙማ ምክትል ፕሬዚዳንት ሆነው በነበሩበት ወቅት እሳቸውና አማካሪዎቻቸው ከዓለም አቀፍ የመስራሪያ ሻጭ ድርጅቶች በርካታ ገንዘብ ወስደዋል ተብለው ተከሰው የነበሩ ሲሆን አማካሪያቸው በተመሳሳይ ክስ የአስራ አምስት ዓመት እስራት የተፈረደባቸው መሆኑና ተቃዋሚዎች በአቃቤ ህጉ ላይ ያልሆነ ተጽእኖ አምጥተዋል በሚል ምክንያት በዙማ ላይ የነበረው ክስ እንዲነሳ ተድርጎ የነበረ መሆኑ ይታወሳል። ዙማ የአገሪቱ ፕሬዚዳንት ሆነው ከተመረጡ በኋላ ጉዳዩን እንዲመረምር አዲስ ኮሚሽን ቢያቋቁሙም፤ አካሉ ኃይል እና ስልጣን ኖሮት አለተጽእኖ  ስራውን ሊያከናውን የሚችል አይደለም በማለት አንዳንድ ወገኖች  ሲያጣጥሉት እንደነበር አይዘነጋም።

ሚያዚያ 12 ቀን 2008 ዓ.ም.

Ø የወያኔ መሪዎች የአምስት ዓመት የትራንስፎርሜሽን ዘመን እያሉ በሚጠሩት የህልም እቅድ ሰባትና ከዚያም በላይ ስኳር ፋብሪካ እንገነባለን፤ ስኳር ከእኛ ፍላጎት በላይ አምርተን ወደ ውጭ እንልካለን በማለት ፕሮፓጋንዳ ሲነፉ የቆዩ መሆናቸውና  የወያኔም የፕሮፓጋንዳ ወፍጭዎች ይህን ተቀብለው ማስታጋባታቸው የሚታወስ ሲሆን አሁን ደግሞ የስኳር እጥረት በመኖሩ ስኳር ከውጭ ለማስገባትና ዋጋውን ለማናር ዝግጅት መደረጉ እየተነገረ ነው። የወያኔ መሪዎች የስኳር ፋብሪካ ይገነባበታል የተባለውን በመቶ ሚሊዮን የሚቆጠር ብር ከመዘበሩ ወዲህ አሁን ደግሞ ስኳር ከውጭ በማስመጣት ና በመቸብቸብ ትርፍ ለማግኘት ያቀዱ ሲሆን የአንድ ኪሎ ስኳር ዋጋ አሁን ባለበት 18 ብር ከ60 ሳንቲም ወደ 21 ብር ከፍ እንደሚል ታውቋል። የዋጋ ጭማሪው ስኳሩ ከውጭ ስለሚመጣ የውጭ ምንዛሬ ማጣጫ ነው ተብሏል።

Ø በአዲስ አበባ ከተማ ከፍተኛ የነዳጅ ዕጥረት መከሰቱና የነዳጅ ማዳያዎችም በመኪናዎች ስልፍ መጨናነቃቸው ታውቋል። የነዳጅ ዕጥረቱ በተለይ በናፍታ ላይ የበረታ ሲሆን ይህን ተከትሎ በአዲስ አበባ የትራንስፖርት ችግር እየፈጠረ መሆኑ ተደርሶበታል። በአሁኑ ወቅት  የነዳጅ ዕጥረቱ ለምን እንደተከሰተ የወያኔ መሪዎች የሰጡት ይፋ ማብራሪያ የሌለ ሲሆን አንዳንድ ከፍተኛ ካድሬ ነን ባዮች በቅርብ በጣለው ኃይለኛ ዝናም  በጂቡቲ መስመር የሚገኙ መንገዶችንና ድልድዮች ከጥቅም ውጭ በማድረጉ የመጫኛ ቦቴዎች እንደልብ መንቀሳቀስ ባለማቻላቸው በማለት ለመግለጽ ይሞክራሉ።

Ø በኢትዮጵያ ውስጥ ካለው የመኪና ብዛትና በመኪና ግጭት ምክንያት የሚሞተው ሰው ተመጣጣኝ አለመሆኑና በትራፊክ አደጋ የሚሞቱት ኢትዮጵያውያን ቁጥር ከፍተኛ መሆኑ ሪፖርት በሚደረግበት ሰዓት በትናንትናው ዕለት ሚያዚያ 11 ቀን 2008 ዓም. በሰሜን ወሎ በቆቦ ከተማ እጅግ አሳዛኝ የመኪና አደጋ የደረሰ ሲሆን በዚህ አደጋ በትንሹ የ 25 ሰዎች ህይወት መጥፋቱ ታውቋል። አደጋው ከጠዋቱ አስር ሰዓት መድረሱን የገለጸው መረጃ  ሸቀጣ ሸቀጦችን ጭኖ ከመቀሌ ይመጣ የነበረ አንድ ከባድ ካሚዮን 16 ተሳፋሪዎችን ይዞ ከቆቦ ወደ አላማጣ ይጓዝ ከነበረ ሚኒባስ ጋር በመጋጨቱ መሆኑ ሲታወቅ በግጭቱ አቅራቢያ የነበሩ በእግርና በብስኪሌት ይጓዙ የነበሩም ህይወታቸው መጥፋቱ ታውቋል።

Ø የደቡብ ሱዳን አማጽያን መሪ ሪክ ማቻር በደቡብ ሱዳን ዋና ከተማ በጁባ እገባለሁ ባሉበት ቀን ባለመግባታቸው በደቡብ ሱዳን ሰላም ሊወርድ ይችላል የሚለውን ተስፋ ያጨለመ  መሆኑ እየተነገረ ይገኛል። ማቻር ጁባ ይገባሉ ተብሎ የነበረው ሰኞ ሚያዚያ 10 ቀን 2008 ዓ.ም. ሲሆን ላለመሄዳቸው የሎጂስቲክስ ችግር እንደ ምክንያት ሆኖ ሲገለጽ ቆይቷል። የደቡብ ሱዳን መንግስት ማክሰኞ ዕለት ከሰጠው መግለጫ ለማወቅ እንደተቻለው ለጉዞው መዘግየት ምክንያት የሆነው ጉዳይ ማቻር ከስምምነቱ ውጭ በርካታ መሳሪዎችን የፀረ ታንክ የሆኑኑ በሌዘር የሚመሩ ሚሳየሎችና እንዲሁምከባድ መሳሪዎችን ይዘው ለመምጣት በመፈለጋቸውና በመከልከላቸው ነው ተብሏል።  እርቁን በማስተባበር  በኩል ግምባር ቀደም ሚና የነበራቸው የቀድሞ የቦትስዋና ፕሬዚዳንት ሁለቱም ወገኖች ስምምነቱን የፈረሙበትን መንፈስ እንዲጠብቁና እንዲያከብሩ ተማጽነዋል። አሜሪካ እና ሌሎች የምእራብ አገሮች ሚስተር ማቻር ቃል በገቡት መሰረት ወደ ጁባ አለመሄዳቸው በሰላሙ ሂደት ላይ ከፍተኛ አደጋ ፈጥሯል ብለዋል። የአማጽያኑ ቃል አቀባይ ለሚስተር ማቻር ጉዞ መዘግየት አሁንም የሎጂስቲክስ እና የአስተዳደር ችግር መሆኑን ገልጾ ረቡዕ ዕለት ወደ ጁባ ይገባሉ የሚል ቃል ሰጥቷል።

Ø ከሳምንቱ መጀመሪያ ጀምሮ በዛምቢያ ዋና ከተማ በሉሳካ በውጭ ዜጎች በተለይም በሩዋንዳ ዜጎች ላይ ሲካሄድ የነበረው ጥቃት ተጠናክሮ ቀጥሎ ቢያንስ ሁለት ሰዎች በህይወታቸው መቃጠላቸው ታውቋል። ችግሩ የጀመረው  በዛምቢያ የሚኖሩ የሩዋንዳ ዜጎች ባህላዊ ተግባራቸውን ለመወጣት በሚል ሰባት የሚሆኑ ዛምብያውያንን ገድለውና  የአካሎቻቸውን አንዳንድ ክፍሎች ወስደው፣ አስከሬናቸውን መንገድ ላይ ጥለዋል በሚል በተነሳ የተቃውሞ እንቅስቃሴ ነው። ዜጎችን ገድለዋል የተባሉ 10 ሩዋንዳውያን በፖሊስ ቁጥጥር ስር ቢደረጉም ተቃውሞ ቀጥሎ የሩዋንዳ ስደተኞች  ሱቆች የተዘረፉ መሆናቸውና ብዙዎችም በድንጋይና በሌሎች መሳሪያዎች ጥቃት ሲደርስባቸው የቆየ መሆኑ ተገልጿል። እስከማክሰኞች ሚያዚያ 11 ቀን ድረስ ከ62 በላይ ሱቆች የተዘረፉና የወደሙ ሲሆን መኪኖችና ሌሎች ንብረቶች ተቃጥለዋል። ፖሊስ ግጭቱን ለማብረድ በወሰደው እርምጃ በውጭ ዜጎች ላይ ጥቃት ሲፈጽሙ ተገኙ ያላቸውን ከ200 ሰዎች በላይ በቁጥጥር ስር ያደረገ መሆኑን ገልጿል። በ1986 ዓም ከሩዋንዳው እልቂት ያመለጡ ከ6500 በላይ የሚሆኑ ሩዋንዳውያን በዛምቢያ የሚገኙ መሆናቸው ይታወቃል።

Ø በሰሜን ማሊ በእርዳታ መስጠት ተግባር ላይ ተሰማርተው ይሰሩ የነበሩ ሶስት የቀይ መስቀል ሰራተኞች ከቅዳሜ ጀምሮ ግንኙነት ያቋረጡ መሆናቸው ተነገረ። የእርዳታ ሰጭው ድርጅት ሠራተኞች መዳረሻቸው የጠፋው በሰሜን ማሊ ከአንድ መንደር ተነስተው ኪዳል ወደ ተባለው ከተማ በመገዝ ላይ እያሉ ሲሆን ምናልባት በአካባቢው ባሉ አማጽያን ኃይሎች ተጠልፈው ሳይወሰዱ አይቀርም የሚል ስጋት ፈጥሯል። የጠፉት ሰዎች ዜግነት ምን እንደሆን ባይታወቅም በደፈናው አፍርካውያን መሆናቸውን የቀይ መስቀል ቃል አቀባይ ገልጿል። በሰሜን ማሊ ከአልካይዳ ጋር ግንኙነት አለው የሚባል የአማጽያን ቡድን የሚንቀሳቀስ ሲሆን ከሁለት ዓመት በፊት ቡድኑ የጠለፋቸው  አራት የቀይ መስቀል ሰራተኞች በፈረንሳይ ወታድሮች አማካይነት ሊለቀቁ የቻሉ መሆናቸው ይታወሳል።

Ø የተባበሩት መንግስታት ድርጅት ዋና ጸሐፊ ማክሰኞ ሚያዚያ 11 ቀን 2008 ዓም ሞሮኮ ያስወጣቻቸው የተመድ የሰላም አስከባሪ ኃይል አባላት ባስቸኳይ እንዲመለሱ ጠይቀው ይህ ካልተደረገ ሁኔታውን አክራሪ ኃይሎች ሊጠቀሙበት እንደሚችሉ አስጠንቀቀዋል። ባንኪ ሙን ሰኞ ሚያዚያ 10 ቀን ለተመድ የጸጥታ ምክር ቤት በላኩት ዘገባ የተባበሩት መንግስታት አካል ከምዕራብ ሳህራ ግዛት እንዲወጣ መደረጉ የተኩስ አቁም ስምምነቱ ተጥሶ ጦርነቱ እንደገና የሚጀመርበትን እድል ያጎለብተዋል ብለዋል። የተባበሩት መንግስታት ድርጅት የጸጥታው ምክር ቤት ሚያዚያ 20 ቀን 2008 በምዕራብ ሳህራ ግዛት የተመድ ተልእኮ ስለመቀጠሉና አለመቀጠሉ ውሳኔ ይሰጥበታል ተብሎ የሚጠበቅ ሲሆን የባንኪ ሙን ዘገባ በጉዳዩ ላይ ሞሮኮን ደግፈው በሚገኙት በፈረንሳይና በስፔን ላይ ተጽእኖ ሊያደርግ ይችላል የሚል ግምት ተወስዷል። በምዕራብ ሳህራ የስፔን ቅኝ ግዛት ሲያበቃ ሞሮኮ ግዛቱ የኔ ነው ብላ ለመጠቅለል ያደረገችውን ሙከራ በመቃውሞ ፖሊሳሪዮ የተባለ ነጻ አውጭ ድርጅት ለረጅም ዓመታት የትጥቅ ትግል ሲያካሄድ መቆየቱ ይታወሳል። በ1983 ዓም በተመድ አካማካይነት የተኩስ አቁም ስምምነት ከተደረገ በኋላ የግዛቱን ህልውና በውሳኔ ሕዝብ ለማስወሰን የተመድ የሰላም አስከባሪ ኃይል ወደ ግዛቱ መላኩ ይታወሳል። ድምጽ ሊሰጥ የሚችለው ማን ነው በሚለው ላይ ስምምነት ሊደረስ ባለመቻሉ እስካሁን ድረስ በውሳኔ ሕዝብ የአገሪቱን እድል ለመወሰን አልተቻለም። በቅርቡም የፖሊሳሪያ ድርጅት መሪ ተመድ ጠንከር ያለ እርምጃ ካልወሰደ ጦርነቱ እንደገና ሊጀመር እንደሚችል የሚገልጽ ማስጠንቀቂያ መስጠታቸው አይዘናጋም።

ሚያዚያ 11 ቀን 2008 ዓ.ም.

Ø በኢኩዌዶሮ በደረሰው የመሬት መንቀጥቀጥ ምክንያት የሞቱት ሰዎች ቁጥር 413 የደረሰ ሲሆን ከ2500 በላይ የሚሆኑት የአካል ጉዳት የደረሰባቸው መሆኑ ታውቋል። ሰው የማዳኑ ፍለጋ  አሁን የቀጠለ ሲሆን ጊዜው እየጨመረ በሄደ መጠን የሚሞቱ ሰዎች ቁጥር ከዚህ ከፍ ሊል እንደሚችል ተገምቷል። በመሬት መንቀጥቀጡ ምክንያት የፈረሰውን እንደገና ለመጠገን በቢሊዮን ዶላር የሚገመት ወጭ እንደሚያስፈልግ ተገምቷል። የአገሪቱ ፕሬዚዳንት ላለፍት ሰባ አመታት በአገሪቱ ላይ ከደረሱት አደጋዎች መካከል ይህኛው ከፍተኛ ነው ብለዋል። ሰኞ ሚያዚያ 10 ቀን  በምዕራባዊ ግዛት የተለያዩ አነስተኛ የመሬት መንቀጥቀጦች መድረሳቸው የተረጋገጠ ሲሆን ከፍተኛው ኃይል 5.1  ነው ተብሏል።

Ø ዛሬ ሚያዚያ 11 ቀን 2008 ዓም በአፍጋኒስታን ዋና ከተማ በካቡል አንድ አንድ መኪና ላይ የተጫነ ቦምብ ከፈነዳ በኋላ ታጣቂዎች በአደረጉት የተኩስ ጥቃት 28 ሰዎች የሞቱ መሆናቸውና 329 ሰዎች የቆሰሉ መሆናቸው ታውቋል። የታሊባን ቃል አቀባይ ድርጊቱን መፈጸሙን አምኗል። ጥቃቱ የተፈጸመው ማክሰኞ ጠዋት ላይ በከተማዋ መኖሪያ ቤቶች መስጊዶች ትምህርት ቤቶች እና የንግድ ሱቆች በብዛት በተከማቹበት አካባቢ ከሆነው ከመከላለክያ ሚኒስቴር ቢሮ አጠገብ ነው። ከተገደሉትና ከቆሰሉት መካከል ወታደሮችና የጸጥታ ኃይል አባላት እንደሚገኙበት ተገልጿል። ያልተረጋገጡ ምንጮች አጥቂዎቹ የብሔራዊ ጸጥታ መስርያ ቤትን እንዳጠቁ የተገለጸ ሲሆን ከፍንዳታው ቦታ በጥቂት ርቀት ላይ የሚገኘው የፕሬዚዳንቱ ቤተመንግስትም ለጥቃቱ የተጋለጠ መሆኑ ተነግሯል። ከፕሬዚዳንቱ ቢሮ በተሰጠ መግለጫ የአፍጋኒስታን መንግስት ድርጊቱን የኮነነ ሲሆን “ይህ ዓይነቱ የፈሪዎች ተግባር ጽናታችንንና ቁርጠኛነታችንን አይበግረውም” ብሏል።

Ø በኮንጎ ብራዛቪል ፑል ተብሎ በሚጠራው ደቡባዊ ግዛት ከሶስት ሳምንት በፊት የመንግስት ወታደሮች በሄሊኮፕተር አማካይነት ባካሄዱት የአየር ድብደባ ቢያንስ 30 የሚሆኑ ሰላማዊ ሰዎችን የገደሉ መሆናቸውን አምነስቲ ኢንተርናሽናል የተባለው የዓለም አቀፍ የሰብአዊ መብት ድርጅት አጋልጧል።  የአየር ጥቃቱ ኒንጃ የተባሉት የቀድሞ የሚሊሺያ ቡድን አባላት ቀደም ብሎ በሰነዘሩት ጥቃት 17 ሰዎችን መግደላቸው ተከትሎ የተደረገ መሆኑን የመንግስት ቃል አቀባይ ቢገልጽም ሄሊኮፕተሮቹ የአየሩን ድብደባ ያካሄዱት በመኖሪያ ቤቶች፤ በትምህርት ቤቶች በአብያተ ክርስቲያን እና በህክምና አገልግሎት መስጫ ጣቢያዎች ላይ በመሆኑ ከሰላሳ የበለጡ ሰላማዊ ሰዎች ተገድለዋል በማለት አምነስቲ አጋልጧል።

Ø ባለፈው እሁድ ሚያዚያ 9 ቀን 2008 ዓም በመካከለኛው አፍሪካ ረፐብሊክ በተመድ የሰላም አስከባሪ ኃይል ውስጥ ተሰማርቶ የነበረ የሞሮኮ ዜግነት ያለው ግለሰብ በአልታወቀ ሰው የተገደለ መሆኑ ተነግሯል። ግለሰቡ የተገደለው በአገሪቱ ደቡባዊ ክፍል በምትገኘው ራፋይ በተባለችው ከተማ ሲሆን በኡጋንዳ ውስጥ መሰረት ያደረገው የሎርድ ረዚስታንስ አርሚ የሚባለው ቡድን አባላት ሲያካሄዱ የነበርውን ጥቃት ለመከላከል ሙከራ ሲያደርግ ነው ተብሏል። የተመድ ዋና ጸሐፊ ድርጊቱን ኮንነው ገዳዩ ተይዞ ለፍርድ እንዲቀርብ ለአገሪቱ ፕሬዚዳንት ማሳሰቢያ ልከዋል፡፤

Ø ሰኞ ሚያዚያ 10 ቀን 2008 ዓም በደቡብ ሱዳን ዋና ከተማ በጁባ ይገባሉ ተብለው ሲጠበቁ የነበሩት የደቡብ ሱዳን የአማጽያን መሪ ሪክ ማቻር እስከማክሰኞ ሚያዚያ 11 ቀን ድረስ ያልገቡ መሆናቸው ታውቋል። ቀደም ብሎ አንዳንድ የሎጂስቲክስ ችግር ጉዟቸውን ያዘገየ መሆኑን ተጠቅሶ ሰኞ ወደ ማታ ገብተው ቃለ መሀላ ይፈጻማሉ የሚል መግለጫ ቢሰጥም እንደተጠበቀው ሳይሆን ቀርቷል። በዛሬው ዕለት የደቡብ ሱዳን አማጽያን ቃል አቀባይ ከጁባ እንዳስታወቀው አሁንም ቢሆን የሎጂስቲክስ ችግሩ ያልተፈታ መሆኑን ገልጾ መች ሊመጡ ይችላሉ የሚለውን መናገር እንደማይችል አስታውቋል። የተባለው የሎጂስቲክስ ችግር ምን እንደሆነ ባይታወቅም ችግሩ ከሳልቫ ኬር መንግስት ባለስልጣኖች ጋር ያለመስማማት ሳይሆን አይቀርም የሚል ሀሳብ በመስጠት ታዛቢዎች ጥርጣሬያቸውን ያስቀምጣሉ።

Ø በሊቢያ ምስራቃዊ ክፍል ያለውና ራሱን መንግስት ነኝ የሚለው ክፍል ፓርላማ   ትሪፖሊ በገባው የአንድነት መንግስት ላይ አቋም ለመውሰድ ዛሬ ማክሰኞ ሚያዚያ 11 ቀን ስብሰባ ለማካሄድ አቅዶ የነበረ ቢሆንም በአባላቱ መካከል ያለው ልዩነት ከፍተኛ በመሆኑ ስብሰባው ሳይካሄድ የቀረ መሆኑ ተገልጿል። በውይይትና በድርድር የጋራ የሆኑ ስምምነቶች ላይ ለመድረሰ የአንድነት መንግስቱን የሚደግፉና የሚቃወሙ የምክር ቤት አባላት የወከሏቸው ግለሰቦች የሚገኙበት ኮሚቴ  የተቋቋመ ሲሆን ይህ ኮሚቴ ሁሉንም ሊያስማማ የሚችል ሀሳብ ላይ ይደርሳል ተብሎ ይጠበቃል። በምክር ቤቱ አባላት መካከል የአቋም መሸጋሸግ ሊኖር ይችላል ከሚል ተስፋ ስብሰባውን ረቡዕ ሚያዚያ 12 ቀን ለማድረግ የታቀደ ቢሆንም እስከዚያው ድረስ ምን ያህሉ አቋማቸውን ሊለውጡ እንደሚችሉ ግልጽ አይደለም።

ሚያዚያ 10 ቀን 2008 ዓ.ም.

Ø  ዓርብ ሚያዚያ 7 ቀን 2008 ዓም በደቡብ ምዕራብ ኢትዮጵያ ማንነታቸው ያልታወቀ ታጣቂዎች ጋምቤላ ውስጥ 140 ሰላማዊ ሰዎችን መግደላቸውን መዘገባችን ይታወሳል። እሁድ ዕለት የወያኔ ባለሥልጣኖች እንደገለጹት በጋምቤላው ፍጅት የሞቱት ሰዎች ቁጥር 208 መድረሱን 108 ደግሞ ታፍነው መወሰዳቸውን ና 75 የሚሆኑት ቆስለው ህክምና እየተከታተሉ መሆናቸውን ገልጸዋል። ከዚህ በተጨማሪ የድቡብ ሱዳን ታጣቂዎች 2000 ከብቶችንም መዝረፋቸው ተገልጿል። የደቡብ ሱዳን ታጣቂዎች ወደ ጋምቤላ በመግባት በሕዝብ ላይ እልቂት መፈጸማቸው ተራ የጎሳ ግጭት እንደማይመስል የተገመተ ሲሆን ትክክለኛው ምክንያት ግን እስካሁን እንዳልተገኘና የመላ ምት ሀሳቦች እየተወረወሩ መሆናቸው ታውቋል። በጋምቤላ የወያኔ አገዛዝ ሕዝብን ለማሸበርና ለማስጨነቅ በርካታ ጦር ያስፍር እንጅ ድንበር ዘለል ታጣቂዎችን ለማስቆምና ሕዝብን ከእልቂት ለማዳን አለመቻሉ የወያኔ ጦር በጋምቤላ የተቀመጠው የሕዝብን ደህንነትና ድንበር ለማስጠበቅ ሳይሆን የአገዛዙን ህልውናና የአንድ ዘር የበላይነት ለመጠበቅ ብቻ ነው በማለት የሚተቹ ወገኖች ብዙ ናቸው። የወያኔ ጦር ከእልቂቱ በኋላ ታጣቂዎችን እየተከታተልኩና እየደመሰስኩ ነው በማለት መግለጫ አውጥቷል።

Ø  የወያኔ አገዛዝ ለመምህራን የመኖሪያ ቤትና ነፃ ትራንስፖርት ሊያቀርብ መሆኑን የወያኔው ትምህርት ሚኒስትር ሽፈራው ሽጉጤ አስታውቋል። የትምህርት ሚኒስትር ይህን እርምጃ ለመውሰድ የተገደደው የመምህራን ፍልሰትና እጥረትን ለመቋቋም መሆኑ የተነገረ ሲሆን በቅርቡም የደሞዝ ማስተካከያ የደረጋል ተብሏል። በዕቅዱ መሠረት በከተማና በገጠር ያሉ መምህራን በትምህርት ቤታቸው አካባቢ ቤት እንዲሰጣቸው፣ በገጠር ያለ ሊዝ ክፍያ መሬት እንዲሰጣቸው የሚደረግ ሲሆን በከተማ ደግሞ በአነስተኛ ወይንም በመነሻ ሊዝ መሬት እንዲያገኙ ይደረጋል ተብሏል። በአዲስ አበባ ከተማ የኮንዶሚኒየም ቤቶችን በተመጣጣኝ ዋጋ ለመምህራን ለማከራየት ጊዜያዊ መፍትኄ እንደተባለና በዘላቂነት ግን መምህራኑ በኅበረት የቁጠባ ቤት እንዲሰሩ ይደረጋል። ከዚህ በተጨማሪ የአዲስ አበባ መምህራን በተዘጋጀላቸው ልዩ መታወቂያ በአንበሳ አውቶቡስ በአዲስ አበባ ውስጥ በነጻ ይጓጓዛሉ። ይህ ዕቅድ ከሚቅጥለው ወር ግንቦት ወር ላይ ተግባራዊ ይሆናል ተብሏል። ወያኔ ለመምህራኑ የደሞዝ ጭማሪና ጥቅማ ጥቅም ለመስጠት የተገደደው በመምህራኑ  ግፊትና ተጽእኖ መሆኑ ታውቋል።

Ø  የወያኔ አገዛዝ መሪዎች የሕዝብና የአገር ሀብትን ለመዝረፍና ለመክበር ልዩ ልዩ ፕሮጀክት ነደፍን የልማት ዕቅድ አወጣን በማለት ገንዘብ መሰብሰብና ገንዘብ መዝረፉ በየወቅቱ የተጋለጠና የተዘገበ መሆኑ ይታወሳል። የወያኔ መሪዎች ለዓባይ ግድብ በማለት ገንዘብ በመሰብሰብ ቦንድ በመሸጥ የራሳችውን ኪስ እንደሚያዳብሩ ለትግራይ ተወላጅ ብቻ ተቋራጭና የንግድ ድርጅቶች ኮንታራት እንደሚሰጡ መገለጡ የሚታወስ ሲሆን አሁን ደግሞ ለአባይ ግድብ የተዋጣ 400 ሺህ ብር መድረሻው አለምታወቁ ተገልጿል። ገንዝቡ ከቦሌ መድኃኒ ዓለም ቤተክርሲትያን ካህናትና ሠራተኞች በወር በወር ከደሞዛቸው የተቆረጠ እንደነበር የተገለጸ ሲሆን በምን ዓይነት ሁኔታ እንደጠፋና የት እንድደረሰ አልታወቀም። ይህ ከአራት ዓመት በፊት የተሰጠ የግድቡ መዋጮ የት ደረሰ ብሎ ሲጠየቅ እስከዛሬ ድረስ ምላሽ ያላገኘው ጉዳይ የወያኔ መሪዎች ከራሳችው ካባ ለባሽ ካድሬዎቻቸውና ከድርጅት ሰዎች ጋር የዘረፉት መሆኑ የታወቀ ሲሆን የበላይ ባለስልጣኖችም ስርቆቱን እያድበሰበሱት ይገኛሉ።

Ø  በአፍሪካ ቀንድ ያለውን ፖለቲካዊና ወታደራዊ ሁኔታን ያከረዋል የተባለ የጦር ሠፈር አሰብ ላይ መቋቋሙን ወታደራዊ ጉዳይን የሚከታተሉ ምንጮች አስታውቀዋል። ሻዕቢያ በአሰብ ወደብ አቅራቢያ ያለውን የአውሮፕላን ማረፊያ ለተባበሩት አረብ ኤምሬት የጦር ሰፈር አገልግሎት የሰጠ ሲሆን የተባበሩት አረብ ኤምሬትም በአሰብ ወደብ ላይ አንድ የባህር ኃይል የጦር ሠፈር እየገነባች መሆኗ ታውቋል። የባህር ኃይሉ የጦር ሰፈር ለ30 ዓመት ኮንትራት የተገነባ ሲሆን ለሻዕቢያ የተሰጠው ክፍያ ግን አልተገለጸም። ሻዕቢያ በየመን የእርስ በርስ ጦርነት ከአረብና ከገልፍ አገሮች ጎን በመቆም 400 ወታደሮቹን በሁቲዎች ላይ ማዝመቱ ይታወቃል። ሳኡዲ አረቢያም ከተባበሩት አረብ ኤምሬት ጎን በመሆን ቀይ ባህርን ሙሉ በሙሉ በአረብ አገሮች ቁጥጥር ስር በማድረግ በምስራቅ አፍሪካ የፖሊቲካና ወታደራዊ ተጽእኖዋን ለማጠናከር ጥረት እያደረገች ናት ተብሏል። የአረብና የገልፍ አገሮች በተለይም ሳኡዲ አረቢያና የአረብ ኤምሬት የኢራን ፖለቲካዊና ወታደራዊ እንቅስቃሴን ለመገደብ የአሰብ ወደብን እንደመንደረደሪያ እየተጠቀሙበት መሆኑ ተገልጿል።

Ø  ቅዳሜ ሚያዚያ 8 ቀን 2008 ዓ.ም. በኢኩዌዶር በደረሰው የመሬት መንቀጥቀጥ ምክንያት እስካሁን ድረስ 278 ሰዎች መሞታቸውና ከ2000 በላይ የአካል ጉዳተኞች መሆናቸው ሲታወቅ ቁጥሩ ከዚህ በላይ ከፍል ሊል እንደሚችል በጣሊያን አገር ጉብኝታቸውን አቋርጠው የተመለሱት የኢኳደር ፕሬዚዳንት በቴለቪዥን ባደረጉት ንግግር ገልጸዋል።  መጠኑ 7.8 የሆነው ኃይለኛ የመሬት መንቀጥቀጥ የኢኳደርን የወደብ አካባቢዎች በሙሉ ያጠቃ ሲሆን አንዳንድ ከተሞችን ክፉኛ የጎዳ መሆኑ ተነግሯል።  የሰው ህይወትን ለማዳን 10 ሺ ወታደሮችና 3 ሺ አምስት መቶ ፖሊሶች ወደ አካባቢ የተላኩ መሆኑም ተነግሯል። ከመሬት መንቀጥቀጡ ማዕከል አጠገብ የምትገኘው ፔዴርናሌስ በምትባለዋ ከተማ ውስጥ በርካታ ህንጻዎች የተደረመሱ ሲሆን ከ 400 ሰዎች በላይ ሊሞቱ ይችላሉ የሚል ስጋት አለ። 300 ሺ ሰው የሚኖርባት ፖርቶቪየጆ በተባለችው ከተማ ውስጥም ህንጻዎችና መንገዶች የተደረመሱ ሲሆን የሰው ህይወትን ለማትረፍ የእርዳታ ሰጭ ድርጅቶች ከፍተኛ ጥረት እያደረጉ መሆናቸው ተገልጿል። በኢኩዌዶር በደረሰውና ቅዳሜ ጠዋት በጃፓን በተከሰተው የመሬት መንቀጥቀጥ መካከል ግንኙነት የሌለ መሆኑ ሳይንቲስቶች ይናገራሉ።

Ø  እሁድ ሚያዚያ 9 ቀን ከግብጽ ወደብ ወደ አውሮፓ ስትጓዝ የነበረች ጀልባ በሚዴትራኒያን ባህር ላይ የሰጠመች መሆኑ ተነግሯል። ጀልባዋ 400 ስደተኞችን ጭና የነበረ ሲሆን ከስደተኞች አብዛኞች የሱማሌ ዜጎች መሆናቸው ተገልጿል። በህይወት ከዳኑት መካከል ጥቂቶቹ ወደ ግሪክ ደሴት የተወሰዱ መሆናቸውም ታውቋል። ካለፈው ጥር ወር ጀምሮ 180 ሺ የሚሆኑ ስደተኞች ወደ አውሮፓ ለመግባት ጥረት ማድረጋቸውን የተባበሩት መንግስታት ምንጮች ሲናገሩ  ከ800 በላይ የሆኑ ስደተኞች ባህር ውስጥ በመስጠምም ሆነ በሌላ ምክንያት  ህይወታቸው ያለፈ መሆኑን  ገልጸዋል።

Ø  በሱማሊያ ውስጥ የአፍሪካ አንድነት የሰላም አስከባሪ ወታደሮች ሰላማዊ ሰዎችን በመግደላቸው ነዋሪው ከፍተኛ ተቃውሞ ማሰማቱን ከአካባቢው የሚገኘው ዜና ያስረዳል።  የሰማንያ ዓመት አሮጊትና ዘጠኛ አመት ያላት የልጅ ልጃቸው ታመው በአንድ መኪና ወደ ሞቃዲሾ ሲወሰዱ የአፍሪካ አንድነት የሰላም አስከባሪ ኃይሎች ወታደሮች በመንገድ ላይ ተኩስ ከፍተው አሮጊቷንና የልጅ ልጃቸውን እንዲሁም በመኪና ውስጥ የነበሩትን ሌሎች ሁለት ሰዎች የገደሉ መሆናቸው ተነግሯል። የታችኛው ሸብሌ ግዛት ነዋሪዎች ድርጊቱን በማወገዝ ተቃውሞ አሰምተዋል። የሰላም አስከባሪው ኃይል ባለስልጣኖች ድርጊቱ የተፈጸመ መሆኑን ያመኑ ቢሆንም ወታድሮቹ ተኩስ ሊከፍቱ የቻሉት መኪናው እንዲቆም ቢጠየቅ ለማቆም ፈቃደኛ ባለመሆኑ ነው ብለዋል። ከስደስት አገሮች የተወጣጣ 22 ሺ ጦር በአፍሪካ ህብረት የሰላም አስከባሪ ኃይል ስም  በሶማሊያ ውስጥ እንደሚገኝ ይታወቃል።

Ø  ሰኞ ሚያዚያ 10 ቀን 2008 ዓም በናይጄሪያ ሰሜን ምስራቅ በሚገኘው በቦርኖ ግዛት ውስጥ የቦኮ ሃራም ታጣቂዎች የናይጀሪያን ወታደሮች ያጠቁ መሆናቸው ተነግሯል። ውጊያው የተካሄደው ከሜይዱጉሪ ከተማ አጠገብ በምትገኘው ካሬቶ በተባለቸው መንደር ሲሆን ታጣቂዎቹ ስላደረሱት  ሆነ ስለደረሰባቸው ጉዳት ዝርዝር መረጃ አልተኘም።

Ø  በጋምቢያ ሶስት የተቃዋሚ ፓርቲ አባላት በእስር ላይ እንዳሉ መገደላቸው ታወቀ። የተቃዋሚ ፓርቲ አባላት የተያዙት ሐሙስ ሚያዚያ 6 ቀን 2008 ዓም የጋምቢያ ወጣቶችና ሌሎች ተቃዋሚዎች በአገሪቱ ውስጥ የምርጫ ሕግና ሂደት ማሻሸያ እንዲደረግበት የሚጠይቁ ሃሳቦችን በማቅረብ ትእይንተ ህዝብ ሲያደርጉ ነው ተብሏል። በወቅቱ ፖሲሶች በተኩስ ስልፉን የበተኑት ሲሆን 25 የሚሆኑ ሰልፈኞችን ያሰሩ መሆናቸውም ታውቋል።  እሁድ ሚያዚያ 9 ቀን 2008 ዓ.ም. የተመድ ዋና ጸሐፊ ባንኪ ሙን ባወጡት መግለጫ የተቃዋሚው ፓርቲ አባላት በእስር ቤት ውስጥ መገደላቸው በእጅጉ ያሳዘናቸው መሆኑን ገልጸው ስለአገዳደላቸው አስቸኳይ ምርመራ እንዲካሄድ ጠይቀዋል። ጋምቢያ ባለፈው ታህሳስ ወር ብሔራዊ ምርጫ ያካሄደች ሲሆን የሰብአዊ መብት በማፈን የሚከሰሱትና ከ1986 ዓ.ም፣ ጀምሮ በስልጣን ላይ ያሉት ሚስተር ጃሜህ ለሌላ የስልጣን ዘመን የተመረጡ መሆናቸው ይታወሳል።

Ø  በብሩንዲ በስልጣን ላይ የሚገኘው ፓርቲ አባላት የሆኑ አራት ሰዎች ባልታወቁ ሰዎች መገደላቸው ተነገረ። ሰዎቹ የተገደሉት ቅዳሜ ሚያዚያ 8 ቀን በአንድ ቡና ቤት ውስጥ ተቀምጠው እየተዝናኑ ሳለ የወታደር ልብስ በለበሱ የማይታወቁ ሰዎች መሆኑን ከግድያው ያመለጠና ስሙን መጥቀስ የማይፈልግ ግለሰብ ከሰጠው መረጃ ለማወቅ ተችሏል። ባለፈው ሳምንት ብቻ በግድያ የሞቱት የገዥው ፓርቲ አባላት 10 መድረሱ ይነገራል። የአገሪቱ ፕሬዚዳንት የእርቅ ውይይት ማድረግ ባለመፍቀዳቸው አገሪቱ ወደ ከፍተኛ የእርስ በርስ እልቂት እያመራች መሆኑን ብዙዎች ሲያሳስቡ ቆይተዋል።   

መጋቢት 08 ቀን 2008 ዓ.ም

Ø በዘንድሮ ድርቅና ረሃብ የተጎዱና ዕርዳታ ማግኘት ባለማቻላቸው ወደ አዲስ አበባ በስደት ያቀኑ ተረጅዎች አዲስ አበባ  አዲስ አበባ እንዳይገቡ መከልከላቸው ታውቋል። ተረጅዎቹ የመልካም ገጽታ ታበላሻላችሁ ተብሎ ከትውልድ ቀያቸው ደብረ ብርሃን ድረስ የተሰደዱና ከደብረ ብርሃን ወደ አዲስ አበባ ለመምጣት ሙከራ ሲያደርጉ ነው በወያኔ ፖሊስና ወታደር የተከለከሉት። ተረጅዎቹ ዜጎች ከወሎ ክፍለ ሀገር ከባቴ ከሐይቅና አቅራቢያ ካሉ ከተሞችና  ገጠሮች በድርቁና በረሃብ የተነሳ የተሰደዱ እንደነበረ ታውቋል። ቀደም ሲል ደብረብርሃን የገባ በመቶዎች የሚቆጠሩ ተረጅዎች በደብረ ብርሃን አውቶቡስ ተራ ግቢ ውስጥና በአካባቢው በከፍተኛ ችግር ላይ እንደሚገኙ ታውቋል። የወያኔ ፖሊስ ወታደርና ካድሬ ድርቅና ረሃብን እየተቋቋመ ነው፣ ከቀየው የተሰደደም የሞተም ሰው የለም በማለት ዓለምና ሀገርን እየዋሸ ባለበት ሰዓት የድርቅና የረሃብ ተረጅዎችና ጉዳተኞቹን በነጻ እንኳን የመንቀሳቀስ መብታቸውን መንፈጋቸው የአገዛዙን ጭካኔ የሚያሳይ ነው።

Ø በመላ ኢትዮጵያ በተንቀሳቀሰው ህዝባዊ ቁጣና ተቃውሞ የተደናገጡት የወያኔ መሪዎች ከ300 በላይ ገድለው በሺህ የሚቆጠሩ ደብድበውና አስረው ተቃውሞውንና ቁጣውን አብርደናል በማለት በሚደሰኩሩበት በአሁኑ ሰዓት ሕዝባዊ ተቃውሞው አሁንም በመቀጠሉ አንዳንድ እርምጃዎች መውሰድ ጀምሯል። በተለይ በኦሮሞ አካባቢ ለነበረው አመጽ ለችግሩ መንስኤ የሆነው የመልካም አስተዳደር ጉድለት ነው በማለት ከ900 በላይ ከፍተኛ መካከለኛና ዝቅተኛ ካድሬዎችንና ኃላፊዎችን ከኃላፊነት ዝቅ በማድረግ በማባረርና በማሰር ተቃውሞን ለማብረድ እግረ መንገዱንም ለተቃውሞ ድርሻ አላቸው ያላቸውንም ማግለሉም ይታወሳል።  አሁን ደግሞ በ 2.4 ሚሊዮን ብር 800 ሺ የኦሮሞ ወጣቶችን ስራ ለማስያዝ እቅድ አውጥቻለሁ ብሏል። የኦሮሚያ ምክር ቤት የተባለው የወያኔ ታዛዥ እና አሽከር ተቋም ኃላፊዎች በዚህ ዓመት ብቻ ለ80 ሺ349 ስራ አጥ ወጣቶች የስራ እድል እንደሚፈጠር፣ ምን ምን ዓይነት ፕሮጀክት እንደሚከፈትና ምን ዓይነት ሥራ እንደሚፈጥር አብራርተዋል። በዚህ መሰረት ማኑፋክቸሪንግ ዘመናዊ እርሻና የማእድንና የግንባታ ሥራዎች ይፈጠራሉ ተብሏል። 200 ትራክተሮች 1400 የውሃ ፖምፖች 101 መሬት መቆፈሪያዎች መዘጋጀታቸውና ከሥራ ዕድሉም መካከል 60 በመቶው በምዕራብ ወለጋና በምዕራብ ሸዋ ላሉ ወጣቶች እንደሚውልና  ቀሪው ከ40 ከመቶ በሌሎች አካባቢዎች እንደሚውል ተነግሯል።

Ø 6021 ስደተኞች ካለፈው ማክሰኞ ከሚያዚያ 4 ቀን 2008 ጀምሮ አስቸጋሪውን የሜድትራኒያን የባህር ጉዞ አቁርጠው ጣልያን መድረሳቸውን ዓለም አቀፍ የስደተኞች ድርጅት አርብ ሚያዚያ 7 ቀን 2008 ዓ ም አስታቋል:: በዚህ ግዜ ውስጥ ወደ ግሪክ የተጓዙ ስደተኞች  174 ብቻ መሆናቸውን ጠቅሶ የአውሮፓው ህብረት ከቱርክ ጋር ሰደተኞችን አስመልክቶ ያደረገው ስምምነት ስደተኞቹ በቀጥታ ወደ  አውሮፓ አገሮች እንዲያመሩ ሳይገፋፏቸው እንዳልቀረ ተግምቷል::  ስደተኞቹ ለዓለም አቀፍ የስደተኞች ድርጅት እንደተናገሩት ሁሉም ከሊቢያ መነሳታቸውን ገልጸው በላስቲካ ጅልባ ላይ በመሆን ጣልያን መግባታቸውና በየአንዳንዱ የላስቲክ ጀልባ ላይ 130 ስደተኞች ተጭነው አንደነበረም ተናግረዋል:: አብዛኛዎቹ ስደተኞች ከሰሃራ በታች ካሉ አገሮች ይሁን አንጅ ከአፍሪካ ቀንድ የመጡት ብዛት እንዳላቸውና በሻዕብያ ስር ካላቸው ኤርትራ የተሰደዱትን ግን ከፍተኛ  ቁጥር እንዳላቸው የስደተኞቹ ድርጅት ከሮም ቢሮ ግልጽ አደርጉዋል;; በያዝነው የፈርንጆች አመት 23 ሺ ስደተኞች ጣልያን ሲገቡ 153 ሺ 500 ደግሞ ግሪክ መድረሳቸውን ዓለም አቀፉ የስደተኛ ድርጅት አስታውቋል:: ከስደተኛ ውስጥ ምን ያህሉ ኢትዮጵያውያን አንደሆኑ የተለሰ ነገር የለም::

Ø አርብ ሚያዚያ 7 ቀን 2008 ዓ.ም. የደቡብ ሱዳን መንግስት ወታደሮችና ሙርሌ የተባለ ጎሳ አባላት ታጣቂዎች በአንድ ላይ በመሆን ተንቀሳቅሰው ወደኢትዮጵያ ግዛት በመግባት 10 የሚሆኑ መንደሮችን አጥቅተው 170 የኑዊር ጎሳ አባላትን የገደሉ መሆናቸውን ሱዳን ትሪቡን የተባለው ጋዜጣ በአርብ ዕለት እትሙ ዘግቦታል። ከተገደሉት ውስጥ አብዛኞቹ ሴቶች እና ሕጻናት መሆናቸው ተነግሯል። የተገደሉት የኑዌር ጎሳ አባላት ኢትዮጵያውያን ሲሆኑ በወረራው ወቅት የሚደርስላቸው ኃይል ባለመኖሩና መሳርያ አልባ በመሆናቸው ሊጠቁ ችለዋል ተብሏል። በግጭቱ ቢያንስ 51 የሚሆኑ የሙርሌ ጎሳ አባላትም የተገደሉ መሆናቸው ታውቋል። ከተገደሉት የሙርሌ ጎሳ አባላት መካከል ከፊሎቹ የተገደሉት ጥቃቱን ሲፈጽሙ የተወሰኑት ደግሞ ሲሸሹ ሲሆን ከአስከረኔአቸው የሙርሌ ዜጋ አባላት መሆናቸውን ለማረጋገጥ ተችሏል ተብሏል።

Ø በኢትዮጵያ ባህላዊ ሙዚቃ ዕድገት የራሱን ከፍተኛ ድርሻና ሚና የተጫወተው የማሲንቆ ተጫዋችና ድምጻዊው ጌታ መሳይ አበበ በተወለደ በ 72 ዓመቱ ማረፉ ተገለጠ። አርቲስት ጌታ መሳይ ከልጅነቱ አስከ ጎልምስናው የሙዚቃና የኪነት ሙያን ተቀላቅሎ የኖረ ሲሆን በአዲስ አበባ በቀድሞ የቀዳማዊ ኃይለ ስላሴ የባህል ማዕከል በኋላም በሀገር ፍቅር ትያትር በሙዚቀኛነት በድምጻዊነት አገልግሎት የኢትዮጵያ የባህል ሙዚቃ አምባሰደር በመሆንም በተለያዩ የዓለም አገሮች በመዘዋወር በማሲንቆ ተጫዋችነትና በድምጻዊነት አገልግሏል። አርቲስት ጌታ መሳይ አበበ በሕይወት ዘመኑ ከ 200 በላይ ዜማዎችን የተጫወተ ሲሆን ከአስር በላይ ትያትሮችንም በመድረክ ላይ ከውኗል። በኪነት ዓለም ውስጥም በማሲንቆ ተጫዋችነት በድምጻዊነት በመህርነትና በኃላፊነት ብቻ ሳይሆን የኢትዮጵያን ባህል በዓለም ያስተዋወቀው አርቲስት ጌታ መሳይ አበበ ከ 966 ዓ ም ድምጽ ባደረበት የጭንቅላት  ህመም የተነሳ ከዚህ ዓለም በሞት ተለይቷል ::

Ø ሀሙስ ሚያዚያ 6 ቀን በከፍተኛ የመሬት መንቀጥቀጥ የተመታውና ገና በማገገም ላይ የነበረው  የደቡብ ጃፓን ግዛት ነዋሪ አርብ  ሚያዚያ 7 ቀን 2008 ዓ.ም. መጠኑ 7.3 በሆኑ ሌላ የመሬት መንቀጥቀጥ ተመቷል። በዚህኛው የመሬት መንቀጥቀጥ እስካሁን 20 ሰዎች መሞታቸውና በመቶ የሚቆጠሩ መቁሰላቸው ተዘግቧል። በርካታ ህንጻዎች በመድርመሳቸው ከህንጻዎች ስር ብዙ ሰዎች ከእነህይወታቸው ተቀብረው ይገኛሉ የሚል ስጋት አለ።  በአካባቢው የሚገኙትን ፖሊሶችና የእርዳታ ሰጭ ሠራተኞችን ለመርዳት 20 ሺ ወታደሮች ወደ አካባቢው ተልከዋል። መንገዶች የፈራረሱ ሲሆን ከፍተኛ የሆነ የመሬት መድርመስ የደረሰ መሆኑም ታይቷል። መጠኑ ከፍተኛ የሆነ ዝናም ይዘንማል የሚል ግምት ስላለም የመሬት መደርመሱ በስፋት ሊቀጥል ይችላል የሚል ስጋት አለ።  ከ200 ሺ በላይ የሚሆኑ ሰዎች ከኤሌክትሪክ አገልግሎት ውጭ መሆናቸውም ተነግሯል። የቅዳሜው የመሬት መንቀጥቀጥ መጠን ሚያዚያ 6 ቀን ከደረሰው ጠንካራ ሲሆን ያጠቃቸው ክልሎችም ሰፊ እንደሆኑ ታውቋል። በአሁኑ ወቅት ከ2000 በላይ የሚሆኑ ሰዎች የሆስፒታል አገልግሎት እየተሰጣቸው ሲሆን ከ92 ሺ ሰዎች በላይ ቤታቸው ለቀው በመጠለያ ካምፖች መቆየት ተገደዋል። ሰንዴ በሚባለው ቦታ ላይ የሚገኘው የኑክሊየር ቦታ የመፍረስ አደጋ ያላጋጠመው መሆኑ ተገልጿል። የቅዳሜው የመሬት መንቀጥቀጥ መጠን ከአምስት ዓመት በፊት ከደረሰውና ሱናሚ አስነስቶ በተለይ በፉኪሽማ በሚገኘው የኑክሊየር ቦታ ላይ ከፍተኛ ጉዳት ካመጣው የመሬት መንቀጥቀጥ የሚበልጥ መሆኑን አዋቂዎች ይናገራሉ።

Ø “በቤት ውስጥ ካሉ በረሮዎች ጋር የሚመሳሰሉት የቱስ ብሔርሰብ አባላት መጥፋት አለባቸው” በማለት በ 1984 ዓም ቅስቀሳ አካሄዶ ነበር የተባለው ሊዮን ሙጌሴራ የተባለው ግለሰብ ሩዋንዳ ውስጥ የእድሜ ልክ እስራት የተፈረደበት መሆኑ ታወቀ። ግለሰቡ ይህንን ቅስቀሳ ያደረገው በ1984 ዓም ሩዋንዳ ውስጥ ባለስልጣን በነበረበት ወቅት ሲሆን 1000 ለሚሆኑ የፓርቲ አባላት ባደረገው ንግግር ቱሲዎችን ገድለው ሬሳቸውን ወንዝ ውስጥ እንዲጨምሩ ቅስቀሳ አካሂዷል የሚል ተጨባጭ ማስረጃ ተገኝቶበታል ተብሏል። በሩዋንዳ የእርስ በርስ ጦርነት ወቅት ግለሰቡ ወደካናዳ መጥቶ በኩቤክ ግዛት በአንድ ኮሌጅ ውስጥ አስተማሪ ሆኖ የቆየ ሲሆን ካናዳ ውስጥ ክስ ቀርቦበት ለ12 ዓመት ያህል ከተከራከረ በኋላ ከአራት ዓመት በፊት ወደ ሩዋንዳ የተወሰደ መሆኑ ይታወሳል።  

Ø አርብ ሚያዚያ 7 ቀን 2008  በግብጽ ዋና ከተማ ካይሮ ውስጥ የፕሬዚዳንት ሲሲን አስተዳደር በመቃወም ቁጥራቸው ከ 1000 በላይ የሚሆኑ ግብጻውያን የተቃውሞ ሰልፍ ማካሄዳቸውን የዜና ምንጮች ገልጸዋል። ሰልፉ የተጠራው ቀደም ብሎ ሁለት የግብጽ ደሴቶች ለሳኡዲ አረቢያ መሰጣቸውን ለመቃወም ቢሆንም ሰልፈኞች ያሰሙ በነበረው መፈክር ውስጥ  የሲሲ መንግስት የሚያወግዙና ሲሲ ባስቸኳይ ከስልጣን እንዲወገዱ የሚጠይቁ እንደሚገኙበት ታውቋል።  ስልፉ እስከምሽት ድረስ የቆየ ሲሆን አብዛኛው ሰልፈኛ ከሄደ በኋላ የቀሩትን ጥቂት ሰዎች ለመበተን ፖሊስ አስለቃሽ ጋዝ የተጠቀመ መሆኑ ተገልጿል። ቀደም ብሎ በሌላው የከተማው ክፍል የተደረገውን ስልፍ ለመበተን ፖሊስ እርምጃ የወሰደ ሲሆን 12 ሰዎች ተይዘው መታሰራቸውም ተዘግቧል።

መጋቢት 07 ቀን 2008 ዓ.ም.

Ø  በመላ ኢትዮጵያ የተነሳው ሕዝባዊ ተቃውሞ አነጣጥሮ የተነሳው ስግብግብና  አልጠግብ ባይ የሆኑት መሪዎቹ የሚያካሂዱትን ዝርፊያና ቅሚያን ለመቃወም ሆኖ እያለ  የወያኔ መሪዎች ለችግሩ ሁሉ መነሻ የመልካም አስተዳደር ችግር ነው በማለት በኦሮሞ አካባቢ የሚገኙ ከፍተኛ፣ መካከለኛና ዝቅተኛ ካድሬዎችን ማባረር መጀመራቸውና አንዳንዶቹን ለማሰር መዘጋጀታቸው ታውቋል። የወያኔው የኦሮሚያ ክልል ኃላፊዎች እንደገለጹት በ 929 የስራ ኃላፊዎችና ካድሬዎች ላይ እርምጃ እንደተወሰደባቸው ገልጾ ከእነዚህም ውስጥ 829 የሚሆኑት ከፍተኛና መካከለኛ የስራ ኃላፊነት የነበራቸው መሆኑን አስረድቷል። 121 ከፍተኛ ባለሥልጣናት ከደረጃቸው ዝቅ እንዲሉ የተደረገ ሲሆን 708 መካከኛና ከፍተኛ ኃላፊዎች ከሥልጣናቸው የተባረሩ መሆናቸው ተገልጿል።  ገሚሶቹ በሙስና ተከሰው ወደ እስር ቤት ይወረወራሉ ተብሎ ይጠበቃል። ብዙ የፖሊቲካ ታዛቢዎች ግን በኦሮሞ አካባቢ የተፈጸመው የሕዝብ በድል ስርቆትና የመሬት ንጥቂያ በወያኔ መሪዎች ፊታውራሪነት መፈጸሙ እየታወቀ የኦሮሞ ባለስልጣናትን ተጠያቂ አድርጎ ማባረሩ ምናልባት በሕዝባዊ ተቃውሞምና ቁጣ ወቅት ከሕዝብ ጋር የወገኑትን ለመበቀል የወሰደው እርምጃ ነው ብለው ይናገራሉ።

Ø  የአሜሪካ የውጭ ጉዳይ መስሪያ ቤት በዓለም የሰብአዊ መብት ይዞታን አስመልክቶ የሚያወጣውን ዓመታዊ ዘገባው ይፋ አድርጓል። ሪፖርቱ በዓለም የስብአዊ መብትን በመርገጥና በማፈን በዋናነት ከጠቀሳቸው አገሮች አንዱ የወያኔ አገዛዝ ሲሆን የሲቪል ማህበራትን፣ በማገድ በሚድያና በኢንተርኔት ላይ ቁጥጥር በማድረግና በማፈን፣ ተቃዋሚዎችን በመግደል በማሰርና በማዋከብ፣ ወያኔ የተጠቀሰ ሲሆን ባለፈው ዓመት አካሄድኩ ያለውን የምርጫ ድራማና ሁሉንም አሸነፍኩ ያለበትን ውጤት ኢ ዴሞክራሲያ ነበር በማለት ተችቶታል። የአሜሪካ መንግስት የውጭ ጉዳይ መስሪያ ቤት በየዓመቱ የወያኔን ፀረ ዴሞክራሲያዊነትና የሰብአዊ መብት ረጋጭነት ይግለጥ እንጅ ጥርስ ያለው እርምጃ ያለመውሰዱ ይልቁንም የአሜሪካ ፕሬዚዳንት ሳይቀሩ ወያኔን በምርጫ ስልጣን ላይ የወጣ ዴሞራሲያዊ መንግስት ነው በማለት ማወደሳቸውን የሚያስታውሱ ወገኖች ዘገባው ጉንጭ አልፋ ከመሆን አይዘልም ይላሉ። ከጥቂት ቀናት በፊት አሜሪካ ከወያኔ ጋር ወታደራዊ ትብብሯን ለመቀጠል ስምምነት መፈረሟንም በማስታወስ የአሜሪካው ዘገባ እና መግለጫ የሕዝብን ቁጣና ተቃውሞ ለማዘናጋት የሚደረግ  ይመስላል የሚሉ ወገኖች አሜሪካ ለዴሞክራሲና ለሰባዊ መብት ከቆመች መጀመሪያ እንደ ወያኔ ባሉት አገዛዞች ላይ የፖሊቲካና የዲፕሎማሲ እርምጃ መውሰድ ነበረባት ይላሉ።

Ø  የእንግሊዝ መንግስት ሐሙስ ሚያዚያ 6 ቀን 2008 ዓም ለዜጎቹ ባወጣው የጉዞ ማስጠንቀቂያ ወደ ኢትዮጵያ የሚጓዙ እንግሊዛውያን በተለይም ወደ  በአፋር፤ በኢትዮጵያና በሻእቢያዋ ኤርትራ ወሰን ወዳለው አካባቢ፤ በኢትዮጵያና በሱዳን ወሰን አካባቢ እንዲሁም ወደ ጋምቤላና ወደ ኦጋዴን እንዳይጓዙ ሲያስጠነቅቅ ወደ ምዕራብ ሸዋም የሚጓዙ ልዩ ጥንቃቄ እንዲያደርጉ መክሯል። የእንግሊዙ የውጭና የኮመንዌልዝ ቢሮ ያወጣው የጉዞ ምክር መላ ኢትዮጵያን ያዳረሰና በአራቱም ማዕዘናት ያሉ ቦታዎች በሙሉ ለጉዞ ምክር የሚያስፈልጋቸው መሆኑን ጠቅሷል። በየዓመቱ 20 ሺ የሚሆኑ የእንግሊዝ ዜጎች ኢትዮጵያን እንደሚጎበኙ ተጠቅሷል። 

Ø  የመጣለትን በጭብጨባና በፉጨት የሚቀበለው የወያኔ ፓርላማ በቅርቡ የወያኔ መሪዎች የፍትህ ሚኒስቴርን አፍርሰው በጠቅላይ አቃቤ ህግ ጽ/ቤት ለመተካት ያውጡትን የህግ ረቂቅ በሙሉ ድምጽ አጽድቆታል። ጠቅላይ አቃቤ ህግ የሚሆነውንና በምክትልነት የሚሰሩትን ግለሰቦች ጠቅላይ ሚኒስትሩ ለፓርላማው አቅርቦ ያሾማል ተብሎ ይጠበቃል። አዲሱ የአቃቤ ህግ ቢሮና የወያኔው ፌዴራል ፖሊስ ተጠሪነቱ ለጠቅላይ ሚኒስትሩ  ይሆናል መባሉና ጠቅላይ አቃቤ ህጉ በህግ ጉዳይ ከጠቅላይ ሚኒስትሩ ጋር መክሮ ይስራ መባሉ በወያኔ ስርዓትና ህግ አጥፍቶ የፖሊካ አሠራርን  ለማስፈን የታቀደ  የወያ ሕግ ነው በማለት ብዙዎች ይተቹታል።

Ø  ሕዝብን ፀጥና ለጥ አድርጎ አስፈራርቶና አሸብሮ ለመግዛት የተለያዩ ዘዴዎችን ሲሞክር የቆየው  የወያኔው አገዛዝ የአዲስ አበባ ከተማን እንደገና ለማዋቀር በአዲስ መልክ ለማደራጀት ማቀዱን ከአዲስ አበባ ማዘጋጃ ቤት የተገኘው መረጃ አመልክቷል። በመረጃው መሠረት ማዘጋጃ ቤት ከዚህ በፊት ያከናውናቸው የነበሩ ተግባራት በሙሉ ወደ ወረዳ ተግባር የሚቀየሩ ሲሆን በደርግ ጊዜ ይሰራበት የነበረውና ወያኔ ያጠፋውን የቀጠና ምደባም እንደገና ሊጀምር ነው ተብሏል። ማዘጋጃ ቤት ከክዚህ ቀደም ሲያከናውናቸው የነበሩ የመሬት ጽዳት የፍሳሽ ቆሻሻ ማስወገድ የባይተዋር ቀብር ማስፈጸምና የመሳሰሉት ተግባራት ወደ ወረዳ እና ቀበሌ ዝቅ ብለው የሚሰሩ ይሆናሉ። የአዲስ አበባ ማዘጋጃ ቤት ኃላፊ ከንቲባም ስራዎችን መከታተል ብቻ መደበኛ ስራው እንደሚሆንና የአዲስ አበባ መስተዳድር የሚለውን ስያሜ በከንቲባ ሹመት መስተዳደር ቀርቶ ወደ ርእሰ መስተዳድር ለማሳደግ መታቀዱን ምንጮች ገልጸዋል።  

Ø  ሐሙስ ሚያዚያ 6 ቀን 2008 ዓም በደቡብ ጃፓን ኩማማቶ ከተባለው አካባቢው በተከሰተው የመሬት መንቀጥቀጥ አደጋ ምክንያት 9 ሰዎች መሞታቸውና ከ860 በላይ የቆሰሉ መሆናቸው ታውቋል። አብዛኞቹ ሰዎች የሞቱት ማሺኪ በምትባል ከኩማማቶ ከተማ አጠገብ በምትገኝ አነስተኛ ከተማ ውስጥ አንድ የመኖሪያ አፓርትመንት በመደርመሱ ምክንያት መሆኑ ተዘግቧል። የመሬት መንቀጥቀጡ አደጋ በተከተሰተበት ወቅት በአካባቢው የሚኖሩ 40 ሺ ሰዎች ቤታቸውን ጥለው የተሰደዱና የአደሩ ሲሆን የመሬት መንቀጥቀጡ ርዝራዥ አሁንም እየተከሰተ ባለበት ሁኔታ ብዙዎቹ  ወደ ቤታቸው የተመለሱ መሆናቸው ተነግሯል። የአደጋ መከላከል ሰራተኞች በመሬት መንቀጥቀጡ ምክንያት ከተደረመሱ ፍርስራሾች ውስጥ በህይወት ያሉ ሰዎችን የመፈለጉንና ነፍስ የማዳኑን ተግባር የቀጠሉ መሆናቸው ታውቋል። የመሬት መንቀጥቀጡ መጠን በመጀመሪያ 6.5 ነው ተብሎ የነበረ ቢሆንም በኋላ ወደ 6.1 እንዲወርድ ተደርጓል። በኩማማቶም ሆነ በአካባቢው ባሉ ከተሞች በርካታ ከፍተኛ ርዝመት ያላቸው ህንጻዎች ያሉ መሆናቸው የሚታወቅ ሲሆን  በመሬት መንቀጥቀጡ ምክንያት ጉዳት የደረሰባቸው በጣም አነስተኛ መሆናቸው የህንጻ ሥራውን ደረጃ ከፍተኛነትና ጥራት ያሳያል ተብሏል። በአዲስ አበባም ሆነ በሌሎች ከተሞች የሚሰሩት ህንጻዎች መንቀጥቀጥ ቢደርስ ከፍተኛ ጉዳት ሊያስከትል ይችላል የሚል ማሳሰቢያ ከአዋቂዎች ሲሰጥ መቆየቱ ይታወሳል።ንጻዎች በዝቀተኛ ደረጃ ሲምንቶና ደረጃቸውን ባልጠበቀ የህንጻ መሳሪያዎች በመሆኑ እንዲህ ዓይነት የመሬት

Ø  በአይቮሪ ኮስት ተይዞ በምርመራ ከሚገኝ አንድ ግለሰብ ላይ ተገኘ የተባለ ሰነድ አክራሪ እስላማውያን ጋናን ቶጎን ለማጥቃት ያቀዱ መሆናቸውን ማጋለጡ የዜና ምንጮች ዘግበዋል።  ጋናና ቶጎ እስካሁን ድረስ የሽብር ጥቃት ያልተካሄደባቸው  የምዕራብ አፍሪካ አገሮች ሲሆኑ  ተገኘ የተባለው ሰነድ ያጋለጠው ዜና በጋናና በቶጎ ፍርሃትና ስጋትን ያሰራጨ መሆኑ ታውቋል። የጋና ፕሬዚዳንት በህዝቡ ውስጥ የተሰራጨውን ፍርሃት ለማስወገድ በሬዲዮ በሰጡት መግለጫ ጉዳዩ በመገናኚያ ብዙሃን አማካይነት ለሕዝብ ሳይሰራጭ ልንቆጣጠረው ብንችል ጥሩ ነበር ካሉ በኋላ አሁንም ቢሆን የጸጥታ ኃይሎች ጉዳዩን በቁጥጥር ስር ለማድረግ ከፍተኛ ጥረት እያደረጉ በመሆናቸው ሕዝቡ ፍርሃትን አስወግዶ የሚሰራውን መቀጠል  አለበት ብለዋል። ፕሬዚዳንቱ በመቀጠልም ሽብሩ ሊካሄድ የሚችለው በአገር በቀል አሸባሪዎች አማካይነት ስለሆነ ሕዝቡ በየቦታው ነቅቶ እንዲከታተልና እንዲጠብቅ አሳስበዋል።

Ø  አምነስቲ ኢንተርናሽናል የተባለው የሰብአዊ መብት ተከራካሪ ድርጅት አርብ ሚያዚያ 7 ቀን 2008 ዓም በሰጠው መግለጫ በደቡብ ሱዳን ያለፍርድ በመንግስት የጸጥታ ኃይሎች የታሰሩ 35 ሰዎች ባስቸኳይ እንዲፈቱ ጠይቋል። ከታሰሩት መካከል ጋዜጠኞችና በጁባ ዩኒቨርስቲ ዲን የሆኑት ግለሰብ እንደሚገኙበት ተነግሯል። ድርጅቱ በመግለጫው ላይ ከታሰሩት መካከል ማንኛቸውም ጠበቃ እንዲቆምላቸው ያልተደረገ መሆኑን ዘርዝሮ  አብዛኞቹ በእስር ላይ እንዳሉ መደብደባቸውን ገልጿል። በደቡብ ሱዳን በመንግስት ኃይሎች በጅምላ ከታሰሩት የፖሊቲካ እስረኞች መካከል 35 ቱ ባጠቃላይ ከታሰሩት ውስጥ ጥቂቶች መሆናቸውን ጠቁሞ በመቶ የሚቆጠሩ ዜጎች ሁኔታ ያልታወቀ መሆኑን ገልጿል።

Ø  በብዙ ሺ የሚቆጠሩ የደቡብ አፍሪካ ዜጎች አርብ ሚያዚያ 7 ቀን 2008 ዓ.ም. በጆሃንዝበርግ ከተማ ፕሬዚዳንት ዙማ ከስልጣን እንዲወርዱ በመጠየቅ ትእይንተ ህዝብ ያደረጉ መሆናቸው ተነግሯል። ሰላማዊ ሰልፉና ያዘጋጁት የተቃዋሚ ድርጅቶች ሲሆኑ ሰልፈኞቹ " ሙስና ይቁም" " ለለውጥ ድምጻችንን እንሰጥ"  የሚሉ መፈክሮችን ይዘው እንደነበር ማወቅ ተችሏል። ከጥቂት ቀናት  በፊት የደቡብ አፍሪካ ፍርድ ቤት ፕሬዚዳንቱ ለገጠር ቤታቸው ማስፋፊያ በርካታ የመንግስት ገንዘብ መውሰዳቸው አግባብ አለመሆኑን ገልጾ ገንዘቡን እንዲመልሱ መወሰኑ ይታወሳል። ተቃዋሚ ፓርቲዎች ታዋቂ ግለሰቦችና የሃይማኖት ድርጅቶች መሪዎች ሚስተር ዙማ ከስልጣን እንዲወርዱ ቢጠይቁም ከገዥው ፓርቲ አባላት በኩል ያላቸው ድጋፍ ከፍተኛ በመሆኑ በምክር ቤት ውስጥ እሳቸውን ከስልጣን ለማስወገድ የቀረበው ሕዝበ ውሳኔ ውድቅ መሆኑ ይታወቃል፡፤

በተመሳሳይ ዜናም ሐሙስ ሚያዚያ 6 ቀን 2008 ዓ.ም. ዚምባብዌ ውስጥ በተቃዋሚ ፓርቲ የተደራጀና የተቀነባበረ ከፍተኛ ተቃውሞ ሰልፍ የተደረገ መሆኑ ታውቋል። ሰልፈኞቹ ፕሬዝዳንቱ ሚስተር ሙጋቢ ስልጣን እንዲለቁ የሚጠይቁ ልዩ ልዩ መፈክሮችን ይዘው የነበረ ሲሆን በርካታ ሴቶችና ወጣቶች እንደነብሩበት ለማወቅ ተችሏል። ስልፉን ቀደም ብሎ የጸጥታ ኃይሎች ከልክለው የነበረ ቢሆንም ረቡዕ ሚያዚያ 5 ቀን 2008 ዓም የዚምባብዌ ፍርድ ቤት የፖሊስ እገዳ እንዲነሳ ት'እዛዝ በመስጠቱ ምክንያት ሰልፉ ሊካሄድ ችሏል። ሙጋቤ የሚመሩት የዚምባብዌ ገዥ ፓርቲ ዛሬ አርብ ዕለት በሰጠው መግለጫ ፕሬዚዳንቱ ስልጣን እንዲለቁ ተቃዋሚዎችን የሚጠይቁትን ጥያቄ አውግዞ ፕሬዚዳንቱን ከስልጣን ለማውረድ ትክክለኛው መንገድ ምርጫ ነው ብሏል። ከሶስት አመት በፊት በተካሄደው ምርጫ ሚስተር ሙጋቤ በድጋሚ የተመረጡ መሆናቸው የተነገረ ሲሆን በወቅቱ በርካታ ዓለም አቀፍ ድርጅቶችና የምዕራብ አገሮች ምርጫው ነጻና ፍትሃዊ አይደለም በማለት ድምጽ ማሰማታቸው ይታወሳል። 

Ø  የምእራብ  ሳህራ ግዛትን አስመልክቶ የዓለም አቀፍ ድርጅቶች በተለይም የተመድ የጸጥታው ምክር ቤት በሞሮኮ መንግስት ላይ ተገቢውን ተጽእኖ ማድረግ ካልቻሉ ሞሮኮ በምእራብ ሳህራ ሕዝብ ላይ የምትፈጸመው አፈናና በደል ሊፋፋም እንደሚችል የፖሊሳሪዮ ግምባር መሪ ሚስተር ሞሃመድ አብዱላዚ አስታወቁ። በሕዝብ ላይ የሚካሄድ አፈናና በደል የሚቀጥል ከሆነ ደግሞ ይህን ለመቋቋም ከትጥቅ ትግልን ጀምሮ አስፈላጊውን እርምጃ መውሰድ እንገደዳለን በማለት ጦርነት እንደገና ሊጀመር የሚችልበትን ሁኔታ ጠቁመዋል። ማስጠንቂቂያው የተሰጠው የተባበሩት መንግስታት ድርጅት የጸጥታው ምክር ቤት በምእራብ ሳህራ ስለሚገኘው የተመድ ተል እኮ የወደፊት እጣ እየመከረ ባለበት ወቅት ነው። ባለፈው ወር ሞሮኮ በተመድ ዋና ጸሐፊ መግለጫ በመቆጣት ከአገሩዋ ዲፕሎማቶችን ማስወጣቷ ይታወቃል። የተባበሩት መንግስታት ከ1983 ዓም የምእራብ ሳህራን ጉዳይ ለመፍታት ጥረት ሲያደርግ የቆየ ቢሆንም ጥረቱ እስካሁን ጥረቱ ያልተሳካ መሆኑ ይታወቃል። የአገሪቱን የወደፊት እጣ ለመወሰን ውሳኔ ሕዝብ ይደረግ ቢባልም በፖሊሳርዩ ግምባርና በሞሮኮ መካከል በጉዳዩ ላይ ልዩነት በመፈጠሩ እስካሁን ሳይካሄድ ቆይቷል። ግዛቱ የሞሮኮ ነው የሚለውን ሀሳብ ፈረንሳይና ሴኒጋል የሚደግፉት ሲሆን ሌሎች የጸጥታው ምክር ቤት አባላት የሚቃወሙት መሆኑ ይታወቃል። 

መጋቢት 6 ቀን 2008 ዓ.ም.

Ø በአየር ንብረት  መዛባትና እንዲሁም በወያኔ አስከፊ አገዛዝ ምክንያት  በኢትዮጵያ የተንሰራፋው ድርቅና ረሃብ እያየለ ሄዶ ከወር ወደ ወር፤ ከጊዜ ወደ ጊዜ የተረጅው ቁጥር እየጨመረና የአደጋው አስጊነት ይበልጥ እየሰፋ መምጣቱን የተመድ የሰብዓዊ ዕርዳታ አገልግሎት ቢሮ አስታውቋል። እንደ ተመድ ከሆነ በኢትዮጵያ አሁን የዕርዳታ ፈላጊው ቁጥር ወደ 20 ሚሊዮን መጠጋቱና ይህ አሀዝ ከኢትዮጵያ ሕዝብ ብዛት አንድ አምስተኛውን የሚያጠቃልል መሆኑን ገልጿል። በረሃብና በድርቅ የተጎዱት አካባቢዎች ከ186 ወደ 219 ክፍ ያሉ ሲሆን ተረጅዎችም በከፋ ሁኔታ ውስጥ መሆናቸውን በአንዳንድ አካባቢ ስደት መጀመሩና በዚህ ከቀጠለ የረሃብ አደጋ ዕልቂትን ሊያስከትል እንደሚችል አስጠንቅቋል። የተባበሩት መንግስታት ድርጅት ከዓለም የጤና ድርጅት ጋር በመሆን በድርቅና በረሃብ ለተጎዱ ኢትጵያውያንና በጦርነት ለተጎዱ ሶርያውያን 2.2 ሚሊዮን ዕርዳታ እየተማጸኑ ሲሆን 480 ሚሊዮን ዶላር በድርቁና በረሃንብ ሳቢያ ጤንነታቸው ለተዛባ ኢትዮጵያውያንና በጦርነት ለተጎዳ ሶርያውያን ይውላል ተብሏል። የወያኔ ባለስልጣኖች  በወደብ የተከማቸ የእርዳታ እህል ለማንሳት ከመረባረብ ይልቅ በረሃብተኞች ህይወት ቁማር እየተጫወቱ መሆናቸው እየተጋለጠ ነው ተብሏል ።

Ø የወያኔ ጠቅላይ ሚኒስትር ሃይለማሪያ ደሣለኝ የኢትዮጵያ ኢኮኖሚ በሰባት ከመቶ ያድጋል ሲል አማካሪው አርከበ እቁባይ ደግም 11 ከመቶ ያድጋል ብሏል። የወያኔ የጡት አባት የሆነው ዓለም አቀፉ የገንዘብ ድርጅት IMF ደግሞ የወያኔን የኢኮኖሚ እድገት ወደ 4.5 ከመቶ ያወርደዋል። የገንዝብ ድርጅቱ የወያኔ የኢኦኖሚ እድገት ያስቆለቆለው በኢትዮጵያ ባለው ድርቅና ረሃብ በዓለም አቀፉ የገበያ ዋጋ መቀነስ ነው ይበሉ እንጅ የወያኔ ኢኮኖሚ ወትሮም ቢሆን የፕሮፓጋንዳ እድገት እንጅ በተጨባጭ በሕዝብ ጥቅምና ኑሮ ላይ ያመጣው ለውጥ አለመኖሩ የተረጋገጠ ነው። ቀድሞም ቢሆን ደካማ የነበረው ኢኮኖሚ  ዛሬ  በድርቅና ረሃብ፣እንዲሁም በዓለም አቀፉ ገበያ መቀነስ ምክንያት ቀንሷል ተብሏል። ወያኔ በፕሮፓጋንዳ በሚያስፋፋው ዕድገት ስም ከ17 ቢሊዮን ዶላር በላይ በአገሪቱ ስም መበደሩና የአገሪቱ ኢኮኖሚ ሊሸከምው የማይችል ብድር መውሰዱ የኢኮኖሚው ባዶነት የሚያሳይ መሆኑን የኢኮኖሚ ባለሙያዎች ይናገራሉ።

Ø ላለፉት ሶስት ዓመታት በወያኔ ፖሊሶች በግፍ ተይዞ በፈጠራ ወንጀል ተከሶ ወደ ወያኔው ፍርድ ቤት ይመላለስ የነበረው የሙስሊሞች ጉዳይ ጋዜጣ ማኔጅንግ ዲሬክተር ጋዜጠኛ ሰለሞን ከበደ በትናንትናው ዕለት ሚያዚያ 5 ቀን 2008 ዓም.ከእስር መፈታቱ ታውቋል። ጋዜጠኛ ስለሞን ከበደ ለጋዜጠኛነት ሙያው ታማኝ በመሆኑና የጋዜጠኛነት ምግባሩን በተግባር በማሳየቱ በወያኔ ካድሬዎች ጥርስ ተነክሶበት ቆይቶ እንደነበርና ከሶስት ዓመት በፊት በፈጠራ ወንጀል ታስሮ ሰቆቃ ሲካሄድበት መቆየቱ ይታወሳል።  ልዮ ልዮ የጋዘጠኛ መብት አስከባሪና ተከራካሪ ድርጅቶች  ጋዜጠኛው በነጻ እንዲፈታ ሲወተውቱና ሲጠይቁ እንደነብረ ይታወቃል። የወያኔው የፖሊቲካ ፍርድ ቤት ጋዘጠኛ ሰለሞን ከበደን ሊያስቀጣውና ሊያሳስረው የሚችል ምንም ጥፋት ባለማግኘቱና ተጽእኖውና ግፊቱ ስለበረታ ከእስር ለመፈታት ተገደዱ እንጅ ዛሬም በወያኔ ወህኒ ቤት ውስጥ የጋዘጠኛነት ሙያቸውን በማክበራቸውና ሃሳባቸውን በነጻነት በመግለጻቸው ብቻ በእስር የሚማቅቁ ጋዜጠኞች መኖራቸው የሚታወቅ ሲሆን በግፍ ለታሰሩ ጋዜጠኞችና ዜጎች ሁሉ ድምጽ ማሰማት የማይታለፍ የአገር ወዳድ ዜጋ ግዴታ ነው ነው የሚሉ በርካታ ናቸው።

Ø ከሚያዚያ 8 እስከ ሚያዚያ 9 2008 ዓም. ድረስ በባህር ዳር ከተማ የሚካሄደውን አምስተኛ የጣና ፎረም ስብሰባን ምክንያት በማድረገ የባህር ዳር ከተማ በከፍተኛ ወታደራዊና የደህንነት ጥበቃ ስር መውደቋ ታውቋል። የወያኔ ደህንነት አባላት በባህር ዳር ከተማ በሚገኙ የእንግዳ መቀበያና የመኝታ አገልግሎት መስጭያ ቤቶች እየዞሩ ማናቸውንም ፀጉረ ልውጥ ሰው አገልግሎት በፈለገ ጊዜ አስፈላጊውን መረጃ መያዝ ግዴታቸው እንደሆነና ለወያኔ ፖሊስም ማሳወቅ እንዳለባቸው ትዕዛዝ መስጠታቸው ታውቋል። በዚህ የጣና ፎረም ጉባዔ ላይ በሥልጣን ላይ ያሉ አምባገነን የአፍሪካ መሪዎችና ከስልጣን የወረዱ ፕሬዚዳንቶች ይገኛሉ ተብሎ ይጠበቃል። ለባህርዳር ደህንነት ጥበቃ የወያኔ ቡድን መሪዎች ዘርን የተንተራሰ ምርጫ ማካሄዳቸውና ጠቅም ያለ አበል የሚከፈልበት በመሆኑ የትግራይ ተወላጆችን ማሰማራታቸው ቀደም ሲል መዘገባችን ይታወሳል።

Ø ዛሬ ሐሙስ ሚያዚያ 5 ቀን 2008 ዓ.ም በጃፓን ኩማሞቶ በሚባለው አካባቢ መጠኑ 6.4 የሆነ የመሬት መንቀጥቀጥ የደረሰ መሆኑን የጃፓን የሜትሮሎጂ መስሪያ ቤት ገልጿል። የመሬት መንቀጥቀጡ ያደረሰው ጉዳት እስካሁን ባይገልጸም የሱናሚ ስጋት እንደሌለ ተገልጿል። ባለፈው እሁድ በደቡብ እስያ መጠኑ 6.6 የሚደረስ የመሬት መንቀጥቀጥ ደርሶ በህንድ በፓኪስታን እና በአፍጋኒስታን ህንጻዎችን መጉዳቱና  በተወሰኑ ሰዎች ላይም የአካል ጉዳት ማድረሱ የሚታወስ ሲሆን እንዲሁም ረቡዕ ሚያዚያ 5 ቀን መጠኑ 6.9 የሆነ የመሬት መንቀጥቀጥ በሰሜን ሚያንማር (በርማ) የደረሰ መሆኑ ተዘግቧል።   

Ø በሰሜን ናይጄሪያ ቺቦክ ከተባለችው ከተማ 276 የሚሆኑ በትምህርት ቤት ውስጥ የነበሩ ልጃገረዶች ቦኮ ሃራም በተባለው አሸባሪ ቡድን ተጠልፈው ከተወሰዱ ሁለት ዓመት ሆናቸው ተባለ። ባለፈው ታኅሳስ ወር በተደራዳሪዎች አማካይነት ከቦኮ ሃራም ተገኘ ከሚባለውና የሲ ኤን ኤን የቴሌቪዥን ጣቢያ ካሳየው የቪዲዮ ቅጅ በርከት ያሉት ልጃገረዶች በህይወት መኖራቸው ታውቋል። ረቡዕ ሚያዚያ 5 ቀን 2008 ዓም ሲ ኤን ኤን ያሳየው ቪዲዮ ተቀረጸ የተባለው ታኅሳስ 15   ቀን 2008 ዓ.ም. በፈረጆቹ የገና በዓል ዕለት ሲሆን ከተጠለፉት ልጃገረዶች መካከል 15 ቱ በቪዲዮ ላይ ታይተዋል። ቪዲዮን የተመለከቱት አንዳንድ እናቶችና በዚያን ወቅት ያመለጡና ጓደኞቻችው የተመሰቃቀለ ስሜት ያደረባቸው መሆኑንና  በአንድ በኩል ልጆቹ በህይወት መኖራቸው ሲያስደስታቸው በሌላ በኩል ያሉበት ሁኔታ በጣም እንዳሳዘናቸው ገልጸዋል። ቦኮ ሃራም የተባለው አሸባሪ ድርጅት ለዓመታት ከፍተኛ ጉዳት ሲያደርስ የቆየ ቢሆንም ልጃገረዶችን በጅምላ ጠልፎ ሲወስድ በዓለም አቀፉ ህብረተሰብ ዘንድ ከፍተኛ ውግዘት የደረሰበት  መሆኑ ይታወሳል፡፤ በወቅቱ የነበረው የናይጄሪው የሚስተር ጉድላክ ጆናታን መንግስት በመጀመሪያ ልጃገረዶቹ መጠለፋቸውን ቢክድም በዓለም አቀፉ ህብረተሰብ ግፊት ለመቀበል ተገዷል። በዓለም አቀፍ ደረጃ ልጆቹን ለማስፈታት  በድርድርም ሆነ በሌላ መልክ ጥረት ቢደረግም እስካሁን የተገኘ መፍትሄ እንደሌለ ታውቋል።  ባለፈው ሳምንት የናይጄሪያ ወታደራዊ ተቋም ቦኮ ሃራም ከሚቆጣጠራቸው ቦታዎች 11698 ሰላማዊ ሰዎችን ነጻ ማውጣቱን ቢገልጽም ነጻ ወጡ የተባሉት ሰዎች ከቺቦክ የተያዙ ልጃገረዶችን አያካትቱም። ላለፉት ሁለት ዓመታት በቺቦክና በአካባቢው ትምህርት ቤቶች በመዘጋታቸው ምክንያት ከ20 ሺ በላይ ህጻናት የትምህርት ዕድል ተነፍገው ይገኛሉ።

Ø በብሩንዲ በጸጥታ ኃይሎች ተይዘው የሚወሰዱ ሰዎች መዳረሻቸው የሚጠፋ መሆኑ ተነገረ። የመንግስቱ ተጻራሪ ናቸው ተብለው የሚጠረጠሩ ሰዎች በጸጥታ ኃይሎች ተወሰደው ከታሰሩ የሚጠብቃቸው በእስር ቤት በምርመራ መሰቃየትና ሞት ብቻ መሆኑን በርካታ ሰዎች እየተናገሩ ይገኛሉ። ከቅርብ ጊዜ ወዲህ ከቤታቸው፤ከስራ ቦታቸው እና ከሌሎች ቦታዎች በጸጥታ ኃይሎች ታፍነው የሚወሰዱና መዳረሻቸው የሚጠፋ ዜጎች ቁጥር እየጨመረ የመጣ ሲሆን ቤተሰቦቻቸውና ወገኖቻቸው ያሉበትን ለማወቅ በርካታ ገንዘብ በጉቦ መልክ እንዲከፍሉ እየተደረገ መሆኑን ጉዳዩን የሚከታተሉ ወገኖች እየተናገሩ ይገኛሉ። አይ ብሩንዲ የተባለ በህቡዕ የተቋቋመ የኢንተርኔት ቡድን በጸጥታ ኃይሎች ተጠልፈው መዳረሻቸው የጠፉትን ሰዎች ስም እያሰበሰበ ሲሆን እስካሁን በመቶ የሚቆጠሩ ሰዎች ታፍነው መወሰዳቸውና የጠፉትን ሰዎች ለማግኘት የሚከፈለው ጉቦ  ከ250 ዶላር እስከ 2500 ዶላር መድረሱን ገልጾ ጉዳዩን ለዓለም አቀፉ ህብረተሰብ እያጋለጠ እንደሆነ አስታውቋል።  የብሩንዲ መንግስት አፈናውን ይካድ እንጅ ጸጥታውን ለማረጋጋት ማናቸውንም ዓይነት እርምጃ እንዲወስዱ ለጸጥታ ኃይሎች መመሪያ መስጠቱ ይታወቃል። በቅርቡ በዋናው ከተማ በቡጁምቡራ  ሙሳጋና ያካቢጋ በተባሉ ቀበሌዎች መሳሪያ ለማስፈታት የጸጥታ ኃይሎች የሚያካሄዱትን አሰሳ ለማምለጥ የመንደሮቹ ነዋሪዎች አብዛኞቹ ቤት ንብረታቸውን ጥለው በመሰዳዳቸው የተሰደዱትን ዜጎች ቁጥር ከ250 ሺ በላይ ያደረሰው መሆኑ ተገልጿል።

Ø ዛሬ ሐሙስ መጋቢት 6 ቀን 2008 ዓም. ከፍተኛ የአውሮፓ ህብረት ቡድን ሊቢያ መግባቱና ከሊቢያ አንድነት መንግስት አባሎች ጋር መነጋገሩ ተገልጿል። የፈረንሳይ አምባሰደር እንዲሁም የእንግሊዝ እና የስፔን ከፍተኛ የልኡካን ቡድን በሊቢያ ወደብ በባህር ኃይል የጦር ሰፈር ውስጥ ከአንድነቱ መንግስት ባለስልጣኖች ጋር ተገናኝተው የተነጋገሩ ሲሆን የአውሮፓው ህብረት የሊቢያን የአንድነት መንግስት ለመርዳት ዝግጁ መሆኑን ገልጸዋል። ባለፈው ማክሰኞ መጋቢት 4 ቀን የጣሊያን የውጭ ጉዳይ ሚኒስትር ተመሳሳይ ጉብኝት አድርገው እርዳታና ትብብር ለማድረግ ቃል መግባታቸውና ባጭር ጊዜ ውስጥ ጣሊያን ኤምባሲዋን በትሪፖሊ ልትከፍት  እንደምትችል መናገራቸው ተገልጿል። ከጥቂት ቀናት በፊት በጠቅላይ ሚኒስትሩ የሚመራ የሊቢያ የአንድነት መንግስት አካል ትሪፖሊ ገብቶ በወደቡ አካባቢ ከባህር ኃይል ጦር ሰፈር ውስጥ ስራዎችን እያካሄደ መሆኑ የሚታወቅ ሲሆን ከአንዳንድ ወገኖች ድጋፍ ቢሰጠውም በትሪፖሊ የሚገኘው ራሱን መንግስት ነኝ የሚለው ክፍልና እንዲሁም በምስራቅ ሊቢያ የሚገኘውና የዓለም አቀፍ እውቅናና አግኝቶ የነበረው ምክር ቤት አብዛኞቹ የአንድነት መንግስቱን እየተቃወሙ መሆናቸው   ይታወቃል።

ሚያዚያ 05 ቀን 2008 ዓ.ም.

Ø የወያኔ አገዛዝ ለስልጣኑ ተቀናቃኝ ይሆናሉ የሚሰጋባቸውን ጉዳዮች  ሁሉ መቆጣጠርና እና መከታተል ሥራዬ ብሎ ከያዘ ወዲህ ሰሞኑን ደግሞ የኮምፒውተር ወንጀል ቅጣት  በአዋጅ መልክ ህግ ሆኖ እንዲወጣ  ጉዳዩን ለፓርላማ አቅርቧል። የመጣለትን ሁሉ በጭብጨባ ብቻ የሚቀበለው  የወያኔ ፓርላማም ረቂቅ ህጉን ይቀበላዋል ተብሎ ይጠበቃል። የወያኔ መሪዎች የኮምፒወተር ረቂቅ ህግን ለማውጣት የተገደዱበት ምክንያት ተቃውሞና አመጽ ያቀዱ መልእክቶች ያለ ተጠያቂነት በብዛት ሲሰራጩ በመቆየታቸው ነው ተብሏል። በተጨማሪም በኮምፒውተር ደረጃ ወንጀል እየበረከተ መምጣቱም ለረቂቅ አዋጁ መውጣት ሌላው ምክንያት እንደሆነ ተገልጿል። የወያኔው ረቂቅ አዋጅ የአገዛዙን ተቋማት በተለይም ወታደራዊ መረጃዎችን የሚገኙባችው የኮምፒውተር ፋይሎች እንዳይጠፉና እንዳይሰረቁ ልዩ ትኩረት ያደርጋል የተባለ ሲሆን ወያኔን ከስልጣን ለማባረር ይንቀስቃሳሉ የሚባሉ ቡድኖችና ግለስቦችን ለመቆጣጠርም ታስቦ ነው። በዚህ የኮምፒውተር ወንጀል የተከሰሰ ሰው ከ 15 እስከ 25 ዓመት ጽኑ እስራት እንደሚጠብቀው ረቂቅ ህጉ ይደነግጋል።

Ø በደቡብ ኢትዮጵያ በሻሸመኔ ከተማ ቀድሞ መጸዳጃ ቤት የነበረ ቦታ ላይ የአምልኮት መፈጸሚያ አዳራሽ ተሰርቶ አዳራሹ በመደርመሱ አስር ሰዎች መሞታቸው ታወቀ። ይህ በአሌሉ ክፍለ ከተማ ቀበሌ አስር ውስጥ ያለው መጻዳጃ ቤት መቼ እንደተቆፈረና መቼ እንደተዘጋ ባይታወቅም ህያው የእግዚአብሔር ቤተክርስቲያን የሚባል የአምልኮ ማካሄጃ ቤት ከአንድ ዓመት በፊት መገንባቱ ታውቋል፡፤ አዳራሹ በሚደረመስበት ሰዓት አስራ ስምንት ሰዎች አምልኮ ይፈጽሙ የነበሩ ሲሆን በሕዝብና በነዋሪው ትብብር ስምንት ሰዎችን ሰባት ሜትር ጥልቀት ካለው ጉድጓ ሊያወጧቸው ተችሏል። አደጋው ሰኞ ሚያዚያ 3 ቀን 2008 ዓም መድረሱ ሲታወቅ በህይወት የተረፉትን ሰዎች ለማውጣት ለሳብት ሰዓታት ከፍተኛ ጥረት መደረጉ ታውቋል።

Ø አሜሪካና ወያኔ በሱማሊያ ጉዳይ ላይ ያተኮረ አንድ የትብብር ስምምነት መፈራርማቸውን የአሜሪካ መንግስት ባለሥልጣኖች  አስታውቀዋል። ስምምነቱ በጸጥታና በመከላከያ ዙሪያ ሲሆን በአሜሪካ በኩል ስምምነቱን የፈረሙት በአሜሪካ ጦር ኃይል የአፍሪካ ኮማንድ አዛዥ ጄኔራል ዴቪድ ሮድሪዚግ ሲሆኑ በወያኔ በኩል የወያኔው ኤታ ማጆር ሹም የተባለው የጦር አለቃ ሳሙራ ዩኒስና የወያኔ መከላከያ ሚኒስትር ተብዬ ስራጅ ፈርጌሳ ናቸው። እአአ በ2007 ዓ.ም. በአሜሪካ ቡራኬ ወያኔ  ሱማሊያ ውስጥ ወረራ ማካሄዱ ይታወሳል።  አልሸባብን ለመዋጋት በሚል አሜሪካ ለወያኔ ጋር ከፍተኛ ወታደራዊ ትብብር ስትሰጥ መቆየቷ የሚታወቅ ሲሆን   ድሮን ለተባለው አብራሪ አልባ መንኮራኩሮች ማረፊያና የጦር ስፈር በገሙጎፋ አርባ ምንጭ ከወያኔ ተችራ እንደነበርም ይታወቃል። አሜሪካ የጦር ሠፈሯን ከአርባ ምንጭ ነቅላ ከወጣች ወዲህ ከወያኔ ጋር አዲስ ወታድራዊና የጸጥታ ስምምነት ስትፈርም ይህ የመጀመሪው ነው።

Ø በደቡብ ሱዳን ሁለት የእርዳታ ሰጭ ድርጅት ሠራተኞች በታጣቂ ኃይሎች የተገደሉ መሆናቸው ታውቋል። ዳኒሽ ዲማይኒንግ ግሩፕ (Dannish Demining Group) ለሚባለው የቦምብ አምካኝ የሰብአዊ መብት ድርጅት ይሰሩ የነበሩት ሁለቱ ግለሰቦች የደቡብ ሱዳን ዜጎች ሲሆኑ ወደስራ ከሚሄዱበት መኪና በታጣቂዎች እንዲወርዱ ተገድደው በጥይት ተመተው የተገደሉ መሆናቸውን የዓይን እማኞች ገልጸዋል።  እስካሁን ድረስ በደቡብ ሱዳን በታጣቂዎች የተገደሉ የእርዳታ ሰጭ ድርጅቶች አባላት 51 የደረሰ ሲሆን ግጭቱ እስከቀጠለ ድረስ ቁጥሩ ሊቀጥል እንደሚችል ተገምቷል፡፡

Ø በተያያዘ ዜና የደቡብ ሱዳን አማጽያን ኃይል ምክትል መሪ ሚስተር አልፍሬድ ላዱ ጎሬ በደቡብ ሱዳን ዋና ከተማ የገቡ መሆናቸው ተነግሯል። በተደረገው ስምምነት መሰረት የጸጥታውን ሁኔታ የሚያስከብር 1300 የሚሆኑ የአማጽያኑ ኃይል ወታደሮችና የጸጥታ ኃይሎች ቀደም ብለው ጁባ መግባታቸው የሚታወስ ሲሆን ዋና መሪ ሚስተር ሪክ ማቻርም በሚቀጥለው ሰኞ ጁባ ይገባሉ ተብሎ ይጠበቃል። የምክትል መሪው ጁባ መግባት በእርግጥም በአገሪቱ ላይ ሰላም እየሰፈነ ነው የሚለውን ግምት ከፍ አድርጎታል ተብሏል። ሚስተር ጎሬ ጁባ ሲገቡ በተናገሩት ቃል ከእንግዲህ ሰላም አይቀለበስም የሚል መልእክት ያስተላለፉ  ሲሆን 16 የአማጽያኑ ኃይል አባላት በመንግስት ኃይሎች መታሰራቸውንና ተደብድበው መለቀቃቸውን አውግዘዋል።

ከዚህ ሌላ አንድ የአፍሪካ ህብረት የመልክተኛ ቡድን በደቡብ ሱዳን የአንድነቱን የሽግግር መንግስት ለማጠናከር ጁባ የገባ መሆኑ ተገልጿል።

Ø በማሊ የታጠቁ ኃይሎች የሚያደርጉት እንቅስቃሴ አሁንም ያልተዳከመ መሆኑ ተነግሯል። በቅርቡ በመንገድ ላይ በተቀበረ የፈንጅ አደጋ ሶስት የፈረንሳይ ሰላም አስከባሪ ኃይል አባላት የተገደሉ መሆናቸው የፈረንሳይ መንግስት ቃል አቀባይ ገልጿል፡፡ ሶስቱ ወታደሮች የተገደሉት በሰሜን ማሊ ሽብረተኞች ላይ ጥቃት ለመሰንዘር ወታድሮችን የጫኑ 60 ተሽከርካሪ ካሚዮኖች የሚገኙበት ኮንቮይ በሰሜን ማሊ ሲንቀሳቀስ ሟቾቹ የነበሩበት መኪና በፈንጅው በተመታበት  ጊዜ ሲሆን  ሌሎች ወታደሮችም የአካል ጉዳት የደረሰባቸው መሆኑ ተነግሯል። ፈረንሳይ 3500 ወታደሮች በሰላም አስከባሪ ኃይል ስር በአምስት የምዕራብ አፍሪካ አገሮች   ያሰማራች ስትሆን ከቅርብ ጊዜ ወዲህ ማሊ ውስጥ የተገደሉት የፈረንሳይ ወታደሮች ከአሁኑቹ ጋር ወደ ሰባት መድረሱ ተገልጿል።  

Ø ሚያዚያ 4 ቀን 2008 ዓ.ም. በደቡብ ሱማሊያ ኪስማዮ በተባለው የወደብ ከተማ አሜሪካ በሰው አልባ መንኮራኩር አማካይነት ባካሄዳችው የአየር ጥቃት 12 የአልሸባብ አባላት መግደሏን ገልጻለች። የአሜሪካ ወታደራዊ ተቋም የፔንታጎን ቃል አቀባይ በሰጠው መግለጫ የተገደሉት የአልሸባብ አባላት በአሜሪካ እና በሱማሌ መንግስት ወታደሮች ላይ አደጋ ለማድረስ ሲያቅዱ የነበሩ ናቸው ብሏል።  በከተማዋ የሚኖሩ የአይን እማኞች በሰው አልባው መንኮራኩር ጥቃት በርካታ ሰዎች መገደላቸውን ገልጸው ከተገደሉት መካከል አብዛኞቹ ሰላማዊ ሰዎች ናቸው ብለዋል።

Ø ባለፈው ታህሣስ ወር በሰሜን ናይጀሪያ 347 የሚሆኑ የሺያ ሙስሊም እምነት ተክታዮች በናይጄሪያ ወታደራዊ ኃይል አባላት በግፍ ከተገደሉ በኋላ በጅምላ መቃብር ውስጥ ተቀብረዋል በማለት አንድ የቀድሞ የአካቢው ባለስልጣን ለመርማሪ ቡድን የሰጡትን ቃል ተከትሎ ሰዎቹ ተቀብረውበታል የተባለው ቦታ ታጥሮ በጥበቃ ስር እንዲቆይና ምርመራ እንዲካሄድበት  የሰብአዊ መብት ተከራካሪ ድርጅት የሆነው አምነስቲ ኢንተርናሽናል ባወጣው መግለጫ ጠይቋል። አምነስቲ ኢንተርናሽናል በመግለጫው ውስጥ በሰሜን ናይጄሪያ ውስጥ የሚገኘው የካዱኑ ግዛት የመንግስት ኃላፊዎች ሚስጥሩን ማውጣቸውን አድንቆ ወንጀለኞችን ወደ ፍርድ ለማምጣት እና የሚገባቸውን ቅጣት ለመበየን ገለልተኛ በሆነ ኃይል ጉዳዩ መመርመር አለበት ብሏል። በተያዙበት ጊዜ በደረሰባቸው ድብደባ እና እንግልት አይናችው ጠፍቷል የሚባሉት የእምነቱ ተከታዮች  መሪም ባስቸኳይ ከእስር እንዲፈቱ ጠይቋል።

ሚያዚያ 4 ቀን 2016 ዓ.ም.

Ø የእድገትና የልማት ከበሮ በሚደበድባት የቴክኖሎጂ ተጠቃሚነት ጣራ ደርሷል እየተባለ የሚለፈፍላት ኢትዮጵያ በመረጃ ልማት ሰንጠረዥ የመጨረሻ ሶስተኛ ቦታ ላይ እንደምትገኝ አንድ ዓለም አቀፍ ተቋም ግልጽ አድርጓል። የኢንፎርሜሽን ዲቨሎፕመንት ኢንዴክክ ባለፈው ዓመት በ1967 የዓለም አገሮች ያደረገውን ጥናት ሰሞኑን ይፋ አድርጓል። ጥናቱ በየአየገሮቹ ያለውን የኢንተርኔት አገልግሎት ስፋትና ጥራት የተንቀሳቃሽ ስልኮች ስርጭትና ኔትወርክ የማግኘት አቅም የኢንተርኔት ተጠቃሚ ብዛትን ለኢንተርኔት የደረሱ ዜጎች ቁጥርን ግምት   ውስጥ ያስገባ እንደነረ ሲታወቅ በውጤቱ በሰንስጠረዥ መጨርሻ 167 ኛ ያወጣቸው ቻድ ስትሆን 166ኛ የሻዕቢያዋ ኤርትራ 165 ኛ ደግሞ ወያኔ በዘረኛንት የሚገዛት ኢትዮጵያ ሆናለች በጥናቱ በኢንፎርሜሽን ቴክኖሎጆ ለዜጎቻቸው በአስተማማኝ መንገድ ብቻ ሳይሆን በጥራት በማቅረብ ኮሪያ ቀዳም ስትሆን ዴንማርክና አይስላንድ አንደ ቅደም ተከተላችው ሁለተኛና ሶስተኛ ሆነዋል። በጥፋቱ ሰንጠረዥ ትናንት ነጻነት አገኘሁ ያለችው ደቡብ ሱዳን ከኢትዮጵያ በልጣና ተሽላ መገኘቷዘረኛዎቹ ወያኔዎች በኢትዮጵያ ላይ የሚሸርቡን ደባ ሸርና በግልጽ አሳይቷል

Ø በተያያዘ ዜና የወያኔ ቡድን ባለስልጣኖች በከፊል ኢትዮጵያ በተለይም በኦሮሚያ በደቡብ አካባቢ  ለሚገኘው ተጠቃሚ የትዊተር የዋትስ አብፕ ና የሌሎች የኢንተርኔት አገልግሎቶችን ከአንድ ወር በላይ ለሆነ ጊዜ ዘግቶ የነበረ መሆኑ ብሉመርግ የተባለ የዜና ወኪል አጋልጧል። የወያኔ አገልጋይ የሆነው የኢትዮጵያ የቴሌኮሙኒከሽን መስሪያ ቤት የአገሪቷን የኢንተርኔት አገልግሎት በሞኖፖል የያዘ ሲሆን ተቀጣጥሎ ከተያያዘው ሕዝባዊ አመጽ ጋር በተያያዘ በአካባቢው የኢንተርኔት አገግልጎትን በተለይም የሞባይል አገልግሎት ለመግዛት ማቀደቀዱ ቀደም ብሎ የተዘገበ መሆኑ ይታወቃል። የወያኔ ባለስልጣኖች የኢንተርኔት አገልግሎት ደካማ መሆን ነው እንጅ ሆን ተብሎ የተወሰደ የመንግስት እርምጃ አይደለም ብለው በማለት መግለጫ ለመስጠት ቢሞክሩም አፈናው እንቅስቃሴውን ለማዳከም የተጠቀሙበት እርምጃ መሆኑ የተረጋገጠ መሆኑና ብሶት የገፋፋው የሕዝብ አመጽ በማናቸውም ዓይነት አፈና ሊዳከም እንደማይችል ብዙዎች ይናገራሉ፡፡

Ø የወያኔ አገዛዝ ትውልድ ገዳይ የሆነ የትምህርት ፖሊስ ቀርጾ አንድ ዘርን ብቻ በዕውቀትና በሞራል ኮትኩቶ በማሳደግ ሌላውን ኢትዮጵያ ከንቱና ገልቱ ትውልድ ብቻ ሳይሆን በልዩ ልዩ ሱስና በጎጂ ባህል የታሰረ በማድረግ ተተኪ ትውልድ ለማሳጣት ጠንከሮ እየሰራ መሆኑ ታውቋል። በትግራይ ውስጥ በትምህርት ቤት አካባቢ መጠጥ መሸጥ ጫት መነገድ በት/ቤት ግቢ ስጋራ ማጤስ የከለከለው የወያኔ የትምህርት ፖሊስ በአዲስ አበባ ከተማ በትምህርት ቤቱ ግቢ አጥር ተጠግቶ ወይም ተሸንቆ በተሰራ የንግድ ቤት አልኮል መጠጥና ሲጋራ እንዲሸጥ ማድረግ ይፈቅዳል። ለትምህርት ቤቱ ልዩ ገቢ ያስገኛል ተብለው የተከፈቱት የንግድ ሱቆች ከልዩ ልዩ ገቢ ጀምሮ የአልኮል መጠጦችን የሚሸጡ ሲሆን ተማሪዎችና መምህራን በእረፍት ጊዜያቸው ወደ ሱቆቹ ጎራ ማለታቸው እየተዘወተረና በትምህርት ሰዓትም መጠጥ የሚጠጡና ሲጋራ የሚያጨሱ መበርከታቸው ታውቋል። በአዲስ አባባ በደጃጅ ገነሜ አንደኛና መለስተኛ ሁለተኛ ደረጃ ትምህርት ቤት ይህ ሁኔታ በግልጽ የሚታይ ሲሆን ወላጆችችና ኅብረተሰብ አንድ ካላሉ ትምህርት ቤቶች የትምህርት ገበታ መሆናቸው ቀርቶ የሱስ መሸመቻ ይሆናል በማለት የሚያስጠነቅቁ ዜጎች ብዙ ናቸው።

Ø በወያኔ ጦር ውስጥ በሚካሄዱት ስብሰባና ግምገማ  ላይ ሕዝባዊና  አገራዊ ጥያቄ ያነሱ ወይንም ሃሳባቸውን በነጻነት የገለጹትን ማስርና ደብዛ ማጥፋት የተለመደ ተግባር ሲሆን ሰሙኑንም በምስራቅ ዕዝ ውስጥ የተካሄደውን ስብሰባና ግምገማ ተከትሎ ቁጥራቸው ሃያ ሰባት የሚደርስ የበታች መኮንኖችና ወታደሮች ተይዘው መታስራቸው ታውቋል። ወታደሮቹና የበታች መኮንኖቹ የታሰሩት ጦሩን ልታሳምጹ ነው በማለት ሲሆን በወታደር ፖሊስ ተይዘው ለቀናት በሐረር ጦር አካዳሚ ከታስሩ በኋላ በአሁኑ ሰዓት በድሬደዋ አየር ኃይል ግቢ ውስጥ ታስረው ድብደባና ስቃይ እየተፈጸመባቸው መሆኑ ታውቋል። የወታደሮቹና የበታች መኮንኖች እስር አሁንም ድረስ ለምስራቅ ዕዝ ጦር አባላት ሚስጥር ተደርጎ መቀመጡ ታውቋል። ወታደራዊ ተመልካቾች የወያኔ መሪዎች ለሥልጣን ማራዘሚያና ለህልውናቸው በየጦሩ ውስጥ የራሳቸውን ዘርና ፓርቲ አባላትን  በአዛዥነት በመሾም ጦሩን ለመቆጣጠር መቻላቸውን በመግለጽ የወያኔ መሪዎች ያስሯቸውን የሕዝብና የሀገር ልጆች ለማስፋፋት የወያኔ የጦር አለቆችን ማገትና መያዝ ከአዛዥነት ማባረርና ለፍርድ ማቅረብ ሊታሰብበትና የሚገባ እርምጃ ነው ይላሉ።

Ø ቦኮ ሃራም የተባለው አሸባሪ ቡድን  በአጥፍቶ ጠፊነት የሚጠቅማባቸው ህጻናት ቁጥር ከጊዜ ወደ ጊዜ እየጨመረ መምጣቱ ተነገረ። በአሁኑ ወቅት  በአጥፍቶ ጠፊነት ቦምብ ከሚያፈነዱ ሰዎች መካከል ከአምስት አንድ የሚሆኑት አዕምሯቸው በአደንዛዥ ዕጽ የተበከለ ህጻናት መሆናቸው ታውቋል።  የዛሬ ሁለት ዓመት ቦኮ ሃራም በአጥፍቶ ጠፊነት ራሳቸውን እንዲገድሉ ያደረጋቸው ህጻናት 11 ሲሆኑ ባለፉት ሶስት ወር ብቻ 44 ህጻናትን ቦምብ በማፈንዳት ተጠቅሞባቸዋል። አደንዛዥ ዕጽን በመጠቀም ህጻናትን በዚህ ተግባር ላይ ማሰማራቱ ቡድኑ መዳከሙን ያሳያል የሚሉ ወገኖች ከካሜሩን ከቻድ ካናይጄሪያና ከናይጀር ጠልፎ የወሰዳቸውን ወደ 1.3 ሚሊዮን  የሚደርሱ ሕጻናት በመጠቀም ብዙ ጉዳት ሊያደርስ ይችላል የሚል ስጋት እንዳላቸው ገልጸዋል።

Ø ሰኞ ሚያዚያ 03 ቀን 2008 ዓም. ሩዪጊ በሚባለው የብሩንዲ ምስራቃዊ ግዛት  ማንነታቸው ያልታወቀ ታጣቂዎች በገበያ ቦታ ላይ በተኩሱት የእሩምታ ተኩስ ቢያንስ አምስት ሰዎችን የገድሉ መሆናቸውና ሌሎች ሰባት ሰዎች የመቁሰል ጉዳት የደረሰባቸው መሆኑ ታውቋል። የእሩምታውን ተኩስ በመተኮስ ጉ በዜጎች ላይ ጉዳት ያደረሱት ታጣቂዎች ቁጥር ሶስት ሲሆን ድርጊቱን ከፈጸሙ በኋላ ሳያዙ ያመለጡ መሆናቸው የአይን እማኞች ገልጸዋል። በብሩንዲ የፖሊቲካ ውጥረት ከተፈጠረ ጀምሮ በመቶ የሚቆጠሩ ሰዎች ህይወት የጠፋ ሲሆን ከ250 ሺ ሰዎች በላይ መሰደዳቸው ይታወቃል። 

Ø የደቡብ ሱዳን አማጽያን ቡድን ቃል አቀባይ ሰኞ ሚያዚያ 3 ቀን በሰጠው መግለጫ የደቡብ ሱዳን መንግስት የጸጥታ ኃይሎች 16 የሚሆኑ የደቡብ ሱዳን አማጽያን አባላትን አስረው ደብድባ ፈጽመውባችዋል ብሎ ከሷል። የደቡብ ሱዳን አማጽያን መሪ በሚቀጥለው ሚያዚያ 10 ቀን በዋናዋ ከተማ ጁባ ይገባሉ እየተባለ በሚጠበቅበት  ጊዜና የጸጥታውንም ሁኔታ ለመጠበቅ የተወሰኑ የአማጽያኑ ወታደሮች ጁባ በገቡበት ሁኔታ በሰዎቹ ላይ የተፈጸመው እስርና ድብደባ የሰላሙን ሁኔታ ሊያበላሽ ይችላል የሚል ፍርሃት ፈጥሯል። በተጨማሪም ባህር ዔል ገዛል በተባለው ሰሜናዊ ግዛት የመንግስት ኃይሎች በአማጽያኑ ላይ ያካሄዱትን  አዲስ ወታደራዊ ጥቃት በማውገዘ የአሜሪካው የውጭ ጉዳይ መስሪያ ቤት ሚያዚያ 10 ቀን መግለጫ ሰጥቷል።  መስሪያ ቤቱ የደቡብ ሱዳን ኃይሎች ያከሄዱት ጥቃት የተኩስ አቁሙን ስምምነት የሚጥስ መሆኑን ገልጾ የተጀመረውን የሰላም ሂደት ያደፈርሳል ብሏል።

Ø የጣሊያን የውጭ ጉዳይ ሚኒስትር ፓውሎ ጀንቲሎኒ  ለሊቢያ የአንድነት መንግስት የፖሊቲካና የዲፕሎማሲያዊ እርዳታ ለማድረግ ማክሰኞ ሚያዚያ 4 ቀን 2008 ዓም ትሪፖሊ መግባታቸው ተነገረ። በተባበሩት መንግስታት ድርጅት ግፊትና አስተባባሪነት የተቋቋመው የአንድነት መንግስት በባህር በኩል ትሪፖሊ ከተማ ከገባ ጀምሮ አንድ የአውሮፓ ባለስልጣን በሊቢያ ጉብኝት ሲያደርግ ጀንቲሎኒ የመጀመሪያ መሆናቸው ነው። የውጭ ጉዳይ ሚኒስትሩ ከአንድነት መንግስቱ ጠቅላይ ሚኒስትር ከሚስተር ፋየዝ ሴራጅ ጋር ተገናኝተው ከተወያዩ በኋላ በሰጡት መግለጫ የአውሮፓ አገሮች አዲሱን መንግስት ለመርዳት እና ለማጠናከር ሙሉ በሙሉ የቆረጡ መሆናቸውን ገልጸው ከእሳችው በኋላ በርካታ ባለስልጣኖች ወደሊቢያ በመምጣት የስራ ጉብኝት እንደሚያደርጉ ገልጸዋል። ዋናው ቁልፉ አይሲስ እንዳይጠናከርና እንዲወገድ ማድረግ ነው ካሉ በኋላ በርካታ የአውሮፓ አገሮች ኢምባሲዎቻቸውን በትሪፖሊ ሊከፍቱ የሚችሉ መሆናቸውን ገልጸዋል።

ሚያዚያ 03 ቀን 2008 ዓ.ም.

Ø የደቡን ሱዳን አማጽያን መሪ ሪክ ማቻር ሚያዚያ 10 ቀን 2008 ዓ.ም ዋናዋ ከተማ ጁባ ይገባሉ ተብሎ ቀደም ብሎ የተነገረ ሲሆን ቀደም ብሎ በተደረገው ስምምነት መሰረት የምክትል ፕሬዚዳንቱና የሌሎች ባለስልጣናትን ደህንነት ለመጠበቅ 1370 የሚሆኑ የደቡብ ሱዳን አማጽያን ወታደሮችና የፖሊስ አባላት ጁባ ከተማ የገቡ መሆናቸው ተዘግቧል። ወታደሮቹ ወደ ከተማ የገቡት በተባበሩት መንግስታት ድርጅት አውሮፕላን ሲሆን የተመደበላቸውን ቦታ ይዘዋል ተብሏል። በአማጽያኑና በደቡብ ሱዳን መንግስት መካከል ባለፈው ዓመት የተደረገው ስምምነት ከሁለቱም ወገኖች የተውጣጣ አነስተኛ የወታደርና የፖሊስ ኃይል ብቻ በከተማዋ እንዲኖር የሚወስን ሲሆን ይህኛው የመጀመሪያው ዙር መሆኑ ታውቋል።  የደቡብ ሱዳን አማጽያን ቡድን ቃል አቀባይ በሰጠው መግለጫ የደቡብ ሱዳን መንግስት ጁባ ውስጥ የሚገኙትን ወታደሮችና ፖሊሶች በስምምነት መሰረት ያልቀነሰ መሆኑን ገልጾ እንዲያውም የወታደሩ ቁጥር ከነበረብት ጨምሯ የሚል ክስ አሰምቷል።

Ø እሁድ ሚያዚያ 2 ቀን 2008 ዓ.ም. በቻድ በኮሞሮ ደሴቶችና እና በሱዳን ዳርፉር ግዛት ምርጫዎች ተካሄደዋል። በቻድ በተካሄደው ምርጫ ከሃያ ስድስት ዓመት በፊት በመፈንቅለ መንግስት ስልጣን ላይ የወጡት ኢድሪስ ዴቢ እና ሌሎች 12 ግለሰቦችም ተወዳዳሪ ሆነው ቀርበዋል።   በአንዳንድ የምርጫ ጣቢያዎች የማጭበረበር ተግባሮች በየቦታው ተከስተዋል፤ ወታድሮች መራጩ ሕዝብ ድምጹን ለፕሬዚዳንቱ እንዲሰጥ አስገድደድዋል፣ በአንዳንድ ቦታም ድምጾች በገንዘብ ተገዝተዋል የሚሉ ክሶች መንግስቱን ከሚቃውሙ ተወዳዳሪዎች ቀርበዋል።   የመራጩ ብዛት ከፍተኛ መሆኑ የታየ ሲሆን ታዛቢዎች  ፕሬዚዳንቱ ያሸናፋሉ የሚል  ግምት ሰጥተዋል። ከአስራ ሶስት አመታት በፊት በሀገሪቱ ውስጥ የነዳጅ ምርት ተገኘ ቢባልም  ከአገሪቱ ሕዝብ መካከል ከግማሽ በላይ የሚሆነው ከድህነት እርከን በታች እንደሚኖር ተዘግቧል። ከ10 የቻድ ዜጎች መካከል 7 ቱ መጻፍና ማንበብ የማይችሉ ማሃይማን መሆናቸውም የተመድ ምንጮች ይገልጻሉ። በመንግስት ላይ ያለው ተቃውሞ ከፍተኛ ሲሆን የጽጥታ ኃይሎችም ከፍተኛ አፈና ግድያ በሰፊው እንደሚያካሄዱ የሰብአዊ መብት ተሟጋች ድርጅቶች በተደጋጋሚ አቅርብዋል።

በኮሞሮ የአሁኑኑ ፕሬዚዳንት ለመተካት የሁለተኛ ምርጫ ሚያዚያ 2 ቀን ተካሄዷል። ምርጫው የተካሄደው በመጀመሪያ ዙር ምርጫ ከፍተኛ ድምጽ ባመጡት በሶስት ተወዳዳሪዎች መካከል ሲሆን ውጤቱ ከረቡዕ በፊት አይታወቅም ተብሏል። በጥር ወር በተካሄደው በመጀመሪያ ዙር ምርጫ 19 ተወዳዳሪዎች ምርጫው ማጭበርበርና ማታለል የበዛበት ነው በማለት መክሰሳችው ይታወሳል።

ለረጅም ጊዜ የእርስ በርስ ጦርነት ሲካሄድበት በቆየው በሱዳን የዳርፉር ግዛትም ለሶስት ቀናት የሚቆየው የውሳኔ ሕዝብ ምርጫ እሁድ ሚያዚያ 2 ቀን 2008 ዓ.ም. ተጀመሯል። የበሽር መንግስት ዳርፉር በአምስት የግዛት አስተዳደሮች ይከፋፈል ወይስ በአንድ አስተዳደር ስር ይቆይ የሚለውን ሀሳብ ሕዝብ እንዲወስነበት ምርጫውን ያዘጋጀ ሲሆን አንድ የአስተዳድር ግዛት ነው የሚያስፈልጋት የሚሉት ተቃዋሚዎች ሀሳቡን ተቃመው መራጩ እንዳይሳተፍ ጥሪ አድርገዋል፡፤ የተባበሩት መንግስታት ድርጅት አሁን ዳርፉር ውስጥ በሚገኘው የጸጥታ ሁኔታ ትክክለኛ ምርጫ ሊካሄድ አይቻልም ብሏል። እስካሁን ድምጹን ለመስጠት የወጣው ዜጋ በጣም አነስተኛ መሆኑ ሲነገር ብዙዎችም ወደ ምርጫ የወጡት  በወታደሮች እየተጃቡ መሆናቸው ተገልጿል።

Ø ሰኞ ሚያዚያ 3 ቀን 2008 በስማሊያ ዋና ከተማ በሞጋዲሹ በአንድ የምግብ ቤት አቅራቢያ የፈነዳው ቦምብ ቢያንስ አምስት ሰዎች የተገደሉ መሆናችው የዓይን እማኞች ገለጹ። ሬስቶራንቱ የሚገኘው ሀመረወይን በሚባለው አካባቢ ከከተማው አስተዳድር አቅራቢያ በመሆኑ የመንግስት ሰራተኞችን ለመጉዳት ሆን ተብሎ የተወሰደ እርምጃ ነው በማለት ታዛቢዎች ግምታቸውን ይሰጣሉ። ለፍንዳታው እስካሁን ኃላፊነቱን የወሰደ ግለስብ ወይም ቡድን ባይኖርም አለሸባብ እንደሆነ ይገመታል፡፡ የዛሬው የቦምብ ፍንዳታ የደረሰው ቀደም ብሎ ኬኒያ ውስጥ ተይዞ ወደ ሱማሊያ እንዲመጣ የተደረገና ጋዜጠኞች ገድሏል ተብሎ የተፈረደበት አንድ የበጥይት ተደብድቦ ተገድሏል የሚል ይፋ መግለጫ የሱማሌ መንግስት በሰጠ በጥቂት ሰዓታት ውስጥ ነው።

ሚያዚያ 01 ቀን 2008 ዓ.ም

Ø የወያኔ ዘረኛ ቡድን የድከመውንና የተነቃነቀውን አገዛዙን በኃይልና በሽብር ለመቀጠል ግድያ እስርና ድብደባ የቀጠለ መሆኑ ሲታወቅ ተዳፍኖ የነበረው ሕዝባዊ ተቃውሞ በየቦታው በግልጽ መውጣቱ እንቅልፍ የነሳቸው የወያኔ መሪዎች በቤተ ክህነት ውስጥ ያስቀመጧቸውን ካባ ለባሽ ካድሬዎች ማነቃነቅ መጀመራችው ታውቋል። በዚህ መሠረት የወያኔው ቀንደኛ መሪ አባይ ፀሐዬ በሰጠው መመሪያ መሠረት በአባ ማትያስ አስፈጻሚነት ቤተ ክህነት በአዲስ አበባ አስሩም ክፍለ ከተሞች የሰላም ጉባዔ በማለት ማደራጀት መጀመራችው ታውቋል። የሰላም ጉባኤው ተደራጅቶ ወደ ምዕመናኑ ሲደርስ የሰላም ጉባዔ ተደረገ ተብሎ መግለጫና ውሳኔ የሚጠበቅ ሲሆን ውሳኔዎቹ የሕዝባዊ ተቃውሞውን ማውገዝ፣ በስደት የሚገኘውን ህጋዊ ሲኖዶስ መርገም፣ ፀረ ወያኔ የሆነውን ትግል ሁሉ በሽብረተኛነት እንዲፈረጁ ማድረግ መሆኑን ከቤተ ክህነት ያፈተለከው መረጃ አመልክቷል። ቤተ ክህነት ሰላምና እርቅን ይቀር ባይነት ማስተማርና ማስፈጸም ሐዋርያዊ ተልእኮዋ ቢሆንም ካባ ለባሽ ካድሬዎቹ ቤተ ክህነትንና የእግዚአብሔር ቤትን ለሁሉም ምዕመናን ሳይሆን ለአንድ ዘረ የበላይነት አገልጋይና ታዛዥ ማድረጋቸው በምድር ወንጀል በሰማይም ሀጢያት መሆኑን ምእመናን ይገልጻሉ።

Ø የአንድ ዘር የበላይነት ያሰፈነውን ዘረኛ አገዛዝ ዕድሜ ለማስቀጠል የወያኔ ቡድን መሪዎች በየወቅቱና በየጊዜው የወታደርና የፖሊስ ኃይል ምልመላ ሲያካሂዱ አንዳንድ ጊዜም በግዳጁና በማጭበርበር ሲፈጽሙ መቆየታቸው ይታወሳል። ሰሞኑን ደግሞ በማናችውም ዕድሜ ክልል ውስጥ ያለ ሰው ደግሞ በሚሊሺያነት ለመመልመል ጥሪ ማቅረባቸው ከባቲ የመጣው መረጃ አመልክቷል። እንደ መረጃው ከሆነ በባቲ አፋር በአካባቢው ከሚገኙ ነዋሪዎች ታጣቂ ሚሊሺያ ምልምሎ ለማሰልጠን እንቅስቃሴ መጀመሩን የዓይን ምስክሮች ተናግረዋል። በአካባቢዎቹ የሚኖር ማንኛውም ሰው ለሚልሺያነት መመዝገብ ግዴታ መሆኑ የተገለፀ ሲሆን የሚሊሺያ ምልመላው ለምን እንዳስፈለገ የተገለፀ ነገር የለም። አምባገነን አገዛዞቹ የሥልጣን የመጨረሻ ዘመናቸው ሁሉንም ነገር በጦር ኃይል ለመቆጣጠር በማሰብ ወታደራዊ ቅጥርና የሚሊሺያ ምልመላ የተለመደ ተግባር ነው የሚሉ ታዛቢዎች አገዛዞች እየሳሱና እየላሉ በሄደ ቁጥር ወታደርና ፖሊስ ማብዛት ሚሊሺያ ማስቀጠር ልማዳቸው ነው ይላሉ።

Ø የወያኔ የኢሕአዴግ ምክር ቤት ያደረገው ስብሰባ ማጠናቀቁ ተገለፀ። የምክር ቤቱ ስብሰባ መጠናቀቁን ተከትሎ ባወጣው መግለጫ እንደተመለደውና እንደተጠበቀው ባለፈው ስድስት ወራት አመርቂ ውጤቶች ተገኝተዋል ብሏል። ኢኮኖሚው በፈጣን እድገት ላይ ነው፤ ማኑፋክቸሪንግ እየጎለበተ ነው፤ የኮንስትራክሽን ዘርፍ ተጠናክሮ ቀጥሏል፤ ወደ ውጭ የሚላከውን በዓይነት በጥራት አጠናክረን እንቀጥላለን ወዘተ…የሚሉ ምኞትን ብቻ የያዙ ቃላትን ቢደረድሩም ሁኔታው ከሚሉት የተለየ መሆኑ ግልጽ ነው። በተጨባጭ የሚታየው ፖሊቲካው እየከረረ ኢኮኖሚው እየቀጨጨ ሲሆን ወያኔ ይህን ለማስታገስ የጋራ መግባቢያ በሚል የያዘውን አዲስ ፈሊጥ በሚዲያው ለማደንቆር የወሰነ ሲሆን በሀገር ውስጥ ምንም ዓይነት ተቃውሞ ለማድረግ የተሳናቸውን ተቃዋሚ ፓርቲዎችን በጋራ ምክር ቤት ውስጥ ብቻ ተሳትፏቸው እንዲያጠናክሩ ጠይቋል። የወያኔው ኢሕአዴግ በመግለጫው ላይ ከ15 ሚሊዮን ሕዝብ በላይ ህይወትን እያወከ አለውንንና አደጋው አስጊ ነው በተባለለት ድርቅ ዙሪያ ዕርዳታ እያቀረብኩ ነው ከማለት ሌላ የገለጸው ነገር የለም። ብዙ የፖሊቲካ ታዛቢዎች ግን ወያኔ ዋና የመነጋገርያ አጀንዳ አድርጎት የነበረው በመላ ኢትዮጵያ የተቀሰቀሰውን ተቃውሞና ቁጣ ለማስቆም ስለሚቻልበት ሁኔታና የአገዛዙን ዕድሜ ለማራዘም መወሰድ ባለባቸው እርምጃዎች ዙሪያ መምከሩን ይናገራሉ።

Ø ህጻናትን አድን (Save the Children) የተባለው መንግስታዊ ያልሆነው ድርጅት አርብ መጋቢት 30 ቀን 2008 ዓ.ም. እንዳስታወቀው ኢትዮጵያ ውስጥ ስድስት ሚሊዮን ህጻናት አስጊ የሆነ የምግብ እጥረት ውስጥ እንዳሉ ገልጿል። የዘንድሮ ድርቅና ረሃብ በጣም ሰፊና 30 ሚሊዮን ሕዝብ የሚኖርበትን አካባቢ ያዳረሰ መሆኑን የጠቀሰው የሕጻናቱ አድን ድርጅት  ከዚህ ውስጥ ሢሶው ማለትም አስር ሚሊዮን የሚሆነው የአስቸኳይ ጊዜ የምግብ እርዳታ ፈላጊ መሆኑን ገልጿል። ካለፈው ሐምሌ ወር ጀምሮ 14 ሺህ በከብት እርባታ የሚተዳደሩ አባወራዎች አካባቢያቸውን ለቀው ለመሰደድ መገደዳቸውን በመጥቀስ የዓለም አቀፉ ኅብረተሰብ ርብርብ ካላደረገ አስጊ ና አደገኛ ሁኔታ እንደሚፈጠር በማስጠንቀቅ በተለይ ህጽናት በምግብ እጦትና በውሃ ወለድ በሽታ እየተጠቁ መሆናችውን ገልጿል። የተለያዩ ድርጅቶች የቅድመ ማስጠንቀቂያ ቢሰጡም እልቂት ሊያስከትል የሚችል ሁኔታ እንዳለ ቢነገርም የተፈለገውን ያህል ለጋሽና ረጅ እንዳልተገኘ አስታውቋል።

Ø በዚህ ዓመት ህዳር ወር ውስጥ በፓሪስ ከተማ በደረሰውና የብዙ ሰው ህይወት ባጠፋው የቦምብ ጥቃት ቀንደኛ ተሳታፊ የነበረውና እስካሁን ሲፈለግ የነበረው ሙሀመድ አብሪኒ አርብ መጋቢት 30 ቀን 2008 ዓ.ም ብራስልስ ውስጥ በቤልጀየም ፖሊሶች የተያዘ መሆኑ ተነገረ። ባለፈው ወር በብራስልስ አውሮፕላን  ማረፊያ በደረሰው  ጥቃት ላይ ተሳትፎ ያመለጠው ሶስተኛው ግለስብ ይኸው ሙሀመድ አብሪኒ መሆኑንና አለመሆኑንም ፖሊሶች ምርመራ እያካሄዱ ነው ተብሏል። የፖሲስ ቃል አቀባይ አብሪኒ ከሌሎች ስማቸው ያልተገለጸ ሁለት ሰዎች ጋር የተያዘ መሆኑን አረጋግጠዋል። የአብሪኒ የጣት አሻራ በብራስልስ ከተማ በሁለት መኖሪያ ቤቶች ውስጥ እና እንዲሁም የፓሪሱን ሽብር ለማካሄድ  አጥፍቶ ጠፊዎቹ የተጠቀሙበት መኪና ውስት የተገኘ መሆኑ ታውቋል። በተጨማሪም በብራስልስ ከተማ በተካሄዱትና ለስላሳ ሶስት ሰዎች  ህይወት መጥፋት ምክንያት በሆኑት  የቦምብ አደጋዎች ላይ ተሳትፈዋል የተባሉት ኦሳማ ክራየም የተባለ የስዊድን ዜግነት ያለው ግለሰብ እና ሌሎች ስማቸው ያልተገለጠ ሶስት ሰዎች መጋቢት 30 ቀን በቁጥጥር ስር የዋሉ መሆናቸውም ተነግሯል። ኦሳማ ክራየም በብራሰልስ ማየልቤክ አውሮፕላን ጣቢያ ላይ ቦምቡን በማፈንዳት ራሱን የገደለው የካሊድ ባክራዊ ተባባሪ የነበረ እና ቦምቡ የፈነዳበትን የስፖርት ቦርሳ ከገበያ ቦታ ገዝቶ የሰጠ ነው ተብሏል።

Ø ትናትንት መጋቢት 30 ቀን 2008 ዓም በጂቡቲ በተካሄደው ምርጫ እንደተጠበቀው የስድሳ ስምንት ዓመቱ ፕሬዚዲንት ሚስተር ገሌህ የድምጹን 87 ከመቶ በማግኘት አሸንፈዋል ተብሏል። ሚስተር ገሌህ ላለፉት 17 ዓመታት በስልጣን ላይ የነበሩ ሲሆን ለአራተኛ ጊዜ አልወዳደርም በማለት ቀደም ብለው የሰጡትን ቃል አጥፈው ለውድድር መቅረባችው ይታወሳል። ከምርጫው በፊት በጸጥታ ኃይሎች ከፍተኛ አፈና መደረጉ የተነገረ ሲሆን መገናኚያ ብዙሃኖችም በሚያስገርም ሁኔታ ለገሌህ ድጋፍ ይሰጡ እንደነበር ታይቷል ተብሏል፡፤ በዚህ ምክንያትም ሶስት ተቃዋሚ ፓርቲዎች ምርጫው ላይ ሳይሳተፉ ቀርተዋል። አሜሪካ ጂቡቲ ውስጥ ቋሚ ወታደራዊ ካምፕ በመመስረቷ እና የአገሪቱ ስትራቴጂያዊ ቦታ ለአውሮፓ አገሮች የኢኮኖሚ እና የጸጥታ ጥቅም ከፍተኛ አስተዋጾ ያለው በመሆኑ  ሚስተር ጉሌህ ሲያካሂዱ የቆዩትን  አፈናና የትናንቱን የይስሙላ ምርጫ በዝምታ እንዳለፉት ተስተውሏል።

Ø ከጥቂት ቀናት በፊት ካይሮ ውስጥ ተገድሎ ሬሳው ተጥሎ የተገኘውን የጣሊያኑን ተወላጅ የጁሊዮ ሬጂኒ  ጉዳይ አስመልክቶ  የግብጽ የጸጥታ ቡድን ወደ ሮም ዘልቆ ከጣሊያን መንግስት ባለስልጣኖች ሲያካሄድ የነበረው ውይይት ውጤት አልባ መሆኑ የተነገረ ሲሆን ጣሊያን በግብጽ ያለው አምባሳደሯን ለውይይት በሚል ባስቸኳይ የጠራች መሆኑ ተገልጿል። የጁሊዮ ገዳዮች በአሰሳ የተገደሉት የሽብረተኛ ቡድን አባሎች ናቸው  በማለት የግብጽ መንግስት ያቀረበውን ማስረጃ ቡድኑ ጁሊዮን ለመግደሉ የሚያረጋግጥ መረጃ አልተገኘም በሚል  የጣሊያን መንግስት ውድቅ ያደረገው መሆኑ ታውቋል።  የግብጽ የጸጥታ ኃይሎች ጁሊዮን በቁጥትር ስር ካደረጉ በኋላ በምርመራ አካሉን ጎድተው ሬሳውን ጥለውታል የሚለው ጥርጣሬ ከበድ እያለ በመምጣቱ የጣሊያን መንግስት እና የግብጽ መንግስት ግንኙነት እየተበላሸ ይሄዳል የሚል ስጋት አለ።

Ø ዛሬ ሚያዚያ 1 ቀን 2008 ዓም በሱማሊያ ዋና ከተማ ሁለት የአልሸባብ አባላት  በተወሰነባቸው ፍርድ በጥይት ተደብደበው ሞተዋል። ሁለቱ የአልሸባብ አባላት የሞት ፍርድ የተፈረደባቸው ባለፈው ታኅሳሥ ወር በመኪና ላይ ፈንጅ በማጥመድ ሂንዲዮ ሃጅ መሀመድ የተባለውን የቴሌቪዥን ጋዜጠኛ ገድለዋል በሚል ነው። ሱማሊያ ለጋዜጠኞች ስራ አደገኛ የሆነች አገር ስትሆን የፕሬስ ነጻነትም ዝቀተኛ ከሆኑባቸው የዓለም አገሮች ውስጥ አንዷ ነች። የድንበር የለሽ ጋዘጠኞች ድርጅት በ2002 ባካሄደው ጥናት  በፕሬስ ነጻነት ሱማሊያ ከ176 አገሮች 172ኛ መሆኗን አመልክቷል።

Ø የዳርፉርን ግዛት በአምስት የአስተዳድር ክልሎች ከፋፍሎ ለማስተዳደር ከበሽር መንግስት የቀረበውን ሀሳብ ህዝብ በውሳኔ ሕዝብ እንዲያጸድቀው ከሰኞ ጀምሮ ለሶስት ቀና ዳርፉር ውስጥ ሕዝቡ ድምጽ እንዲሰጥ ይደረጋል ተብሏል። በዳርፉር የሚገኙ አማጽያን ኃይሎች በጦርነት ቀጠና ውስጥ ባለ አካባቢ ነጻና ፍትሐዊ በሆነ መንገድ የድምጽ አሰጣጡ ተግባር ስለማይፈጸም ሕዝቡ በምርጫው እንዳይሳተፍ እየቀሰቀሱ ይገኛሉ። የአስተዳድሩ በአምስት ክልሎች መከፋፈል በተገቢው መንገድ ለማስተዳደርም ሆነ የኢኮኖሚ እድገት ለማግኘት አስፈላጊ መሆኑ የበሽር መንግስት እየገለጸ ሲሆን የአስተዳድር ክልሉን ክሶስት ወደ አምስት ከፍ ያደረገው የበሽብር አገዛዝ ዳርፉር ላይ ያለው ቁጥጥር ከፍ እንዲል ለማድረገ ነው ይላሉ””

Ø በደቡብ አፍሪካ የሚገኙ የሃይማኖት መሪዎች አርብ መጋቢት 30 ቀን 2008 ዓም በጋራ ባወጡት መግለጫ ፕሬዚዳንት ዙማ ስልጣናቸውን በፈቃዳቸው እንዲለቁ ጠየቁ። የሃይማኖት አባቶቹ በሰጡት መግለጫ የፕሬዚዳንት ዙማ የሙስና ተግባር የሞራል የበላይነትን ያሳጣቸው ስለሆነ አገር ለመምራት ብቃት የላቸውም ብለዋል።  የሃይማኖት መሪዎቹ ቀደም  ከገዥው ፓርቲ አባላት ጋር ውይይት ያደረጉ መሆናቸው የተነገረ ሲሆን የውይይቱ ውጤት ምን እንደነበር ግን ለማወቅ አልተቻለም። የፕሬዚዳንት ዙማ ልጅ በከፊል ባለቤት በሆነበት ኩባንያ ከኃላፊነት ቦታዎች ራሱን ማግለሉን ያስታወቀ ሲሆን ጉብታ የሚባለው የህንዱ ቤተሰብ አባላትም እንዲሁ ከኩባንያው ኃላፊነት ቦታዎች ራሳቸውን ያነሱ መሆናቸውን ይፋ አድርገዋል።

መጋቢት 30 ቀን 2016 ዓ.ም.

Ø ተጨማሪ የቤት እስራዔሎች ቤተሰቦች በዚህ አመት ከኢትዮጵያ ወደ እስራኤል ሊመጡ ስለሚችሉበት ሁኔታ የእስራዔል ገዥ ፓርቲ ከአጋሮቹ ጋር ስምምነት የደረሰ መሆኑን ሐሙስ መጋቢት 29 ቀን ማምሻውን በሰጠው መግለጫ ገልጿል። በዚህ 1300 የሚሆኑት እንዲመጡ የተፈቀደ ሲሆን ወደፊት ቁጥሩ  ከዚህ በላይ ሊጨምር የሚችል መሆኑን ተገልጿል። ባለፈው ወር በእስራዔል አገር የሚገኙ ትውልደ ኢትዮጵያውያን ዘመዶቻቸው ወደ እስራኤል እንዲመጡ በመጠየቅ ከፍተኛ ትዕየንተ ሕዝብ ማካሄዳቸው የሚታወስ ሲሆን የእስራዔል መንግስት ነገሩን ችላ በማለት ኢትዮጵያውያኑን  የፈቃዱን ውሳኔ ሲያስተላልፍ መቆየቱ ይታወሳል። ባለፉት ጥቂት ቀናት አንዳንድ የፓርላማ አባላት ባደረጉ ጥረትና እንዲሁም ተቃውሞውና አድማው የጋራ መንግስቱን ህልውና አደጋ ላይ ሊጥል የሚችል መሆኑ ስለገባው  ገዥው ፓርቲ ሀሳቡን ቀይሮ ቤተእስራኤሎቹ ወደ እእስራኤል እንዲመጡ ፈቅዷል።

Ø በጂቡቲ ዛሬ መጋቢት 30 ቀን 2008 ዓም  ጠቅላላ ምርጫ እየተካሄደ ሲሆን የጂቡቲው ፕሬዚዳንት አሸናፊ ሆነው እንድሚቀርቡ አስቀድሞ ታውቋል። ስድስት ተወዳዳሪዎች ለምርጫው ቢቀርቡም ላለፉት 17 ዓመታት በስልጣን ላይ የቆዩት ፕሬዚዳንት አሸናፊ እንደሚሆኑ ጥርጥር የለውም በማለት ታዛቢዎች ይተቻሉ። ከተቃዋሚዎች ውስጥ የተወሰኑት በምርጫው ላለመሳተፍ የወሰኑ ሲሆን ተወዳዳሪ ሆነው የቀረቡት ደግሞ የፖሊሶች አፈና መጠናከሩንና የመገናኚያ ብዙሃን አድላዊነትን በመግለጽ ክስ እያሰሙ ይገኛሉ። ድምጹን የሚሰጠው  የጂቡቲ ሕዝብ ቁጥር አነስተኛ ነው የተባለ ሲሆን ፕሬዚዳንት ጉሌህ ከየመን የመጡ ስደተኞችን አስመዝገበው ድምጽ እንዲሰጡ እያደረጉ ነው ተብሏል። የተቃዋሚዎች መከፋፈል ጉሌህን ሊጠቅም ችሏል የሚሉ አልጠፉም። ከሶስት አመት በፊት የጉሌህ ተቃዋሚ የሆኑ ፓርቲዎች ትብብር ቢፈጥሩም ጉሌህ ተወዳድሮ ሊያሸንፍ የሚችል አንድ የጋራ ተወዳዳሪ ማውጣት ላይ ሊስማሙ አልቻሉም።  የምዕራብ አገሮች ጂቡቲ ውስጥ ባላቸው ጥቅም ምክንያት ስለምርጫው አስተያየት ሲሰጡ አይሰማም።

Ø በሊቢያ የአይሲስ አባላት ቁጥር እየጨመረ መምጣቱን በአፍሪካ የአሜሪካ ወታደራዊ ተቋም አዛዥ ተናገሩ። አዛዡ ላለፉት 12 እስከ 18 ወራት ባሉት ጊዚያት ወደሊቢያ የገቡት የአይሲስ አባላት ቁጥር ከ4 ሺ ወደ 6 ሺ ከፍ ያለ መሆኑን ገልጸው አሸባሪዎቹ በብዛት ሊገቡ የቻሉት በአገሪቷ ውስጥ ያለውን የፖለቲካ እና የጸጥታ አለመረጋጋት ተጠቅመው ነው ብለዋል። አብዛኞቹ ከውጭ የመጡ በመሆናቸውና አገር በቀል የሆኑ አባሎች አነሰተኛ በመሆናቸው እንደ ኢራክና እንደ ሶሪያ የተወሰነ ክልል ይዘው ለመቆጣጠር አይችሉም የሚል አስተያያት አዛዡ ጨምረው ገልጸዋል። በሊቢያ የሚገኙት ልዩ ልዩ የሚሊሺያ ቡድኖች በየቦታው ከአይሲስ ኃይሎች ጋር እየተጋጩ ስለሆነ በራሳቸው የሚጠናከሩበት ሁኔታ አነስተኛ መሆኑን ይናገራሉ።

Ø የሴየራ ሊዮን ፕሬዚዳንት በአገራቸው የኢቦላ በሽታ የታደከመ መሆኑን ገልጸው የአገሪቷ ኢኮኖሚ ከወደቀበት ቦታ እንዲያንሰራራ ለማደረግ የውጭ አገር መዋእለ ንዋይ እንደሚያስፈልግ ተናገሩ። ከምዕራብ አፍሪካ አገሮች 11 ሺ ዜጎችን የገደለው የኢቦላ በሽታ የሲየራ ሊዮንን ኢኮኖሚ በተለይም የእርሻውን መስክ ክፉኛ ያጠቃው በመሆኑ የውጭ አገር ሀብታሞች ገንዘባቸውን በልዩ ልዩ የስራ መስክ ላይ በማዋል ኢኮኖሚው እንዲያንሰራራ እንዲያደርጉ ተማጽነዋል። ፕሬዚዳንቱ በቅርቡ ቱርክ ውስጥ  በሚደረገው የእስላማውያን አገሮች አመታዊ ስብሰባ ላይ ተገኝተው ተመሳሳይ ልመና የሚያቀርቡ መሆናችውን ገልጸዋል። 

Ø የሞሮኮ መንግስት 8 የውጭ አገር ዜጎችን ከአገሩ ያባረረ መሆኑን ገለጸ። ተባረሩ የተባሉት ግለሰቦች ሁለት የፈረንሳይ አንድ የቤልጂክ እና አምስት የስፔይን ዜጎች ሲሆኑ ለመባረራቸው ምክንያት የሆነው በእስር ላይ ለሚገኙት የምዕራብ ሳህራ ዜጎች እርዳታና ትብብር አድርገዋል የሚል ነው። ከስድስት ዓመት በፊት ግድም ኢዚክ (Gdem Izik) በሚባለው በምዕራብ ሳህራ የስደተኞች ካምፕ ውስጥ የተቀጣጠለው ዓመጽ  ከሞሮኮ የጸጥታ ኃይሎች ጋር በተፈጠረ ግጭት 11 ፖሊሶችና ሁለት ሰላማዊ ሰዎች መገደላችው አይዘነጋም። ፖሊስ  አመጹን ለማስቆም  ካምፑ እንዲፈርስ ያደረገ ሲሆን በርካታ ሰዎችን ወስዶ ማስሩ ይታወቃል። ሂውማን ራይትስ ዎች የተባለው ድርጅት ባለፈው ህዳር ወር ተይዘው የሚገኙት የምዕራብ ሳህራ ዜጎች እንዲፈቱ መጠየቁ ይታወሳል።

Ø በዳርፉር አካባቢ የሽብር ተግባር ፈጽመዋል በሚል ክስ አንድ የሱዳን ፍርድ ቤት በ22 የደቡብ ሱዳን ዜጎች ላይ የሞት እና የእድሜ ልክ እስራት ቅጣት የበየነ መሆኑ ተገልጿል። ክስ የቀረበባቸው 22 ሰዎች ጀስቲስ ኤንድ ኢኩዋሊቲ ሙቭመንት የሚባለው የዳርፉ አማጽያን ቡድን አባላት ሲሆኑ ድርጅቱ ከሶስት አመት በፊት ከሱዳን መንግስት ጋር የእርቅ ስምምነት ፈርሞ የተቃውሞ እንቅስቃሴውን ማቆሙ ይታወቃል። ባለፈው ጥር ወር 22 የደቡብ ሱዳን ዜጎች የአማጽያኑ ድርጅት አባል ሆነው መንቀሳቀሳቸው በመጋለጡ የውጭ አገር ዜጎች በመሆናችው ብቻ በቁጥጥር ስር ውለው ለፍርድ እንዲቀርቡ ተደርጓል። ባሁኑ ጊዜ በደቡብ ሱዳን እና በሱዳን መካከል ያለው ግንኙነት ከምንጊዜውም በላይ ዝቅተኛ ሆኖ የሚታይበት ሲሆን በሰዎቹ ላይ የተበየነው የፍርድ ውሳኔ የሁለቱን አገሮች ግንኙነት ይበልጥ ሊያሻክረው እንደሚችል ተገምቷል። የአለም አቀፉ ፍርድ ቤት በፕሬዚዳንት በሽር ላይ የወንጀለኛነት ክስ ለመመስረት ምክንያት በሆነው በዳርፉር ጦርነት 300 ሺ ሰው ያህል ህይወቱ ሲጠፋ ከ2.5 ሚሊዮን ህዝብ በላይ ከቤት ንብረቱ ተፈናቅሎ ስደተኛ መሆኑ ይታወቃል።

መጋቢት 29 ቀን 2008 ዓ.ም.

Ø በሱሉልታ ከተማ በወያኔ ወታደሮችና በከተማዋ ወጣቶች መካከል ፍጥጫና ውጥረት መፈጠሩ ታወቀ። ፍትጫው የተነሳው በሱልልታ ከተማ የሚገኝ አንድ የኤሌክትሪክ ትራንስፎርመር መፈንዳቱን ተከትሎ የወያኔ ፖሊሶችና ጦር የከተማዋን ጥበቃ በማጠናከራቸው ሲሆን ወጣቶቹ ተቃውሞ በማሰማታቸው የወያኔ ፖሊስና ጦር ስትተኩስ ለመበተን የሞከሩ ሲሆን ከፍተኛ የዱላ ድብደባም መፈጸማቸው ታውቋል። የወጣቶቹ የተቃውሞ እንቅስቃሴ በሚደግበት ወቅት የወያኔ የንግድ ሸሪክ የሆነው የመሀመድ አላሙዲን ንብረት የሆኑ 3 መኪኖች ሲያልፉ በድንጋይ ተደብድበዋል።

Ø በሐረር ዓለማያ ዩኒቨርስቲ የተማሪዎች መኝታ ቤት ከፍተኛ የእሳት ቃጠሎ ስለደረሰበት ተማሪዎች ትምሀርት አቋርጠው ወደ ቤተ ሰቦቻቸው ለመሄድ የተገደዱ መሆናቸው ከዓለማያ የመጣው መረጃ ያመለክታል። የእሳቱ አደጋ እንዴት እንደተቀሰቀሰና ለምን ሳይጠፋ ረጅም ሰዓት እንደቆየ የታወቀ ነገር ባይኖርም የዓለማያ ዩኒቨርስቲ ተማሪዎችና ነዋሪዎች ግን የወያኔ ደህንነት ኃይሎች የተማሪዎቹን መኝታ ክፍሎች ሆን ብለው በማቃጠል ያነጣጠሩባቸው ተማሪዎችንን መምህራንን በሽብረተኛነት ለመክሰስ በማሰብ ነው በማለት ይናገራሉ።

Ø ከ10 አመት በፊት በጋምቤላ ከ400 በላይ አኙዋኮች ግድያን ተከትሎ ከወያኔ ጋር ሆድና ጀርባ በመሆን ከሀገር ወጥቶ በኖርዌይ በጥገኝነት ይኖር የነበረው ኦኬሎ አኳይ በወያኔው ፖለቲካ ፍርድ ቤት በሽብረተኛነት ጥፋተኛ ተብሎ የተፈረደበት ሲሆን ከሶስት ሳምንት በኋላ የቅጣቱ ብይን እንደሚሰጠው ተገልጿል። ኦኬሎ አኳይ በአኝዋኮች ፍጅት ወቅት የጋምቤላ ፕሬዚዳንት የነበረ ሲሆን በጋምቤላ የአኙዋኮችንና የኑዌር ግጭትን ወያኔዎች እንደቀሰቀሱት እና የአኙዋኮቹ ፍጅት በወቅቱ የወያኔ መሪ በነበረው በመለሰ ዜናዊ ትዕዛዝ እንደተፈጸመ ቀደም ሲል አስታውቆ የነበረ ሲሆን አሁንም በወያኔው የፖሊቲካ ፍርድ ቤት ደግሞታል። የወያኔ ወታደሮች 400 አኙዋኮችን ገድለው 60 ብቻ ነው የሞቱት የሚል ማስተባበያ ኦኬሎ እንዲሰጥ አስገድደውት እንደነበርና አዲሱ ለገሰ በረከት ስምኦንና ገብረአብ ባርናባስ የወያኔው ትዕዛዝ በማስፈጸም እጃቸው እንዳለበት ገልጿል። አኮሌ አኳይ ከዓመታት በፊት ወደ ደቡብ ሱዳን በሄደበት ወቅት የደቡብ ሱዳን ባለሥልጣኖች ከወያኔ ደህንነት ጋር በመሳጠር ከጁባ ጠልፈውት ወደ አዲስ አበባ እንደመለሱትና በሽብረተኛነት ክስ እንደመሰረቱበት ይታወሳል።

Ø በኦርቶዶክስ ተዋህዶ ሃይማኖት ውስጥ በከፍተኛ ኃላፊነትና ስልጣን ተቀምጠው እጅግ አስነዋሪ ተግባር ሲፈጽሙ የተገኙ የወያኔ ካባ ለባሽ ካድሬዎች ከስልጣናቸው መባረር መጀመራቸውና ዋና ጠባቂው አቡነ ማትያስም ምንም ማድረግ ባለመቻላቸው ለማባረር መገደዳቸው ታውቋል። የአቡነ ማትያስ ቀኝ እጅ የነበረውና የአዲስ አበባ ሀገር ስብከት ስራ አሲያጅ የነበረው የማነ ዘመንፈስ ቅዱስ ከየቤተክርስቲያኑና ገዳማቱ ያለውን ንብረት መዝረፉ ብቻ ሳይሆን ለልጁ መታከሚያ በሚል ሰበብ በሚሊዮን የሚቆጠር ብር ከቤተ ክርስቲያኗ ካዝና በመሰብሰቡ ከስልጣኑ የተባረረ ሲሆን በእርሱ ምትክ ሌላው ካባ ለባሽ ካድሬ ጎይቶም ያይኔ ተተክቷል። ከየማነ በተጨማሪ የአዲስ አበባ ሀገረስብከት ኃላፊዎችም ተባረዋል። የወያኔ አገዛዝ በኢትዮጵያ ያሉ ማንኛውም ከፍተኛ ኃላፊነትና ስልጣን በትግራይ ተወላጆች ብቻ እንዲያዝ ባወጣው መመሪያ መሠርት በመንፈሳዊና ሐዋርያዊ ስራ በምትሰራው ቤት ክርስቲያን ውስጥ የዘር መድልዎን በማምጣት ቤተ ክርስትያኗን እያመሳት መሆኑ ምዕመናኑን ካህናቱ በጀመሩት ግፊት ካባ ለባሽ ካድሬዎች ቢነሱም ሌላ ዘረኛ ካባ ለባሽ መተካት ውጤት ስለሌለው ቤተ ክርስቲያኗን ከዘረኛ ካድሬ ቄስና መነኩሴ ማጽዳት የዛሬ ሰራ ነው የሚሉ ምዕመናን ብዙ ናቸው።  

Ø በአስመራ ከተማ በግድ ታፍሰው በካሚዮን ተጭነው ወደ ጦር ማሰልጠኛ ሲወሰዱ የነበሩ ወጣቶች ከተሳፈሩባቸው መኪናዎች ዘለው ለማምለጥ ሲሞክሩ በሻዕቢያ ወታደሮች በጥይት የተገደሉ መሆናቸው ታውቋል። የተገደሉትና እና ምን ያህል እንደሆኑ ለጊዜው ባይታወቅም ቁጥራቸው ከፍተኛ እንደሆነ ተገልጿል። በተጨማሪም  ካሚዮኖቹ የሚሄዱበትን መንገዶ በአውቶቡስ አማካይነት  ለመዝጋት ሙከራ ያደረጉ የወጣቶቹ ዘመዶችና ጓደኞች በሙሉ በጥይት የተገደሉ መሆናቸው ተነግሯል። የሻዕቢያ መንግስት እስካሁን በጉዳዩ የሰጠው መግለጫ የለም። በሻዕቢያ ውስጥ የወታደራዊ አገልግሎት የጊዜ ወሰን የሌለው መሆኑ ሲታወቅ አብዛኛዎቹ እድሜ ልካቸውን ሲያገለግሉ የሚቆዩ መሆናቸውና  የኑሮው ሁኔታቸውም በጣም አሰቃቂ እንደሆነ ይነገራል። ይህ አሰቃቂ የኑሮ ሁኔታና የሻዕቢያን አፈና ለማምለጥ በርካታ ወጣቶች ወደ መካከለኛው ምስራቅ አገሮች እና ወደ አውሮፓ መሰደዳቸው በየጊዜው የተገለጸ መሆኑ ሲታወቅ የሻዕቢያ አገዛዝ ከፍተኛ አፈናና ጭፍጨፋ ከሚያካሄዱ የአለም አገሮች ውስጥ ዋነኛው ነው በማለት የሰብአዊ መብት ድርጅቶች እና የዓለም አቀፍ ተቋማት ድምጻቸው በተደጋጋሚ ሲያሰሙ ቆይተዋል።

Ø በሊቢያ በፌስ ቡክ እና በሌሎች የማህበረሰባዊ መገናናዎች አማካይነት በድብቅ የሚካሄድ የመሳሪያ ገበያ በከፍተኛ ደረጃ እየደራ መምጣቱን ዛሬ ሐሙስ መጋቢት 29 ቀን ይሰራጫል የተባለ አንድ ጥናታዊ ዘገባ አመለከተ። ለአርባ ዓመት ሊቢያን ሲገዛ የቆየው የኮሎኔል ጋዳፊ አገዛዝ በየጊዜው ያከማቸው መሳሪያ አገዛዙ ሲወድቅ በተለያዩ አማጽያን እጅ የገባው መሳሪያ ዛሬ በጥቁር ገበያ በሰፊው እየተሸጠ መሆኑን ጥናቱ ይዘረዝራል። በፌስ ቡክ፣ በኢንስታግራም፣ በዋትስ አፕ፣ እና በቴሌግራም አማካይነት በብዛት እየተሸጡ ያሉት መሳሪያዎች እንደሽጉጥና ካላሽንኮቭ የመሳሰሉት የነፍስ ወከፍ መሳሪያዎች ሲሆኑ ለሽብርተኞች መገልገያ የሆኑ በትከሻ ላይ ሆነው የሚተኩሱ ጸረ አውሮፕላንና ሌሎች ከባድ መሳሪያዎችም የሚሸጡ መሆናቸውም ተጠቁሟል። አንድ ካላሽንኮፍ መሳሪያ እስከ 1800 ዶላር ሲያወጣ በተለይ የመጓጓዣ አውሮፕላንን ሊመታ የሚችል ጸረ አውሮፕላን መሳሪያ ደግሞ እስከ 62 ሺ የአሜሪካን ዶላር እንደሚሸጥ ዘገባው ይገልጻል። የመሳሪያ ሽያጮቹ የሚከናውኑት በአብዛኛው እንደ ትሪፖሊ፣ ቤንጋዚ እና ሳብራታ በመሳሰሉ ትላልቅ ከተሞች ሲሆን ንግዱ የሚካሄደው ወጣቶች በሆኑ የተለያዩ የሚሊሺያ አባላት መካከል መሆኑም ተድርሶበታል።  የፌስ ቡክ ቃል አቀባይ በሰጠው መግለጫ ይህን የመሰለ ንግድ በፌስ ቡክ አማካይነት መካሄዱ ወንጀል ገልጾ መረጃውን እየፌስ ቡክ አገግሎቱን እንዘጋዋለን ብሏል። የአውሮፓ ባለስልጣናትም ጉዳዩ ያሳሰባቸው መሆኑን ገልጸዋል፡፤

    በተያያዘ ዜና ትሪፖሊን መሰረት አድርጎ ሲንቀሳቀስ  የነበረው የመንግስት አካል በትናንተናው ዕለት ደም መፋሰስን ለማስወገድ ከስልጣን ወርጃለሁ የሚል መግለጫ በፍርድ ሚኒስቴሩ አማካይነት መስጠቱ የሚታወስ ሲሆን የዚሁ መንግስት ጠቅላይ ሚኒስትር የሆኑት ሚስተር ካሊፋ ገውሊ  ደግሞ በድረ ገጻቸው ላይ ባወጡት መግለጫ ቀደም ብሎ የወጣውን መግለጫ መቃወማችውን ገልጸዋል። መግለጫ  ማንም ሚኒስቴር ሆነ ሌላ ኃላፊነት የተሰጠው ግለስብ በተመድ ከተሰየመው የአንድነት መንግስት ጋር እንዳይተባበር የሚያሳስብ ሲሆን ተባባሪ ሆኖ ከተገኘ ከፍተኛ እርምጃ እንደሚወሰድበት ይገልጻል። ሚስተር ካሊፋ ገውሊ በተመድ የተቋቋመውን የአንድነት መንግስት በጽኑ ከሚቃወሙ ግለሰቦች መካከል አንዱ መሆናችው የሚታወቅ ሲሆን መግለጫቸው በሌሎች ዘንድ ምን ያህል ተቀባይነት እንዳለው ለጊዜው ለማወቅ አልተቻለም። በአሁኑ ወቅት ሚስተር ካሊፋ ይህንን እርምጃ እንዲወስዱ የገፋፋቸው ምክንያቶች ለጊዜው ግልጽ ባይሆኑም በቡድኑ ውስጥ ከፍተኛ ክፍፍል መኖሩን ያሳያል በማለት ጉዳዩን በቅርብ የሚከታተሉ ወገኖች ይገልጻሉ።

Ø የሱዳኑ ፕሬዚዳንት አልበሽር ለቢቢሲ ጋዘጠኛ በሰጡት ቃለ ምልልስ የአሁኑ የስልጣን ዘመናቸው በ2013 ዓም ሲያልቅ ስልጣናቸውን የሚያስረክቡ መሆናቸውን ገልጸዋል። ግለሰቡ ከዚህ ቀደም በተደጋጋሚ ስልጣን የሚለቁ መሆናቸውን በመግለጽ የገቡትን ቃል በተደጋጋሚ ሲያጥፉ የነበሩ በመሆናቸው እለቃለሁ ብለው መናገራቸው የተለመደው ማጭበርበር ነው  የሚሉ በርካታ ናቸው። ፕሬዚዳንቱ በቃለ ምልልስ ወቅት በዳርፉር ከ10 ሺ በላይ ዜጎች ቤታቸው ጥለው ተሰደዋል፤ 2.5 ሚሊዮን የሚሆኑት ደግሞ በካምፕ ውስጥ ይኖራሉ  በሚል ተመድ ያሰራጨው መረጃ የተጋነነ ነው ከማለታቸውም በላይ የተመድ የሰላም አስከባሪ ኃይሎች በዳርፉር የሚቆዩበት ምንም ምክንያት ስለሌለ ባስቸኳይ መውጣት አለባቸው ብለዋል። የዓለም አቀፍ ፍርድ ቤት ለፖሊቲካ ማራመጃ ተብሎ የተቋቋመ መሆኑን በመግለጽ በአገራቸው ሕዝብ ተወዳጅነት ስላላቸው የተመሰረተባችውን ክስ እንደማይቀበሉት በቃለ ምልልሱ ገልጸዋል።

·        በተያያዘ ዜና ከደቡብ ሱዳን ፕሬዚዳንት ከሳልቫ ኪር ጋር ከጥቂት ወራት በፊት እርቅ የተፈራረሙት  ሪክ ማቻር በሚያዚያ 10 ቀን 2008 ዓም ጁባ የሚገቡ መሆናቸውንና በዚያም ከሳልቫ ኬር ጋር በመሆን የአንድነነቱን የሽግግር መንግስት እንደሚያቋቁሙ ገልጸዋል። ባሁኑ ጊዜ በአንዳንድ ቦታዎች የሚደረጉት ጦርነቶች ሙሉ በሙሉ ያልቆሙ በመሆናቸው ስምምነት የተደረገበት የአንድነት መንግስት ስራ አለመጀመሩ ብዙዎችን ሲያሳስብ ቆይቷል። በሌላ በኩል በደቡብ ሱዳን  መድኃኒት እና ሌሎች የህክምና አገልግሎት መሳሪያዎች ከፍተኛ እጥረት በመፈጠሩ ርዳታ ፈላጊዎችን ለመርዳት አዳጋች እየሆነ መምጣቱን ድንበር የለሽ ሃኪሞች የተባለው ድርጅት ዛሬ ሐሙስ መጋቢት 29 ቀን 2008 ዓም በሰጠው መግለጫ ገልጿል። መግለጫው የእርዳታ ድርጅቶችና ሌሎች የአለም አቀፍ ተቋሞች ይህን ከፍተኛ የሆነ እጥረት ለማሟላት ባለመቻላቸው የብዙ ሰዎች ህይወት አደገኛ ሁኔታ ላይ ሊወድቅ ችሏል ብሏል።  የአለም የምግብ ፕሮግራም እና የዓለም አቀፉ የእርሻ እና የምግብ ድርጅት ማክሰኞ መጋቢት 27 በሰጡት መግለጫ በደቡብ ሱዳን የእርዳታ እህል እጥረት በመኖሩ ከፍተኛ ረሃብ እየተከሰተ መሆኑን የገለጹ መሆናቸው ይታወሳል።

መጋቢት 28 ቀን 2008 ዓ.ም.

Ø በሊቢያ የትሪፖሊ ከተማን ማዕከል አድርጎ ሲንቀሳቀስ የነበረው ራሱን መንግስት ነኝ ብሎ ሲጠራ የቆየው አካል ስልጣን የለቀቀ መሆኑን የፍርድ ሚኒስትሩ ባሰራጨው መግለጫ አሳታውቋል። መንግስቱ በመግለጫው ላይ ይህንን እርምጃ የወሰደው በአገሪቱ ውስጥ ተጨማሪ ደም መፋሰስን ለማስቀረት ነው ብሏል። የመንግስት ማህተም ያለበትና በማን እንደተፈረመ የስም ዝርዝር የማያሳየው በይፋ የተሰራጨው መግለጫ ከዛሬ ጀምሮ ፕሬዚዳንቱም ሆኑ ሚኒስትሮቹ ስራ መስራት ያቆሙ መሆናቸውን ገልጿል። ባለፈው ረቡዕ ትሪፖሊ ወደብ የገባው በተመድ አስተባባሪነት የተቋቋመው የሊቢያ የአንድነት መንግስት ተወካዮች ቡድን ከባህር ኃይል ቅጥር ግቢ ውስጥ ስራውን እያካሄደ መሆኑና ከአንዳንድ ክፍሎች ድጋፍ እያገኘ መምጣቱ የተነገረ ቢሆንም  በርከት ያሉ የመንግስት መዋቅር አባላትና የሚሊሺያ መሪዎች አሁን ድረስ ተቃውሞ እያሰሙ በመሆናቸው በምን ያህል ጊዜና በምን ዓይነት ሁኔታ ተቀባይነት አግኝቶ አገሪቱ ሊያረጋጋ እንደሚችል እስካሁን ግልጽ አይደለም።

Ø የደቡብ አፍሪካ ፕሬዚዳንት ሚስተር ዙማ በወንጀል ተከሰው ከስልጣን እንዲወገዱ የደቡብ አፍሪካ ምክር ቤት ተወያቶ እንዲወስንበት በተቃዋሚ ክፍሎች የቀረበው ረቂቅ የውሳኔ ሀሳብ እንደተጠበቀው ውድቅ መደረጉ ታውቋል። የፕሬዚዳንቱ ፓርቲ የአፍሪካ ብሔራዊ ኮንግሬስ አብላጫውን መቀመጫ የያዘበት የደቡብ አፍሪካ ምክር ቤት ትናንት ባካሄደው ስብሰባ 233 የምክር ቤት አባላት ድምጽ በመስጠት የውሳኔ ሀሳቡን ውድቅ አድርገውታል። የውሳኔ ሀሳቡን የደገፉት የተቀዋሚ ድርጅቶች አባላት ቁጥር 143 ብቻ ነበር። የውሳኔ ሀሳቡ ሊያልፍ የሚችለው ከምክር ቤቱ መቀመጫዎች ሁለት ሶስተኛው ከደገፈው ብቻ ነው የሚል ሕግ በመኖሩ የውሳኔ ሃሳቡ ውድቅ ሆኗል። ፕሬዚዳንቱ በሙሥና በመዘፈቃቸውና የዝምድና ስራ በማስፋፋታቸው ምክንያት የደቡብ አፍሪካ ሕዝብ ከፍተኛ ጥላቻና ጥርጣሬ እያሳየ ባለበት ሁኔታ የአፍሪካ ብሔራዊ  ኮንግሬስ እሳቸውን ለመደገፍ ሙሉ ድምጽ መስጠቱ ፓርቲው በሚቀጥለው ምርጫ ጠንካራ ተወዳዳሪ እንዳይሆን ሊያግደው ይችላል የሚሉ ታዛቢዎች አልጠፉም። ፕሬዚዳንቱን የሚቃወሙ ድምጾችም እየበረከቱ መጥተዋል። ትሬቨር ማኑዔል የተባሉት የቀድሞ የፋይናንስ ሚኒስትር እና አህመድ ካትራዳ የተባሉት የኔልሰን ማንዴላ የእስር ጓደኛ ፕሬዚዳንቱ በግላቸው ስልጣናቸውን እንዲለቁ ጠይቀዋል። የሃይማኖት፤ የምሁራንና የሌሎች የብዙኅን ማህበራት ድርጅቶች አባላት ፕሬዚዳንቱ ስልጣናቸውን እንዲለቁ ለመግፋት ተከታታይ የተቃውሞ እንቅስቃሴ ለማድርግ ዝግጅት እያደረጉ ነው።

Ø የናይጄሪያ ወታደራዊ ተቋም ካለፈው ጥር ወር ጀምሮ በአገሪቱ ሰሜናዊ ክፍል ባካሄደው ተከታታይ ወታደራዊ እርምጃ 11 ሺ 595 ሰዎችን ከቡድኑ ጥቃትና ቁጥጥር ነጻ ያወጣ መሆኑን ገልጾ የተያዙትንም ሆነ በነጻ እጃቸውን የሚሰጡትን የቦኮሃራም ታጣቂዎች ወደሰላማዊ ኑሮ እንዲመለሱ የማስተማሪያና የማሰልጠኛ ካምፖች ያቋቋመ መሆኑን ገልጿል። ግለሰቦች ራሳቸውን ችለው በህብረተስብ ውስጥ ድርሻቸውን እንዲወጡ በካምፑ ውስጥ ልዩ ልዩ የሞያ ትምህርቶች የሚሰጡ መሆናቸውም ተገልጿል። እስካሁን ድረስ እጃውን ሰጥተው ወደ ካምፑ የገቡ የቦኮሃራም ታጣቂዎች ምን ያህል እንደሆኑ ባይታወቅም ከቅርብ ጊዜ ወዲህ ቡድኑ ወደተሸሸገባቸው ቦታዎች ምግብና ሌሎች ቁሳቁሶች እንዳይደርሱ መንግዶች በመዘጋታቸው በረሃብ የተጠቁ በርካታ የቦኮሃራም አባላት እጃቸውን የሰጡ መሆናችው ተዘግቧል። የናይጄሪያ ወታደራዊ ተቋም ቦኮ ሃራምን ለመደምሰስ ጫካውን ሁሉ ለማጠርና ለመቆጣጠር አቅም ባይኖረውም የምግብና መሰል ቁሳቁሶች የሚጓጓዙበትን መስመር መዝጋቱ ከፍተኛ ውጤት አስገኝቷል ተብሏል።

Ø የፓናማ ሰነድ የሚል መጠሪያ ያገኘው በድብቅ የተለቀቀው መረጃ ከሚያጋልጣቸው ከፍተኛ ባለስልጣኖችና ታቃቂ ግለሰቦች መካከል የአፍሪካ ባለስልጣናት እንደሚገኙበት ታወቀ። ሞሳክ ፎንሴካ የተባለው የፓናማ የሕግ ኩባንያ የንግድ ግንኙነት ከመሰረታቸው ታዋቂ የአፍሪካ ግለሰቦች መካከል ክላይቭ ኩሉቡሴ ዙማ የደቡብ አፍሪካው ፕሬዚዳንት  የወንድም ልጅ፤ ካልፓና ራዋል የኬኒያ ምክትል የፍርድ ሚኒስትር፤ ጆን አድዶ ኩፎር የቀድም የጋና ፕሬዚዳንት ልጅ፤ ማማዲ ቱሬ የቀድሞ የጊኒ ፕሬዚዳንት ባለቤት፣ ሙኒር ማጃዲ የሞሮኮ ንጉስ የግል ጸሐፊ፣ ጆዜ ቫስኮንሴሎስ የአንጎላ የነዳጅ ሚኒስትር፤ ኢያን ከርቡ የቦትስዋና የይግባኝ ፍርድ ቤት ኃላፊ፤ ጃኔት ካቢላ የኮንጎው ፕሬዚዳንት ካቢላ እህት፤  ኮጆ አናን የቀደሞ የተመድ ዋና ጸሐፊ የኮፊ አናን ልጅ ይገኙባቸዋል። እስካሁን የተጋለጡት እነዚህ ሲሆኑ ስም አይዘርዘር እንጅ ከኢትዮጵያውም ሰዎች እንዳሉበት ተጠቁሟል። ብዛታቸው 1.5 ሚሊዮን የሆነው እነዚህ ልዩ ልዩ ሰነዶች ምርመራቸው ሲያበቃ በርካታ ሰዎች ይጋለጣሉ የሚል ግምት ተወስዷል።

መጋቢት 27 ቀን 2008 ዓ.ም.

Ø የወያኔ ቀኝ እጅ እና ጉዳይ ፈጻሚ የሆነው ኢሕአዴግ መደበኛ የምክር ቤት ጉባዔ የተባለለትን ስብስባ ዛሬ መጋቢት 27 ቀን 2008 ዓም ጀምሯል። ስብሰባው ነገ መጋቢት 28 ቀን 2008 ዓም ይጠናቀቃል ተብሎ የሚጠበቅ ሲሆን ጉባኤው በይፋ ያለፉትን ስድስት ወሮች የስራ ሂደት ይገመግማል ተብሎ ቢነገርም በዋናነት ግን በመላ ኢትዮጵያ ስለተቀጣጠለው ሕዝባዊ ተቃውሞና ቁጣ ልዩ ትኩረት እንደሚሰጥ ታውቋል። ከዚህ በተጨማሪ የድህረ ገጾች ግንኙነት መደናቀፍና የቴሌኮም መረጃ መለዋወጥ ላይ የተፈጠረውን ችግር ይመክርበታል ተብሏል። ለወያኔ ቅርብ የሆኑ ምንጮች ኢሕአዴግ ምክር ቤት ወያኔ በኦህዴድ ላይ ስለሾማቸው ሰዎችና ታፍነው ስለተወሰዱ ሰዎች ውሳኔ የሚሰጡ ሲሆን ፍትህ ሚኒስትርን አፈርሰው ጠቃላይ አቃቤ ህግ ስለሚለው ህግና ማሪሚያ ቤት ለዓቃቤ ህግ ተጠሪ ስለሚሆንንበት ጉዳይ እንዲሁም የፌዴራል ፖሊስ የተባለው ተቋም  ተጠሪነቱ ለጠቅላይ ሚኒስትሩ እንዲሆን ስለሚያዘው ህግና የወያኔ ድርጅት ሰዎች የድህንነት ከለላና በተመለከተ ውሳኔ ያሳልፋል ተብሎ ይጠበቃል ተብሏል።

Ø ስግብግብነት፣ አልጠግብ ባይነትና  ነጥቆ መውሰድ መለያቸው የሆነው የወያኔ ባለስልጣናት ጥቅም የሚገኝበትንና ገንዘብ አትራፊ የሆነውን ሁሉ መጠቀሚያ ማድረግ ባህሪያቸው ሲሆን ሰሞኑን ደግሞ ኢንተርኔትን በመጠቅም ከማንኛውም የዓለም ክፍል ጋር በነጻ ስልክ መገናኛ የነበሩትን ቫይበርና ዋትስ አፕን በክፍያ እንዲሰሩ ለማድረግ ያቀደ  ከውጭ አገር የሚገቡ  ስልኮችም ለክፍያ እንዲያመቹ ልዩ ቁጥጥር ተደርጎባቸው ከውጭ የሚገቡ የግለሰስብ ስልክ ቁጥሮች ላይ ቀረጥ ይጣላል ተብሏል።፡ወያኔ ተጨማሪ ክፍያ መጠየቁ ብቻ ሳይሆን ተጨማሪ የቀረጥ ገቢም ለማግኘት ጭምር አዲሱን መመሪያ ማውጣቱ ተገልጿል። በዘመናዊ የዲጂታል ዘመን ዜጎች የቴክኖሎጂው ውጤትን ተጠቃሚ እንዳይሆኑ የገንዘብ ክፍያ መጠየቁም ሆነ ዘመናዊ የስልክ ቀፎዎች ላይ ቀረጥ ለመጣል ማቀዱ የወያኔ አገዛዝ ቴክኖሎጂውን ሰው እንዳይጠቀምበት እያደረገ ያለ ሲሆን ከተጠቀመም ውድ ዋጋ በማስከፈል ሕዝብን ከማኅበራዊ ጎዳናና ከሶሻል ሚዲያ በማራቅ ደህንነቱን ለመጠበቅ ሆን ብሎ የተጠቀመበት ዘዴም መሆኑን ብዙ ዜጎች ይናገራሉ።

Ø የወያኔ ዘረኛና አምባገነን አገዛ በሕዝባዊ ተቃውሞና ቁጣ የተነሳ ኢትዮጵያ ውስጥ ያሰራቸው ሰዎች ደብዛቸው መጥፋቱና ቁጥራቸውን አለመግለጹ ይታወቃል። ጉዳዩን በደንብ የተከታተሉና መረጃ ያሰባሰቡ ወገኖች እንደገለጹት ከሆነ ደብዛቸው የጠፋ እስረኞችን ወደ ጦላይ ወታደራዊ ማሰልጠኛ እንደተወስዱና በጦር ካምፕ ውስጥ ከፍተኛ እንግልት እየተፈጸመባቸው መሆኑን ገልጸዋል። ጉዳዩን የተከታተሉ ወገኖች በአሁኑ ጊዜ ከ2800 በላይ ሰዎች በጦላይ እንደሚገኙና ከሀረር የመጡ የሰባት ልጆች እናትም እንደሚገኙበት አስታወቀዋል። ለወያኔ ታማኝ በመሆን የጦር ካምፑን የሚመሩና የእስረኞቹን ሁኔታ የሚከታተሉ በዙ ዋቅቤላ፤ ቀንአ ያደታ፣ ተሾመ ዱጋሳ ፤ ጸሐይ ነጋሽና የወያኔው ኦሮሚያ ፖሊስ ኮሚሽን መሆናቸው ሲታወቅ የወያኔ መሪዎችንና ኃላፊዎች ከእነዚህ ተላላኪ ግለሰቦች ጀርባ ሁኔታዎችን የሚዘወሩ መሆናቸው ተገልጿል። በጦር ካምፑ ውስጥ በተለይ የኦሮሞ ወጣቶች በብዛት ይኑሩ እንጅ ከመላ ኢትዮጵያ የተሰበስውና በወያኔ ላይ ተቃውሞና ቁጣ ያሰሙ የሕዝብ ልጆች የታጎሩበት የጦር ማሰልጠኛ መሆኑ ተብራርቷል።

Ø አንጋፋው የዘመናዊ ሙዚቃ የሳክሲፎን ተጫዋን ጌታቸው መኩሪያ ባደረበት ህመም ምክንያት በህክምና ሲረዳ ከቆየ በኋላ ከዚህ ዓለም በሞት ተለይቷል። ሙዚቀኛው ጌታቸው መኩሪያ ዘመናዊ ሙዚቃን በኢትዮጵያ ስር እንዲሰድ ካደረጉና ሳክሲፎን መጫወት ከጀመሩ ኢትዮጵያውያን የመጀመሪያዎቹ ተርታ የሚቀመጥ እንደነበረና በብሔራዊ ቲያትር በማዘጋጃ ቤትና በፖሊስ ሠራዊት ኦርኬስትራ ውስጥ ከሙዚቃ ተጫዋችነት እስከ ዋና መምህር በመሆን ለዘመናዊ ሙዚቃ ዕድገት የበኩሉን ድርሻ የተወጣ ሙዚቀኛ ነበር። ሙዚቀኛ ጌታቸው መኩሪያ በሳክሲፎን አጨዋወቱና የሙዚቃን መሳሪያ እንደልብ ማዘዝ በመቻሉ የሳክሲፎን ንጉስ የሚል ቅጽል ከሙዚቃ አፍቃሪዎች የተቸረ የተዋጣለት የሙዚቃ ባለሙያ ነበር። ሙዚቀኛ ጌታቸው መኩሪያ የዘጠኝ ልጆች አባትና የ81 ዓመት የእድሜ ባለጸጋ የነበረ ነው። የፍኖተ ዴሞክራሲ የኢትዮጵያ አንድነት ድምጽ በዚህ ታላቅ የሙዚቃ ሰው ሞት የተሰማውን ሀዘን እየገለጸ ለቤተሰቦቹ፤ ለዘመዶቹ ለወዳጆቹ እና ለአድናቂዎቹ ሁሉ መጽናናትን ይመኛል።

Ø ሞሳክ ፎንሴካ ከተባለ የፓናማ የሕግ ስራ ኩባንያ በድብቁ የወጡ 11.5 ሚሊዮን የሚሆኑ ልዩ ልዩ ሰነዶች የተለያዩ መሪዎችና ታላላቅ ሰዎች ታክስ ባለመክፈል እና ህገ ወጥ በሆነ መንገድ ገንዘቦችን በማስተላለፍ በኩል የሰሩትን ወንጀል ያጋለጡ መሆናቸው ተገለጸ። ምንጫቸው ካልታወቀ በአንድ የጀርመን የጋዜጣ ተቋም መጀመሪያ ተሰራጭቶ ከመቶ በላይ የሚሆኑ ተመራማሪ ጋዜጠኞች ተሳትፈውበት የወጣውና በርካታዎችን የሚያጋልጠው ዘገባ በወንጀሉ ውስጥ 140 የሚሆኑ ታላላቅ የፖሊቲካ ሰዎች 12 የወቅቱና የቀደሞ የአገር መሪዎችን ያጋልጣል። ከእነዚህም ውስጥ የአሁኑ የቻይና ጠቅላይ ሚኒስትር ዘመዶች፤ የራሺያው የሚስተር ፑቲን የቅርብ ረዳቶች፤ የአይሳላንዱ ጠቃላይ ሚኒስትር፤ ሟቹ የእንግሊዙ መሪ የሚስተር ካምሪን አባት፤ የዩክሬኑ መሪ ፖሮሼንኮ፤ የሳኡዲ አረቢያ ንጉስ ተጠቅሰዋል። ከዚህ በተረፈ ለአርባ አመታት ያክል በኩባንያው የተስተናገዱ 214 ሺ የውጭ ኩባንያዎችን የሚያጋልጥ ሲሆን ከእነዚህም ውስጥ የሰሜን ኮሪያ የሶሪያ ኩባንያዎች፤ በእንግሊዙ HSBC በስዊዘርላንዱ Credit swiss በፈረንሳዩ ሶስይቴ ጄኔራል የተቋቋሙ ኩባንያዎች ከሞሳክ ፎንሴካ ጋር መስራታቸው ተጋልጧል።  የቻይና የውጭ ጉዳይ ሚኒስትር ቃል አቀባይ ስለጉዳዩ ተጠይቀው በሰጡት መልስ ለዚህ ዓይነት መሰረተ ቢስ ክስ የምንለው የለም ሲሉ የክሪምሊን ቃል አቀባይ በሰጠው መግለጫ ደግሞ ሰነዱን አወጡት የተባሉት ብዙዎቹ ጋዜጠኞች የቀድሞ የአሜሪካ የውጭ ጉዳይ ሚኒስቴር፤ የሲአይ ኤ እና የልዩ አገግሎት ሰራተኞች መሆናቸውን ገልጾ ይህ በሩሲያ ውስጥ አለመረጋጋት እንዲፈጠር የተደረገ  የአሜሪካ ሴራ ነው ብሎታል። የአይስላንድ ጠቅላይ ሚኒስትርም ስልጣን እንዲለቁ ከፍተኛ ግፊት የተደረገባቸው ሲሆን ፓርላማው ፈርሶ አዲስ ምርጫ እንዲካሄድ  እንዲያፈርሱ ፕሬዚዳንቱን ጠይቀዋል ተብሏል። አውስትራሊያ ፈረንሳይና ኒዘርላንድ ጉዳዩን እንመረምራለን ብለዋል።

Ø በማዕከላዊ አፍሪካ ሪፐብሊክ ተሰማርተው የነበሩና ህጻናትን አስገድደው በመድፈር የተከሰሱ ሶስት የኮንጎ ዴሞክራቲክ ሪፐብሊክ ወታደሮች እስር ቤት እንዳሉ በአንድ ወታደራዊ  ፍርድ ቤት ላይ የቀረቡ መሆናቸው ተነገረ። ሁለቱ ህጻናትን አስገደደው ደፍረዋል የሚል ክስ የቀረባባቸው ሲሆን አንደኛው ለመድፈር ሙከራ አድርጓል የሚል ክስ ቀርቦበታል። ሶስቱም የቀረበባቸውን ክስ ሀሰት ነው በማለት ክደዋል። በማዕከላዊ አፍሪካ ረፐብሊክ በተሰማሩ የተመድ እና የፈረንሳይ ወታደሮች ተፈጽማዋል የተባሉና ከተበደሉ ዜጎች አቤቱታ የቀረበባቸው ህጻናትን ጨምሮ ሴቶችን አስገድዶ የመድፈር ወንጀሎች ከ100 በላይ የደረሱ ሲሆን ከእነዚህ ተከሳሾች ውስጥ በወታደራዊ ፍርድ ቤት ለፍርድ ሲቀርቡ ይህኛው እስካሁን የመጀመሪያ መሆኑ ነው። የፈረንሳይ ወታደሮች በአዲስ መልክ የቀረበባቸውን ክስ እየመረመሩ መሆናቸው ኤኤፍ ፒ የተባለው የዜና ወኪል ቢያስታውቅም ከዚህ በፊት ለቀረቡት የተወሰደ እርምጃ አለመኖሩ ይታወቃል። በሌላ በኩል በኮንጎ ዴሞክራቲክ ተሰማርተው የነበሩና አስገድዶ በመድፈር አቤቱታ የቀረበባቸው የታንዛኒያ ወታደሮች ልጆች ያስወለዱ መሆናቸውንም ተጎጅዎች ክስ አቅርበዋል። ክስ የቀረበባችው አስራ አንድ ወታደሮች ሲሆኑ 4 ቱ በቅርቡ የተሰማሩ የተቀሩት ሰባቱ ደግሞ ቀደሞ ባለው ስምሪት ውስጥ የነበሩ መሆናቸው ተገልጿል። ባለፈው ዓመት በማዕከላዊ አፍሪካ ሪፐብሊክ 69 የሚሆኑ ሰዎች በደል የተፈጸማብቸው መሆኑን ሲያመለክቱ ወንጀሉን የፈጸሙት ከ10 አገሮች የተውጣጡ የሰላም አስከባሪ ኃይል አባላት መሆናቸው ተነግሯል። በዚህ ወር ውስጥ የተባበሩት መንግስታ ድርጅት የጸጥታ ምክር ቤት አቤቱታ የቀረባባቸው የሰላም አስከባሪ ኃይል ቡድኖች ሁሉ ወደ አገራቸው እንዲመለሱ መወሰኑ ይታወሳል። አንድ ገለልተኛ የሆነ የጥናት ቡድን የተመድ ኃይላፊዎች ጉዳዩን በሚገባ አለመከታተላቸውና ለችግሩ መፍተሄ በመስጠት በኩል ከፍተኛ ድክመት ያሳየ መሆኑ መግለጹ የሚታወቅ ሲሆን ባለፈው ዓመት ነሐሴ ወርም በማዕከላዊ አፍሪካ ሪፐብሊክ የተመድ ቋሚ መልክተኛ የሆኑት ከኃይላፊነት እንዲነሱ የተደረገ መሆኑ ይታወሳል።

Ø በሱማሊያ የሚገኘው የአፍሪካ ህብረት ተልእኮ በዛሬው ዕለት ባወጣው መግለጫ የአፍሪካ ህብረተ የሰላም አሰከባሪ ኃይል አባላትና የሱማሌ መንግስት ወታደሮች በጋራ ባካሄዱት የጥቃት እርምጃ ስድስት የአልሸባብ መሪዎችን የገደሉ መሆናችውን ገልጸዋል። ከተገደሉት መካከል አንዱ በዜግነት የመናዊ የሆነና ቦምብ በመስራት በኩል የተካነ ነው የተባለ ሲሆን ሌላኛው በስልጠና ስራ ላይ የተሰማራ ኬኒያዊ መሆኑ ተገልጿል። በዚህ ሳምንት መጀመሪያም አንድ ሌላ ወታደራዊ መሪ መገደሉ የተገለጸ መሆኑ ይታወሳል። አልሸባብ እስካሁን ለመግለጫው የሰጠው መልስ የለም።

Ø በሊቢያ የተባበሩት መንግስታት ድርጅት ልዑክ ሚስተር ማርቲን ኮብለር ወደ ሊቢያ ተጉዘው በቅርቡ ከተመሰረተውና ባለፈው ሳምንት ረቡዕ ወደሊቢያ ከገባው የአንድነት መንግስት ጠቅላይ ሚኒስትር ጋር መነጋገራቸው ተገልጿል።  የአንድነት መንግስቱ በሊቢያ ውስጥ  ተቀባይነት እንዲኖረው ከፍተኛ ጥረት በሚደረግበት ወቅት  ሚስተር ኮብለር ወደ ዚያ ሄደው መገናኘት መቻላቸው ሁኔታዎችን በማመቻቸት በኩል አጋዥ ሊሆን ይችላል ተብሏል። ባለፈው ወር ኮብለር ወደ ትሪፖሊ ለመግባት ጠይቀው በባለስልጣኖች የተከለከሉ መሆናቸው ይታወሳል። ባለፈው ረቡዕ ትሪፖሊ የገባው በጠቅላይ ሚኒስትሩ የሚመራው የአንድነት መንግስት ተወካዮች ቡድን እስከአሁን ድረስ በወደቡ አካባቢ በሚገኘው የባህር ኃይል ወታደራዊ ካምፕ ውስጥም በመሆኑ ለመስራት እየሞከረ  ሲሆን በተለያዩ የሊቢያ ክፍሎች ድጋፍ እያገኘ መምጣቱ ይነገራል። የሊቢያ የኢንቬስትመንት ባለስልጣን፤ የሊቢያ የነዳጅ ኮርፖሬሽን እና የሊቢያ ማዕከላዊ ባንክ የአንድነት መንግስቱን የደገፉት ሲሆን 10 የሚሆኑ የሊቢያ የወደብ ከተሞችም የተለያዩ የሚሊሺያ ቡድኖች ድጋፋቸውን የሰጡት መሆኑ ተገልጿል፡፡

Ø በቦካ ሃራም ላይ ለመዝመት የተቋቋመው የጋራ ኃይል ለሶስት ቀናት ያህል በናይጀሪያ በካሜሩንና በቻድ ወሰን አካባቢ ባካሄደው አሰሳ 300 የሚሆኑ የቦኮ ሃራም ታጣቂዎች በቁጥጥር ስር ያደረገ መሆኑና ከ 2000 በላይ የሚሆኑ ሰዎች አስሮ የፈታ መሆኑን በጋራው ኃይል ውስጥ የካሜሩን  ወታደራዊ ኃይል  አዛዥ የሆኑት ግለሰብ ማክሰኞ መጋቢት 27 ቀን በሰጡት መግለጫ ገልጸዋል።  ዘመቻ የተካሄደው ኩምሸ ከምትባለው የሰሜን ናይጄሪያ ከተማ 35 ኪሎሜትር ላይ ርቆ በሚገኝ ቦታ ላይ መሆኑንና  በአሰሳውም የቦኮ ሃራም የማስልጠኛ ተቋሞችና ልዩ ልዩ መገልገያ መሳሪያዎች የተደመሰሱ መሆናቸውን ጨምረው ገልጸዋል። ቦኮ ሃራምን ለመደምሰስ ካሜሩን ናይጄሪያ እና ቻድ በጋር 9000 አባላት ማቋቋማቸው አይዘነጋም፡፤  

መጋቢት 26  ቀን 2008 ዓ.ም

Ø በኢትዮጵያ ያለውን ድርቅና ረሃብ ለማስወገድ ከውጭ መንግስታት በእርድታና በልገሳ የተገኘ እህልና ምግብ የጂቡቲ ወደብ በመጨናነቁ ምክንያት የእርዳታ እህል ለማራገፍ ያልተቻለ መሆኑን መዘገባችን ይታወሳል። የወያኔ ቡድን መሪዎች የእርዳታ እህል በጂቡቲ ወደብ ለማራገፍ ባለመቻሉ በሱዳንና በበርበራ ወደብ ለመጠቀም መወሰኑን የወያኔ የዜና ምንጮች ዘግበዋል። የኢትዮጵያ ድርቅን ረሃብ አሳሳቢነት ወደ አስጊነት ደረጃ በደረሰበትና  የተረጀው ቁጥር እየጨመረ ነው በሚባልበት ሰዓት በሱዳን ወደብ በኩል የወያኔ መሪዎች የሚገግዱትን 100 ሺ ሜትሪክ ቶን ማዳበሪያ ለማስገባት ውል ሲፈራረሙ ለተራቡና በድርቅ ለተገጎዱ ወግኖች ደግሞ በሱማሊያ በርበራ ወድብ በኩል 25 ሺ ሜትሪክ ቶን የእርዳታ እህል ለማስገባት ወስኗል። ድርቅና ረሃብ በበረታበትና የዓለም አቀፍ ኅብረተሰብ ለእርዳታ በሚረባረቡበት ሰዓት የወያኔ መሪዎች በንግድ ድርጅቶቻቸው አማኝነት ያስመጡትን ማዳበሪያ ከእርዳታ እህል ይልቅ ቅድሚያ መስጠታቸው የአገዛዙ ሆነ የመሪዎቹ አረመኔትን በግልጽ የሚያሳይ ሆኗል። በረሃብ የተጠበሰው ወገን  የሚቀምሰውና የሚልሰው አጥቶ የእርዳታ እህል በየወደብ የሚያራግፈውና የሚያነሳው ባጣበት ሰዓት የወያኔ መሪዎች በየቀኑ 10 ሺህ ኩንታል ማዳበሪያ ከሱዳን ወደብ እያነሱ ሲሆን የጭነት መኪናዎችም ቅድሚያ የወያኔን ማዳበሪያ እንዲያነሱ መታዘዛቸው ታውቋል።

Ø የወያኔ መሪዎች የነፍስ አድን ዕርዳታውን ከማስገባት ይልቅ  የንግድ ማዳበሪያዎችን ቅድሚያ ሰጥቶ በማስነሳት በረሃብተኛው ሕዝብና በድርቅ ጉዳተኞች ህይወት ቁማር ሲጫወቱ በመሃል ሀገር የወያኔ ካድሬዎችና ሹማምንት የዕርዳታ እህልና አልሚ ምግቦችን ከተራቡ ወገኖች ጉሮሮ በመንጠቅና በመስረቅ እየሸጡ መሆናቸው ታውቋል። በስልጢ ወረዳ የወያኔ መሪዎች የመደቧቸው ባለሥልጣናት በረሃብና በድርቅ ለተጎዱ ወገኖች እንዲፋፈል የተመደበውን 500 ኩንታል አልሚ ምግብ ማለትም ወተት ዘይትና በፕሮቲን የበለጸጉ ምግቦችን በቀጥታ ወደ ገበያ በመውሰድ እየቸበቸቡት መሆኑን ለማወቅ ተችሏል።  እነዚህ የአካባቢው  ባለሥልጣኖች ከወያኔ መሪዎች ጋር በመመሳጠር የእርዳታ እህሉንና አልሚ ምግብን ገበያ ማውጣታቸው የግለሰቦቹ ጭካኔና ስግብግብነት ብቻ ሳይሆን የወያኔ መሪዎችን ችላ ባይነትም አጋልጧል። የወያኔ መሪዎች ጫካ በነበሩበት ወቅት በድርቅና በረሃብ መነገድ የዘወትር ተግባራቸው የነበረ ሲሆን ስልጣን ከያዙ ወዲህም የእርዳታ እህልን እንደ ፖሊቲካ መሳሪያ በመጠቀምና በመሸጥ የግል ኪሳቸው ሲያደልቡ መቆየታቸው ይታወቃል። በኢትዮጵያ ከ450 ሺ በላይ ሕጻናትና አልሚ ምግብ የሚያስፈልጋቸው ሲሆን ስልጢ ወረዳ ውስጥ ከ26 ሺ በላይ  እርዳታ ፈላጊዎች ናቸው።

Ø ማኅበረ ቅዱሳን ከመጋቢት 15 ቀን 2008 ዓም እስከ መጋቢት 21 ቀን 2008 ዓ.ም በኤግዚቢሽን ማዕከል ሊያካሂድ አቅዶት የነበረውን ዐውደ ራዕይ በልዩ ልዩ ተልካሻ ምክንያትና ሰበብ እንዳይካሄዱ ካደረገ  ወዲህ ማኅበሩ ጉዳዩን በቅርብ በመከታተል ባደረገው ጥረት ዐውደ ራዕይ እንዲካሄድ ወያኔ የፈቀደ መሆኑ ተገልጿል። ፈቃዱ እንደገና ተሰጥቷል ይባል  እንጅ በተባለበት ቀንና ጊዜ ለምን እንደተከለከለና ማን እንደከለለከለ ወያኔ የሰጠው ምንም ዓይነት መግለጫ የለም። የማኅበረ ቅዱሳን አባላትና ደጋፊዎች አሁን ፈቃድ መገኘቱን ይናገሩ እንጅ ዕውደ ራዕዩ መቼና የት እንደሚካሄድ ገና በንግግር ላይ መሆናቸውን አልሸሸጉም።  የማኅበረ ቅዱሳን ኦርቶዶክሳዊ ተዋህዶ ቤተ ክርስቲያን አስተምሮትን  ድርሻችንን እንወቅ በሚል ርዕስ ዐውደ ጥናት አዘጋጆችን ዝግጁነቱን አጠናቆ ባለበት ሰዓት በወያኔ መሪዎችና ከፓትርያርኩ ጽ/ቤት ባሉ ሰዎች አማካኝነት መታገዱን በማስታወስ አሁንም የማኅበሩን ዓላማ ተሳክቶ ዐውደ ራዕዩ ተግባራዊ እስካልሆን ድረስ የወያኔ ሸርና የካባ ለባሽ ካድሬዎቹ ተንኮልን በተጠንቀቅ መጠበቅ ይገባናል ይላሉ።

Ø ዛሬ መጋቢት 26 ቀን 2008 ዓም በኮንጎ ሪፐብሊክ ዋና ከተማ በብራዛቪል ከፍተኛ የጥይትና የከባድ መሳሪያ ድምጽ ሲሰማ መቆየቱን ነዋሪዎች ለዜና ምንጮች ካስተላለፉት መረጃ ለማወቅ ተችሏል። ማከለከሌ በተባለው ቀበሌ አካባቢ ማንነታቸው ያልታወቁ ክፍሎች በአንድ የፖሊስ ጣቢያና በአንድ የመንግስት ህንጻ ላይ ጥቃት የፈጸሙ መሆናቸው ተነግሯል። የሬውተር የዜና ምንጭ በዘገባው እንደገለጸው የተቃዋሚ ደጋፊዎች የሆኑ ወጣቶች በአንዳንድ ቦታዎች “ ሳሱ ሥልጣን ልቀቅ” የሚል መፈክር ደጋግመው ሲያሰሙ እንደነበር ገልጿል።  ከ1971 ዓም ጀምሮ በሥልጣን ላይ የነበሩት ዴኒስ ሳሱ ከጥቂት ሳምንታት በፊት በአገሪቱ በተካሄደው ብሔራዊ ምርጫ በድጋሚ ለሌላ አምስት ዓመታት የስልጣን ዘመን መመረጣቸውና ተቃዋሚ ፓርቲዎች ምርጫ ነጻና ፍትሃዊ አይደለም  በማለት መቃወማቸው ይታወቃል። በዛሬው ግጭት ፖሊሶች  ከታጠቁ ኃይሎች ጋር የተኩስ ልውውጥ ሲያደርጉ የነበሩ መሆናቸው የዜና ምንጮች የዘገቡ ሲሆን ይኸው ታጣቂ ቡድን የኒንጃ ሚሊሺያ ቡድን ሳይሆን አይቀርም የሚል ግምት ይሰጣሉ።

Ø 16 000 አባላት ያሉት የደቡብ አፍሪካ የመከላከያ ሠራዊት ማህበር ባለፈው ሳምንት ፕሬዚዳንቱ የሠራዊቱ ጠቅላይ አዛዥ ለመሆን ብቃት ስለሌላቸው ስልጣናቸውን መልቀቅ አለባቸው ብሎ መወሰኑ የሚታወስ ሲሆን በዛሬው ዕለት የማህበሩን ውሳኔ በመቃወም የደቡብ አፍሪካ ብሔራዊ የመከላከያ ኃይል አዛዥ ውሳኔው ለእርስ በርስ ግጭት የሚጋብዝ ከመሆኑም በላይ ህገወጥ ነው ብለውታል። ተቃዋሚዎች የአገሪቱ ፕሬዚዳንት ሚስተር ዙማ በስልጣን መባለግ ተከሰው ከስልጣን እንዲወገዱ ያቀረቡት ጥያቄ ማክሰኞ መጋቢት 27 ቀን በምክር ቤቱ ላይ ቀርቦ ውይይት የሚካሄድበት ሲሆን የአፍሪካ ብሔራዊ ኮንግሬስ ፓርቲ አብዛኛውን መቀመጫ በመያዙ በተቃዋሚዎች የቀረበው ሀሳብ ውድቅ ይሆናል ተብሎ ተገምቷታል። በሌላ በኩል የጸረ አፓርታይድ ትግል መሪና ከሚስተር ኔልሰን ማንዴላ ጋር በሮበን ደሴት ታስረው የነበሩት እውቁ አህመድ ካታራዳ ሚስተር ዙማ ከስልጣን መልቀቅ አለባቸው ብለዋል። ባለፈው ሳምንት ሚስተር ዙማ የተፈጸመው ስህተት ሆን ተብሎ የተደረገ አለመሆኑን ጠቅሰው ይቅርታ መጠየቃቸው ይታወሳል።

Ø ከአልካይዳ ጋር ግንኙነት አለው የሚባለውና አንሳሩ እየተባለ የሚጠራውን የጂሃዲስት ድርጅት ይመራ የነበረና በአሜሪካ መንግስት በከፍተኛ ደረጃ ሲፈለግ የቆየው ካሊድ አል ባርናዊ የሚባለው ግለሰብ በናይጄሪያ ውስጥ የተያዘ መሆኑ ተነገረ። ከአራት ዓመት በፊት አሜሪካ ግለሰቡን ዋና አሸባሪ ብሎ የሰየመ ሲሆን ግለሰቡን ለያዘ ወይም ለገደለ አምስት ሚሊዮን ዶላር ካሳ ለመክፈል መዘጋጀቱን  ገልጾ የነበረ መሆኑ ይታወሳል። ከቦኮ ሃራም የተገነጠለውን ድርጅት አንሳሩን ይመራ የነበረው ካሊድ ባርናዊ በተለያዩ ጊዜያት በርከት ያሉ የውጭ አገር ሰዎችን በመግደል የሚጠረጠር ሲሆን ከአራት ዓመት በፊት በናይጀሪያ ዋና ከተማ አቡጃ ውስጥ ባለው ዋና እስር ቤት ላይ የተደረገውን ጥቃት አስተባበሮ በርካታ እስረኞች ያስፈታ መሆኑ ይነገርለታል።

Ø የተባበሩት መንግስታት ድርጅት ቃል አቀባይ ትናንት መጋቢት 25 ቀን 2008 ዓም በሰጠው መግለጫ በሱዳን በተለያዩ አካባቢዎች በተከሰተው ድርቅ ምክንያት በዚህ ዓመት ወደ 400 000 (አራት መቶ ሺ) የሚሆኑ ሰዎች የምግብ እርዳታ የሚያስፈልጋቸው መሆኑን ገልጿል። ድርቁ የተከሰተባችው አካባቢዎች ምስራቅ ሱዳን በምስራቅ ዳርፉር እና  በመካከለኛው ኮርዶፋን ግዛት ሲሆን በድርቁ የተጎዳው በጠቅላላው 3.8 ሚሊዮን ሕዝብ የተለያየ እርዳታ ሲደርግለት መቆየቱ ተነገርዋል። የምግብ እርዳታው በዚህ ዓመት በጠቅላላው 12.5 ሚሊዮን ዶላር እርዳታ የሚያስፈልገው መሆኑ ቃል አቀባዩ ገልጾ በጦርነት የተፈናቀሉትን ከመርዳቱ ጋር ተዳምሮ የበጀት ችግር ሊገጥም እንደሚችል ጠቁሟል።     

መጋቢት 24 ቀን 2008 ዓም

Ø ዘረኛነትና አድልዎ ታማኝነትና ቡድናዊ አሠራር በተለመደበት የወያኔ ሥርዓት ውስጥ ለትግራይ ተወላጆች ልዩ እንክብካቤና ጥቅም እንዲያገኙ መደረጉ በተደጋጋሚ መዘገቡ ይታወሳል። በቅርብ ከሚያዚያ 8 ቀን 2008 ዓ.ም. እስከ ሚያዚያ 9 ቀን 2008 ድረስ ባህርዳር ከተማ ለሚደረገው የጣና ፎረም የአፍሪካ እምባገነን መሪዎችና የታዋቂ ግለሰቦች ስብሰባ የወያኔው ደህንነት መስሪያ ቤቱ ለጥበቃ የትግራይ ተወላጆችን በብዛት መምረጡ ታውቋል። ይህ ከአስራ አምስት ቀን በኋላ ይደረጋል በተባለው ስብሰባ ለጥበቃ የሚሰማሩ አባላት ጠቀም ያለ ገንዘብና አበል የሚከፋል በመሆኑ የትግራይ ደህነነት አባላት በብዛት ተመርጠዋል። የድህንነት ምንጮች የትግራይ ተወላጆቹ በብዛት የተመረጡት ጥቅም እንዲያገኙ ብቻ ሳይሆን የአማራና የኦሮሞ ደህንነት አባላት ታማኝነታቸው አጠራጣሪ በመሆኑ ነው። የአፍሪካ አምባገነን መሪዎችና ታዋቂ ግለሰቦች ያሉበትን የጣና ፎረም ስብሰባን የቀደሞ የናይጀሪያ ፕሬዚዳንት ኦሊሲንጎ ኦባሳንጆ ይመሩታል ተብሏል።

Ø በአዲስ አበባ ከተማ የስራ አጥነት ማስረጃ ለማግኘት የአምስት ቀን ስልጠና መውሰድ ግዴታ ነው ተባለ። ማስረጃውን የሚሰጠው የሚኖሩበት ቀበሌ ሲሆን እስከ ዛሬ ይሰራበት ከነበረው አሠራር የተለየ መሆኑንና ስራ አጡ ስራ ካገኘ በሰለጠነበት ካልሆነ አትሰራም ተብሎ እንደሚከለክልና እሰራለሁ ካለ ከቀበሌው ማስረጃ እንዲያቀርብ ይጠየቃል። ይህ የስራ አጥ ስልጠና የተባለውን ለወያኔ የገንዘብ መሰብሰብያ ድርጅቶች ስራ የፈጠረ ከመሆን ውጭ ለአዲስ አበባ ስራ አጦች የፈየደው ነገር አለመኖሩንም እንዲያውም የሥራ ዕድሉ ያገኙ ወጣቶች አንተ በዚህ ሙያ አለሰለጠንክም አንተ ለዚህ አትመጥንም እየተባሉ የሥራ ዕድሉን ከማጥበብ ውጭ የሰጠው ጠቀሜታ እንደሌለ ተገልጿል። ኢትዮጵያ ውስጥ በተለይ በከተሞች ከፍተኛ የሆነ የሥራ አጥ ቁጥር ያለ ሲሆን ወያኔ በሚከተለው ዘረኛና አምባገነን አድላዊ አገዛዝ ምክንያት ስራ የማግኘት ዕድል በእጅጉ እንደጠበበባ ተወላጅነትና የፖለቲካ ታማኝነት ዋና መስፈሪያ መሆኑ ይታወቃል።

Ø በአባይ ወንዝ አጠቃቀምና በአባይ ግድብ ዙሪያ ወያኔና ግብጽ ያላቸውን ልዩነት ለማቻቻል ተደጋጋሚ የዲፕሎማቲክ ምንጮች እየገለጸ ባለበት ሰዓት የወያኔ አገዛዝ የዓባይ ግድብ ግንባታ ሲጠናቀቅ 6000 ሜጋ ሞት የኤሌክትሪክ ኃይል እንደሚያመርቱና 74 ቢሊዮን ኪዩቢክ ሚትር ውሃ ሊይዝ እንደሚችል እየገለጹ ነው። የወያኔ መሪዎች ግድብ ሲጀመር 5250 ሚጋዋት የኤሌክትሪክ ኃይል ያመርታል ይበሉ እንጅ አሁን ቁጥሩን ከ6000 በላይ ማለታቸው ታውቋል። ግድብ ከኃይል ማመንጫነት በተጨማሪ ለመስኖ ለዓሣ እርባታና ለትራንስፖርት ይውላል ይበሉ እንጅ የግብፅ መንግስት ግድብ አሁንም በታሪካዊ የዓባይ ወንዝ ውሃ አጠቃቃሜ ላይ ችግር ይፈጥራል በማለት ተቃውሟውን በማሰማት ላይ ይገኛል። የቀድሞዎቹ የግብጽ ፕሬዚዳንቶች በአባይ ግድብ ላይ ወታደራዊ ኃይል መጠቀም እንደአማራጭ እንደሚወስዱት መግለጻቸው የሚታወስ ሲሆን የአሁኑ ግብጽ መሪዎች የበለጠ ለዲፕሎማሲ ለሕግና ለቴክኒካል ኮሚቴ ጥናት ጊዜ ይሰጡ እንጅ የከረረ ፍትጫ ውስጥ እንደሚገባ የማይቀር መሆኑ ይነገራል። ወያኔ ስለ አባይ ግድብ ተጨማሪ ፕሮፓጋንዳ ለመንዛትና በተለይ ከውጭ ከሚኖሩ ኢትዮጵይውያን ገንዝብ ለመሰበብ ግድብ የተጀመረበት አምስተኛ ዓመት በማለት ስብሰባ ለመጥራት ማቀዱ ተገልጧል።

Ø በሶማሊያና በኬኒያ ወሰን አካባቢ  ጂብ እየተባለ በሚጠራው ቦታ የአሜሪካው ወታደራዊ ተቋም  ሰው አልባ መንኮራኩርን በመጠቀም  ሶስት የአልሸባብ መሪዎችን ይዟል የተባለ ተሽከርካሪን በማጥቃት የደመሰሰ መሆኑን አንድ የፔንታጎን ቃል አቀባይ ገልጿል። በተሽርካሪው ውስጥ ነበረበት ተብሎ የሚጠረጠረውና ለመግደል ኢላማ የተደረገው ሃሰን አሊ ዳሁር የተባለው የአልሸባብ መሪ ሲሆን ግለሰቡ በቅርቡ በሱማሊያ ውስጥ አሜሪካውያንን ጨምሮ በርከት ያሉ ሰዎች የገደሉትን  የቦምብ ጥቃቶች ሲያደራጀና ሲያስተባብር  የቆየ ነው ተብሏል። የተወሰደው እርምጃ  ስለደረሰው ጉዳት ዝርዝር መረጃ ቃል አቀባዩ  ገልጾ  ግምገማ እያካሄደ መሆኑን አብራርቷል።

Ø በተያያዘ ዜና ዛሬ መጋቢት 24 ቀን 2008 ዓም  በኬኒያ ከአንደ ዓመት በፊት በጋሪሳ ዪኒቨርስቲ በአልሸባብ  ታጣቂዎች የተገድሉትን 148 ተማሪዎች ሌሎች ሰራተኞች ለማስታወስ የተለያዩ ስነስርዓቶች ሲደረጉ ውለዋል። በኮሌጁ ቅጥር ግቢ ውስጥ በመቶ የሚቆጠሩ ሰዎች ተሰብስበው የሞቱትን ያስታወሱ  ሲሆን  በኬኒያ ዋና ከተማ በናይሮቢ የተገደሉትን ለማስታወስ የጸሎትና የሻማ መብራት ሥነ ስርዓቶች የተካሄዱ መሆናቸው ታውቋል።

Ø የደቡብ አፍሪካ ፕሬዚዳንት ጃኮብ ዙማ ትናንት መጋቢት 23 ቀን 2008 ዓም በቴሌቪዥን አማካይነት ለሕዝቡ ባደረጉት ንግግር በቅርቡ የግል መኖሪያ ቤታቸውን ለማሻሻል የተደረገው ግንባታ  በርካታ ውዝግብ ማስነሳቱን ገልጸው ለተፈጠረው ሁኔታ በይፋ ሕዝቡን ይቅርታ ጠይቀዋል። የደቡብ አፍሪካ የሕገ መንግስት ፍርድ ቤት ያስተላለፈውን የፍርድ ውሳኔ የሚቀበሉ መሆኑን ገልጸው ለመዋኛ ቦታና ለቲያትር መመልከቻው ሕንጻ የወጣውን ወጭ እንደሚከፍሉ ቃል ገብተዋል። ለዚህ ጉዳይ የተቋቋመ አንድ የጸረ ሙስና ተቋም የተጠቁስትን ሕንጻዎች ለመገንባት ከመንግስት ካዝና 23 ሚሊዮን ዶላር የወጣ መሆኑን ገልጾ ሚስተር ዙማ ይህንን ገንዘብ መክፈል ያለባቸው መሆኑን በማስረገጥ ትዕዛዝ ማስተላለፉ ይታወቃል።  በሚስተር ዙማ በኩል ገንዘቡን ለመክፈል ፈቃደኛነት ባለመገኘቱ ጉዳዩ ወደ ፍርድ ቤት ሄዶ የደቡብ አፍሪካ የሕገ መንግስት ፍርድ ቤት  ባለፈው ሐሙስ ሚስተር ዙማ የተጠቀሰውን ገንዘብ እንዲከፍሉ ውሳኔ ማስተላለፉ ይታወሳል። በሌላ በኩልም ሁለት ዋና ዋና የአገሪቱ ተቃዋሚ ፓርቲዎች ምክር ቤቱ ሚስተር ዙማ በስልጣን መባለግ ክስ ወንጅሎ ከስልጣን እንዲያባርራቸው አጀንዳ አስይዘው ውይይት እየተካሄደበት ነው። የሚስተር ዙማ የቴሌቪዥን ንግግር  ስልጣኔ በፈቃዴ ለቅቄያለሁ ሲሉ ለመስማት ጠብቆ የነበረውን ክፍል ያበሳጨ ቢሆንም ሚስተር ዙማ አሁንም ቢሆን ለምን ያህል ጊዜ በሥልጣን ይቆያሉ የሚለው ጥያቄ አሁንም አነጋጋሪ ሆኗል። ገሚሱ ሚስተር ዙማ በማጭበርበርና በማሳዘን የሕዝብን አስተያየት በማስቀየር በኩል የተካኑበት መሆኑን በተደጋጋሚ ያሳዩ በመሆናቸው በቅርቡ የተፈጠረውን ሁኔታ በተመሳሳይ መልክ ይወጡታል ሲል በአሁኑ ወቅት በፕሬዚዳንት እየተካሄደ ያለው ሙስናና ዓይን ያወጣ የዘመድ ስራ ይፋ በመውጣቱ ከዚህ ችግር የሚወጡበት መንገድ ጠባብ ነው የሚል ግምት የሚሰጡ በርካታ ናቸው።  ክፍሎች

Ø በኮንጎ በተመድ የሰላም አስከባሪ ኃይል ውስጥ ተመድበው የሚሰሩት የታንዛኒያ ወታደሮች በእድሜ አነስተኛ የሆኑ ህጻናትን አስገድደው ደፍረዋል የሚል ክስ የቀረበባቸው መሆኑ ተገልጿል። ወንጀሉን ፈጽመዋል የተባሉት  ማቪቪ በተባለው መንደር አካባቢ የተሰማሩ የታንዛኒያ ወታደሮች ሲሆኑ ክሱ የተረጋገጠ ከሆነ አስፈላጊውን ርምጃ እንዲወስዱ ለታንዛኒያ እና ለኮንጎ መንግስት ባለስልጣኖች መረጃው መተላለፉን የተመድ ቃል አቀባይ ገልጿል። ተጠርጣሪዎቹ ከካምፕ እንዳይወጡ የተደረገ ሲሆን በደል ለደረሰባቸው ህጻናትም የስነ ልቡናና የማህበረሰባዎች ርዳታዎች እየተደረገላቸው መሆኑ ተነግሯል። የተመድ የሰላም አስከባሪ ኃይል አባላት በማዕከላዊ አፍሪካ ሪፐብሊክ እና በኮንጎ ተመሳሳይ ክሶች ሲቀርቡባቸው መቆየቱ አይዘነጋም።

Ø በትናንትናው ዕለት መጋቢት 23 ቀን 2008 ዓም ሲካትሴሬ በተባለችው የናይጄሪያ ሰሜናዊ ግዛት ከተማ ከሶስት ወር በላይ አለምንም ፍርድ በግፍ የታሰሩት የሺያ ሃይማኖት ተከታይ መሪ ሚስተር ዛክዛኪ ከእስር እንዲፈቱ ሰላማዊ ስልፈኞች አደባባይ በመውጣት ጠይቀዋል። ከአንድ ሳምንት በፊት አንድ  የኮሎኔልነት ማዕረግ ያለው የናይጀሪያ ወታደራዊ መኮንን  በሺያ ሃይማኖት ተከታዮች ቡድን ተጠልፎ ከተወሰደ በኋላ ተገድሏል የሚለውን ክስ  ቡድኑ መካዱ ይታወቃል። የሺያ ሃይማኖት መሪ በቁጥጥር ስር የዋሉት በዚህ ዓመት ታህሣር ወር ውስጥ ሲሆን ለመታሰራቸው ምክንያት የሆነው የእምነቱ ተከታዮች አንድ የናይጄሪያ ጄኔራል ጠልፎ ለመያዝ መከራ አድርገዋል በሚል ነው። በወቅቱ በአካባቢው የነበረው የናይጄሪያ ወታደር ሶስት የሺያ መስጊዶችን  የደመሰሰ ሲሆን መሪውን ዛክሳኪን በሥስት ጥይት አቁሰለው ከመያዛቸውም በላይ የዛክዛኪን ልጆች ጨምሮ በርካታ ሰዎችን መግደላቸው ይታወቃል። የናይጄሪያ ፍርድ ቤት አንድ ተጠርጣሪ በ48 ሰዓት ውስጥ ፍርድ ቤት መቅረብ አለበት ብሎ ቢያዝም ከሶስት ወር በላይ የተቀመጡ መሆናቸው ታውቋል። ዛክዛኪ ከ 37 ዓመት በፊት ከኢራን ጎብኝተው ሲመለሱ የመሰረቱት የሺያ ሙስሊም ሃይማኖት በሚሊዮን የሚቆጠር ተከታዮች ቢኖሩትም በአካባቢው ከሚኖሩ የሱኒ ሙስሊም አባሎች ጋር ሲወዳደር በቁጥር አነስተኛ በመሆናቸው ከፍተኛ በደል የደረሰባቸው መሆኑ ይታወቃል። ባለፈው ሳምንት የሺያ ሃይማኖት እንቅስቃሴ የሚባለው ድርጅት በአካባቢው ከ 1000 ሰዎች በላይ ሰዎች በመገደላቸው በዐለም አቀፉ ፍርድ ቤት ክስ መመስረቱ ይታወሳል።

መጋቢት 23 ቀን 2008 ዓ.ም.

Ø በትናንትናው ዕለት መጋቢት 23 ቀን 2008 ዓም ደብረ ዘይት ውስጥ አዋሽ በተባለ ሆቴል ውስጥ የተወረወረ የእጅ ቦምብ አንድ ሕጻን ገድሎ ሌሎች አራት ሰዎችን በጽኑ ማቁሰሉ ታውቋል። የቦምቡን ፍንዳታው ተከትሎ የወያኔ ጸጥታ ኃይሎችና ወታደሮች ደብረዘይትን አስጨንቀዋት እንደሚገኙ ተገልጿል። የዓይን ምስክሮች የእጁ ቦምብ አንድ ግለሰብ እንደወረወረውና እነደተሰወረ ሲገልጹ ለፍንዳታው ኃላፊነትን የወሰደ ግለሰብም ሆነ ቡድን የለም። ብዙ ሀገር ወዳድ ዜጎች ግን በመላ ኢትዮጵያ ከተሞች በደብረዘይትም ጭምር ከተቀሰቀሰው ሕዝባዊ ተቃውሞና ቁጣ ጋር በተያያዘ የወያኔ የፀጥታና የደህንነት ኃይሎች የጣሉት አደጋ ሊሆን እንደሚችል በመግለጽ ድርጊቱን የፈጸሙትም የሕዝብ ወገንና ልጆችን ለማሰር የተሸረበ ሴራ ሊሆን እንደሚችል ከፍተኛ ግምትና ጥርጣሬ እንዳላቸው ይናገራሉ። የወያኔ ባለሥልጣናትም ሆነ የደብረ ዘይት ከተማ ሹማምንት የቦምብ አደጋውን አስመልክቶ በትናንትናው ዕለት የሰጡት መግለጫ አለተመዘገበም።

Ø መቀመጫውን እንግሊዝ አገር ያደረገው ላንሴት የህክምና ጆርናል የዘንድሮውን የሰውነት ክብደትና ይዘት መለኪያ (Body Mass Index) ይፋ አድርጓል። ሰንጠረዡ እንደሚያሳየው የዓለም ሕዝብ ውፍረት በአስደንጋጭ ፍጥነት እየጨመረ መምጣቱን ገልጿል። በ1967 በተደረገው ተመሳሳይ ጥናት 105 ሚሊዮን ሕዝብ ወፍራም ተብሎ እንደተፈረጀና ባለፈው ዓመት የተጠናቀቀው ና በ200 አገሮች በተካሄደው ጥናት 647 ሚሊዮን ሕዝብ ወፍራም መሆናቸው አስደንጋጭ ነው ተብሏል። ወፍራም የተባሉት አብዛኞቹ የሚገኙት በበለፀጉና ሀብታም በተባሉ አገሮች ውስጥ ሲሆን አሜሪካ ወፍራሞችን በብዛት በማስመዝገብ ቀዳሚነቱን ስታሳይ ጃፓን ደግሞ የበለጸገችና ሀብታም ሆና የወፍራሞችን ቁጥር አነስተኛ ቁጥር አነስተኛ የሆኑባት አገር ሆናለች። ከአሜሪካ ቀጥሎ አውስትራሊያ፣ ካናዳ ፣አየር ላንድ፣ኒውዚላንድና ብሪታኒያ ወፍራሞችን በብዛት እንደቅድመ ተከተላቸው ያስመዘገቡ ሲሆን በቀጫጫነት ደግሞ ምስራቅ ቲሞር ኢትዮጵያና የሻዕቢያዋ ኤርትራ አነስተኛ ቁጥር ያለው ወፍራሞችን አስመዝግበዋል፡፤ የሕክምና ባለሙያዎች ወፍራምነትን ተከትለው የሚመጡ በርካታ የጤና ችግሮች መኖራቸውን በመግለጽ ተመጣጣኝ የሰውነት አቋም  ከክብደትና ከቁመት ጋር እንዲኖር ማድረግ አስፈላጊ መሆኑን አነስተኛ ክብደት መኖርም ለጤንነት አስጊ መሆኑን ይገልጻሉ። የሰውነት ክብደት የሚያሰጋቸው ሰዎች ከመጡበት አካባቢና ከኑሮ ደረጃቸው ጋር የተያያዘ ሊሆን እንደሚችልም ይገመታል።

Ø የወያኔ ቡድን ጠፍጥፎ የሠራው ብአዴን የተባለው ቡድን እወክለዋለሁ በሚለው የአማራ ሕዝብ ላይ በየወቅቱና በየጊዜው አሳፋሪና አሳዛኝ ድርጊቶችን ሲፈጽም መቆየቱ ይታወቃል። ሰሞኑን ደግሞ የወልቃይት ሕዝብ ለማንነቱና ለመብቱ ያነሳውን ጥያቄ በግድያ በአፈናና በእስር ምላሽ እየሰጠ ባለበት ሰዓት በሁመራ የሃይማኖት አባቶች የተባሉት የወልቃይትን ነዋሪ ሃሳብ እንዲቃወሙ ስብሰባ መጥራቱ ታውቋል። የሃይማኖት አባት የተባሉት ስብሰባ የተጠሩት የወልቃይት ሕዝብን እንዲያወግዙ መሆኑ ተገልጿል። የወያኔው ተላላኪ ብአዴን ለወልቃይት ሕዝብ ጥያቄ የወያኔን ነፍሰ ገዳይ ጦር አግአዚ በመጥራት የጥይት ምላሽ ሲሰጥ የውግዘትና የተቃውሞ ድምጻቸውን ያላሰሙት የሃይማኖት አባት የተባሉት ዛሬ ከወያኔ ጋር በመሆን ለውግዘት መሰልፋቸው የሃይማኖት አባት የሀገር ሽማግሌ ሳይሆኑ ተራ ተላላኪ መሆናቸውን አሳይተዋል። የጎንደር ነዋሪዎች የሃይማኖት አባቶቹ ከወያኔ ጎን በመቆም ይህን ዓይነት ወራዳና ሕዝብ የሚጎዳ ተግባር መፈጸማቸው ከሃይማኖት አባት የማይጠበቅ የተራ ቀበሌ ካድሬ ስራ ነው በማለት ለመብትና ለማንነት የሚደርገው ትግል ይቀጥላል ይላሉ።

Ø የወያኔው የንግድ ሸሪክ የሆነው መሀመድ አላሙዲን ቤት ከዓመታት በፊት ግዥ የፈጸመባቸውን የንግድና የእርሻ ድርጅቶች ክፍያን በወቅቱ ባለመፈጸሙ ወደ ግማሽ ቢሊዮን የሚጠጋ ብር እንዲከፍል በወያኔው ፍርድ ተፈርዶበታል። ወያኔ የመንግስትና የሕዝብ ሀብት የነበሩትን ጎጀብ  እርሻ ልማትን፤ አዲስ ጎማን የሊሙና የበበቃ የቡና እርሻን ለመሀመድ አላሙዲ ሜድሮክ ኩባንያ መሸጡ ይታወሳል። መሀመድ አላሙዲ የልማት እርሻዎቹን ሆርዘን ፕላንቴሽን በማለት ስያሜ ሰጥቶ ክፍያ ግን ባለመፈጸሙ ጊዜ ቢሰጠውም በገንዘብ ቀውስ ሊከፍል አለመቻሉ ታውቋል። የወያኔው ከፍተኛ ፍርድ ቤት 8ኛ ችሎት ጉዳዩን ለወራት መርምሮ የልማት እርሻዎቹ ባለንብረት መሀመድ አላሙዲን ድርጅቶቹ ያላቸውን አጠቃላይ ዕዳ 433 ሚሊዮን 571 ሺህ 241 ብር በጊዜ ገደብ እንዲከፍል ካልከፈለ ከነወለዱ እንዲከፍል ወስኗል። የፖሊካ ተመልካቾች የወያኔ የፖለቲካ ፍርድ ቤት በወያኔ የንግድ ሸሪካ ላይ ይህን ውሳኔ የጣለው በቱጃሩና በውያኔ መካከል ያለው ፍቅር አልቆ ነው ወይስ ስግብግብና አልለጠግብ ባይ የሆኑት የወያኔ መሪዎች ውትሮችም በዘዴና በስልት የሰጡትን የሀገርና የሕዝብ ንብረት በህግና በፍርድ ቤት ስም ሊቀበሉት በማሰብ ነው በማለት ይጠይቃሉ።

Ø በህንድ አገር ካልከታ ከተማ ውስጥ ከመንገድ በላይ የተሰራ አንድ ድልድይ በመደርመሱ ከ 24 ሰዎች በላይ ሞተው በርካታ የቆሰሉ መሆናቸው ታውቋል። ከተደመረሰው ድልድይ ስር ያሉትን ሰዎች ለማውጣት አስቸጋሪ በመሆኑ በዚህ ምክንያት ሊሞቱ የሚችሉ ሰዎች ቁጥር ከዚህ በላይ ሊሆኑ እንደሚችል ተሰግቷል። እስከ ዛሬ ድረስ 90 የሚሆኑ ሰዎችን ከተደረመሰው ድልድይ ስር በማውጣት ለማዳን የተቻለ ሲሆን አብዛኞቹ ጉዳት ደርሶባቸው ወደ ሆስፒታል ተልከዋል።  2 ኪሎሜትር ርዝመት ያለው ድልድይ ከተጀመሩ ስድስት ዓመታትን ያስቆጠረ ሲሆን የተደረመሰው በግምባታ ጥራት ጉድለት ነው ይባላል። ፖሊስ ድልድዩን ሲሰራ የነበረው ኩባንያ ኃይላፊዎችን በቁጥጥር ያደረገ ሲሆን በወንጀል ክስ የሚመሰርትባቸው መሆኑን ገልጿል። በአገራችንም አብዛኞቹ መንገዶች ድልድዮችና ህንጻዎች የሚሰሩት ጥራታቸውን ባልጠበቀ ሲሚንቶና ሌሎች የህንጻ መሳሪያዎች መሆኑን በመናገር እንደ መሬት መንቀጥቀጥ ዓይነት ያሉ የተፈጥሮ አደጋዎች  ከተከሰቱ ከፍተኛ ጉዳት ሊያስከትሉ እንደሚችሉ ለጉዳዩ እውቀት ያላቸው በርካታ መሀንዲሶች መምከር ከጀመሩ ዓመታት ተቆጥረዋል።

Ø የሊቢያ የአንድነት መንግስት ተቀባይነት አግኝቶ ሁኔታውን መቆጣጠር ከቻለ ሊቢያ የተያዘባት የአገሪቱ ገንዘብ ወዲያውኑ ሊለቀቅ እንደሚችል የተባበሩት መንግስታት ድርጅት አስታውቋል። ላለፉት አምስት አመታት 67 ቢሊዮን ዶላር የአገሪቱ ገንዝብ እንዳይነቃነቅ በተመድ የተያዘ መሆኑ ይታወቃል። ባለፈው ረቡዕ መጋቢት 21 ቀን 2008 ዓም ትሪፖሊ ወደብ የገባው በተመድ ግፊት የተቋቋመው የሊቢያ የአንድነት መንግስት በከተማው ውስጥ ተኩሶች በመበርከታቸው እና የጸጥታው ሁኔታ ያልተረጋጋ በመሆኑ ምክንያት  ከወደቡ አካባቢ በመውጣት ወደ ሌሎች የከተማዋ ክፍሎች ያልተንቀሳቀሰ መሆኑ ተገልጿል።  በትሪፖሊ የራሱን መንግስት ያቋቋመው አካል  መሪ ካሊፋ ገዊል በቴሌቪዥን በሰጡት መግለጫ የውጭ መንግስት አስጠባቂና ሰርጎ ገብ የሆነው የአንድነት መንግስት የሚባለው አካል በእኛ አካባቢ ተቀባይነት የለውም ብለዋል። አያይዘውም ወደ ትሪፖሊ የገቡት የአንድነት መንግስት የልኡካን ቡድን አባሎች ወይ እጃቸውን ለእኛ በሰላም ይስጡ ካለበለዚያም ይመለሱ የሚል መግልጫ ሰጥተዋል። በትሪፖሊም የአንድነት መንግስቱን የሚቃወሙ ሰላማዊ ሰልፎች ተካሄደዋል።  ከአምስት ዓመት በፊት የጋዳፊ መንግስት ከተገለበጠ ጀምሮ በሊቢያ ምስራቅና ምዕራብ ሁለት ራሳቸውን መንግስት ነን ብለው የሚጠሩ የታጠቁ ክፍሎች መመስረታችው ይታወቃል። ባለፈው ታኅሳስ ወር በተመድ አማካይነት ከሁሉም የተውጣጣ መንግስት ለማቋቋም የተጠነሰሰው ሀሳብ በአንዳንድ ክፍሎች ስምምነት እንዲቋቋም ቢደረግም በምስራቅም ሆነ በምዕራብ የአንድነት መንግስቱን መቋቋም የሚቃወሙ ክፍሎች በማየላቸው መንግስቱ ተመስርቶ ሊንቀሳቀስ አልቻለም። ሰሞኑን ከዚህ ጋር በተያያዘ የአንድነት መንግስቱ እንዳይንቀሳቀስ እንቅፋት ሆነዋል ብሎ በሰየማቸው ሶስት የሊቢያ ባለስልጣኖች ላይ  የአውሮፓው ህብረት ማዕቀብ የጣለ መሆኑ ገልጿል። ማዕቀብ የተጣለባቸው ግለሰቦች አጊላህ ሳላህ በምስራቅ ሊቢያ የሚገኘው መንግስት የፓርላማ መሪ፤ ካሊፋ ገዊል የትሪፖሊ መንግስት መሪ እና አቡ ሳህማን የጠቅላላ ብሔራዊ ኮንግሬስ መሪ መሆናቸውም ተነግሯል።  ሶስቱ ግለስቦች ወደ አውሮፓ እንዳይገቡ የተከለከሉ ሲሆን በአውሮፓ ውስጥ የሚገኝ ገንዘብና ንብረታቸው እንዳይንቀሳቀስ እገዳ ተጥሎበታል። የምዕራባውያን ጣልቃ ገብነት የአሁኑን የሊቢያን ሁኔታ ፈጥሯል የሚል አስተያየት የሚሰጡ  ወገኖች የጋራ ስምምነት እስከሌለ ድረስ የሊቢያ ቀውስ ይቀጥላል በማለት ስጋታቸውን ይገልጻሉ።

Ø ከአስራ ሰባት ዓመት የስልጣን ጊዜ በኋላ የጅቡቲው ገለህ በሚቀጥለው ሳምንት መጋቢት 30 ቀን 2008  በሚካሄደው ምርጫ የሚመረጡ መሆናቸው ሳይታለም የተፈታ ነው በማለት በርካታ ታዛቢዎች እየተናገሩ ይገኛሉ። የዛሬ ስድስት ዓመት ፓርላማው የጂቡቲን ሕገ መንግስት በመቀየሩ ምክንያት ገለህ ለሶስተኛ ጊዜ የተመረጡ ሲሆን የአሁኑ አራተኛው የስልጣን ዘመናቸው ይሆናል።  የተቃዋሚዎች ህብረት በአንድ ላይ ለመቆም ችግር ያለበት ቢሆንም ከሰባት ተቃዋሚ ድርጅቶች መካከል ሶስቱ የታቀደው ምርጫ መሰረታዊ የሆነ የነጻና ፍትሃዊ ምርጫ መመዘኛዎች ያላሟላ የይስሙላ ምርጫ  ስለሚሆን አንሳተፍም ብለዋል። ነጻና ገለልተኛ የሆነ የምርጫ አስፈጻሚ ቦርድ እንዲቋቋም የቀረበውን ጥያቄ የገለህ መንግስት ውድቅ አድርጎታል። ጅቡቲ ውስጥ አሜሪካ በየመን፤ በሶማሊያና በሌሎች የአፍሪካ አገሮች ጸረ ሽብር ጥቃቶችን የምታስተባብርበት የጦር ማዕከል ሲኖራት ፈረንሳይ፤ ጃፓን እና ቻይናም ወታደራዊ የጦር ሰፈሮች የመሰረቱ መሆናቸው ይታወቃል። አገሪቱ ባለፉት አመታት የኢኮኖሚ እድገት አሳይታለች ተብሎ ብዙ ቢወራላትም በአግሪቱ ውስጥ የስራ አጡ ቁጥር 60 ከመቶ የደረሰ ከመሆኑም በላይ ቢያንስ አንድ አራተኛ የሚሆነው የጂቡቲ ሕዝብ በከፍተኛ ድህነት ክልል እንደሚኖር ይታወቃል።  

Ø ዛሬ መጋቢት 23 ቀን 2008 ዓም የተባበሩት መንግስት ድርጅት የጸጥታው ምክር ቤት 100 የሚሆኑ ዓለም አቀፍ የፖሊስ ኃይል አባላት  በብሩንዲ ስላም ለማስከበር ስለሚሰማሩበት ሁኔታ በፈረሳይ መንግስት በቀረበው ረቂቅ ሀሳብ ላይ ተወያይቶ ውሳኔ ይሰጥበታል ተባለ። ቁጥራቸው ከ100 የማይበልጥ ፖሊሶች ወደ ጅቡቲ ተልከው በብሩንዲ የሰብአዊ መብትን ለማስከበር ስለሚቻልበት ሁኔታ እርዳታ ያደርጋሉ ተብሏል። በብሩንዲ የእርስ በርስ ግጭት ከተፈጠረበት ጊዜ ጀምሮ ዜጎች በገፍ የሚገደሉበት፤ የሚያዙበትና ተይዘውም በምርመራ ከፍተኛ ስየል የሚካሄድባቸው የዜና ምንጮችና የተመድ ባለስልጣኖች በየጊዜው መግለጻቸው ይታወቃል።  በቀረበው ሀሳብ መሰረት 100 ፖሊሶችን ለመላክ የታቀደ ሲሆን ጸጥታን ለማስከበር ቁጥሩን እንደማይበቃ ብዙዎች ይናገራሉ። የብሩንዲ ችግር በጀመረ በአንድ ዓመት ጊዜ ውስጥ ከ400 በላይ የብሩንዲ ዜጎች ሲገደሉ ከ12 000 ሰዎች በላይ እንደተሰደዱ ተዘግቧል። 

መጋቢት 22 ቀን 2008 ዓ.ም.

Ø በኢትዮጵያ ከተሞችና ገጠሮች ውስጥ የተነሳው ሕዝባዊ ተቃውሞና ቁጣ ዛሬም በልዩ ልዩ ከተሞች በተለያየ ማዕዘናት ውስጥ ውስጡን እንደቀጠለ መሆኑን ከየአካባቢው የሚመጡ መረጃዎች ያመለክታሉ። በምዕራብ ሐረርጌ ፈዲስ ወረዳ አሁንም ሕዝባዊ ተቃውሞና ቁጣ እየፋመ ሲሆን የወረዳ ገዥ የተባለውን ሕዝብ አባሮታል። በአርሲ በተለያዩ ከተሞች የተማሪዎች ተቃውሞ እንደ አዲስ የተቀሰቀሰ ሲሆን የወያኔ ቡድን መሪዎች ነፍስ ገዳይ ጦራቸውን አግአዚንም ቢልኩ ሞት ያልፈሩ ወጣቶችና ሕዝብ በመጋፈጣቸው ውጥረቱ ከፍተኛ ሆኗል። በኢሊባቦርም ሕዝቡና ተማሪዎች በአንድ ላይ በመሆን የታሰሩት እንዲፈቱ የወያኔ ነፍሰ ገዳይ ጦር ከከተሞችና ከገጠር ለቆ እንዲወጣ በመጠየቅ ተቃውሟቸውን በአደባባይ እየገለጹ መሆናቸው ታውቋል። የወያኔ ቡድን የሚዘሯቸው መገናኛ ብዙኀን የሕዝብ ተቃውሞና ቁጣ ወያኔ በሰጠው መልስ ተደስቶ ተቃውሞ ጠፍቷል፤ በርዷል በማለት ራሳቸውን ብቻ የሚያሞኝ ፕሮፓጋናዳ ይንዙ እንጅ የተቃውሞ ትግሉ በየአቅጣጫውና በየማዕዘኑ አሁንም እንደቀጠለ ነው።

Ø የያዝነው የፈረንጆቹ ዓመት ከማለቁ በፊት የፈረንሳይ የሀገር ውስጥ ሚኒስቴር በሺ የሚቆጠሩ ኢትዮጵያውያን ስደተኞችን ከሀገሩ እንደሚያባርር አስታውቋል። የሀገር ውስጥ ሚኒስትሩ 11 ሺ ኢትዮጵያውያን ስደተኞችን ለማባረር ማቀዱን የገለጸ ሲሆን ስደተኞቹን ለማባረር የሚያስተባብርና የሚያቀናብር አዲስ የሚመጡትንም የሚቀበልና የሚያስተናግድ ግብረ ኃይልም አቋቁሟል። የፈረንሳይ መንግስት ለጊዜው ከሶሪያ ከኢራቅና ከሻዕቢያ ኤርትራ የሚመጡ ስደተኞችን ብቻ ለመቀበል መወሰኑ ታውቋል። በኢትዮጵያ የኦስትርያ አምባሳደር APA ለተባለ የዜና ወኪል በሰጡት ቃለ ምልልስ በአውሮፓ ጥገኝነት ከጠየቁ ኤርትራውያን ውስጥ 40 ከመቶ ኢትዮጵያውያን መሆናቸውን ተናግረዋል። አምባስደሩ አያይዘውም በሺህ የሚቆጠሩ ኢትዮጵያውያን ስደተኞች በህገ ወጥ መንገድ ወደ ሳኡዲ አረቢያና ደቡብ አፍሪካ እንደሚገቡ ገልጸው ወደ አውሮፓ የሚመጡ ስደተኞች ግን የፖለቲካ ጥገኛነት ለማግኘት የተሻለ ዕድል እንዲያገኙ ኤርትራውያን ነን እንደሚሉ ተናግረዋል። ማንም ብዙ ያላወራለት በዓመት ከ 100 ሺ በላይ ኢትዮጵያውያን ወደ መካከለኛ ምስራቅ መሄዳቸውንም ገልፀዋል። ማንኛውም ኢትዮጵያዊ ስደተኛ የተቃዋሚ ፖሊቲከኛ በአውሮፓ ጥገኛነት እንደማይሰጠው አምባሰደሩ ተናግረዋል። የኢትዮጵያውያን መከራና ስቃይ የሚያውቅና የሚቀበል እየጠፋ መምጣቱ የሚያሳየው መከራና ስቃይ በስደት የሚከተል ከሆነ በሀገር ውስጥ የመከራና የስቃይ ምንጩን የወያኔ አገዛዝን መታገል ብቸኛ መፍትሔ ነው የሚሉ ወገኖች በዙ ናቸው።

Ø የአሜሪካ የውጭ ጉዳይ መ/ቤት የሰብዓዊ መብት፣ የዴሞክራሲና የሠራተኛ ጉዳይ ረዳት ኃላፊ የሆኑት ቶም ማሊኖውስኪ በኢትዮጵያ የሚያደርጉትን ጉብኝት ጀምረዋል። ረዳት ኃላፊው ማክሰኞ መጋቢት 20 ቀን 2008 ዓም በአዲስ አበባ መግባታቸው ሲታወቅ እስከ መጋቢት 28 ቀን 2008 ዓም ድረስ በአዲስ አበባ በሩዋንዳ ብሩንዲና ኬኒያ እንደሚያደርጉ ከወያኔ መሪዎችና ባለሥልጣናት ጋርም እንደተነጋገሩ ተገልጿል። ከዚህ በተጨማሪ ከሲቪክ ድርጅት መሪዎች ጋርም ንግግርና ምክክር ማድረጋቸው ታውቋል። የአሜሪካው የውጭ ጉዳይ መ/ቤት ረዳት ኃላፊ የኢትዮጵያ ጉብኝት ባለፈው ሐምሌ ወር የአሜሪካው ፕሬዚዳንት ባራክ አቦማ በኢትዮጵያ ካደረጉት ጉብኝት ጋር የተያያዘና ቀጣይነት ላይ የተመረኮዘ መሆኑ ተነግሯል።

Ø የየደቡብ አፍሪካው ፕሬዚዳንት ሚስተር ዙማ ከጥቂት ዓመታት በፊት በገጠር በሚገኘው መኖሪያ ቤታቸው የመዋኚያ ቦታ እና ሲኒማ የመመልከቻ ትልቅ አዳራሽ እንዲኖረው ለማድረግ የሚያስፈልጉ  ግንባታዎች ለመስራት  የተጠቀሙበትን የመንግስት ገንዘብ ባለመመለሳቸው የሕገ  መንግስቱን ደንብ ጥሰዋል በማለት የአገሪቱ የመጨረሻው ከፍተኛ ፍርድ ቤት የፈረደ መሆኑ ተገልጿል።  ፍርድ ቤቱ ቢያንስ የተወሰነውን ገንዘብ ፕሬዚዳንቱ መመለስ ያለባቸው መሆኑን የተጠቀሰ ሲሆን ምን ያህል መክፈል እንዳለባቸው የአገሪቱ ግምጃ ቤት እስከሚቀጥለው ሁለት ወራት ድረስ ወስኖ እንዲያስታውቅ ትዕዛዝ ሰጥቷል። ከሁለት ዓመት በፊት የደቡብ አፍሪካ የጸረ ሙስና ኮሚሽን ፕሬዚዳንቱ የገጠር ቤታቸውን ለማሻሻል የተጠቀሙት ገንዘብ 23 ሚሊዮን ዶላር መሆኑን ገልጾ ቢያንስ የተወሰነውን ገንዘብ ለመንግስት መመለስ እንዳለባቸው መውሰኑ ይታወሳል። ክሱን የመሰረቱት ሁለት ተቃዋሚ ፓርቲዎች በፍርድ ቤቱ ውሳኔ የተደሰቱ መሆኑን ገልጸው በምክር ቤቱ ላይ ፕሬዚዳንቱ ክስ ቀርቦባቸው ከሥልጣን እንዲነሱ ለማድረግ ጥረታቸውን የሚቀጥሉ መሆኑን  ገልጸዋል።

Ø በብሩንዲ ታስረው የነበሩት የቀድሞ የሩዋንዳ ሚኒስትር እና አምባሳደር በእስር ላይ እንዳሉ መሞታቸው ተገለጸ። ስለአማሟታቸው ከብሩንዲ መንግስት በኩል የተሰጠ ይፋ መግለጫ ባይኖርም  ግለስቡ የሞቱት በእስር ቤት ውስጥ ባለው ሆስፒታል በደረሱ በጥቂት ጊዜ ውስጥ መሆኑን በእስር ላይ የሚገኙ ዜጎች ተናግረዋል።  የብሩንዲ የወጣቶች ጉዳይ ሚኒስትር እና አምባሳደር የነበሩት እኚህ ግለሰብ ከሩዋንዳው እልቂት በፊት በብሩንዲ ይኖሩ የነበሩ ሲሆን ከዚያ በኋላ በየጊዜው ወደ ብሩንዲ ይመላለሱ እንደነበር ይታወቃል። ባለፈው ታህሣስ ወር በስለላ ጉዳይ ተጠርጥረው ከተያዙ በኋላ ጉዳዮቸው ወደፍርድ ቤት አለመቅረቡ ብዙ ወገኖችን ሲያሳስብ ቆይቷል። ሩዋንዳ የብሩንዲ መንግስት አማጽያንን ወታደራዊ ስልጠና እየሰጠች ወደ ብሩንድ ትልካለች የሚል ክስ የብሩንዲ መንግስት በተደጋጋሚ ካቀረበ በኋላ በሩዋንዳና በብሩንዲ መካከል ያለው ግንኙነት እየተበላሸ መጥቷል። የሩዋንዳ የውጭ ጉዳይ ሚኒስትር ቃል አቀባይ ለዜና ምንጮች በሰጠው መግለጫ ግለሰቡ ቀደም ብሎ የተያዙትም ከህግ ውጭ ሲሆን አሁን በድንገት መሞታቸውም ብዙ ጥያቄዎችን የሚያነሳ መሆኑና የብሩንዲ መንግስት ባስቸኳይ መልስ መስጠት ያለበት መሆኑን ገልጿል።

v ረቡዕ መጋቢት 21 ቀን 2008 በናይጀርና በናይጄሪያ ወሰን አካባቢ ቦኮ ሃራም ባካሄደው የደፈጣ ውጊያ 6 የናይጀር ወታድሮች የተገደሉ መሆኑ ተገልጿል። ደፈጣው የተደረገው ዲፋ በተባለቸው የወሰን ከተማ አቅራቢያ መሆኑና ሌሎች  ሶስት ወታደሮች መቁሰላቸው በተጨማሪ ተነግሯል።  ደፈጣውን ያካሄዱት የቦኮ ሃራም ታጣቂዎች ምን ያህል ጉዳት እንደደረሰባቸው አልታወቀም። ከጥቂት ቀናት በፊት በአገሪቷ ላይ በተካሄደው ምርጫው ሚስተር ኢሱፉ በፕሬዚዳንት አሸንፈዋል ተብሎ በምርጫ ኮሚሽኑ የተሰጠውን ውሳኔ በመቀበል ትናንት ረቡዕ መጋቢት 21 ቀን  የናይጀር የሕገ መንግስት ፍርድ ቤት  ማረጋገጫ የሰጠ መሆኑ ታውቋል። ተቃዋሚ ፓርቲዎች ምርጫውን እንደማይቀበሉ ቀደም ብለው አስታውቀዋል።

Ø ዛሬ ሐሙስ መጋቢት 22 ቀን 2008 ዓም ጋልካዮ በተባለ የሱማሊያ ከተማ በአንድ ሆቴል ውስጥ  የአልሸባብ አባል የሆነ አጥፍቶ ጠፊ ባፈነዳው ቦምብ ከራሱ ሌላ ቢያንስ 9 ሰዎች የገደለ መሆኑና ከ10 በላይ ሰዎች ያቆሰለ መሆኑ ተዘግቧል። በማዕከላዊ የሶማሌ ግዛት ውስጥ የሚገኘው ጋልካዩ የተባለው ከተማ  ለሁለት የተከፈለ ሲሆን  ከፊሉ ከተማ በፑንታላንድ አስተዳደር ስር ሲሆን የተቀረውን የከተማዋን ክፍል በሞጋዲሹ ያለው የሶማሊያ መንግስት ያስተዳድረዋል። ለቦምቡ ጥቃት ኃላፊነቱን የወሰደው አልሸባብ የጥቃቱ ኢላማ የፑንትላንድ ባለስልጣኖች ነበሩ ብሏል።

በተያያዘ ዜና በትናንትናው ዕለት በሶማሊያ ዋና ከተማ ሞጋዲሾ ውስጥ የአልሸባብ ታጣቂዎች መኪና ላይ ሆነው ባካሄዱት የጥይት እሩምታ ሁለት የቱርክ ዶክተሮችን ጨምሮ በጠቅላላው 6  ሰዎች መገደላቸው ተነግሯል። የዛሬ አራት አመት አልሸባብ ከዋና ከተማዋ እንዲወጣ ቢደረግም አሁንም ሰፊ የሆነውን የገጠር ቦታ እንደሚቆጣጠር ይነገራል።

Ø በተመድ አማካይነት የተመሰረተው የሊቢያ የአንድነት መንግስት አባሎች ትናንት ረቡዕ መጋቢት 21 ቀን 2008  በመርከብ ትሪፖሊ የገቡ መሆናቸው ታውቋል። ቀደም ብሎ የአንድነት መንግስት በአውሮፕላን ወደ ትሪፖሊ ለመግባት ያቀረበውን ጥያቄ ትሪፖሊ ላይ መሰረት ያደረገው ራሱን መንግስት ነኝ ብሎ የሰየመው ቡድን እንደማይቀብለው በተደጋጋሚ የገለጸ ሲሆን ይህን ባለመቀበል ጠቅላይ ሚኒስትሩ የሚገኙበት የሰባት ሰዎች የልኡካን ቡድን የአንድነት መንግስቱን በመወከል በመርከብ ትሪፖሊ የደረሰ መሆኑ የደረሰ መሆኑ መነገሩ ብዙዎችን አስገርሟል። ልዑኩ ወደ ትሪፖሊ የመጣው ከአካባቢ ከሚገኙ  የባህር ኃይል አባሎች ከፖሊስ አካላትና ከሌሎች ታጣቂ ኃይሎች ጋር ተነጋግሮና ተስማምቶ እንደሆነ ቢገልጽም በተለያዩ የሚሊሺያ ኃይሎች ሲደገፍ የቆየው የትሪፖሊው መንግስት ባለስልጣኖች የቡድኑን መገኘት በጽኑ ተቃውመዋል። የአንድነት መንግስት የልኡካን ቡድን አባላት  በሰላም እጃቸውን እንዲስጡ  አለበለዚያም በሰላም ወደ መጡበት እንዲመለሱ አስጠንቀቅዋል። በከተማው አንዳንድ ቦታዎች የመንገድ መዘጋት ከመታየታቸውና አልፎ አልፎ የጥይት ድምጽ ከመሰማቱ በስተቀር እስካሁን ብዙም ችግር እንዳልተፈጠር ነዋሪዎች ያወራሉ። በትናንትናው ምሽት መንግስት ነኝ የሚለው ቡድን የሰጠውን መግለጫ ያስተላልፍ የነበረ አንድ የራዲያና የቴሌቪዥን ጣቢያ በአካባቢው ሚሊሺያዎች ተወርሮ መዘጋቱ ተሰምቷል። ከበድ ያለ የእርስ በርስ ግጭት ይኖራል ተብሎ ሲጠበቅ የነበረው ስጋት እስካሁን አለመከሰቱ እና ሰላም መውረዱ በሊቢያ ላለው አካል ድጋፋቸውን ሲሰጡ የነበሩት የተለያዩ የሚሊሺያ ኃይሎች አሁን ድጋፋቸውን ወደ አንድነቱ መንግስት ማዞራቸውን ያሳያል   የሚሉ ታዛቢዎች አልጠፉም። ትናንት ትሪፖሊ የገቡት የአንድነት መንግስት ልኡካን አባላት እርቅና ስምምነትን ፈጥረው ሰላም ለማስፈን ከፍተኛ ጥረት እንደሚያደርጉ በተደጋጋሚ ተናግረዋል። በሚቀጥሉት ጥቂት ቀናት የሚፈጠረው ሁኔታ የአገሪቱን የወደፊት እድል ይወስናል በሚል ታዛቢዎች አስተያየታቸውን ይሰጣሉ።  

መጋቢት 21 ቀን 2008 ዓ.ም.

Ø ዓለም አቀፉ የስደተኞች ድርጅት ማክሰኞ ዕለት እንዳስታወቀው ከእርስ በርስ ጦርነት የምትዳክረው የመን 485 ኢትዮጵያውያን ስደተኞችን  ከቅዳሜ መጋቢት 19 ቀን 2008 ዓ.ም. ጀምሮ ማስወጣቱን ገልጿል። ስደተኞቹ በመርከብ ወደ ጅቡቲ ከተሻገሩ በኋላ ከጅቡቲ በአውቶቡስ ወደ ኢትዮጵያ ገብተዋል። ከየምን ከተመልሱ ስደተኞች ውስጥ 122ቱ ሴቶች ሲሆኑ 261 ወንዶችና 101 ደግሞ ለአቅመ አዳም ያልደረሱ መሆናቸው ታውቋል። ዓለም አቀፉ የስደተኞች ድርጅት ከዚህ ቀደም 4222 ኢትዮጵያውያንን ከየመን ያስወጣ ሲሆን ባለፈው ዓመት መስከረም ባጋጠመው የገንዘብ እጥረት ምክንያት ስደተኞችን መመለስ ማቆሙ ይታወሳል። ይኽው የተመድ የስደተኛ ጉዳይ ድርጅት አሁን በያዘው ፕሮጀክት 1212 ስደተኞችን ለመመለስ ማቀዱ ታውቋል። ተመላሽ ስደተኞች በአስራጊዎቹና ስደተኞችን በመያዣ በሚይዙ ወንጀለኞች የከፋ ስቃይና እንዲሁም ግድያ ይገጥማቸው እንደነበር ተናግረዋል። የመን እስከ አሁን ድረስ ኢትዮጵያውያን ስደተኞች የሚጎርፉባት አገር መሆኗ የሚረጋገጠው የተመድ ከፍተኛ የስደተኞች ኮሚሽን ሪፖርት ባለፈው ዓመት 92 ሺ ስደተኞች የመን እንደገቡና ከነዚህ ውስጥ 89 ከመቶ የሚሆኑት ኢትዮጵያውያን መሆናቸውን መግልጹ ነው። ስደተኞቹ  በጦርነት አረንቋ ውስጥ ወደምትዳክረው የመን  መሄዳቸው  ዘረኛ የሆነው የወያኔ አምባገነን አገዛዝ ቅጥ ያጣው ድህነት አስከፊነቱ በጣም  ከፍተኛ ደረጃ ላይ መድረሱን  ያሳያል የሚሉ ወገኖች ብዙ ናቸው።

Ø የወያኔ ቡድን መሪዎች በኢትዮጵያ የዘረጉትን የአንድ ዘር የበላይነትን ዘላለማዊ ለማደረግና የአምባገነናዊ አገዛዛቸውን ለማስቀጠል የፖሊስ ቅጥር ማስታወቂያ ማውጣቸው ታወቀ። ይህ ለወያኔ 18ኛ ዙር የፖሊስ ቅጥር ጥሪ የተባለለት ማስታወቂያ ከመጋቢት 20 ቀን 2008 እስከ ግንቦት 10 ቀን 2008 ዓ.ም. ድረሰ የሚከናወን ይሆናል ተብሏል።  ለ 18ኛው ዙር የፖሊስ ምልመላ የተቀጥሩ ወጣቶች የአንድ ሺህ ሁለት መቶ ስልሳ ብር ደመወዝና አራት መቶ አምሳ ብር አበል እንደሚከፍሉ የተገለጸ ሲሆን ማስታወቂያውም በአዲስ አበባ ፖሊስ ኮሚሽን በኩል እንዲሰራጭ የተደረገ መሆኑም ታውቋል። ለፖሊስና ለወታደር ምልመላ ወያኔ አዲስ አበባን ትቶ መቆየቱና  ትኩረቱን  ወደ ተለያዩ ክፍለ ሀገሮች አድርጎ የነበረ መሆኑ የሚታወቅ ሲሆን   አሁን በአዲስ አበባ ምልምል ፖሊሶችን ለመቅጠር የወጣው ማስታወቂያ በእርግጥ ለፖሊስነት መሆኑ የሚጠራጠሩ ወገኖች  በፖሊስነት ስም  ለውትድርና ምልመላ ሳይሆን አይቀርም ይላሉ።   

Ø የወያኔ ቀንደኛ መሪ የተባለውና በምክትል ጠቅላይ ሚኒስትርነት ማዕረግ በአማካሪነት ስም የኃይለማርያም ደሳለ አዛዥ የሆኔው ደብረጽዮን ገብረሚካኤል ለፓርላማው ባቀረበው ሪፖርት ሕዝባዊ ተቃውሞና ቁጣ በተቀሰሰበት ወቅት በኢትዮጵያ ከተሞችና ገጠሮች ውስጥ የወያኔ ድህረ ገጾች ተሰብረው እንደነበር ገልጿል። ደብረጽዮን የወያኔ የመገናኚያና የኢንፎርሜሽን ቴክኖሎጂ ሚኒስትር የተባለ ተጨማሪ ማዕረግ እንዳለውም ይታወቃል። የወያኔ ድህረ ገጾች ሰበራ በአብዛኛው ያትኮሩት በወረዳ ላይ ባሉ ኔትዎርኮች ላይ ሲሆኑ ወረዳዎቹ ለወያኔ መሪዎች የሚያቀርቡት የጸጥታና የድህንነት ሪፖርቶች ሁሉ ይወሰዱ እንደነበር ገልጾ ለማስቆም ጥረት መደረጉን ተናግረሯል። በሌላ በኩል ደግሞ በኢትዮጵያ የኤሌክትሪክ ኃይል መጥፋትና መቆራረጥ በቴሌ አገልግሎት ላይ ከፍተኛ ጫና እየፈጠረ መምጣቱን ገልጾ ቴሌ በኤሌክትርክ  አሁን ግን ቴሌ የራሱ የኃይል አማራጭ ይኖረዋል ይበል እንጅ በኢትዮጵያ መፍተኄው ስለጠፋለት የኤሌክትሪክ መቋረጥና መጥፋት የተነፈሰው ነገር የለም።  ደብረጽዮን ቴሌ በአሁኑ ጊዜ 42.3 ሚሊዮን የሞባይል ደንበኛ፤ 890 ሺ የመደበኛ የስልክ ደንበኞች እንዲሁም 12.4 ሚሊዮን የኢንተርኔት ተጠቃሚ እንዳለውና ገልጾ ይህም  ከአፍሪካ ሁለተኛ ነው ይበል እንጅ ኢትዮጵያ ካላት የሕዝብ ብዛት አኳያ የተጠቃሚው ቁጥር ከአፍሪካ የመጨረሻዎቹ አገሮች ናት ተብላ መመደቧ ይታወቃል። ደሃ የሆነውችውና ጦርነት ያላባራባት ሶማሊያ እንኳ ከሕዝቧ 90 ከመቶ የሆነው የሞባይልና የኢንተርኔት ተጠቃሚ መሆኑ ይነገራል።    

Ø በያዝነው የፈረንጆቹ የፈረንሳይ ወታደሮች ከማዕከላዊ አፍሪካ ሪፕብሊክ ዓመት ጨርሰው የሚወጡ መሃናቸውን የፈረንሳይ የመከላከያ ሚኒስትር ኤኤፍፒ ለተባለው የዜና ወኪል በሰጡት ቃለ ምልልስ ገልጸዋል። ሚኒስትሩ ጨምረው እንደገለጹት ምንም እንኳ ሁሉም የአገሪቱ ችግሮች የተፈቱ ባይሆንም  የፈረንሳይ ወታደሮች ተልዕኮ ግቡን ስለመታ ጣልቃ ገብነቱ በዚህ ዓመት ያበቃል ብለዋል። ከሶስት ዓመት በፊት የታጠቁ አማጽያን  በወቅቱ የነበረውን የፕሬዚዳንት ፍራንስዋ ቦዚዜን መንግስት ሲገለብጡ ፈረንሳይ ሁኔታውን ለማረጋጋት በሚል ምክንያት  ወደ አገሪቱ ጦሯን መላኳ አይዘነጋም። በቅርቡ በተደረገው ምርጫ ሚስተር ቱዋዴራ የአገሪቱ ፕሬዚዳንት ሆነው መመረጣቸው ይታወቃል።

Ø በጊኒ የኑሮ ውድነት እየጨመረ በመሄዱና መንግስቱም የነዳጅ ዋጋ እንዲቀንስ የቀረበለትን ጥያቄ ባለመቀበሉ ሕዝቡ ለሁለት ቀናት ጠቅላላ አድማ እንዲያደርግ ተቃዋሚ ኃይሎች ጥሪ አድርገዋል። የተቃዋሚ ኃይሎች መሪዎች በሰጡት መግለጫ ሁሉም ዜጋ ለሁለት ቀናት በቤት ውስጥ በመቀመጥ አድማ እንዲያካሂድ ጥሪ ያስተላለፉ ሲሆን ዘረፋና ሌሎች የወንጀል ተግባራት እንዳይከናውኑ በጥብቅ ተማጽነዋል። የጊኒ መንግስት በሕዝቡ ላይ በየጊዜው እየጨመረ የመጣውን የኑሮ ውድነት መቆጣጠር ያልቻለ ሲሆን በኢቦላ በሽታ ምክንያት የአገሪቱ ኢኮኖሚ መናጋቱን በመግለጽ የነዳጅ ዋጋ እንዲቀንስ የቀረበውን ጥያቄ አንቀበልም ብሏል። 

Ø በትናንትናው ዕለት አንድ የግብጽ የመንገደኞች አውሮፕላንን ጠልፎ ወደ ቆጵሮስ የወሰደው መሀመድ ሙስጠፋ የሚባለው የ58 ዓመቱ ግብጻዊ ዛሬ መጋቢት 21 ቀን ፍርድ ቤት መቅረቡ የተገለጸ ሲሆን ለሚቀጥለው ስምንት ቀን  በዕስር ላይ ሆኖ ምርመራው እንዲቀጥል ዳኛው የፈቀደ መሆኑ ታውቋል። መሀመድ ሙስጠፋ አውሮፕላኑን አስገድዶ ወደ ቆጵሮስ እንዲሄድ ያደረገው የሀሰት ቦምብ ታጥቄያለሁ ብሎ  በማስፈራራት ሲሆን ይህን እርምጃ የወሰደው በቆጵሮስ የምትገኘውን የቀድሞ ሚስቱንና የልጆቹን እናት ለማየት ነው ተብሏል። የአይምሮ በሽተኛ ነው የተባለው  መሀመድ ሙስጠፋን  በጠለፋ እና በሽብር ወንጀሎች ሊከሰስ እንደሚችል ተጠቁሟል።

Ø የተባበሩት መንግስታት ድርጅት ማክሰኞ መጋቢት 20 ቀን 2008 ዓም ይፋ ባደረገው ዘገባ በማሊ የሚገኘው የጸጥታ ሁኔታ አሳሳቢ መሆኑን ገልጾ የማሊ መንግስት የጸጥታው ሁኔታ እየተባለሸ ወደ ሚገኝበት ወደ ሰሜን ማሊ ባስቸኳይ ወታደሮቹን እንዲልክ ጠይቋል። በትናንትናው ዕለት በተመድ ዋና ጸሐፊ አማካይነት ለጸጥታው ምክር ቤት የቀረበው ይኸው ልዩ ዘገባ ባለፈው ዓመት ሰኔ ወር ላይ በተጻራሪ ኃይሎች መካከል የሰላም ስምምነት ቢፈረምም አክራሪና አሸባሪ ኃይሎች በሰሜን እና በመሀል ማሊ ጸጥታውን ለማደፍረስ እየተንቀሳቀሱ በመሆኑ ሁኔታው አሳሳቢ ሆኗል ብሏል።   ከአራት ዓመት በፊት በማሊ የተካሄደው መፈንቅለ መንግስት የፈጠረውን ምቹ ሁኔታ በመጠቅም የሰሜን ማሊን ግዛት ይዘው የነበሩት አማጽያን በፈረንሳይ ወታደሮች እርዳታ ከአካባቢው ቢወገዱም የሰሜንና የማዕከላዊ ማሊ ግዛቶች ጸጥታቸው ሲደፈርስ መቆየቱ ይታወቃል። ከጥቂት ወራት በፊት በተመድ የሰላም አስከባሪ ኃይል ላይ አማጽያን ባካሄዱት ጥቃት ሰባት ወታደሮች እና ሁለት ሰላማዊ ሰዎች መገደላቸው የሚታወስ ሲሆን እንዲሁም በዋና ከተማ በሚገኘው በራዲስን ሆቴል የተካሄደው የአሸባሪዎች ጥቃት በርካታ ሰዎች ህይወታቸውን ማጣታቸው ይታወቃል። አሸባሪዎች በማሊ በአይቮሪ ኮስት እና በቡርኪና ፋሶ ጥቃታቸውን እያስተባበሩ መሆኑን ዘገባው ጠቅሶ ሁኔታውን ለመቋቋም የማሊ መንግስት ከሚወስዳቸው እርምጃዎች በተጨማሪ የተመድ የሰላም አስከባሪ ኃይል መጠናከር አለበት ብሏል። ባሁኑ ወቅት በማሊ 10 700 የሚሆን የተመድ የሰላም አስከባሪ ኃይል አባላት ያሉ ቢሆንም አንድ ልዩ የተዋጊ ኃይል 134 ወታደራዊ ካሚዮኖች አንድ ተዋጊ ሄሊኮፕተርን ሌሎች ለወታደራዊ ስራ የሚያገለግሉ ሄሊኮፕተሮች ያስፈልጉታል ተብሏል።     

መጋቢት 20 ቀን 2008 ዓ.ም.

Ø የኖርዌይ መንግስት  የፖሊቲካ ጥገኝነት የጠየቁ 800 ኢትዮጵያውያንን ወደ ኢትዮጵያ ለመላክ የተዘጋጀ ሲሆን ከሚላኩት ውስጥ  60ዎቹ  ህጻናት እንደሆኑ ተገልጿል። መንግስቱ ስደተኞች ያቀረቡት የፖሊቲካ ጥገኝነት ጥያቀ ተቀባይነት አላገኘም በማለት በግዳጅ ለመመልስ ይወስን እንጅ የስደተኛ ከለላ ጠባቂ የሆኑ ድርጅቶች ግን ስደተኞቹ ወደ ኢትዮጵያ ከተመለሱ በአካላቸውና በመንፈሳቸው ጉዳት ከማምጣቱ በተጨማሪ  ለህይወታቸው አስጊ እንደሚሆን በመጥቀሰ  መንግስት ጉዳዩን እንደገና እንዲመለተው ውትወታ በማድረግ ላይ ይገኛሉ። በቅርቡም በኖርዌይ የሚኖሩ ኢትዮጵያውያን የኖርዌይን መንግስት ውሳኔ በመቃወም ኦስሎ ላይ ታላቅ የተቃውሞ ስለፍ ማድረጋቸው ይታወሳል። የወያኔ ቡድን መሪዎች በሀገር ውስጥ ሕዝብን በዘረኛ አምባገነን አገዛዝ ረግጦ መግዛት ብቻ ሳይሆን በውጭ ሀገር የሚኖሩትም ገጽታችንን ያበላሻሉ በማለት ከየቦታው ለማስወጣት ከየአገሮቹ ጋር ልዩ ልዩ ስምምነት እየፈጠሩ በመሆኑ ኢትዮጵያውያን ስደተኞች ከፍተና መከራና ስቃይ እየደረሰባቸው ነው።

Ø ከጥቂት ቀና በፊት በአዲስ አበባ ከተማ የታክሲ ሹፌሮችና ባለንብረቶች አዲስ የወጣውን የትራፊክ ህግ በመቃወም የሥራ ማቆም አድማ በማድረጋቸው የወያኔ መሪዎች ሕጉ እንደገና እንደሚታይና  ለሶስት ወር ተግባራዊ እንደማይሆን በመግለጽ  የሥራ ማቆም አድማውን ለጊዜውም ቢሆን ማስቆማቸው ይታወሳል። ሰሞኑን  ውስጡን አዲሱን የተራፊክ ሕግ ተግብራዊ እያደረጉ በመምጣታቸው ምክንያት አንዳንድ የታክሲ ሹፌሮች ትናንት መጋቢት 19 ቀን 2008 ዓም ለአገልግሎት ሳይወጡ የቀሩ መሆናቸው የታየ ሲሆን በወያኔ ካድሬዎች ለታክሲዎቹ መጥፋት የገብርኤል በዓል እንደምክንያት ሲሰጥ ውሏል ። በዛሬው ዕለት መጋቢት 20 ቀን 2008 ዓም በስራ መግቢያ ሰዓት ላይ ከፍተኛ የታክሲ ዕጥረት እንደነበር ታውቋል፡፤ ይህ የታክሲ ዕጥረት የተከሰተው በርካታ አሸከርካሪዎች ለሥራ ባላመውጣታቸው  መሆኑ ሲታወቅ ምናልባት የታክሲ ማኅበራቱ አጥቃላይ አድማ ሊጠሩ ይችላሉ ተብሎ ተገምቷል። አሁን ያለው የታክሲ ሥራን የማቀዝቀዝ አድማ አዲስ አበባ ከተማን ውጥረት ውስጥ ከቷል።

Ø ከምርኮኛ ወታደሮች ወያኔ በአምሳሉ ጠፍጥፎ የሰራው ኦህዴድ የመሠረተበትን 24 ኛ ዓመት አከብራለሁ ይበል እንጅ እንደታሰበውና እንደታቀደው መከበሩ አጠያያቂ እየሆነ ነው። የወያኔው ኦህዴድ በዓሉን ምክንያት በማድረግ በተዋረድ ታች ያሉትን አባላትና ደጋፊዎች ሰብስቦ ለማነጋገር ይታቀድ እንጅ ከሕዝባዊ ተቃውሞ ጋር በተገናኘ ከሕዝብና ከታች አባላት ጋር መገናኘቱ አስቸጋሪ እንደሚሆን ከወያኔው ኦህድዴ ጽሕፈት ቤት አካባቢ የተገኘው መረጃ አመልክቷል።  ኦህዴድ ቀደም ሲል በያዘው መርሀ ግብር መሠረት የድርጅቱ ባለሥልጣናት በየቦታውና በየአዳራሹ እየተገኙ የኦህዴድን በዓል እንዲያስከብሩ የታቀደ ቢሆንም የወገኖቻችንን ደም በአግአዚ ወታድሮች እያፈሰሰ እንዴት በዓልና ፌስታ ይኖራል? ኦህዴድ የአሰገዳይና የገዳዮች ተባባሪ ሆኗል በማለት ካድሬዎቹ እርስ በርስ መነጋገራቸው የኦህዴድ በዓል መከበሩ አጠያያቂ ሆኗል። ከዚህ በዓል አካባበር ጋር በተያያዘ ዋና የተባሉ ካድሬዎች በዓሉ ከተከበረ ላለመገኘት የዓመት ፈቃድና የህክምና ፈቃድ እየጠየቁ ከስራ እየወጡ መሆናቸው ታውቋል።

Ø የወያኔ ቡድን መሪዎች በኢትዮጵያ ውስጥ ለከፋፍለህ ግዛ ፖሊሲያቸው እንዲያመች አድላዊና ዘረኛ አምባገነን አገዛዝን ከመሠረቱ ጊዜ ጀምሮ የትግራይ ሕዝብ ከሌላው የኢትዮጵያ ሕዝብ ለመነጠል የኢኮኖሚ የፖሊቲካ የወታደራዊ የትምህርት የልማትና የኢንቨስትመንት የሚዲያዎች ወዘተ ሥራዎች ለትግራይና ለትግራይ ተወላጆች ሲሰጥ መቆየቱ ይታወሳል። ሰሞኑን ደግሞ በሌላው የኢትዮጵያ ክፍል የማይታሰበውን በትግራይ አዲስ ቤት የሚሰራበትን ቦታ ስፋት በመጨመር መመሪያ አውጥቷል።  በመመሪያው መሠረት ቀደም ብሎ ቤት ሰሪዎች ከ180 ካሬ ሜትር በላይ የማይፈቅድላቸው የነበረ ሲሆን አሁን ከዚያ በላይ በሆነ የቦታ ስፋት ላይ መስራት እንደሚችሉ ተፈቅዶላቸዋል።  የወያኔ ቡድን መሪዎች ከቅርብ ጊዜ ወዲህ በመላ ኢትዮጵያ እየተቀጣጠለ የመጣውን የተቃውሞ እሳት በትግራይ ሕዝብ ኪሳራ ለማዳፈን ትግራይ ውስጥ አንድ ግዙፍ የኬሚካል ፋብሪካ ለማቋቋም ከወስኑ ወዲህ አሁን ደግሞ የቤት ሠሪዎችን የቦታ መጠን ለማስፋት መፍቀዱ የትግራይ ሕዝብ ከጎኑ ለማሰልፍ የሚደርግ ጥረት መሆኑ ታውቋል። ብዙ ሀገር ወዳድ ዜጎች ወያኔ ከትግራይ ውጭ ባሉ ኢትዮጵያያኖች ላይ የሚፈጽመው ግድያ እስር በደልና አድልዎችን በትግራይ ሕዝብ ላይ ለለላው መጠን እንዲፈጽም ፍላጎት ባይቦራቸውም  እንደ ትግራይ ግን ልማትና እንክብካቤ ቢኖራቸው እንደማይጠሉ ይናገራሉ።

Ø ሰሞኑን በሰሜን ሶማሊያ በአልሸባብና መንግስቱን በሚደግፉ ወታድሮች መካከል በተካሄደ ውጊያ 115 የአልሸባብ ወታድሮች መገደላቸውን የሶማሊያ መንግስት ቃል አቀባይ አስታውቋል።  110 የአልሸባብ ታጣቂዎች መማረካቸንና ሌሎች ወደ ገጠር ማምለጣቸውን መግለጫው ጨምሮ ገልጿል። ታጣቂዎቹ ሽንፈት የገጠማቸው ለአራት ተከታታይ ቀኖች በተደረገ ጦርነት መሆኑ የተገለጸ ሲሆን የሶማሊያ መንግስት በውጊያ ስለደረሰበት ጉዳይ የሰጠውም መግለጫ የለም።ይህ የመንግስት መግለጫ በሌላ በሶስተኛ ወገን አልተረጋገጠም። አልሸባብ በደቡብ ሶማሊያ በርካታ ሽንፈት ስለገጠመው በሰሜን የጦር ሰፈር ለመመስረት እየሞከረ ነው ተብሏል። 22000 የሚደርሱ የአፍሪካ ህብረት የሰላም አስከባሪ ኃይል በሱማሊያ የሚገኝ ሲሆን የሶማሊያ መንግስትን አልሸባብን ለመደምሰስ የቆረጠ መሆኑን በተደጋጋሚ ቢዝትም የቡድኑ እንቅስቃሴ ጎላ እያለ መምጣቱን ጉዳዩን በቅርብ የሚከታተሉ ሰዎች ይጠቁማሉ።

Ø አሌክሳንድሪያ ከምትባለው የወደብ ከተማ ወደ ካይሮ ሲበር የነበረው የግብጽ የመንገደኛ አውሮፕላን ተጠልፎ ወደ ቆፕሮስ (ሳይፕረስ) መወሰዱ ተነገረ። ጠለፋው ከሽብረተኛነት ጋር የተያያዘ አይደለም የተባለ ሲሆን አውሮፕላኑ በቆፕሮስ  አውሮፕላን ማረፊያ እንዳረፈ ተሳፋሪዎቹ በሙሉ ተለቀዋል። በአውሮፕላኑ ውስጥ ከነበሩት 55 መንገደኞች መካከል  21 ዱ የውጭ አገር ሰዎች መሆናቸው ተገልጿል። ጠላፊው በእጁ ላይ የያዘው ምንም ዓይነት ፈንጅ ወይም መሳሪያ ያልተገኘ ሲሆን ጠለፋውን ለመፈጸም ያስገደደው በቆፕሮስ የምትኖረውን ፍቅረኛውን ለማይት መሆኑን ገልጿል። ጠላፊው በቁጥጥር የተደረገ ሲሆን በቆፕሮስ የፖሊቲካ ጥገኛነት ጠይቋል።

Ø በአይቮሪ ኮስት  ሰሜናዊ ግዛት ባለፈው ሳምንት ረቡዕ መጋቢት 14 ቀን 2008 በአርብቶ አደሮችና በአካባቢው ገበሬዎች መካከል በግጦሽ ምክንያት በተነሳ የእርስ በርስ ግጭት የአስራ ሰባት ሰዎች ህይወት የጠፋ ሲሆን ከ 1300 የሚሆኑ ሰዎች  በላይ የሆኑ ሸሽተው ወደ ቡርኪና ፋሶ የገቡ መሆናቸው ተገልጿል። ከተሰደዱት መካከል አብዛኞቹ  ሴቶችና ህጻናት ናቸው። በአይቮሪ ኮስት በዘላኑ ህብረተሰብ እና በገበሬዎች መካከል በግጦሽና በውሃ አጠቃቀም ብዙ ግጮት ሲደደሩ የቆዩ ቢሆንም የአሁኑ ከፍተኛ የነበረ መሆኖ ተገልጿል።

Ø በማዕከላዊ አፍሪካ ሪፕብሊክ የሚገኙ ሁለት የተመድ የሰላም አስከባሪ ኃይል አባላት በወሲብ ወንጀል የተከሰሱ መሆናቸውን የተመድ ቃል አቀባይ ሰኞ መጋቢት 19 ቀን ለጋዘጠኞች በሰጡት መግለጫ ገለጹ። ተጠርጣሪዎቹ አንዱ የብሩንዲ ሌላው የሞሮኮ ወታደሮች ሲሆኑ በማዕካለአዊ አፍሪካ ሪፕብሊክ ሴቶችን አስገድዶ በመድፈር ክስ የተመሰረተባችደውን የተመድ የሰላም አስከባሪ ኃይል አባላት ቁጥር ወደ 25 ከፍ አድርጎታል። በማዕከላዊ አፍሪካ ሪፐብሊክ ውስጥ ብሩንዲ 1128 ወታድሮች  ሞሮኮ ደግሞ 741 ወታድሮች  ሲኖሯቸው ሞሮኮ በወታደሩ ላይ የተሰነዘረውን ክስ  የምትመረምር መሆኗን ገልጻለች። ባለፈው ሳምንት አስፈላጊ ከሆነ በቻድ ውስጥ የሚገኘው ወደ 12 000 የሚደረሰው የተመድ የሰላም አስከባሪ ኃይል በሙሉ በለላ ኃይል ሊለውጥ እንደሚችል የተመድ ዋና ጸሀፊ ባንኪ ሙን መግለጻቸውና ይህንን አስመልክቶ በመጋቢት 2 ቀን 2008 ዓም ውሳኔ ማሳለፉ ይታወሳል፡

Ø በምግብ እጥረት ምክንያት ከደቡብ ሱዳን ወደ ሱዳን የሚሰደደው ሕዝብ ቁጥር ከጊዜ ወደ ጊዜ እያደገ መሄዱ ተነገረ። የተባበሩት መንግስታት ድርጅት የስደተኞች ጉዳይ ኮሚሽን ዛሬ ማክሰኞ መጋቢት 20 ቀን 2008 ዓም እንዳስታወቀው በደቡብ ሱዳን ውስጥ በሰሜን ምዕራብ ግዛቶች ብቻ 38000 ሺ የሚሆኑ ስደተኛች ወደ ምስራቅና ደቡብ ዳርፉር ግዛት የተሰደዱ መሆናቸውን ገልጿል። ኮሚሽኑ የስደተኞቹ ሁኔታ በጣም አሳሳቢ እንደሆነ ገልጾ ልጆች ከወላጆቻቸው የተለዩ መሆናቸውንና ከፍተኛ እርዳታ የሚያስፈልጋቸው መሆኑ አብራርቷል። ባለፉት ሶስት ዓመታት በደቡብ ሱዳን በተከሰተው የእርስ በርስ ጦርነት 2.3 ሚሊዮን የሚሆን የደቡብ ሱዳን ዜጋ ከሚኖርበት ተነቅሎ ወደ ሌሎች ቦታዎች የተሰደደ መሆኑ ይታወቃል።

Ø በደቡብ አፍሪካ በጆሃንስበርግ ከተማ  የኖርዝ ዌስት ዩኒቨርስቲ  ለአንድ ወር ያህል ከተዘጋ በኋላ እንደገና መከፈቱ ተነገረ። ከጥቂት ወራት በፊት በደቡብ አፍሪካ የሚገኙ ዩኒቨርስቲ ተማሪዎች የትምህርቱ ክፍያ እንዲቀንስ፤ የኖሮ ሁኔታ እንዲሻሻልና ለነጮች ፍላጎት የተዘጋጀው የትምህርት ሥርዓት እንዲሻሻል በመጠየቅ የተቃውሞ እንቅስቃሴ ሲካሄድ መቆየቱ የሚታወቅ ሲሆን ባለፈው ወር የኖርዝ ወስት ዩኒቨርስቲ ተማሪዎች ባደረጉት ተቃውሞ የአስተዳድሩን ቢሮና የሳይንስ ማዕከሉን ማቃጠላቸው ይታወሳል። ሁኔታው ተረጋግቶ በዛሬው ዕለት ትምህርት መጀመሩ ተነግሯል።          

Ø የአዲስ አበባን አጎራባች ከተሞችን ወደ አዲስ አበባ ለመጠቅለል የወጣውን ማስተር ፕላን በመቃወም በተለያዩ ቦታዎች ሕዝባዊ ተቃውሞ ሲካሄድ የቆየ መሆኑ ይታወቃል። ለዚህ ሕዝባዊ ተቃውሞ አስፈላጊውን እርምጃ አልወሰዳችሁም፤ ተባባሪ ነበራችሁ በማለት ከወያኔ መሪዎች በተሰጠው ትዕዛዝ መሠረት ኦህዴድ ከፍተኛ ባለስልጣኖችን ከፓርቲው የኃላፊነት ቦታ ማባረሩም ይታወሳል። ሰሞኑን ከሚደመጡና ከሚነበቡ ሪፖርቶች ደግሞ የወያኔው ፓርላማ አፈ ጉባዔ አባዱላ ገመዳና የአዲስ አበባ ከተማ ከንቲባ የተባለው ዲሪባ ኩማ እንቅስቃሴያቸው በወያኔ ደህንነት ራዳር ስር መውደቁ ተዘግቧል። ሁለት ከፍተኛ የአገዛዙ ባላሥልጣናትና የወያኔ ኦህዴድ መሪዎች ከተነሳው ሕዝባዊ ተቃውሞና ቁጣ ጋር በተያያዘ በዓይነ ቁራኛ ውስጥ እንዲወድቁ መደረጉ ሲታወቅ ወደ ውጭ ሀገራም እንዳይወጡ ፓስፖርታቸውን መነጠቃቸው ተገልጿል። የወያኔ መሪዎች ላጠፉት ህይወትና ላወደሙት ንብረት  አገልጋዮችና አሽከሮች የሆኑትን ከፍተኛ የኦህዴድ ካድሬዎችና መሪዎች ጭዳ ለማድረግ መዘጋጀታቸው ቀደም ሲል መገለጹ ይታወሳል።

Ø የወያኔ መሪዎች የሥልጣን ዘመናቸውን ለማራዘም እንዲያስችላቸው በውጭ ሀገራት የማግባቢያ ሥራ  (የሎቢ ሥራ) ለሚሰሩላቸው ኩባንያዎች የአገሪቱን  ሀብት ማዕድኗን እንዲበዘብዙ  መንገዶችን ሲያመቻቹ መቆየታቸው ይታወቃል። ከአፋር ግዛት ከሰመራ የሚመጡ መረጃዎች  እንደሚያመለክቱት ከአስር ዓመት በፊት ለቀድሞ የወያኔ መሪና ጠቅላይ ሚኒስትር  ለመለሰ ዜናዊ ሽልማት የሰጠው ያራ የተባለው የኖርዌይ የማዳበርያ አምራች ድርጅት በአፋር ዳሎል የሚገኘውን የፖታሽ ክምችት እንዲያወጣ ፈቃድ ተሰጥቶታል። ከኖርዌይ ያራ በተጨማሪ አንድ የእንግሊዝ የማዕድን ኩባንያም ይህንኑ የአፋር  ማዕድን እንያወጣ ተፈቅዶለታል። ኢትዮጵያ በከርሰ ምድሯ ያላትን ሃብት የወያኔ መሪዎች ከንግድ ሸሪኮቻቸውና ከባለውለታና አጋር ዓለም አቀፍ ኩባንያዎች ጋር በመሆን እየበዘበዙና በባዕድ ሀገርም ከፍተኛ መጠን ያለው ሀብትና ንብረት እያከማቹ መሆናቸው ይታወቃል። የኖርዌይና የእንግሊዙ ማዕድን አውጭዎች በቅርብ ጊዜ ወደ ማዕድን ቁፋሮ ይገባሉ ተብሎ ይጠበቃል።

Ø ከጎንደር የሚመጡ ሪፖርቶችና መረጃዎች እንደሚጠቁሙት ከሆነ የጎንደር ሕዝብ የወልቃይት ጠገዴ ነዋሪ ያነሳውን የማንነት ጥያቄ በመደገን ለወያኔ አገዛዝ ያለውን ተቃውሞ ባገኘው አጋጣሚና ሁኔታ እየገለጸ መሆኑ ታውቋል። መጋቢት 18 ቀን 2008 ዓም በጎንደር ከተማ በጎንደር ስታዲዩም ለብሔራዊ ሊግ በጎንደር ከነማና በአዲግራቱ ውልዋሎ ክለብ መሃል የእግር ኳስ ግጥሚያ በሚደረግበት ሰዓት የስታዲየሙ ተመልካች በቦታው መሰብሰቡን እንደ አጋጣሚ በመጠቅም ተቃውሞን ሲያሰማ፤ ብሶቱን ሲገልጽ ቁጣውን ሲያሳይ ውሏል። በዕለቱ በስታዲየሙ የነበረው ተመልካች “የወያኔ ኖር ይለያል ዘንድሮ”፤ “ወልቃት ይመለስ”፤ “አማራ ነን”፤ “የትግራይ የበላይነት ያብቃ”፤ “አፈና ይቁም” የሚሉትን መፈክሮችና ልዩ ልዩ የተቃውሞ መዝሙሮችን ሲያሰሙ ውለዋል። ወያኔ ህዝብ እንዳይሰበሰብና ተቃውሞውን እንዳይገልጽ ቢገድብም በስፖርት ሜዳና በጸሎት ቦታ ሳይቀር ሕዝብ ሲሰባሰብ ብሶቱን መግለጽ መጀምሩ ምናልባት ነገ ተሰባስቦ አደባባይ መውጣቱ የማይቀር ነው የሚሉ ታዛቢዎች አሉ።

Ø የወያኔ አጃቢና ሻማ ያዥ የሆኑት የፖሊቲካ ፓርቲ መሪ የተባለት ግለሰቦች ከወያኔ ጠቅላይ ሚኒስትር ጋር መነጋገራቸውን ወያኔ አስታውቋል። ይህ በወያኔ መሪዎች ትዕዛዝ በኃይለማርያም ደሳለኝ ፈጻሚነት የተካሄደው የብሔራዊ መግባባት የተባለለት ስብሰባ ከፕሮፓጋንዳ ወፍጮነት ባለፈ እንደ ስሙና አጀንዳው ምንም የተግባር ምላሽ ያልሰጠና ይልቁንም በወያኔ የምርጫ ድራማ ወቅት ስለሚከፈላቸው የገንዘብ መጠን የተጨነቀ ንግግር ሲያደርጉ መዋላቸው ታውቋል። የወያኔ ፕሮፓጋንዳ መሳሪያ ግን ለመልካም አስተዳድር ችግር ብሔራዊ መግባባት ዋና መሳሪያ ስለሆነ  ከተቃዋሚ ፓርቲ መሪዎች ጋር ውይይት ተደረገ  ቀጥሎ ከሕዝብ ጋር ይሆናል  በማለት ሲያናፉ ሰንብተዋል። የፓለቲካ ታዛቢዎች  ወያኔ በአራቱም ማዕዘና የተነሳበትን ተቃውሞና አገዛዙ  በቃን በማለት ሕዝብ እያካሄደ ያለውን የአመጽ እንቅስቃሴ ለማዳካም  አንዴ ይቅርታ ተጠየቀ ሌላ ጊዜ ስለ መግባባት ንግግር ተደረገ በማለት ለማወናበድና ዕድሜ ለማስረዘም የሚያደርገው ጥረት አካል መሆኑን ይጠቅሳሉ። የወያኔ መሪዎች የሰላምና የዕርቅ ብሩን ከዘጉ ዓመታት ማስቆጠራቸውን ገልጸው በአሁኑ ወቅት የተባለው የብሔራዊ መግባባት ንግግር የተደረገው የወያኔ አጃቢና ሻማ ያዥ ፓርቲዎችን ከቀውሱ ጀርባ የቤት ስራ ሊሰጣቸው ታስቦ መሆኑን ሕዝቡ ይገነዘባል በማለት ተጨማሪ አስተያየት ይሰጣሉ።

Ø ባለፈው ሳምንት መጨረሻ ላይ ከአፍሪካ ወደ አውሮፓ አገሮች ለመሰደድ ሙክራ ሲያደርጉ የነበሩት 600 ስደተኞች በየሊቢያ የወደብ ጠባቂዎች የታገዱ መሆናቸው ታወቀ። ስደተኞቹ ከተለያዩ የአፍሪካ አገሮች የመጡ ሲሆን ህጻናትና እርጉዝ ሴቶች እንደሚገኙባችውም ተነግሯል።  መቀመጫው ትሪፖሊ የሆነውና የዓለም አቀፍ እውቅና ባያገኝም ራሱን መንግስት ብሎ የሚጠራው አካል ስር የሚገኘው   የሊቢያ ባህር ኃይል ስደተኞችን ያገተው ከትሪፖሊ ምዕራብ 70 ኪሎ ሜትር ርቀት ላይ በምትገኘው ሳብራታ በምትባለው ወደብ ነው። ሊቢያ ውስጥ ከ800 000 በላይ ስደተኞች እንደሚገኙ ቀደም ብሎ በፈረንሳዩ የመከላከያ ሚኒስትር የተሰጠውን መረጃ  የሊቢያ ባለስልጣኖች የተጋነነ ነው በማለት ውድቅ ቢያደርጉትም ባለፉት ሶስት ዓመታ እስከ 300 000 ስደተኞች ሊቢያ መግባታቸውን አልካዱም። ከአምስት አመት በፊት የጋዳፊ መንግስት ተገርስሶ ሊቢያ ውስጥ ቀውስ ከተፈጠረ ጀምሮ ከፍተኛ ገንዘብ በማስከፈል ስደተኞች ከቦታ ወደ ቦታ የማስተላለፍ ስራ በጣም አትራፊ የሆነ  የንግድ ስራ መሆኑን ብዙዎች ይናገራሉ።፡

Ø የሩዋንዳ መንግስት ያለፈበትን የሰው እልቂት ወደ ብሩንዲ በመላክ የአገሪቱ ዜጎች እርስ በርስ እንዲጫረሱ በማድረግ ላይ ነው በማለት የብሩንዲ የገዥው ፓርቲ መሪ  ከሰሱ። የፓርቲው ፕሬዚዳንት ፓስካል  ንያቤንዳ አጃንስ ፍራንስ ፕሬስ ለተባለው የዜና ወኪል በጽሁፍ በላኩት ጋዜጣዊ መግለጫ እንደገለጹት የሩዋንዳው ፕሬዚዳንት የብሩንዲን ዜጎች በወታደራዊ ትምህርት አሰልጥነው ወንድሞቻቸውን እንዲገድሉ ወደ ብሩንዲ ይልካሉ የሚል ክስ ከሰነዘሩ በኋላ የአውሮፓ አገሮችም መሳሪያና ገንዘብ በመስጠት እየተባበሩ ነው ብለዋል። በቅርቡ በሩዋንዳ እና በብሩንዲ መንግስታት መካከል የእርቅ ውይይት እንዲካሄድ ግፊት ስታደርግ የነበረችው የካቶሊክ ቤተክርሲያን ከወቀሳው ያልዳነች ስትሆን የፓርቲው መሪ አሸባሪዎች የሚሏቸውን የአማጽያንን ዓላማ በማራገብ የሀሰት ዜና ያስፋፋሉ በማለት በውጭ ጋዜጠኞች ላይም የከረረ ሂስ ሰንዝረዋል። በብሩንዲ የፖሊቲካ ቀውስ መከሰት ከጀመረ ወደ አንድ ዓመት ገደማ እየተጠጋ ሲሆን እየተካሄደ ባለው የእርስ በርስ ግጭት  ከ400 ሰዎች በላይ መገደላቸውና ከ250 000 ሰዎች በላይ ቤት ንብረታቸውን ጥለው መሰደዳቸው አይዘነጋም።

Ø የጣሊያን ዜጋ የሆነውን ወጣት ገዳዮች ናቸው ተብለው የተጠሩ የቡድን አባሎች በአሰሳ ተገድለዋል በማለት የግብጽ መንግስት መግለጫ መስጠቱ የሚታወቅ ሲሆን በወጣቱ ግድያ ላይ የግብጽ ባለስልጣኖች ያሉበት መሆኑን የሚጠረጥረው የጣሊያን መንግስት የግብጽ ባለስልጣኖችን መግለጫ ያልተቀበለ ከመሆኑም ሌላ በጉዳዩ ላይ የጣሊያን መርማሪዎች በሚገኙበት የምርመራ ቡድን ተመስርቶ ምርመራው እንዲቀጥል የጠየቀ መሆኑ ታውቋል። የግብጽ መንግስት በጣሊያን መንግስት ግፊት ወንጀለኞቹ ተገድለዋል ካለ በኋላ ምርመራው የቀጠለ መሆኑን እንዲሁም ሌሎች ተባባሪዎች መያዛቸውን የሚገልጽ  መግለጫ ቢሰጥም የጣሊያን መርማሪዎች ምርመራ ውስጥ ይሳተፉ ለሚለው ጥያቄ ገና መልስ ያልሰጠ መሆኑ ተነግሯል።

Ø ከጥቂት ቀናት በፊት በአይቮሪ ኮስት የወደብ መዝናኚያ ከተማ ለ19 ሰዎች መገደል ምክንያት የሆነው የሽብር ጥቃት ውስጥ ተሳትፈዋል የተባሉ ሁለት የእስላማውያን አክራሪ ድርጅት አባላት በማሊ ውስጥ የተያዙ መሆናቸውን የማሊ የስለላና የጸጥታ ክፍል ባለስልጣኖች ገለጸዋል። ከተያዙት መካከል አንደኛው ሾፌር በመሆን  ጥቃቱን ለፈጸሙት ግለሰቦች የትራንስፖርት አገልግሎት የሰጠ ሲሆን   ሁለተኛው ደግሞ የእርሱ ተባባሪ መሆኑ ተነግሯል። ግንቦት አራት ቀን ግራንድ ባሳም በተባለው የአይቮሪ ኮስት የቱሪስት መዝናኚያ ቦታ ላይ የተካሄደው የሽብር ጥቃት በጥቂት ወራት ውስጥ ከተካሄዱት መካከል ሶስተኛው ሲሆን  በሰሜን አፍሪካ የአልቃይዳ ቅርንጫፍ ለጥቃቱ ኃላፊነቱን መውሰዱ ይታወቃል።  

መጋቢት 17 ቀን 2008 ዓ.ም.

Ø አርብ መጋቢት 16 ቀን 2008 ዓ.ም.  በግብጽ በሲና ባህረ ሰላጤ አካባቢ በተደረገ የተኩስ ልውውጥ 60 የታጠቁ ሰዎች የተገደሉ መሆናቸውን አንድ የመንግስቱ ወታደራዊ ቃል አቀባይ ገልጿል። የግብጽ መንግስት ወታደራዊ ጸረ ሽብር ቡድን አባላት በሰሜን ሲና ከራፋህ እና ከሼክ ዛይድ ከተሞች በስተደቡብ በሚገኘው ቦታ ላይ ባካሄዱት አሰሳ 60 አማጽያንን ከመግደላቸውና 40 ያህሉን ደግሞ ከማቁሰላቸው በላይ 27 የተላያዩ መኪናዎችን ያቃጠሉ መሆናቸውን ቃል አቀባዩ ጨምሮ ገልጿል። በመንግስቱ ቃል አቀባይ የተሰጠው መግለጫ በሌላ ሶስተኛ ወገን አልተረጋገጠም። በሕዝብ ምርጫ ወደ ስልጣን መጥተው የነበሩት የአገሪቱ ፕሬዚዳንት ሞርሲ ከስልጣን ከተወገዱ በኋላ እስላማውያን አክራሪዎች በሲና አካባቢ ጥቃት ሲሰነዝሩ መቆየታቸው የሚታወቅ ሲሆን ባለፈው ሳምንት ውስጥ ከአይሲስ ጋር ግኝኑነት ያለው ቡድን  ኤል አሪሽ በተባለው ከተማ በአንድ መፈታሻ ጣቢያ ላይ ባካሄደው ጥቃት 15 ፖሊሶች መግደሉ  ይታወሳል።

Ø በቱኒዚያ በሊቢያ ወሰን ሰርጎ ገቦችን ለመከላከል እንዲያስችል  ለመትከል ለታሰበው የስለላና የመቃኚያ የኢሌክቶኒክ መሳሪያ ወጭ  የአሜሪካ ለመክፈል የተስማማ መሆኑ  በቱኒዚያ የሚገኘው የአሜሪካ ኤምባሲ ገልጿል።  ፕሮጀክቱ የሚፈጀው 24.9 ሚሊዮን ዶላር ሲሆን ቢ.ቲ.ፒ እና አይኮም በሚል ምህጻረ ቃል ለሚጠሩት የአሜሪካ ኩባንያዎች ኮንትራቱ የተሰጠ መሆኑ ተነግሯል። የቱኒዚያ መንግስት በወሰኑ አካባቢ 200 ኪሎሜትር ርዝመት ያለው የመከላከያ ግምብ የገነባ ሲሆን የኤሌክቶኒክ መሳሪያው የቅኝቱንና የስልላውን ተግባር በማጠናከር ከሊቢያ ወደ ቱኒዚያ የሚደረገውን ዝውውር ከባድ ያደርገዋል ተብሎ  ይገመታል። ባለፉት ወራት ከሊቢያ ወደ ቱኒዚያ ስርገው የገቡ አሸባሪዎች በተደጋጋሚ ጥቃት ሰንዝረው ጉዳት ማድረሳችው ይታወቃል።

Ø ትናንት መጋቢት 16 ቀን 2008 ዓም በኮንጎ የሚገኘው የተመድ የሰላም አስከባሪ ኃይልና የኮንጎ መንግስት ወታደራዊ ተቋም በመተባበር   በአገሪቱ ምስራቃዊ ክፍል  ኤዲ ዔፍ በሚለው የእንግሊዘኛ ምህጻር ቃል የሚጠራው የዩጋንዳ አማጽያን ቡድን ይዞታ ላይ  በሄሊክብተሮች አማካይነት ያካሄዱት ጥቃት ከፍተኛ ጉዳት ማድረሱን አንድ የተመድ ባለስልጣን ገልጸዋል። አላይድ ዴሞክራቲ ፎርስስ (ዔዲ አዔፍ) allied democratic forces (ADF) እየተባለ የሚጠራው ቡድን በዩጋንዳው በሙሰቨኒ መንግስት ላይ አምጾ ውጊያ ማካሄድ ከጀመረ ከ20 በላይ ሲሆነው በምስራቅ ኮንጎ በሚኖሩ ሰላማዊ ዜጎች ላይ የሽብር ተግባር ፈጽሟል የሚሉ ተደጋጋሚ ክሶች ሲቀርቡበት እንደቆዩ ይታወቃል። የምስራቅ ኮንጎ አካባቢ የተለያዩ ብሔረሰቦች የሚኖሩበት ከመሆኑም በላይ አካባቢው በንጥረ ነገሮች ሀብታም ስለሆነ ቦታውን ለመቆጣጠር በልዩ ልዩ ክፍሎች ተደጋጋሚ ጦርነቶች ሲካሄዱበት ቆይተዋል። የተመድ የሰላም አስከባሪ ኃይል እና የኮንጎ መንግስት የጸጥታ ኃይሎች በአርቡ ዕለት ወታደራዊ ጥቃት ያደረሱት ጉዳት በዝርዝር ባይታወቅም በርካታ የአምጻያን ኃይሎች ቦታውን ለቀው እንደሸሹ ተገልጿል።

Ø በየመን ደቡባዊ ከተማ አርብ መጋቢት 16 ቀን 2008 ዓም በኤደን አይሲስ የተባለው እስላማዊው አሸባሪ ቡድን አባላት በሶስት የተለያዩ ቦታዎች ላይ አጥፍቶ ጠፊ በመሆን ባፈነዷቸው ቦምቦች ከ26 ሰዎች በላይ መሞታቸውና በርከት ያሉት መቁሰላቸው ተነገረ። አንድ ፈንጅ የተጠመደበት አምቡላንስ መኪና በከተማይቱ ሰሜን ምዕራብ አካባቢ የመፈተሻ ጣቢያ ሲደርስ በመፈንዳቱ 14 ወታደሮች የተገደሉ ሲሆን በሌሎች ሁለት የመፈተሻ ጣቢያዎች የፈነዱት ቦምቦችም ጉዳት አድርሰዋል። አይሲስ ኢላማ ያደረገው በሳኡዲ በሚመራው የጥምር ኃይል ወታደሮች ላይ መሆኑ ግልጽ ሲሆን ጉዳት ከደረሰባቸው መካከል ምን ያህሉ የጥምሩ አካል አባላት  እንደሆኑ አልታወቀም። በሁቲ አማጽያንና በሳኡዲ በሚመራው ጥምር ኃይል መካከል የተደረገው ጊዜያዊ የተኩስ አቁም ስምምነት በስራ ላይ በመዋሉ ላለፈው አንድ ወር በከተማዋ ጸጥታ ነግሶ የነበረ መሆኑ ሲታወቅ  በአርብ ዕለቱ የአይሲስ ጥቃት ጸጥታው ሊደፈርስ ይችላል የሚል ስጋት ሰፍኗል።   

መጋቢት 25 ቀን 2008 ዓ.ም.

Ø የወልቃይት ጠገዴ ሕዝብ ያነሳውን የማንነትና የመብት ጥያቄ የወያኔ መሪዎች ሚሊሺውንና የፖሊስ ኃይሉን ከትግራይ በማስመጣትና ወታደሩን በማስፈር ምላሽ በመስጠት አስፈራርተውና አሸብረው የታላቋ ትግራይን ህልውና እውን ለማድረግ የጀመሩት ሙከራ አሁንም ከሕዝብ ከፍተኛ ተቃውሞ እንደገጠመውና ውጥረቱ እየከፋና ግጭቶችም እየበረከቱ መምጣታቸው ከአካባቢው የሚመጡ መረጃዎች ያመለክታሉ። የወያኔ መሪዎች  የሕዝብን ተቃውሞ በኃይል ለማብረድ ባደረጉት ሙከራ የሀገር ሽማግሌዎችንና ቄሶችን በመላክ የተዘጉ መንገዶች ለጊዜው ቢያስከፍቱም ሕዝቡን አሁንም ጥያቄያቸው ካልተመለሰ የታስሩት ካልተፈቱና መድረሻቸው የጠፋው ካልታወቀ ትግሉን የበለጠ አጠናክሮ እንደሚቀጥል እየገለጸ ይገኛል። የወልቃይት ሕዝብ ማንነቱ ሲዘረፉ ልጆቹ ሲገደሉና ሲታስሩ ድምጽ አልባ የነበሩት የሀገር ሽማግሌዎችና የቤተ ክህነት መሪዎች ዛሬ ወያኔ በሕዝባዊ ተቃውሞ ተወጥሮ ሲያዝ ደፋ ቀና ማለታቸው በእርግጥ ሽምግልና ነው ወይንስ የሕዝብን ትግል ላይ ቀዝቃዛ ውሃ ለማልበስ በማለት የሚጠይቁ በርካታ ናቸው።

Ø በምዕራብ ወለጋ በመንዲ ከተማ አንድ የገበያ ማዕከል በእሳት አደጋ እንዲወድም ከተደረገ ወዲህ ሕዝባዊ ተቃውሞ በማገርሸቱ የወያኔ ፖሊሶች የመንዲ ከተማ ተማሪዎችንና መምህራንን አስረው ወደ አልታወቀ ሰፈራ እንደወስዷቸው ታውቋል። በገበያው ቦታ ቃጠሎ የወያኔ ሰላዮች እጁ ሙሉ በሙሉ እንዳለበት የተገለጸ ሲሆን በገበያ ቦታ ሱቅ የነበራቸው ግለሰቦች ሕዝባዊ ተቃውሞና ቁጣን በመደገፋቸው ብቻ በበቀል ርምጃ ሱቃቸው እንዲቃጠል መደረጉን የመንዴ ከተማ ሕዝብ የሚስማማበት ሲሆን ከቃጠሎው ማግሰት ወደ አሰሳ የሚወስደውን መንገድ ላይ አምስት ቦታ ዘግተዋል በማለት አስራ ሰባት ተማሪዎችና ምሁራን በወያኔ ፖሊስ ተይዘው መታሰራቸው ይታወቅ እንጅ የት እንዳታሰሩ የታወቀ ነገር የለም።

Ø በመቀሌ የጀመረው የባጃጁ የሥራ ማቆም አድማ አሁንም እንደቀጠለ ሲሆን የወያኔ አገዛዝ በርካታ የታጠቁ ፖሊሶቹንና ወታደሮችን በከተማ ውስጥ በማስፈር ሕዝብን እያስፈራራና የባጃጅ ሹፌርና ባለንብረቶችንም እያዋካበ እንደሚገኝ ታውቋል። ከመቀሌ ሳንወጣም መቀሌ ውስጥ ከአሪና ጽ/ቤት የተያዙት የአረና የአሠራር አባልና የጽህፈት ቤቱ ኃላፊ መፈታታቸው ታውቋል። የታሰሩበት ምክንያት በጽ/ቤታቸው አቅራቢያ ቆሻሻ ወረቀት በማቃጠላቸው መሆኑ ተነግሯቸዋል። ብዙ ወገኖች ግን የወረቀት ቃጠሎ ሰብብ እንዲሆነና እስር ለማወከብና ለማስፈራራት ታቅዶ የነበረ መሆኑን ይስማሙበታል።

Ø ከአስር ሚሊዮን በላይ ኢትዮጵያውያን በድርቅና በረሃብ አደጋ መጠቃታቸው እየተነገረ ባለበትና ከፍተኛ የሆነ የሰዎች ሞትና ዕልቂት እንዳይከሰት የዓለም አቀፉ ኅብረተሰብ በፊት ርብርብ በሚያደርግበት ሰዓትና በሀገር ውስጥ ያለው የእርዳታ እህል መጠን ከሁለት ወር በላይ አያራምድም በሚባልበት ጊዜ በጂቡቲ ወደብ የእርዳታ ስንዴ ማራገፊያ ማጣቱ ተገለጸ። ብሉምበርግ የዜና ወኪል እንደዘገበው ከሆነ 450ሺ ሜትሪክ ቶን ስንዴ የጫኑ 10 የዕቃ መጫኛ መርከቦች ከወደብ መጨናነቅ የተነሳ የእርዳታ ስንዴውን ማራገፍ እንዳልቻሉ ገልጸዋል። መርከቦቹ ወደብ ቢደርሱ እንኳን ለማራግፍ 40 ቀናት እንደሚፈጅ ታውቋል። የእርዳታ ስንዴውን ለመግዛትና ለማጓጓዝ 120 ቀናት ወይም አራት ወራት እንደሚፈጅ የእንግሊዝ ለጋሽ ድርጅት አስታውቋል። የተመድ የምግብና የእርሻ ድርጅት ከ10 ሚሊዮን በላይ ሕዝብ የእርዳታ ፈላጊ እንዲሆንና 7.9 ሚሊዮን ደግሞ በሴፍቲ ኔት ፕሮግራም ውስጥ እንዳለ ገልጿል። ከወር በፊት ጂቢቲ ወደብ የደረሱ መርከቦች እስከ አሁን የዕርዳታ እህሉን ማራገፉ እንዳልቻሉ ታውቋል። የወያኔ አገዛዝ የኢትዮጵያን ታሪካዊ የባህር በሮችን ለሻዕቢያ አሳልፎ መስጠት ለኢትዮጵያ ዘላቂ ደህንነትና ልማት ብቻ ሳይሆን ለአደጋ ጊዜ እንዳልብ ሊጠቀምባት አለመቻል አሳዛኝ የታሪክ ክስተት መሆኑን የሚናገሩ ወገኖች አልጠፉም።

Ø በልዩልዮ ሰበብና ምክንያት የሕዝብ ገንዘብ መሰብሰብና መዝረፍ መለያ የሆነው ወያኔ በባለተሽከርካሪዎች ላይ ተጨማሪ የግዳጅ ገንዘብ መሰብሰቢያ ዘዴ ጀምሯል። ገንዘብ የሚሰብሰበው የመንገድ ልማት ፈንድ የሚባል ድርጅትን በማቋቋም ሲሆን ዋና ስራው መኪኖች ዓመታዊ ምርመራ ካካሄዱ በኋላ በመኪናው የፊት መስታዋት ላይ የሚለጠፍ ወረቀት መለጠፉ ሲሆን ከዓመታዊ ምርመራ በተጨማሪ ለመንገድ ልማት ፈንድ የቤት ተሽከርካሪዎች 150 ብር እንዲከፍሉ ሲደረገ ትላልቅ የጭነት መኪናዎች ደግሞ 2500 ብር ይከፍላሉ ተብሏል። ወያኔ በሚጀመረው በዚህ አዲስ አሰራር መሠረት ማንኛውንም ተሽከርካሪ ለመንገድ ልማት ፈንድ የግዳጁ ክፍያውን ካልፈጸመና ከደረሰኝ ጋር የሚኪናው መስተዋት ላይ ካላጠፋ መኪናውን ማሽከርከር እንደማይችል ታውቋል። የወያኔ ቡድን መሪዎች ፍጹም ስግብግብና የማይጠገብ ዘራፊዎች በመሆናችው ብቻ የተለያዩ ምክንያትና ሰበብ በመፍጠር የሌብነት ድርጅት በማቋቋም ዝርፊያ ማካሄድ የተለመደና የዘወትር ተግባራቸው ሆኗል።

Ø ማኅበረ ቅዱሳን ከመጋቢት 15 ቀን እስከ መጋቢት 21 ቀን 2008 ዓም ድረስ በአዲስ አበባ ከተማ በኢግዚብሽን ማዕከል ኦርቶዶክሳዊ ተዋህዶ ቤተ ክርስቲያንን አስተምህሮዋን እንጠንቀቅ ድርሻችንን እንወቅ በመሪ ርዕስ ያዘጋጀውን ዐውደ ርዕዩትን በመጨረሻ ሰዓት ላይ በወያኔ ባለሥላጣናት መከልከሉ ታወቀ። ማኅበሩ ቅዱሳን ለምን በመጨረሻ ሰዓት እንደተከለከለ ባይታወቅም የአዲስ አበባ ከተማ ባለሥልጣናት ግን ከበላይ አካል በመጣ ትዕዛዝ ነው በማለት ተናግረዋል። ማኅበሩ የእግዚብሽን አዳራሹን ጊዜያዊ ቁልፍ ተረክቦ ዝግጅቱን እያጠናቀቀ እንደነበረ ተገልጿል። አንዳንድ ለማኅበረ ቅዱሳን ቅርብ የሆኑ ምንጮች እንደሚናግሩት የኢግዚቢሽኑንና አዳራሽ በመጨረሻ ሰዓት ላይ የከለከለው የእግዚቢሽኑ አዳራሽ ሥራ አስኪያጅ የተባለው ታምራት የተባለ ግለሰብ ሲሆን ከአዲስ አበባ ከተማ ሰላማዊ ሰልፉና ስብሰባ ፈቃድ መጠየቂያ ቢሮ ፈቃድ ካላመጣችሁ በማለት መከልከሉን ይገልጻሉ። ብዙ ምዕመናን ግን የማህበረ ቅዱሳን ዐውደ ርዕዩ መከልከል ዙሪያ የወያኔ ባለሥልጣናትና የአዲስ አበባ ሲኖዶስ ፓትርያርክ እንጅ እንዳለበትና ኤግዚብሽኑ የታገደው የፈቃድ ጉዳይ ሳይሆን ፖለቲካዊ ነው ይላሉ።፡

Ø በቅርቡ በቤልጀየም ከተማ በብራስልስ የደረሱት የቦምብ ፍንዳታዎች ተከትሎ በተለያዩ የአውሮፓ ከተሞች በሽብር ተግባር ላይ ተሰማርተዋል የተባሉ ተጠርጣሪዎች  በፖሊስ መያዛችው ተዘግቧል። ሰባት ሰዎች በብራስለልስ የተያዙ ሲሆን ሁለት በጀርመን እና አንድ በፓሪስ የሚገኙ ተጠርጣሪዎች ተይዘዋል። ማክሰኞ ብራስልስ ከተማ የደረገው የቦምብ ጥቃት ከፈረንሳዩ ጋር ግንኑነት አለ የተባለ ሲሆን ተመሳሳይ ጥቃቶች እንዳይካሄዱ ለመከላከል የፖሊስ የምርመራ ተግባር ተጠናሮ የቀጠለ መሆኑ ተዘግቧል። ዛሬ ረፋዱ ላይ ሻየርቤክ በተባለ አካባቢ የቦምብ ፍንዳታ የተሰማ ሲሆን በአሰሳው ወቅት አንድ ሰው መገደሉን የዜና ምንጮች ገልጸዋል። 

Ø ጣሊያናዊውና በካምፕሪጅ ዩኒቨርሲት የፒ ኤች ዲ ተማሪ የነበረው ጁሊያኒ ሬጂኒ ከወራት በፊት   ስለግብጽ የሠራተኛ ማህበር ጉዳይ በአገሪቱ ውስጥ ጥናት በማድረግ እያለ ባልታወቁ ሰዎች ተጠልፎ ከተወሰደ ከጥቂት ቀናት በኋላ  በስለት የተቆራርጠውና ከፍተኛ ጉዳት የደረሰበት አስከሬኑ መገኘቱ ይታወቃል። ረቡዕ መጋቢት 15 ቀን 2008  የግብጽ መንስት በካይሮ በአንድ የአፕርትመንት ክፍል ውስጥ በአንድ አሸባሪ ቡድን ላይ ባካሄደው አሰሳ የሟቹን ቦርሳ ያገኘ መሆኑን ተንናግሯል። ፖሊስ አሰሳ የተካሄደበ ቡድኑ የውጭ ሰዎችን በማፈን ስራ ላይ የተሰማራ መሆኑን ገልጾ ከቡድኑ ጋር በተደረገው የተኩስ ልውውጥ የቡድኑ አባላት በሙሉ መገደላቸው ጨምሮ አስረድቷል። የሰብአዊ መብት ተሟጋች ድርጅቶች  ጣሊያናዊው ተማሪ ጥናት ሊያካሄድበት የነበረው የግብጽ የሠራተኛ ማህበር ሁኔታ እና የሠራተኛ መብት ጉዳይ በግብጽ ባለስልጣኖች የሚወደድ አለመሆኑን በመጥቀስ ሟቹን ጠልፈው የገደሉት የግብጽ ባለስልጣኖች ናቸው የሚል ግምት  ሲሰጡ መቆየታቸው አይዘነጋም። በአሁኑ ወቅት የግብጽ መንግስት ሟቹን ገድለዋል የተባሉት  የቡድን አባላት መገደላቸውን ቢያስታውቅም እነዚህ በእርግጥ የሟቹ ገዳዮች መሆናቸውን ማረጋገጫ መስጠት ይኖርበታል የሚሉ ክፍሎች በርካታ ናቸው።

Ø በናይጄሪያ በሙስና ወንጀል ውስጥ የተሰማሩ ወደ 300 የሚሆኑ የውጭ እና የአገር ውስጥ ኩባንያዎችን እንዲሁም ከፍተኛ ወታደራዊ መሪዎችን ጨምሮ የተለያዩ ግለሰቦችን ለፍርድ የምታቀርብ መሆኗን አስታውቃለች። ክስ የቀረበባቸው ኩባንያዎችና ግለሰቦች ለዓመታት ቦኮ ሃራምን ለመዋጋት የሚያገልገል መሳሪያ ለመግዛት ከ241 ሚሊዮን ዶላር በላይ ግምት ያለው  የውሸት ኮንትራክቶች ተፍራርመው የመንግስት ገንዘብ ዘርፈዋል በሚል ነው። እስካሁን ድረስ በተደረገው ምርመራ 35 ሚሊዮን ዶላር የተገኘ መሆኑ ተነግሯል። ኮንትራቱ የተሰጠው በወታደራዊ ጉዳይ ላይ የአገሪቱ ብሔራዊ አማካሪ ጽሕፈት ቤት ሲሆን ያለፈው መንግስት የብሔራዊ ጸጥታ አማካሪ የሆኑት ሚስተር ሳምቦ ዳሱኪ መከሰሳችው ይታወሳል።

Ø የቀድሞ የቦዚንያ ሰርብ መሪ የነበረውና በ1984 እስከ 1987 ድረስ በነበረው ጦርነት ከፍተኛ የጦር ወንጀል ፈጽሟል የተባለው ራዶቫን ካራድዚክ ለፈጸመው ወንጀል የዓለም አቀፉ ፍርድ ቤት የአርባ አመት እስራት የፈረደበት መሆኑ ተነግሯል። ከቀረበት 11 ክሶች መካከል በ10 ሩ ጥፋተኛ ነው በማለት ፍርድ ቤት የፈረደበት ሲሆን ግለሰቡ ግን ጥፋተኛ አይደለሁም ብሎ ተከላክሏል። ካራድዚክ ሳብርኒካ በተባለችው ግዛት በጅምላ ለተገደሉት 7000 የሚሆኑ የእስልምና ሃይማኖት ተከታዮችና በሳራይቮ ለተገደሉት 12 ሺ ሰዎች ተጠያቂ ነው በማለት ፍርድ ቤቱ የበየነውን ውሳኔ በመቃወም የተከላከለ ሲሆን ተፈጸሙ የተባሉት ወንጀሎች በሙሉ በተለያዩ ስነምግባር በሌላቸው ግለሰቦች የተፈጸሙ ናቸው እንጅ እርሱ በሚመራው ወታደራዊ ተቋም የተወሰዱ አለመሆናቸውን በመጥቀስ አስተባብሏል። የፍርዱ ሂደት ከስምንት ዓመት በላይ የፈጀ ሲሆን የካራድዚክ ጠበቃ ይግባኝ እንደሚል አስታውቋል።፡የቦዝኒያ ስርብ መሪ ሚሎራድ ዶዲክ የፍርድ ቤቱን ውሳኔ ያወገዙ ሲሆን የስርብያን ሕዝብ ተጠያቂ የሚያደርጉት የምዕራብ ኃይሎች በሰርቢያ ላይ ላዘነቡት የአየር ጥቃትና ለጨረሱት ሕዝብ ተጠያቂዎች ናቸው ብለዋል።  

በተያያዘ ዜና ከጥቂት ዓመታት በፊት በቲምበክቱ የሚገኘውን ታሪካዊ ቦታዎች በማፍረስ ወንጀል ተከሶ በምርመራ ላይ የነበረው አህመድ አልፋኪ አል ማህዲ የተባለው ግለሰብ ለሰራቸው ወንጀሎች በቂ ማረጋገጫ በመገኘታቸው በዓለም አቀፉ ፍርድ ቤት ላይ  ይቀርባል የተባለ ሲሆን ጥፋተኛ መሆኑን ለመግለጽ ፈቃደኛ ነው ተብሏል። ቀደም ብሎ በማስተማር ስራ ላይ ተሰማርቶ የነበረው የአርባ ዓመቱ አልማህዲ አንሳር ዳይን የሚባለው የአክራሪ ቡድን አባል የነበረ ሲሆን የእስልምናን ህግ በኃይል ተግባራዊ ለማድረግ ከሚንቀሳቀሱ ጥቂት ግለሰቦች መካከል አንዱ መሆኑ ይታወቃል።  

መጋቢት 15 ቀን 2008 ዓ.ም

Ø በቅርቡ በሞዛምቢክ ወደብ ተገኝተው ወደ አውስትራሊያ ለምርመራ የተላኩት ሁለት የአውሮፕላን ስብርባሪ አካሎች ከሁለት አመት በፊት በህንድ ውቅያኖስ  በአየር ላይ እንዳለ የጠፋው የማሊዚያ ቦይንግ 777 አውሮፕላን አካል ሳይሆን አይቀርም በማለት  መርማሪዎች ግምታቸውን የሰጡ መሆናቸውን የአውስትራሊያው የትራንስፖርት ሚኒስትር በሰጡት ጋዜጣዊ መግለጫ ተናግረዋል። መርማሪዎቹ ባገኙት የምርመራ ውጤት የስብርባሪዎቹ ወርድና ስፋት እንዲሁም የተሰሩበት ንጥረ ነገር እና  የአሰራራቸው ሁኔታ ከጠፋው አውሮፕላን ጋር የሚገጣጠም መሆኑን ተናግረዋል። ባለፈው ዓመት ከአፍሪካ አጠገብ ከምትገኘው ከሪዩኒየን ደሴት የተገኘ ሌላ የአውሮፕላን አካልስብርባሪ የጠፋው የማሌዚያ  አውሮፕላን አካል ነው ተብሎ መረጋገጡ ይታወሳል። በቅርቡ የተገኙት ስብርባሪዎች ከጠፋው አውሮፕላን ጋር አካል ጋር መመሳሰላቸው አውሮፕላኑ በህንድ ውቅያኖስ ላይ ወድቋል የሚለውን ግምት እውነተኛነት የሚያረጋግጥ ቢሆንም አውሮፕላኑ በምን ምክንያት ወደቀ የሚለውን ጥያቄ ግን ሊመልስ አይችልም ተብሏል።  

Ø አንድ የተባበሩት መንግስታት ድርጅት ባለስልጣን ረቡዕ መጋቢት 25 ቀን 2008 ዓም በሰጡት መግለጫ ሞሮኮ በምዕራብ ሳህራ የሚገኙ የውጭ አገር ዜጎች ከአገሪቱ እንዲወጡ ያስተላለፈችውን ትዕዛዝ ካልቀለበሰች የተመድ የሰላም አስከባሪ ኃይል የሚዘጋ መሆኑ አስታውቀዋል። የተባበሩት መንግስታት ድርጅት ዋና ጸሐፊ የጸጥታው ምክር ቤት አንድ ዓይነት እርምጃ እንዲወስድ ይጠይቃሉም ተብሏል። ሞሮኮ ቀደም ብሎ የተመድ ዋና ጸሐፊ ስለምዕራብ ሳህራ የተናገሩትን በመቃወም 84 የሚሆኑ የዓለም አቀፍ የሲቪል ሰራተኞች ከምዕራብ ሳህራ እንዲወጡ ያዘዘች ስትሆን የራሷንም የወታደራዊ አገኛኝ ቢሮን መዝጋቷ ይታወሳል። ቀደም ብሎ የስፔን ቅኝ ግዛት የነበረችውን ምዕራብ ሳህራን በ1967 ዓም ግዛቴ ነው በማለት ወረራ በማካሄዷ ፖሊሳሪዮ የተባለው ነጻ አውጭ ድርጅት ለረጅም ዓመታት  ውጊያ ማካሄዱና በ1983 ዓም በተመድ አማካይነት ውጊያው ቆሞ የአገሪቱ የወደፊት እድል በውሳኔ ሕዝብ እስኪወሰን ድረስ የተመድ የሰላም አስከባሪ ኃይል በአገሪቱ ውስጥ መሰየሙ ይታወቃል። በውሳኔ ሕዝቡ ማን መሳተፍ አለበት በሚለው ላይ ስምምነት ባለመደረሱ እስካሁን ድረስ ሊካሄድ አልቻለም። በአሁኑ ወቅት የተመድ የጸጥታው ምክር ቤት በጉዳዩ ላይ በመከፋፈሉ አንድ ዓይነት ውሳኔ መድረስ ያልቻለ መሆኑ ተነግሯል። እንደፈረንሳይ የመሳሰሉት አገሮች ሞሮኮን ሲደግፉ ሌሎች የተቃወሙ መሆናቸው ታውቋል።

Ø ባለፈው እሁድ በሴኒጋል በተካሄደው ምርጫ የቀረበውን የሕገ መንግስት ማሻሻያ መራጮች ያጸደቁት መሆኑ ተገልጿል። የቀረበው ማሻሻያ የአገሪቱ ፕሬዚዳንት ሆኖ የሚመረጠው ግለስብ የስልጣን ዘመኑ ከሰባት ወደ አምስት ዓመት እንዲቀንስ የሚያደርግ ሲሆን ከመራጩ 62.7 የሚሆነው ስለደገፈው ማሻሻያው በስራ ላይ ይውላል ተብሏል። በእሁድ ዕለት ምርጫ ወደ ምርጫ ጣቢያዎች የሄደው ሰው ቁጥር ድምፅ መስጠት ከሚችለው 38 ከመቶ የሚሆነው ብቻ ነው። አዲሱ የሕገ መንግስት ማሻሻያ በተግባር የሚወለው የአሁኑ ፕሬዚዳንት የስልጣን ዘመን ሲያልቅ ማለትም ከሶስት ዓመት በኋላ መሆኑ ተነግሯል። የአሁኑ ፕሬዚዳንት የህገ መንግስቱን ማሻሻያ በውሳኔ ሕዝብ እንዲጸድቅ ያደረጉት ለሌሎች አፍርካ አገሮች አርአያ ለመሆን ነው በማለት የተናገሩ ከመሆኑም በላይ ጊዜው ከራሳቸው የስልጣን ዘመን እንዲጀመር ያደረጉት ሙከራ የሕገ መንግስቱ ፍርድ ቤት የሻረው መሆኑ ይታወቃል።

Ø ዛሬ መጋቢት 15 ቀን 2008 ዓም ሻርም ኤል ሼክ በተባለው የግብጽ የወደብ የመዝናኚያ ከተማ 27 የሚሆኑ የአረብ እና የአፍሪካ አገሮች የመከላከያ ሚኒስትሮች ስብስባ የተጀመረ መሆኑ ተገልጿል። ስብሰባው ለሁለት ቀናት ያህል የሚቆይስ ሲሆን በጸረሽብረተኛነት እና በወታደራዊ ጉዳዮች ላይ ትብብር ስለሚደረግበት ጉዳይ ይነጋገራል ተብሎ ይጠበቃል። የሳህልና የሳህራ አገሮች በየጊዜው በሽብረተኛነት ክፉኛ የተጠቁ ሲሆን ግብጽም በአክራሪ ኃይሎች ስትጠቃ ቆይታለች። ስብሰባው ምን ዓይነት ውሳኔ እንደሚያስተልፍ እስካሁን የተገለጸ ነገር የለም።   

መጋቢት 14 ቀን 2005

Ø የአዲስ አበባን አጎራባች ከተሞችን ወደ አዲስ አበባ ለመጠቅለል ያወጣውን የማስተር ፕላን እቅድ በመቃወም በመላ ኢትዮጵያ ሕዝባዊ ተቃውሞና ቁጣ ተቀሰቀሰና በዚሁ ምክንያት ከ 300 በላይ ዜጎች ተገድለው በሺህ የሚቆጠሩ ከታሰሩና ከተደበደቡ በኋላ የወያኔ መሪዎች በጠቅላይ ሚኒስትር ተብየው በኩል ይቅርታ ይጠይቁ እንጅ ለሕዝባዊ ተቃውሞ የወያኔው ኦህዴድ መካከለኛ ሹማንትና ካድሬዎች ተጠያቂ መሆናቸውን ኦህዴድ የአምስት ቀን ስብሰባ ከጨረሰ በኋላ ማስታወቁ ይታወቃል። በሰሜን ጎንደር የወልቃይት ጠገዴ ሕዝብ ላነሳው የማነነት ጥያቄም ወያኔ ከትግራይ ሚሊሺያውንና ፖሊሱን እንዲሁም የጦር ኃይሉን ወደ አካባቢው በመላክ ትግሉን ለማኮላሸት ያደርገው ሙከራ ስላልተሳካለት ለወልቃይቱ ችግር ተጠያቂው በራሱ አምሳል የፈጠረው የወያኔው ብአዴን ነው በማለት የብአዴን መካከለኛ አመራሮቹንና ከፍተኛ ካድሬዎቹን በትግሪኛ ተናጋሪ የህወሃት አባላት ለመተካት ማቀዱ ታውቋል። የወያኔ መሪዎች ብአዴንን በአማርኛ ተናጋሪ ትግሬዎች በመምራት የታላቋ ትግራይ ህልማቸውን ተግባራዊ ለማድረግ ጥረት እያደረጉ ነው።

Ø የኢትዮጵያ ተዋህዶ ኦርቶዶክስ ሃይማኖት ጋር በተያያዙ ጉዳዮች የሚዘገበው ሐራ ተዋህዶ በጎጃም ክፍለ ሀገር በጣና ሐይቅ ላይ በደቀ እስጢፋኖስ ገዳም ላይ የዘረፋ አደጋ እያንጃበበ መሆኑን ጠቁሞ የጉዳዩ አሳሳቢነት ባህር ዳር ለሚገኙ የወያኔ ባለሥልጣናት ቢገለጽም እስከ አሁን የወሰዱት እርምጃ እንደሌለ  ገልጿል። ሐራ ተዋህዶ እንዳብራራው ካለፈው ሳምንት ሐሙስ ጀምሮ ማንነታቸው ያልታወቀ ዘራፊዎች በጀልባ ወደ ገዳሙ መምጣትና መመለሳቸውን ገልጾ ከመጋቢት በ12 ቀን 2008 ዓ.ም. ጀምሮ ግን በርካታ ጀልባዎች በዓሳ አጥማጅነት ስም በሚገባ ታጥቀው በአካባቢው እንደሚገኙ አስታውቋል። ከዚህ ቀደም በገዳሙ ያሉ የመነኮሳትን ልብስ በመልበስ ተመሳስለው ወደ ገዳሙ ለመግባት ሙከራ ያደርጉ ዘራፊዎችን የገዳሙ አባቶች እንዳስቆማቸው ይታወሳል። ገንዘብ የማይጠቅማቸው የወያኔ  መሪዎች የኢትዮጵያን ሁሉ ውርስና ቅርስ የሆኑ ታሪካዊ ሀብቶችን ለመሸጥ ለዘረፋ መሰማራታቸው ታውቆ ዜጎች ሁሉ ዘብ እንዲቆሙና ድምጻቸውን እንዲያሰሙ ይጠይቃሉ።

Ø  በወያኔው የፖለቲካ ፍርድ ቤት የሚመላለሰው የቀድሞ የሰማያዊ ፓርቲ የሕዝብ ግንኙነት ኃላፊ የነበረው ወጣት ዮናታን ተስፋዬ በትናንትናው ዕለት ፍርድ ቤት ቢቀርብም የወያኔው አገልጋይ የሆነው የፍርድ ተቋም  ፖሊስ ለምርመራ የ28 ቀን ጊዜ እንዲሰጠው የጠየቀውን ጥያቄ ተቀብሎ ወደ ወህኒ መልሶታል። ወጣት ዮናታን ተስፋዬ ባለፉት ሶስት ወራት ያለ ምንም ክስና ወንጀል በወያኔ እስር ቤት ውስጥ እንደሚገኝ የታወቀ ሲሆን በናንትናው ዕለት ከወህኒ ቤት የወጣበትን መኪና መስኮት ለመዝጋት ሙከራ ያደረገውን ፖሊስ በመቃወሙ በፖሊስ ድብደባ እንደደረሰብት ታውቋል። በሕግ ጠለላ ስር አለ የተባለ ህጋዊ እስረኛን በሕዝብ ፊት በደበደበው ፖሊስ ላይ   የተወሰደ እርምጃ የለም።

Ø በምዕራብ ወለጋ በመንዲ ከተማ የሚገኘው የገበያ ቦታ የእሳት አደጋ እንደደረሰበት ታውቋል። የአካባቢው የወያኔ ባለሥልጣኖች የእሳት አደጋውን ማን እንደለኮሰውና በምን ምክንያት እንደሆነ የተሰጠ ዝርዝር መግለጫ ባይኖርም በአካባቢው የተነሳውን ጸረ ወያኔ ሕዝባዊ ተቃውሞ ነጋዴኦዎቹናና ባለሱቆቹ ይደግፋሉ በማለት ብቻ ለበቀል በወያኔ ሰላዮች የተነሳ የእሳት ቃጠሎ መሆኑን ብዙዎቹ ይጠራጠራሉ።

Ø የኢትዮጵያ የልማት ባንክ ለወያኔ መሪዎችና የጦር አለቆች በብድር ስም በቢሊዮን የሚቆጠር ብር ካዘራፈ ወዲህ ለሰፋፊ እርሻዎች ብድር  እንዳይሰጡ ማዘዙን የባንኩ ባለሙያዎች ተናግረዋል። ከዚህ ቀደም በጋምቤላና በኦሞ ሸለቆ ሰፋፊ የእርሻ መሬቶችን የተቀራመቱትን የወያኔ መሪዎችና የጦር አለቆች ለልማት ማካሄጃ ከሰባት ቢሊዮን ብር በላይ ከኢትዮጵያ ልማት ባንክ በብድር ይውሰዱ እንጅ አንዳቸውም በመሬቱ ላይ የስሩት ልማት እንደሌላና የተበድሩትን ገንዘብም  እንዳልከፈሉ ታውቋል። ባንኩ በአሁኑ ጊዜ ለልማት የሚያበድረው ገንዘብ ዕጥረት እየገጠመው በመሆኑ ለሰፋፊ እርሻዎች የሚሰጠውን ብድር ያቆመ መሆኑን ቢገልጽም  ከዚህ በፊት ገንዘብ ተበድረው ያልከፈሉትን የወያኔን መሪዎች የጦር አለቆች ለማሰከፈል ስለሚወሰደው እርምጃ የተናገረው ነገር የለም።

በተመሳሳይ ዜናም የኢትዮጵያ ልማት ባንክ ካፒታል እጅግ አነስተኛ ደረጃ ላይ በመድረሱ የወያኔ ፓርላማ የልማት ባንኩን ካፒታል ለማሳደግ ለወያኔ ፕርላማ አዲስ ህግ እንዲቀርብና የባንኩን ካፒታል ለማሳደግ አገዛዙ የመድግመው ገንዘብ ስለሌለው የቦንድ ሽያጭ እንዲያደርግ ወስኗል። ይሁን እንጅ ቦንዱ ለሀገር ውስጥ ለሀገር ውጭ ቁርጥ ያለ አቋም አልወሰደም። 

Ø በሕዝብ መከራ ስቃይ የግል ደስታና ምኞት ብቻ ሳይሆን ጥቅም መሰብሰብ መለያቸው የሆነው የወያኔ መሪዎች በአነስተኛ የጉሊት የንግድ ስራና በዝቅተኛ የኑሮ ደርጃ ላይ የሚገኙ ዜጎችን ከጉሊት ንግድ ማባረሩ ታወቀ። በአዲስ አበባ ከተማ በተለምዶ ሽሮ ሜዳ ተብሎ በሚጠራው አካባቢ ለዓመታት በጉሊት ንግድ ይተዳድሩ የነበሩ ነዋሪዎች ያለ ምንም ካሳና ተለዋጭ ቦታ የጉሊት ንግድ ቦታቸው ለባለ ጊዜ ባለሀብቶች ተሰቶባቸው ተባረዋል። የጉሊት ነጋዴዎቹ ሌላ ቦታ ሄደው መስራት እንደማይችሉ እየታወቀ በግፋና በማን አለብኝነት የጎሊት ገበያቸው ለባለጊዜ ሀብታሞች መሰጠቱ ዬያኔ መሪዎች ገንዘብ ካዩ ደሃ ማየት የማይፈልጉ የሚዘጥ የሚለወጥ ከሆነ ምንም ነገርን ገበያ ከማውጣት የማይመለሱ ሞራል ስነ ምግባር የሌላችው አልጠግባ ባይ ስግብግብ መሆናችውን አሳይተዋል።

Ø ትግራይ ውስጥ በመቀሌ ከተማ የባጃጅ ሹፌሮች የትግራይ ገዥዎችና የከተማው ባለሥልጣኖች ያወጡትን አዲስ የባጃጅ ሕግ በመቃወም የሥራ ማቆም አድማ ማድረጋቸው ታውቋል። አዲሱ ሕግ ባጃጆች እንደ ታክሲዎች ታፔላ አበጅታችሁ መሰማራት አለባችሁ የሚለውን ሕግ በመቃወም ነው። በዚህ የሥራ ማቆም አድማ በመቀሌ ያሉ 2500 ባጃጆች ተሳታፊ ሆነዋል።

Ø እስካሁን በተሰጠው የፖሊስ መግለጫ ትናንት መጋቢት 13 ቀን 2008 ዓም በቤልጅየም ዋና ከተማ በብራስልስ በአውሮፕላን ማረፊያውና በከተማው ባቡር ጣቢያ በፈነዱት ቦምቦች በጠቅላላው 34 ሰዎች የተገደሉ መሆናቸውና ከ250 በላይ የሚሆኑ የቆሰሉ መሆናቸው ተገልጿል። በደረሰው አደጋ የሚቀጥሉት ሶስት ቀናት የሀዘን ቀናት እንዲሆኑ ባለስልጣኖች ያዘዙ ሲሆን በዛሬው ቀንም እንደ አገሩ ሰዓት አቆጣጠር እኩለ ቀን ላይ በአገሪቱ በሙሉ የአንድ ደቂቃ የጸጥታ ሀዘን ተደርጓል።  ዛፈንተም በተባለው አውሮፕላን ጣቢያ ከሁለት ጓደኞቹ ጋር በመሆን ሊያፈነዳ ያቀደውን ቦምብ በጋሪ ሲጎትት ምስሉ በጣቢያው የጸጥታ ካሜራ የተቀዳውና ቦምቡ ባለመፈንዳቱ አምልጦ የነበረው ግለሰብ ዛሬ መጋቢት 14 ቀን 2008 ዓም   በጸጥታ ኃይሎች በቁጥጥር ስር መዋሉ ታውቋል። ግለሰቡ ዋና የቦምብ ሠራተኛ ነው የተባለ ሲሆን እንዲሁም በፓሪሱ የሽብር ተግባር ላይ ተሳትፏል ተብሎ ይጠረጠራል። አይሲስ የተባለው ድርጅት የትናንቱን የቦምብ ጥቃት በማካሄድ በኩል ኃላፊነቱን ወስዶ ተጨማሪ የቦምብ ጥቃቶች ሊካሄዱ እንደሚችሉ አሳውቋል።  የቤልጅየም ራዲዮና ቴሌቪዥን አገልግሎት በትናንትናው ዕለት ቦምብ በማፈንዳት ራሳቸውን ስላጠፉት የባክሩዊ ወንድማማቾች ምንነት በሰፈው አትቷል። ብራሂም ባክሩዊ የተባለው በአውሮፕላን ጣቢያው በተደረገው ጥቃት ራሱን ሲያጠፋ ካሊድ ባክሩዊ የተባለው ደግሞ በማይልቤክ የባቡር ጣቢያ ቦምቡን አፈንድቶ ራሱን ገድሏል። ሁለቱም በፖሊስ የሚታወቁ የወንጀል ሬከርድ ያለባቸው መሆኑ ተነግሯል። ሶስተኛው ተጠርጣሪ ግን እስካሁን ያልተያዘ መሆኑ ታውቋል። የቤልጅየም የጸጥታ ኃላፊዎች ከማክሰኞ ቦምብ ጋር በተያያዘ የሚጠረጠሩ በርካታ ሰዎች ገና ያልተያዙ መሆናቸውን አስታውቀዋል።  

Ø የናይጀር ፕሬዚዳንት ማማዱ ኢሱፉ በምርጫ  ያሸነፉ መሆናቸውን የአገሪቱ የምርጫ ቦርድ ገለጸ። እሁድ መጋቢት 11 ቀን 2008 ዓም በአገሪቱ በተደረገው ምርጫ ድምጽ ሊሰጥ ከሚችለው የናይጀር ዜጋ መካከል 60 ከመቶ የሚሆነው ድምጹን ሰጥቷል የተባለ ሲሆን  የድምጹን 90 ከመቶ በማግኘት ፕሬዚዳንቱ  አሸንፈዋል ተብሏል። ተቃዋሚ ፓርቲዎች በሙሉ በምርጫው ሂደት ያልተካፈሉ ሲሆን ቀደም ሲል በቁጥጥር ስር ውለው የነበሩት የተቃዋሚ ህብረት መሪ ሃማ አማዶ ለህክምና ወደ ፈረንሳይ መወሰዳቸው አይዘናጋም። ተቃዋሚዎቹ 60 ከመቶ የሚሆነው መራጭ በምርጫው ተሳትፏል የተባለው ሀሰት መሆኑን ገልጸው የምርጫውን እንደማይቀበሉ ገልጸዋል። በድጋሚ ተመረጡ የተባሉት ፕሬዚዳንት ማማዱ ኢሱፉ በቤተመንግስታቸው ለጋዘጠኞች በሰጡት መግለጫ የናይጀር ዜጎች ወደ አንድነት እንዲመጡ ተማጽነዋል።

Ø እሁድ መጋቢት 11 ቀን በኮንጎ የተካሄደውን ምርጫ አስመልክቶ  በተገኘው ከፊል ውጤት ላለፉት 32 ዓመታት በስልጣን ላይ የነበሩት የ72 ዓመቱ ሳሶ እንጉሶ አሸንፈዋል ተብሏል። እስከትናንት ማክሰኞ ድረስ  62 ከመቶ የሚሆነው የመራጩ ድምጽ የተቆጠረ መሆኑንና ከዚሁ 67 ከመቶ በማግኘት ፕሬዚዳንቱ አሸናፊ መሆናቸውን የምርጫው ኮሚሽን አስታውቋል። ፕሬዚዳንቱ በሙስናና በጥቅም ትሥስር እንዲሁም መብቶችን በማፈን በኩል በተደጋጋሚ ክሶች የቀረቡባችው  ሲሆን ከአሁኑ ምርጫ ጋር በተያያዘም ተቃዋሚዎች የምርጫውን ውጤት አስቀድመው እንዳያሳውቁ ለመከላከል በሚል ምክንያት በአገሪቱ ውስጥ ያሉት የስልክና የመገናኝ አገልግሎቶች እንዲቋረጡ ማድረጋቸው ይታወቃል።   

Ø ባለፈው ማክሰኞ መጋቢት 12 ቀን 2008 ዓም ከብሩንዲው ፕሬዚዳንት ጋር ቅርበት እንዳላቸው የሚታወቁ አንድ የብሩንዲ ከፍተኛ የጦር መኮንን በወታደራዊ ተቋም መሥሪያ ቤት ውስጥ እንዳሉ የተገደሉ መሆናችው ተዘግቧል። መኮንንኑ መስርያ ቤታችው ውስጥ በግድግዳ ላይ የተለጠፈ ማስታወቂያ እያነበቡ እያሉ ከጀርባቸው በተተኮስ ጥይት ተመተው የተገደሉ ሲሆን ግለሰቡ በቡጁምቡራ አካባቢ የጸጥታ ኃላፊ የነበሩና በመንግስት ደረጃ ሲካሄዱ የነበሩትን የጅምላ ግድያዎች ትዕዛዝ በመስጠት ሲያስተባበሩ የነብሩ ከመሆናቸው በላይ በርካታ እንዲታሰሩና መዳረሻቸው እንዲጠፋ ያደረጉ መሆናቸው ተዘግቧል። ግለሰቡ በወታደራዊ ተቋም ዋና ጽህፈት ቤት ውስጥ መገደላቸው በብሩንዲ ማንም ግለሰብ ደህንነቱ  ሊጠበቅ የማይችል መሆኑን የሚያረጋግጥ ሲሆን  ይህ አስፈሪ ሁኔታ አገሪቱን ከፍተኛ ቀውስ ሁኔታ ይከታታል ተብሎ ይፈራል።      

መጋቢት 13 ቀን 2008 ዓ.ም.

Ø የወያኔ መሪዎች የትግራይ አዋሳኝ የነበሩ ለም መሬቶችን ከወሎና ከጎንደር ወደ ትግራይ ከቀላቀሉ ወዲህ ነዋሪው የማንነት ጥያቄ ማንሳቱና በአማራነት ለመኖርን መምረጡን ለማፈን የወያኔ አገዛዝ በተለያዩ ጊዜ የዘር ማጽዳት ወንጀልን በስልታዊ መንገድ ሲያካሂድ መቆየቱ ይታወሳል።  ከቅርብ ጊዜ ወዲህ ግን የወልቃይት ጠገዴ ሕዝብ ያነሳውን ጥያቄ በዘረ ፍጅት ለመመለስ የትግራይ ሚሊሺያዎችንና የአገዛዙን ሠራዊት ወደ አካባቢው የላከ መሆኑ ተነግሯል። ወያኔ ውጥረቱን ለማብረደ ያደረገው ሙከራ ባለመሳካቱ ከሶስት ቀን በፊት  የወልቃይት ጠገዴ ሕዝብ ትግል አስከባሪ ከሆኑት መካከል  አንዱ ሲሳይ ብርሃኔ በወያኔ ፖሊሶች ታፍኖ ተወስዶ መዳረሻው በመጥፋቱ ምክንያት ውጥረቱ እየጨመረ መጥቷል። የዳንሻ ከተማ በትግራይ ሚሺያዎችና በወያኔ ጦር ስትወረር ሕዝቡም የመኪና መንግደኦችን በመዝጋት ወደ ጎንደርና ሁመራ የሚወስዱ መንገዶችን የዘጋ ሲሆን የታስሩት የሕዝብ ወኪሎች እንዲፈቱ በመጠየቅ የዳንሻን ፖሊስ ጣቢያ መክበቡ ታውቋል። እሁድ ዕለት የተጀመረው ይህ አዲስ ፍጥጫ የዳንሻ ከተማ አጎራባች የሆኑ ወረዳዎችን ሁሉ ያነቃነቀ ሲሆን የወያኔ መሪዎች የሕዝብን መነቃቃት ለማብረድ ሽምግልና የሚሉት ስልትን በማምጣት ሕዝብን ለማዘናጋት እየሞከሩ መሆናቸው ተገልጿል። በዛሬው ዕለት በሽምግልና ጥረት የጎንደር ዳንሻ መንገድ መከፈቱ ተነግሯል።

Ø በደቡብ ኢትዮጵያ ገሙ ጎፋ ውስጥ የኮንሶ ሕዝብ የመብትና የማንነት ጥያቄን የወያኔ ቡድን በአግባብና በበቂ ሁኔታ ባለመመለሱ በሕዝብና በገዥዎች መካከል ያለው ክፍተት ከመጨመሩና  ውጥረቱም ከመናሩ በላይ በየጊዜው የሚገደሉና የሚታስሩ ሰዎችም ቁጥር እየጨመረ መምጣቱ ይታወቃል። የሕዝቡን የመብትና የማንነት ጥያቄ ወያኔ በኃይልና በሽብር ለመግታት ያደረገው መኩራ እስከ አሁን እንዳልሰራና ሕዝብ ጥያቄው በአግባቡ እስኪመለስ ድረስ ትግሉን እየቀጠለ መሆኑ እየታየ ነው። ወያኔ የከፍተኛ ትምህርት ተቋማትን ሳይቀር አስር ቤት በማድረግ በመቶ የሞቆጠሩትን ይሰር እንጅ አሁንም ውጥረቱ ጋብ እንዳላለና የወያኔ መሪዎች ነፍሰ ገዳይ የሆነውንና  አግአዚ የተባለውን ጦራቸውን ወደ ኮንሶ በመላክ ከተማዋን በወታደራዊ ቁጥጥር ስር አድርገዋል። የአካባቢው ነዋሪዎች ሕዝቡ የሚፈልገው ለጥያቄው ሰላማዊ ምላሽ እንጅ እስር፤ የወታደር ጋጋታ  እና የነፍስ ገዳይ ጦር ክምትት እንዳልሆነ በመግለጽ የወያኔ አፋኝና በጨመረ ቁጥር የሕዝብም የመታገል ቁርጠኛነት ይጨምራል በማለት ይናገራሉ።

Ø የአዲስ አበባ ሕዝብ እስከ ዛሬ ወሃ በየቀኑ ያገኘ የሚመስል መግለጫ የወያኔ ባለሥልጣኖች ሰሞኑን ሰጥተዋል። በመግለጫው መሠረት የአዲስ አበባ ሕዝብ ውሃ በፈረቃ የሚሰጠው መሆኑን ማስጠንቀቂያ የቀረበ ሲሆን ውሃውን በፈረቃ ለማደል አስገዳጅ የሆነው  ምክንያት በለገዳዲና በድሬ ግድቦች ላይ ግንባታና ጥገና እየተካሄደ በመሆኑ ነው ተብሏል።  የፍኖተ ዴሞክራሲ የኢትዮጵያ አንድነት ድምጽ ከወራቶች በፊት የለገዳዲ ግድብ ውሃ እየቀነሰ መምጣቱን ለሕዝብ ያሳወቀ ሲሆን  የወያኔ ባለሥልጣኖች ለውሃው መቀነስ የመብራት ኃይል መዳከም መሆኑን የሚገልጹት ምክንያት ሀሰት መሆኑን ማጋለጡ  ማጋለጡ ይታወሳል። ለዓመታት ምንም ዓይነት ጥገናና ዕድሳት ያልተደረገለት ሲገነባ አርባ አምስት ሚሊዮን ሜትር ኪዮቢክ ውሃ እንዲይዝ ተድርጎ የተሰራው የለገዳዲ ግድብ ዛሬ ላይ አንድ ሚትር ወይንም 62 ሺ ሜትር ኪዩቢክ ሜትር ውሃ መቀነሱ ታውቋል። የወያኔ ባለሥልጣናት ውሃ በፈረቃ ይሆናል ማለታቸው ወትሮም በፈረቃ የነበረው ውሃ ጭራሽኑ ይጠፋል ማለታቸው ካልሆነ በስተቀር ውሃ በፈረቃ ሌትና ቀን ሳይጠበቅ የመጣበት ጊዜ ተረስቷል የሚሉ ነዋሪዎች ብዙ ናቸው።  

Ø በተደጋጋሚ ጊዜያት የሚፈጽማቸውን የጅምላ ግድያዎች መሰረት በማድረግ የወያኔ አገዛዝ የሰብዓዊ መብት ረጋጭነት ብቻ ሳይሆን የወንጀለኛ ጥርቅም ቡድን መሆኑን በማጋለጥ የተለያዩ የሰብዓዊ መብት ተመልካች ቡድኖች ሪፕርት ሲያቀርቡ መቆየታችው ይታወቃል። በቅርቡም በተለያዩ የኢትዮጵያ ከተሞችና ዩኒቨርስቲዎች የተፈጸሙትን ግድያዎች የጅምላ  እስሮችና ድብደባዎች በሚመልከት ሪፖርቶች እየወጡ ባለበትና አጥፍዎቹ ለሕግ እንዲቀርቡ፣ተጎጅዎቹም አስፈላጊው ካሳ እንዲሰጣቸው ወትወታው በጠነከረበት ሰዓት የወያኔ ቡድን መግደል ብቻ ሳይሆን አሳዛኝ ቀልድም መቀለድ እንደሚችል ለዓለም እያሳየ ነው። ወያኔ ለተፈጸሙ ግድያዎችና የሰብአዊ መብት ጥሰቶች የሚያጣራ የሰብዓዊ መብት ተከራካሪ አካል ስላለን ተፈጸሙ የተባሉ የሰብአዊ ጥሰቶችን ይኸው አካል ሊያጣራ ነው በማለት መረራ ቀልድ ተናግሯል። ወያኔ የአዲስ አበባ አጎራባች ከተሞችን ወደ አዲስ አበባ በማስተር ፕላን ለመጠቅለል የወጣውን ዕቅድ በመቃወም ለሞቱ ለተንገላቱ ለታሰሩና ለተደበዱ ሰዎች የሰብዓዊ መብታቸው መደፈሩን ለማጣራት አዲሱ ገብረ እግዚአብሔር የተባለው ካድሬ የሰብዓዊ መብት ተከራካሪና መርማሪ ብሎታል። አዲሱ ገብረ እግዚአብሔር በወያኔ የምርጫ ቦር ውስጥ ለሰራው ተንኮልና ደባ ወያኔ በኮሚሽነርንት ማዕረግ የሰብአሰኢ መብት ጥሰትን ትመላች ማድረጉ ይታወቃል።

Ø ዝርፊያና ስርቆት ይወያኔ መሪዎች መለያ ከሆን ወዲህ በልዩ ልዩ አጋጣሚ በእጃቸው የገባ የሕዝብና የአገር ሀብት መዝረፍና መሰወር እየተለመደ ከመጣ ወዲህ የወያኔ ባለሥልጣኖች ለይስሙላ ምርመራ ይጀምሩ እንጅ ምርመራዎቹ በእነሱ ትዕዛዝ ተድበስብሶ እንዲቀር መደረጉ ይታወቃል። ሰሞኑን ለትግራይ ክፍለ ሀገር ለመስኖ ስራ በማለት የውሃና የኃይል ሚኒስትር የሰጠው 30 ሚሊዮን ብር መዘሩፉ ታውቋል። ገንዘቡ የትግራይ ክፍለ ሀገር የውሃና የግድብ ቢሮ ኃላፊ ጌታቸው የተባለው የትግራዩ ገዥ የፀጋዬ በርሄ የእህት ልጁ እንዳስረቀው ታውቋል። ጌታቸው ለመስኖ ውሃ በማለት ከወጭ ያስመጣቸው  የፕላስቲክ ቱቦዎችን ጥራታቸው የተጠበቁ አለመሆናቸው ሲነቃበት የጠፋ ሲሆን የትግራይ ባለሥልጣናት አጥፊውን ለማግኘት ምንም ዓይነት ጥረት አለማድረጋቸው ከተሰረቀ 30 ሚሊዮን ብር ጀርባ የትግራይ መሪዎች እጅ እንዳለበት አመላካች ሆኗል። ወያኔን ስርቆት ወያኔና ዝርፊያ የማይለያዩና መሳ ለመሳ የሚሄዱ ክስተቶች ሆነዋል።

Ø ዛሬ መጋቢት 13 ቀን 2008 ዓም በቤልጅየም ዋና ከተማ በብራስልስ የአየር ማረፊያ እና የከተማው የባቡር ጣቢያ ላይ አጥፍቶ ጠፊዎች ባፈነዷቸው ቦምቦች ባጠቃላይ 21 ሰዎች የሞቱ መሆናቸውና ሌሎች በርካታ መቁሰላቸው ታውቋል። በአገሩ ሰዓት አቆጣጠር ከጠዋቱ ሁለት ሰዓት ላይ በብራስልስ አውሮፕላን ማረፊያ በመንገደኞች መውጫ ላይ ሁለት ቦምቦች ፈንድተው 11 ሰዎች የሞቱ ሲሆን ከአንድ ሰዓት በኋላ በአንድ የከተማው  የባቡር ጣቢያ  ላይ  የፈነዳው ቦምብ ደግሞ  ቢያንስ 10 ሰዎች ሰዎችን መግደሉና በርካታዎችን ማቁሰሉ  ተዘግቧል። በዛሬው ቀን ባለስልጣኖች  ሁሉም ዜጎች  በያለቡት  እንዲቆዩ መመሪያ የሰጡ ሲሆን የትራንስፖስት አገልግሎቶች ዝግ ሆነው ውለዋል። ይህ አደጋ የደረሰው በፓሪሱ የሽብር ጥቃት ላይ ተሳትፏል የተባለው ሳላህ አብዱሰላም በቤልጅየም ፖሊሶች ተያዘ በተባለ በአራተኛው ቀን ሲሆን አሸባሪ የበቀል እርምጃ ሊወሰዱ ይችላሉ ከሚል ግምት ፖሲሶች  ከፍተኛ የጸጥታ ጥበቃ ሲያደርጉ መሰንበታቸው ታውቋል። የቤልጀየም መንግስት የጸጥታውን ጥበቃ ሁኔታ ወደ አንደኛ ደረጃ ከፍ በማድረግ ሙሉ ጥበቃ እየተደረገ መሆኑ ታውቋል።

Ø እንደ አውሮፓ አቆጣጠር ከ2011 እስከ 2015 ዓም ድረስ  2007 ባሉት የአምስት አመት ጊዜ ውስጥ የናይጀሪያ የነዳጅ አምራች ኩባንያ ለመንግስት ማስገባት የነበረበትን 25 ቢሊዮን ዶላር ያላስተላለፈ መሆኑን ጉዳዩን የሚመርምረው አካል ገልጿል። ከአንድ ሳምንት በፊት የናይጀሪያ ኦዲተር ጄኔራል በፈርንጆቹ ዓመት በ2014 ብቻ 16 ቢሊዮን ዶላር ከነዳጅ የተገኘ ገንዘብ የጠፋ መሆኑን አስታውቆ ነበር። በናይጄሪያ ህግ መሰረት የነዳጅ አምራች ኩባንያው የሚያገኘውን ገንዘብ ለመንግስት ማስረከብ ያለበት ሲሆን ይኽም ገንዘብ ከመንግስቱ በጀት ውስጥ ከፍተኛ ድርሻ እንዳለው ይታወቃል። ባሁኑ ወቅት የነዳጅ ዋጋ በጣም በመውረዱ ምክንያት የናይጀሪያ መንግስት ከፍተኛ የበጀት እጥረት እንዳጋጠመው ይነገራል።

Ø በቅርቡ በጊኒ ደበባዊ ክፍል በኢቦላ ቫይረስ የተጠቁ አራት ሰዎች መሞታቸው የሚታወቅ ሲሆን  ከበሽተኞቹ ጋር ግንኙነት አድርገዋል ተብለው የተጠረጠሩ ቁጥራቸው ከ800 በላይ የሚሆኑ ሰዎች በልዩ የምርመራ ጣቢያ ለሶስት ሳምንታት እንዲቆዩ የተደረገ መሆኑን በአገሪቱ በሽታውን ለመቋቋም የተፈጠረው አስተባባሪ አካል ቃል አቀባይ ገልጿል።  በሶስት ዓመት ጊዜ ውስጥ በሽታው በሶስት የምእራብ አፍሪካ አገሮች ብቻ ከ11 000 ሰዎች በላይ መግደሉ አይዘነጋም።

Ø ትናንት መጋቢት 12 ቀን በአልጄሪያ ደቡብ ምስራቅ በሆነውና ከቱኒዚያ ጋር ወሰን ቅርብ ከሆነው ኡኤድ ሱፍ ከተባለ ከተማ አቅራቢያ የጸጥታ ኃያሎች በአሸባሪነት የጠረጠሯቸውን ስድስት ሰዎችን የገደሉ መሆናቸው ገልጸዋል። በርካታ መሳሪዎች እና ጥይቶች እንዲሁም የተለያዩ ወታደራዊ መኪናዎች መማረካቸውም ተገልጿል።

በተመሳሳይ ዜና በማሊ ዋና ከተማ ባማኮ ውስጥ በሚገኘው የአውሮፓ ህብረት ወታደራዊ  ማሰልጠኛ ተቋም እንደ ዋና መስሪያ ቤት በሚጠቅምበት ሆቴል ውስጥ ታጣቂዎች ጥቃት ፈጽመው የነበረ ሲሆን ከጸጥታ ኃይሎች ጋር በተደረገ የተኩስ ልውውጥ አንድ ግለሰብ ሲገደል ሌሎች ሶስት ግለሰቦች ያመለጡ መሆናቸው ተዘግቧል።  

መጋቢት 12 ቀን 2008 ዓ.ም.

Ø የወያኔ ቡድን መሪዎች የወልቃይት ጠገዴ ሕዝብ ያነሳውን የማነንት ጥያቄ አስተባብረሃል መርተሃል በማለት አቶ ሲሳይ ብርሃኔ የተባለ ወጣትና የልጆች አባት በወያኔ የደህንነት ኃይሎች ታፍኖ መወሰዱን ተከትሎ በዳንሻ ከተማ ከፍተኛ ውጥረትና ውዝግብ መነሳቱ ተሰምቷል። ከቀናት በፊት ታፍኖ የታሰረው ወጣት ሲሳይ በወልቃይት ጠገዴ ሕዝብ እንቅስቃሴ ተሳታፊ በመሆኑ የተረዳው ሕዝብ ወደ ዳንሻ ከተማ በመሄድ ወጣቱ እንዲፈታ ሲጠይቁ የወያኔ ባለሥልጣናት ወደ ከተማው ነፍሰ ገዳይ ጦራቸውን በማስገባታቸው ምክንያት ውጥረቱ እየሰፋ የመጣ ሲሆን ወደ ዳንሻ የሚያስገቡ ሆነ የሚያስወጡ መንገዶች የተዘጉ መሆናቸው ታውቋል። የወልቃይት ጠገዴ ሕዝብ ትግልን ለማገዝ ከአርማጭሆ ድረስ በዛ ያሉ ሰዎች መጥተው መቀላቀላቸው ተነግሯል። የዳንሻ ከተማ ኃላፊዎች ፖሊስችንና ሚሊሻዎችን ከትግራይ እያስገቡ መሆናቸውና በአንዳንድ የከተማዋ ክፍሎችም የተኩስ ድምጽ ይሰማ እንደነበር ከአካባቢው የተገኝው ዜና ይገልጻል። የወጣት ሲሳይ ብርሃኔ ታፍኖ መወሰድና የወያኔ ጦር  የትግራይ ፖሊስና ሚሊሺያ ወደ ዳንሻ ከተማ መግባት ወትሮም ተወጥሮ የነበረውን የወልቃይትን ሕዝብ የማንነት ጥያቄ ይበልጥ እንዳጦዘውና እንዳከረረው ተገልጿል።

Ø በኢትዮጵያ በአራቱም ማዕዘናት የተነሱት ሕዝባዊ ተቃውሞዎች ምንጫቸው ዘረኛነትና አምባገነን አገዛዝ መሆኑ ግልጽ ሆኖ እያለ የወያኔ መሪዎች ምንጩ የመልካም አስተዳደር ችግር ነው በማለት ሕዝብን ለማታለል እየሞከሩ ሲሆን ሰሞኑን ደግም ለጠፋው ህይወትና ንብረት ተጠያቂ ላለመሆን ኃላፊነቱን በኦህዴድ ካድሬዎች ላይ እየጫኑ ይገኛሉ። የኦህዴድ ሥራ አስፈጻሚ ኮሚቴ ሰሞኑን ተፈጽሞ በርካታ ካድሬዎች ተጠያቂ መሆናቸውን አስታውቋል። የኦሮሞ አካባቢዎችና ከተሞች በሙሉ በደብረጽዮን በሚመሩ የደህንነት ሰዎችና በሳሙራ ዩኒስ በሚታዘዙ ወታደሮች ቁጥጥር ስር መውደቁ የሚታወቅ ሲሆን የኦህዴድ ስብሰባ ላይ በመካከለኛ የሥልጣን እርከን ላይ ያሉ ሹመኞችና ካድሬዎች ተጠያቂ ይሆናሉ ተብሏል። የተባሉት  ባለሥልጣናትና ካድሬዎች በቅርቡ ቅጣታቸውን እንደሚቀበሉም ተገልጿል። የወያኔው ኦህዴድ ጠቅላላ ጉባዔ በቅርብ እንደሚጠራ የተነገረ ሲሆን በሕዝባዊ ተቃውሞና ቁጣ ለጠፋው ህይወት ለወደመው ንብረት ተጠያቂ የተባሉት ላይ የቅጣት እርምጃ ይወስዳል ተብሎ ይጠበቃል። አንደ አንዳንድ የኦህዴድ ምንጮች ከሆነ ጠቅላላ የኦህዴድ  ጉባዔ ወደ እስር ቤት የሚልካቸው መካከልኛ ስልጣን ላይ ያሉ ኃላፊዎችንን ካድረዎች እንደሚኖሩ በእርግጠኛነት በመናገር የወይኔ መሪዎች ግን ከደሙ ንጹህ ተብለው ላጠፉት ህይወት ላወደሙት ንብረት ሳይጠይቁ የአንድ ዘር አምባገነን አገዛዛቸው ለመቀጠል ማሰባቸውን ይገልጻሉ።

Ø የወያኔ መሪዎች የኢትዮጵያ ሕዝብ ሀብትና ንብረት የነበሩትን በሙሉ ለንግድ ሸሪኮቻቸውና ለባዕዳን ቸብችበው ከጨረሱ ወዲህ አሁን በአገዛዛችው አስራ አንደኛ ሰዓት ላይ አራት ግዙፍ ድርጅቶችን በጨረታ ለመሸጥ ማቀዳቸው ታውቋል። እነዚህ አራት ድርጅቶች የብሔራዊ ትንባሆ ድርጅት፤ የኢትዮጵያ ቆርኪና ጣሳ ፋብሪካ፤ የባህር ዳር ጨርቃጨርቅ ፋብሪካና የኮምቦልቻ ጨርቃ ጨርቅ ፋብሪካ መሆናቸው ተነግሯል። ድርጅቶቹን ወደ ግል ይዞታ ለማዞር በሀራጁ ገብያ ገዥ ካልተገኘ በድርደር ለመሸጥም መታቀዱ ተገልጿል። እንደ ወያኔ መሪዎችና ባለሥልጣናት አባባል ከሆነ ድርጅቶቹን በጨረታ ለመግዛት ፍላጎት የነበራቸው ስምምነት ላይ መድረስ ስላልተቻለ በድርድር ለመሸጥ ሙከራ እየተደረገ ነው። የወያኔ መሪዎች ስልጣን ከያዙበት ጊዜ ጀምሮ ከ 371 በላይ የሀገርና የሕዝብ ንብረት ቸብችበው ከ 24 ቢሊዮን ብር በላይ ማሰባሰባቸው ሲታወቅ ከተሸጡት ውስጥ 28ቱ ገዥዎች አሁንም ድረስ ዕዳ ያለባቸውና የግዥውን ገንዘብ አለመክፈላቸው ወይንም በከፊል ከፍለው ዕዳ ያልጨረሱ መሆናቸው ተገልጿል።  

Ø እሁድ መጋቢት 11 ቀን 2008 ዓም ከ2000 በላይ የሆኑ  የእስራኤል ዜግነት ያላቸው ትውልደ ኢትዮጵያውያን በኢየሩሳሌም ከፍተኛ የተቃውሞ ስልፍ ማድጋቸው ታውቋል። ቤተ እስራኢሎችን ያስቆጣውና የተቃውሞ ስልፊ እንዲያካሂዱ ምክንያት የሆናቸው ጉዳይ ቀደም በዚህ ዓመት ህዳር ወር ላይ የእስራዔል መንግስት በኢትዮጵያ የቀሩ ዘመዶቻቸው መምጣት እንዲፈቀድላቸው የወሰነውን ውሳኔ አሁን በመጋቢት ወር የበጀት እጥረትን እንደምክንያት በመስጠት እንዲቀለበስ በማድረጉ ነው። ሰልፈኞቹ “ስቃዩ ይቁም፤ አድልዎ ይቁም፤ ዘረኝነት ይቁም፤ ኢትዮጵያ የሚገኙት ዘመዶቻችን ባስቸኳይ እንዲመጡ ይደረግ” የሚሉ መፈክሮችን ያሰሙ እንደነበር ታውቋል። አንዳንዶቹ ከሃያ ዓመት ጥረት በኋላ እናትና አባታቸው ማስመጣት ያልቻሉ መሆናቸውን ገልጸው ከፈረንሳይ፤ ከአሜሪካ እና ከሩሲያ አለምንም ችግር እንዲመጡ ሲደረግ ከኢትጵያ እንዳይመጡ መከልከሉ ዘረኛነት ምን ያህል ስር የሰደደ መሆኑን ያሳያል በማለት ተናግረዋል። በእስራኤል አገር ከ 135 ሺ በላይ የእስራኤል ዜግነት ያላቸው ትውልደ ኢትዮጵያውያን የሚገኙ ሲሆን አብዛኞቹ ከኢትዮጵያ የተወሰዱት ከ1976 እስከ እስከ 1983 ዓም ባለው ጊዜ ውስጥ ነው።

Ø ትናንት መጋቢት 11 ቀን 2008 በቤኒን በተደረገው ብሔራዊ ምርጫ በመጀመሪያ ዙር የተሰበሰቡትን የድምጽ ካርዶች ቁጥር መሰረት በማድረግ  የአገሪቱ ጠቅላይ ሚኒስትር ሊዮኔል ዚንሱ መሸነፋቸውን አምነው ለተቀናቃኛቸው የእንኳን ደስ አለህ መልክት በቴሌፎን  የገለጹላቸው መሆኑ ተነግሯል። ሊዮኔል ዚንሱ ፈረንሳይ አገር የተወለዱ የታወቁ የባንክ ኢንቨስተር ሲሆኑ የጠቅላይ ሚኒስትርነቱን ቦታ የወሰዱት ባለፈው ዓመት ነበር። በትናንቱ ምርጫ ጠቅላይ ሚኒስትር ሆነው የተመረጡት ፓትሪስ ታሎን በንግዱ ዓለም ተሰማር ሲሆን በአገሪቱ ላይ ከፍተኛ ለውጥ ያመጣሉ ተብሎ ይጠበቃል። የቢኒን የምርጫ ኮሚሽን በሚቀጥሉት ጥቂት ቀናት በይፋ አሸናፊውን የሚገልጽ መሆኑ ተነግሯል።  

በተመሳሳይ ዜና ትናንት በተደረገው  በዛንዚባር በተደረገው ምርጫ ሲቪክ ዩናይት ፍሮንት የተባለው የተቃዋሚው ፓርቲ በምርጫ ያልተሳተፈ ቢሆንም  የታንዛኒያ ገዥ ፓርቲ ተወካይ 91 ከመቶ የሚሆነው ድምጽ በማግኘት አሸናፊ ሆኗል ተብሏል። በኬፕ ቨርዴ ደሴትም ከአስራ አምስት በኋላ ተቃዋሚው በምርጫው ያሸነፈ መሆኑ ተገልጿል።

Ø ዛሬ መጋቢት 12 ቀን 2008 ዓም ንጋት ላይ በሶማሊያ ከሞጋዲሾ 40 ኪሎሜትር ርቀት በሚገኘው ላንታ ቡሮ በተባለቸው ከተማ በአንድ የመንግስቱ ጦር ሰፈር ላይ የአልሸባብ ታጣቂዎች ወረራ አካሂደው ጉዳት ያደረሱ መሆናቸውን የዜና ምንጮች ዘግበዋል። አልሸባብ በራዲዮ እና በኢንተርኔት ባሰራጨው ዜና በጥቃቱ 73 የመንግስት ወታደሮችን መግደሉንና ወታደራዊ ካሚዮኖች መሳሪያና ጥይቶች  እንዲሁም ሰባት በመኪና ላይ የሚጫኑ ከባድ አውቶማቲ መትረየሶች የማረከ መሆኑን ገልጿል።  የሶማሊያ መንግስት ቃል አቀባይ ወረራው የተካሄደ መሆኑን ቢያምንም ስለደረሰው ጉዳይ መግለጫ ካለመስጠቱ ሌላ አጥቂዎቹ በርካታ ጉዳት እንደደረሰባቸውና ወደመጡበት እንድያፈገፍጉ መደረጋቸውን ገልጿል። ቀድም ብሎ አልሸባብ በአፍሪካ ህብረት ሰላም አስከባሪ ኃይል እና በሶማሊያ ወታደሮች ጦር ሰፈሮች ላይ ወራዎች ማካሄዳቸውና ጉዳት ማድረሳችው አይዘነጋም። አልሸባብ የዛሬውን ጥቃት የፈጸመው ትናንት  መጋቢት 11 ቀን 2008 ዓም አንድ  የኬኒያ ወታደራዊ ተቋም ቃል አቀባይ በሳምንቱ መጨረሻ በሶማሊያ ውስጥ በሁለት የተለያዩ ቦታዎች የኬኒያ ወታደሮች የአልሸባብን ጥቃት መመለሳቸውና በርካታ የአልሽብብ ወታደሮችን መግደላቸውን የሚገልጽ መግለጫ ከሰጠ በኋላ ነው።  

መጋቢት 10 ቀን 2008 ዓ.ም.

Ø የወያኔ ቡድን መሪዎች በአልጠግብ ባይነት በኢትዮጵያ ያሉትን ባለሀብቶች ለማሰር ንብረታቸውን ለመውረስ የማይቆፍሩት ጉድጓድ የማይፈነቅሉት ድንጋይ የሌለ ሲሆን ሰሞኑን ከ15 ዓመት በፊት ወደ ሀገር ውስጥ ሸቀጥ ያስገቡ ነጋዴዎችን በወቅቱ የጉምሩክና የገቢዎች ቀረጥ አልከፈላችሁም በማለት ክስ ለመስረትና ንብረታቸውን ለመውረስ ዝግጅት መጨረሳቸው ታውቋል። በዚህ የስም መዝገብ ውስጥ በዋናነት ወያኔ በሙስና ሽፋን ክስ የመሰረተበትና ከሀገር ኮብልሎ የሚገኘው የጌት አሶ ድርጅት ባለቤት ጌቴ ገለቴ እንዳለበትና በ35 ሚሊዮን ብር ተጨማሪ ክስ እንደሚመሰረትበት የገቢዎችና የጉምሩክ ምንጮች አጋልጠዋል። ባለሀብቱ ጌቱ ገለቴ ከሀገር ሸሽቶ ቢወጣም ከእርሱ ድርጅት ጋር ሰርታችኋል በተባሉ አስራ አራት አስመጭዎች ላይ ተመሳሳይ ክስ ለመመስረት ቅድመ ዝግጅት መጠናቀቁ ታውቋል። የወያኔ መሪዎች በኢትዮጵያ ውስጥ የፖሊቲካ መሪ፤ የኢኮኖሚ ዘዋሪ፤ ወታደራዊ አዛዥ፤ ሀብታም ነጋዴ፤ የአንድ ዘር የበላይነትን የሚያነግሰውን ዘረኛነትን እንደ ቅኝ ገዥ ፖሊስ ማራመድ መርህ አድርገው መንቀሳቀስ ከጀመሩ ወዲህ  ውዲህ የትግራይ ተወላጅ ካልሆኑ በስተቀር ሌሎች ነጋዴዎች ሱቃቸው ሲወስድ ግብራቸው ሲበዛ እያየን ነው የሚሉ ወገኖች እንደ ዜጋ በሀገር የመስራትና የመነገድ መብትን ለማስከበር እስካልቻልን ድረስ የወያኔ ዘረኛ ተግባር ቀጣይ ነው ይላሉ።

Ø የወያኔ ስርቆትና ሌብነት ቅጥ እያጣ ከመጣ ጀምሮ መሪዎቹ ዘረፋን መንግስታዊ መልክ እየሰጡት መምጣታቸው የሚታወቅ ነው። አገዛዙ በቅርቡ የኮንዶሚኒየም ቤት ቆጠራ ይደረግ በማለት በጀመረው ማጣራት በቆጠራው የወያኔ አባል ወይንም የትግራይ ተወላጅ በመሆናቸው የኮንዶሚኒየም ቤት ዕጣ ሳይወጣላቸው በር ሰብረው የገቡና የአገዛዙን ባለስልሥልጣኖች የተማመኑ በብዛት መገኘታቸው ብዙም ሳያጠያይቅ የኮንዶሚኒየም ህንጻ መጥፋት ግን አነጋጋሪ ሆኗል። በወረቀትና በፕላን ላይ ቦታ ተሠራ የተባለ ህንጻ በቦታው ላይ የሌለ ሲሆን ለአጣሪዎቹና ለቆጣሪዎቹ ዱብ ዕዳ ሆኗል። የሌለው ህንጻ ቁጥር የተሰጠው የኮንዶሚንየም ክፍሎቹም ብዛት የተገለጸበት  መረጃ በግልፅ ቢኖርም በመሬቱ ላይ ግን ህንጻው ሊገኝ አልተቻለም። የወይኔ ባለሥልጣኖች ቆጣሪዎችና አጣሪዎች ህንጻ ጠፋ የሚለውን መረጃ እንዲያዳፍኑ መመሪያ እንደተሰጣቸው ታውቋል። የሕንጻው መጥፋት የሚያሳየው ቀድሞው ህንጻው እንደተሰራ ተደርጎ መቅረቡና ለህንጻው ተብሎ የወጣው ወጭ በወያኔ ባለሥልጣናት መዘረፉን ነው። ግንባታውን ታቅዶ ሳይሰራ በቀር ጊዜ መረጃውንና ሰነዱን አለመሰራቱን መግለጽ ሲገባው የወያኔ ባለስልጣናት ህንጻው እነደተስራ አድርገው ገንዘብ እንደበሉት ሲገልጹ ሙስና ሌብነትና ዝርፊያ በዓይን ባወጣ መልኩ የወያኔ አገዛዝ መለያ ሆኗል ተብሏል።

Ø የወያኔ ቡድን መሪዎች በሀሰተኛ ክስና በፈጠራ ወንጀል ከሰዋቸው አንድ ዓመት ከሁለት ወር በስቃይ እስር ቤት ውስጥ የነበሩት የመኢአድ ም/ ፕሬዚዳንት  አቶ ዘመነ ምህረቱ ከእስር ቤት ተፈተዋል። አቶ ዘመነ ከሽብርተኛነት ጀምሮ ተራ ወንጀልን ያጠቃለለ ክስ ተመስርቶባቸው ከአስራ ስምንት ጊዜ በላይ ፍርድ ቤት ተመላልሰው ክሳቸው በሽበረተኛነትም ሆነ በሻዕቢያ ተላላኪነት የማያስከስሣቸው ሆኖ በመረጋገጡ በዋስ እንዲወጡ ተወስኖ በዋስትና ከጠባብ እስር ቤት መጥተው ወደ ሰፊው እስር ቤት ተመልሰዋል። ከእርሳቸው ጋር አብረው የታሰሩት የመኢአድ የወጣቶች ጉዳይ ኃላፊ መለስ መንገሻና የመኢአድ አባል አቶ ጌትነት ደረሰ አሁንም በእስር ላይ መሆናቸው ታውቋል።

በሌላ በኩል ደግሞ የኦሮሞ ብሔራዊ ኮንግሬስ ከፍተኛ አመራር የሆኑት አቶ በቀለ ገርባ ምርመራ አላላቀም በሚል ሰበብ ተጨማሪ ቀነ ቀጠሮ ተሰጥቷቸዋል። የወያኔ ፖሊስ የምርመራ ጊዜ በማለት ተጨማሪ 8 ቀን በመጠየቁ የወያኔው የፖሊቲካ ፍርድ ቤትም በመፍቀዱ እነ በቀለ ገርባ አሁንም በእስር እንዲቆዩ ተድርጓል። አቶ በቀለ ገርባ በመላ ኢትዮጵያ የተነሳውን ሕዝባዊ ተቃውሞ መርተሃል፤ አስተባብረሃል ተብለው መከሰሳቸው የሚታወቅ ሲሆን ጠበቃቸውን እንዳያናግሩ ተከልከልውና በተጨናነቀ እስር ቤት ኢሰብአዊ በሆነ ሁኔታ ውስጥ እንደሚገኙ ተገልጿል።

Ø የወያኔ የጡት አባ የሚባሉት የዓለም ባንክና የዓለም የገንዘብ ድርጅት የወያኔ አገዛዝ በፖሊቲካ ቀውስ ሲጦዝና በኢኮኖሚ ምስቅልቅል ሲንገላታ የገንዘብ ካዝናቸውን በመክፈት በብደር ስም ከፍተኛ መጠን ያለው ገንዘብ በኢትዮጵያ ስም ሲያስታቅፉት እንድነበር ይታወሳል። አገዛዙ በቅርቡ የገጠመውን ከፍተኛ የወጭ ምንዛሬ ዕጥረት ለመቅረፍ እንዲችልም ዓርብ መጋቢት ዘጠኝ ቀን 2008 ዓም የ33 ሚሊዮን ዶላር የብድር ስምምነት ከዓለም ባንክ ጋር አዲስ አበባ ውስጥ ተፈራርሟል። ስምምነቱ የወያኔ የገዘብና የኢኮኖሚ ኮርፕሬሽን ሚኒስትር አህመድ ሰዒድ ሲፈርመው በዓለም ባንክ በኩል የዓለም ባንክ የአካባቢው ተወካይ ካርላይን ቱርክ ፈርመዋል። እንተለመደው ሁሉ ገንዘቡ ለሕዝብ ጤና፤ የትምህርትና የእርሻ አገልግሎት እንዲሁም ለንፁህ የመጠጥ  ውሃ ልማት ይውላል ይባል እንጅ በርካታው ገንዘብ በየምክንያቱ  በወያኔ ካዝና በኩል ወደ ውጭ ወጥቶ እንደሚቀመጥ ይታወቃል። የወያኔ መሪዎች በኢትዮጵያ ስም በመቶ ቢሊዮን የሚቆጠር ገንዘብ በመበደርና በመዝረፍ መጭውን ትውልድ ባለዕዳ በማድረግ የራሳቸውን የሀብት ክምችትና ድሎት እየገነቡ መሆናቸውን በርካታ ዜጎች ያውቁታል።

Ø ዛሬ መጋቢት 10 ቀን 2008 ዓም በቱርክ ኢስታንቡል ከተማ የገበያ ቦታ አካባቢ አንድ አጥፍቶ ጠፊ ባፍነዳው ቦምብ ቢያንስ አምስት ሰዎች የተገደሉ መሆናቸውንና ከሃያ በላይ ሰዎች መቁሰላቸውን ባለስልጣኖች ገልጸዋል። ባለፈው እሁድ በዋና ከተማዋ በአንክራ ታክ በተባለው የኩርድ ታጣቂ ቡድን በተፈጸመው  ተመሳሳይ የቦምብ ጥቃት  37 ሰዎች መገደላቸው ይታወሳል።  እንዲሁም ባለፈው ወር በአንድ ወታድራዊ ኮንቮይ ላይ የታቃጣው የቦምብ አደጋ 28 ሰዎች መግደሉ አይዘናጋም። ባለፈው ዓመት በቱርክ መንግስት እና ፒኬኬ በተባለው የኩርድ አማጽያን ድርጅት መካከል ተደርጎ የነበረው የተኩስ አቁም ስምምነት ከፈረሰ በኋላ 340 የሚሆኑ የቱርክ የጸጥታ ኃይል አባሎች ሲገደሉ 300 የሚሆኑ የኩርድ ተዋጊዎችና እንዲሁም 200 የሚሆኑ ሰላማዊ ሰዎች ተገድለዋል ተብሏል።

Ø ከአራት ውራት በፊት በፓሪስ በተለያዩ ቦታዎች በተሰነዘሩት ጥቃቶች 130 ስለማዊ ሰዎች መገደላቸውና   ከ100 በላይ መቁሰላቸው የሚታወቅ ሲሆን በጥቃቱ ላይ ተሳታፊ የነበረውና በቤልጀምና በፈረንሳይ የጸጥታ ኃይሎች በጥብቅ ሲፈለግ የነበረው ሳላህ አብዱሰላም የተባለው ግለስብ በትናንትናው ዕለት ቤልጂየም ውስጥ በጸጥታ ኃይሎች በተተኮሰ ጥይት እግሩ ላይ ተመቶ ተይዟል። በጸጥታ ኃይሎች ሲፈለግ የነበረ አንድ ግለሰብ አብሮ የተያዘ ሲሆን ሳላህ አብዱሰላምን አስጠግታችሁ ደብቃችኋል በሚል የተከሰሱ ሶስት የቤተ ሰቡ አባላት አብረው የተያዙ መሆናቸው ተገልጿል።  በላፈው ማክሰኞ በሌላ ቀበሌ የአብዱ ሰላም አሻራ በመገኘቱ በአካባቢው አሰሳ ተካሄዶ የነበረ ሲሆን ግለሰቡ በመሸሽ ላይ እያለ በተደረገው ክትትል ለረጅም ጊዜ ሲኖርበት ከነበረው ቦታ 500 ሚትር ርቀት ላይ በጥይት እግሩ ላይ ቆስሎ ሊያዝ ችሏል። የፈረንሳዩ ፕሬዚዳንት ሆላንድ ሳላህ አብዱሰላም በመያዙ  ድል የተገኘ መሆኑን ገልጸው በሽብረተኛነት ላይ የሚካሄደው ውጊያ ግን በዚህ አያበቃም ብለዋል።

Ø ባለፉት ሶስት ወራት በብሩንዲ ዜጎችን በገፍ ይዞ ማሰር እየተካሄደ መሆኑንና እንዲሁም የተያዙትን  በምርመራ ማሰቃየት ከጊዜ ወደ ጊዜ እየጨመረ መምጣቱን የተባበሩት መንግስታት ድርጅት የሰብአዊ መብት ኮሚሽን ሃላፊ ገልጸዋል። ኃላፊው ሚስተር ዘኢድ ራአድ አል ሁሴን ለተመድ የጸጥታው ምክር ቤት በሰጡት መግለጫ በአገሪቱ ውስጥ ያለው ሽብር ከመጠን በላይ ሆኖ የሚገኝ መሆኑን ባጭሩ ካልተቀጨ ወደ አጠቃላይ ቀውስ ሊያድግ የሚችል መሆኑን አብራርተዋል።  የሰብአዊ መብት መጣስና ወንጀለኞች ለድርጊታቸው ተጠያቂ ሳይሆኑ የሚቀሩበት ሁኔታ እየቀጠለ መሄዱ የብሩንዲ ዜጎች በከፍተኛ ፍርሃት ውስጥ መኖራቸውን ያረጋግጣል ብለዋል።  በአገሪቱ ውስጥ በዜጎች ላይ በርካታ ቶርቾርችና ማጉላላት እየተፈጸሙ መሆናቸውን የሚገልጹ ዘገባዎች እንደሚደርሷቸው ገልጸው በቅርቡ ወደ አገሪቷ የሄደው የተመድ ልዕክ በአንድ እስር ቤት ውስጥ ካነጋገራቸው መካከል ከግማሽ በላይ የሚሆኑት በመርመራ ከፍተኛ ድብደባና የአካል ጉዳት እንደደረሰባቸው ነግረዋቸዋል ብለዋል።

Ø መጋቢት 9 ቀን   ለ 10 አጥቢያ  ከሌሊቱ 10 ሰዓት  ላይ አንድ ከዱባይ ወደ ደቡብ ሩሲያ ሲበር የነበረ ቦይንግ 737 የመንገደኞች አውሮፕላን በደቡብ ሩሲያ ግዛት ሮስቶቭ ኦን ዶን በተባለችው ከተማ አውሮፕላን ጣቢያ ለማረፍ ሙከራ በሚደርግበት ወቅት ወድቆ በመከስከሱ በውስጡ የነበሩት 55 ተሳፋሪዎችና 7  የአውሮፕላኑ ሰራተኞች በሙሉ መሞታቸው ታውቋል። የአደጋው ምክንያት  ምን እንደሆነ ለጊዜው ባይታወቅም መጥፎ የአየር ሁኔታ ወይም የቲክኒክ ብልሽት ሳይሆን አይቀርም የሚል ግምት ተሰጥቷል። ከሞቱት መካከል አራቱ ህጻናት ሲሆኑ አብዛኞቹ የሩሲያ ዜጎች መሆናቸው ተገልጿል። የአውሮፕላኑ የመረጃ ሳጥኖች የተገኙ ሲሆን ምርመራው የሚቀጥል መሆኑን የሩሲያ ባለስልጣኖች ገልጸዋል።   

መጋቢት 9 2008 ዓ.ም.

Ø ከምዕራብ አፍሪካ ጠፍቷል በሚል ከአለም የጤና ፕሮግራም የምስክርነት ቃል በተሰጠው በሶስት ወር ውስጥ  የኢቦላ በሽታ በጊኒ የተገኘ መሆኑ ተገለጸ። በአሁኑ ወቅት በሽታው የተከሰተው ከአምስት አመት በፊት በሽታው በጀመረበት በአገሪቱ ደቡባዊ ግዛት ኢንዘረኮሬ በተባለው አካባቢ ሲሆን  የአንድ ቤተ ሰብ አባላት የሆኑ ሶስት ሰዎች በበሽታው መሞታቸው ታውቋል። በጊኒ በሲየራ ሊዮን እና በላይቤሪያ በአምስት ዓመት ጊዜ ውስጥ በሽታው ከ11 300 ሰዎች በላይ መግደሉ የሚታወቅ ሲሆን አሁን የተከሰተው በሽታ በአጭር ጊዜ ውስጥ ወደሌሎች ቦታዎች እንዳይስፋፋ ከፍተኛ ስጋት አለ።

Ø ዛሬ መጋቢት 9 ቀን 2008 ዓም በአልጀሪያ የሚገኙ እስላማውያን አክራሪዎች በአገሪቱ ደቡባዊ ግዛት የሚገኘውን አንድ የጋዝ ኩባንያ በተመዝግዛጊ ሚሳየል ያጠቁ መሆናቸው ከአካባቢው የተገኘው ዜና ይገልጻል። በሮኬቱ ጥቃት የሞተ ወይም የቆሰለ ሰው የሌለ መሆኑንም ተነግሯል። ኩባንያው ሶናትራች በተባለ በአልጄሪያ ኩባንያ በእንግሊዙ ቢፒ እና ስታቶል በተባለ የኖርዌይ ኩባንያ በጋራ የሚንቀሳቀስ ነበር።

Ø በናይጀር በሁለት ቦታዎች እስላማውያን ታጣቂዎች ባካሄዷቸው ጥቃቶች አራት ወታድሮች ሲገደሉ ሶስት ሌሎች የቆሰሱ መሆናቸው የናይጀር የአገር ውስጥ ጉዳይ ሚኒስትር ለጋዜጠኞች በሰጡት መግለጫ ገልጸዋል።  አልካይዳ በኢስላሚክ ማግረብ የሚባለው የአልካይዳ ቅርንጫፍ ናይጀርን ከቡርኪና ፋሶ በሚያዋስነው አካባቢ ባለ አንድ የገበያ ቦታ ላይ ባካሄደው ጥቃት ሶስት ፖሊሶችን የገደለና አንድ ፖሊስ ያቆሰለ መሆኑ ተዘግቧል። ለተወሰነ ጊዜ  ከፖሊሶች ጋር በተደረገ የተኩስ ልውውጥ  አጥቂዎቹ መሸሻቸው የታወቀ ቢሆንም ስለደረሰባቸው ጉዳት የተገኘ መረጃ የለም። በናይጀር እና በናይጄሪያ ወሰን ደግሞ አራት አጥፍቶ ጠፊዎች በአንድ ወታደራዊ ኮንቮይ ላይ ባካሄዱት ጥቃት የቡድኑ መሪ መኮንን ሲገደል ሌሎች ሁለት ወታደሮች የቆሰሉ መሆናቸውን ሚኒስትሩ ጨምረው አብራርተዋል። አምስተኛዋ አጥፍቶ ጠፊ የያዘችውን ፈንጅ ከማፈንዳቷ በፊት በቁጥጥር ስር ውላለች ተብሏል። በሚቀጥለው እሁድ በናይጀር ሁለተኛ ዙር ጠቅላላ ምርጫ ለማካሄድ የታቀደ ሲሆን ተቃዋሚ ኃይሎች በምርጫው እንደማይሳተፉ ገልጸዋል። በመጀመሪያ ዙር ምርጫ በሁለተኛ ደረጃ ከፍተኛ ድምጽ ያመጡትና በአሁኑ ወቅት በስልጣን ላይ የሚገኙትን ፕሬዚዳንት ሊያሸንፉ ይችላሉ ተብለው የተገመቱት  ሃማ አማዶ ለተወሰነ ወቅት በቁጥጥር ስር እንዲውሉ መደረጋቸውና ለህክምና ወደ ፈረንሳይ አገር እንዲወጡት የተፈቀደላቸው መሆኑ አይዘነጋም።   

Ø በሊቢያ የአንድነት መንግስት እንዳይመሰረት እንቅፋት በሚፈጥሩ ግለሰቦች ላይ ማዕቀብ ለማድረግ በአውሮፓው ህብረት የወሰነውን ውሳኔ  ፈረንሳይ የምትደግፍ መሆኑን የፈረንሳይ የውጭ ጉዳይ ሚኒስትር ገለጹ። ሚኒስትሩ ይህንን የገለጹት በቱኒዚያ የሁለት ቀናት ጉብኝት ባደረጉበትና የሊቢያን ሁለት ተጻራሪ አስተዳደሮች ይተካል ተብሎ የሚጠበቀውን የአንድነት መንግስት መሪን አግኝተው ባነጋገሩበት ወቅት ነው። የአንድነት መንግስት ተብሎ በተመድ አስተባባሪነት የተቋቋመው መንግስት ያለው ቱኒዚያ ውስጥ ሲሆን እስካሁን ድረስ አገር ውስጥ ካሉት ሁለት ተጻራሪ መንግስታት ያገኘው ሙሉ ድጋፍ የለም። ትሪፖሊ ያለው መንግስት አባላት እና ተባባሪ የሚሊሺያ ተቋም የአንድነት መንግስቱ የውጭ ኃይሎችን ለማገልገል በውጭ ኃይሎች የተቋቋመ ስለሆነ ተቀባይነት የለውም በማለት ውድቅ አድረገውታል። በአገሪቷ ምስራቃዊ ግዛት ውስጥ ባለቸው በቶብሩክ ከተማ ውስጥ መሰረቱን አድርጎ የሚንቀሳቀሰውና ዓለም አቀፍ እውቅናና አግኝቷል የተባለው አካልም እስካሁን ድረስ ለአንድነት መንግስቱ በይፋ  የሰጠው ድጋፍ የለም። አንዳንድ አባላት የሚደግፉት ቢሆንም ሌሎች እንደሚቃወሙት ተነግሯል።

Ø ሰሜን ኮሪያ በዛሬው ቀን ሁለት ቦለስቲክ ሚሳየሎች የተኮሰች መሆኑ ተነግሯል። ሚሳየሎቹ 800 ኪሎ ሜትር ያህል የተጓዙ ሲሆን ባህር ውስጥ ወድቀዋል ተብሏል። ሰሜን ኮሪያ ሚሳየሎቹን የተኮሰቸው የአሜሪካ መንግስት በአገሪቱ ላይ ማዕቀብ እንዲደረገ በወሰነ በማግስቱ ነው። የአሜሪካው ፕሬዚዳንት ባራክ ኦባማ ለፕሬዚዳንቱ የተሰጠውን ስልጣን ተጠቅመው ባደረጉት ውሳኔ በአሜሪካ ውስጥ የሚገኘው የሰሜን ኮሪያ መንግስት ገንዘብ እንዳይንቀሳቀስ ያደረጉ ከመሆኑ በላይ ወደ ደቡብ ኮሪያ እቃዎች እንዳይላኩና በአገሪቱም ውስጥ ማንኛውንም ዓይነት መዋዕለ ንዋይ በማፍሰስ የንግድም ሆነ የኢንዱስትሪ ስራ እንዳይካሄድ አውጀዋል። ከሰሜን ኮሪያ ጋር የንግድም ሆነ የጥቅም ግንኙነት የሚያደርግ አሜሪካውም ሆነ የውጭ ዜጋ በወንጀለኛነት ተከሶ ለፍርድ የሚቀርብ መሆኑ ተገልጿል። ሰሜን ኮሪያ የተኮሰቻቸው ሚሳየሎች አሜሪካ ለወሰደችው ማዕቀብ መልስ ቢሆንም በአካባቢ ያሉትን አገሮች አሳስቧል። የጃፓኑ ጠቅላይ ሚኒስትር ድርጊቱን ከማውገዛችውም በላይ መንግስታቸው ከአሜሪካ እና ከደቡብ ኮሪያ ጋር በመምከር ማናቸውንም ዓይነት እርምጃ እንደሚወስድ ተናግረዋል። የአሜሪካን መንግስት ወታደራዊ ቃል አቀባይም ሰሜን ኮሪያ ከድርጊቷ እንድትታቀብ ጥሪ አድርገዋል።

Ø በዛሬው ቀን በኬኒያ ዋና ከተማ በናይሮቢ አንድ ከብሄራዊ ፓርክ ያመለጠ አንበሳ በአውራ መንገዶች ላይ በመዘዋውሩ መንገዶች ለትራፊክ ለረጅም ሰዓታት ዝግ ሆነው የቆዩ ሲሆን ባለመኪናዎች በሚነፉት ጥሩንባና በሚያሰሙት ጩኸት እንዲሁም ፎቶ ግራፍ ለማንሳት ሰዎች ባደረጉት መሯሯጥ የተቆጣው አንበሳ አንድ የ63 ዓመት አዛውንትን አጥቅቶ የአካል ጉዳት ያደረሰባቸው መሆኑን የዜና ምንጮች ዘግበዋል። ከተወሰን ጊዜ በኋላ የፓርኩ ሰራተኞች አንበሳውን  አረጋግተው  ሌላ ጉዳት ሳያደርስ ወደ  ወደ ፓርኩ እንዲመለስ ያደረጉት መሆኑ ተነግሯል።  ከዚህ በፊት በተለያዩ ጊዜያት ከፓርክ ያመለጡ አንበሶች በናይሮቢ መንገዶች የታዩ መሆናቸው ይታወቃል።

መጋቢት 8 ቀን 2008 ዓ.ም.

Ø ያለ ይሉኝታ ቆሞ የሚሄድ ውሸት መናገር ተፈጥሯቸው የሆነው የወያኔ መሪዎች ከፍለው በሚያቀርቧቸው ጋዜጠኞችና በኢትዮጵያ ላይ ቀስታቸውን በወጠሩ ግለሰቦች አማካኝነት የሚነዳው የውሸት ፕሮፓጋንዳ የወያኔ መሪዎች በተናገሩ ቁጥር አድማጩ ኢትዮጵያዊ ማፈር ጀምሯል። የወያኔ ቀንደኛ መሪ አርከበ እቁባይ ብሉምበርግ ለተባለው የአሜሪካን የዜና ወኪል በሰጠው ቃለ ምልልስ “በምግብ እህል ራሳችንን ችለናል ከአፍሪካ ተወዳዳሪ የሌለው እድገት እያስመዘገብን ነው” በማለት አፉን ሳያዳልጠው ዋሽቷል። የወያኔ አገዛዝ ራሱና የዓለም አቀፉ ኅብረተሰብ ከ15 ሚሊዮን በላይ ኢትዮጵያዊ የአስቸኳይ ጊዜ እርዳታ ፈላጊ ነው በሚሉበትና ለተጨማሪ ዕርዳታ 1.4 ቢሊዮን ዶላር ለኢትዮጵያ ረሃብተኞች ሲማጸኑ እየተሰሙ ባሉበት ወቅት የራሱ ጥጋብ ራሱን ያሳወረው የወያኔ መሪ አርከበ ኢትዮጵያ በምግብ እህል ራሷች ችላለች ብሏል። የኢትዮጵያ ሕዝብ በሥራ አጥነት ለስደት መከራ እየተጋለጠ እያለ ሕዝብ በኢኮኖሚ ተሻሽሏል ይለናል። ሥራ አጥነት በመላ ኢትዮጵያ መስፋፋቱን፤ ድህነት ቅጥ ማጣቱን፤ የሕዝብ ተስፋ መጥፋቱን፤ ራዕይ ባለመኖሩ ስደት መምረጡን አርከበ  የኢኮኖሚ ዕድገት ውጤት ነው ይለዋል። የወያኔ መሪዎች ዓለም ያወቀውን ፀሐይ የሞቀውን የኢትዮጵያን ሁኔታ በፕሮፓጋንዳ ለመሸፈን የሚናገሩት ንግግርና የሚያቀርቡበት መረጃ ሕዝብን ከመናቅና ከመጥላት የመነጨ መሆኑ በግልጽ የሚታይ ነው።

Ø የወያኔ አገዛዝ የራሱን ኪስ ለማደለብ  በሕዝብ ጤንነት ኪሳራ ላይ መስርቶ መንቀሳቀስ ከጀመረ ጊዜ ጀምሮ ከፍተኛ የገንዘብ መሰብሰቢያ ዜዴ ከሆኑለት አንዱ የኤች አይቪ ቫይረስን መከላከል እንደነበር ይታወቃል። አሁን ግን በአዲስ አበባ ከተማ ቫይረሱ በሰውነት ውስጥ መኖሩን ምርመራ ለማድረግ እንኳን አለመቻሉ ታውቋል። ለዚህ የሚሰጠው ምክንያት የኤች አይቪ ቫይረስ ምርመራ ማካሄጃ ወይም ቲስት ኪት በመጥፋቱ ነው። የኤች አይ ቪ ቫይረስ ጉዳይ አሁን ወሬው እየጠፋ ህመሙ ግን እየተስፋፋ እንደሚገኝ ይታወቅ እንጅ የቫይረሱን ስርጭትና መስፋፋትን ለመከታተልና መረጃ ለመሰብሰብ ግን አልተቻለም። አንዳንድ ሆስፒታል ውስጥ የሚሰሩ ዶክተሮች ወደ ህክምና ተቋማችው የሚመጣ ታካሚ በሚገባ ይመክርና ይመለሳል። ለኤች አይቪ ምርመራና ህክምና ግን አይታሰብም እስከማለት መድረሳችው የችግሩን አሳሳቢነት አሳይተዋል። አንዳንድ የሕክምና ባለሙያዎች የኤች አይ ቪ ቫይረስ በተስፋፋበት ወቅት በርካታ ምግባረ ሰናይ ድርጅቶች ከፍተኛ መጠን ያለው ገንዘብ ይለግሱ እንደነበረ በማስታወስ ዛሬም ወያኔ በሽታውን ለማስፋፋትና የእርዳታ ገንዘብ ለመሰብሰብ በኅበረተሰብ ጤነንት ላይ ቁማር እየተጫወተ ነው ይላሉ።

Ø የወይኔ ቡድን መሪዎች የተቀጣጠለውን ሕዝባዊ ተቃውሞና ቁጣ በግድያ በእስርና በድበድባ ማቆም ባለመቻላቸው ከሕዝብ ጋር ንግግርና ምክክር ማድረግ በሚል አዲስ የማዘናጊያ ዘመቻ ለመጀመር ዝግጁነታቸውን ጨርሰዋል። በዚህ መሠረት ከዛሬ ጀምሮ በአዲስ አበባ በተለያዩ ሠፈሮች ውስጥ ውይይት እንደሚጀመርና እስከ መጋቢ 30 ቀን 2008 ዓም እንደሚዘልቅ ለማወቅ ተችሏል፡፤ ከመጋቢት 8 ቀን 2008 ዓም ጀምሮ እስከ መጋቢት 30 ቀን 2008 ድረስ በሚቆየው በዚህ ውይይት ምክክር ላይ ከፋብሪካ ሠራተኞች፣ ከምሁራን፤ ከመንግስት መስሪያ ቤቶች ከግል ድርጅቶች፣ ከንግዱ ማኅበረሰብ እና ከመሳሰሉት ተቋማት አባላት ጋር  ምክክር እንደሚደረግና በወያኔ በዋናነት የተቀመጠው አጀንዳም በመልካም አስተዳደር እርምጃዎች ላይ እንደሆነ ተገልጿል። በተለያዩ አካባቢዎች በናሙና መልክ ተመርጠው ለምክክር የሚጠሩት ነዋሪዎች ወደ ሠፈራቸው ሲመለሱ ስለ ማደናገሪያ ስልቱ እንዲያወሩ ለማድረግ መታቀዱ ታውቋል። በቅርብ ከወያኔ መሪዎች ዋነኛው የሆነው ደብረጽዮን የመልካም አስተዳደር ፕሮጀግት ሳይሆን ሂደት ነው በማለት መናገሩና ዛሬ ካድሬዎች ስለ መልካም አስተዳደር ስብሰባና ምክክር በማለት ኅብረተስብን የሚያደናቁሩት የወያኔ አገዛዝ የሚያቃጭል የተቃውሞ እሳት መቀጣጠሉን በሚመለከት መሆኑ ታዛቢዎች ይናገራሉ።

Ø የአባይን ግድን አስመልክቶ የግብጽ መንግስት ከወያኔ ጋር ለአራት ዓመታት ያደረገው ውይይትና ድርድር መፍትሄ ባለማምጣቱ ግብፅ የአባይን ግድብ የሚከታተል አዲስ ሳተላይት ወደ ህዋ መላኳን የግብፅ የሳተላይት ባለስልጣናት ገልጸዋል። አዲስ ሳተላይት የውቀድሞውን ሳተላይ የሚተካና ከቀድሞ በተሻለ የአባይን ግድብ የሚከታተል ፎቶ የሚያነሳ ዘመናዊ መሳሪያዎች የተገጠሙለት መሆኑ ተገልጿል። ግብፅ ስለ አባይ ግድብ መረጃ ለማግኘት በማለት በግድብ ላይ ብቻ ያነጣጠረ ሳተላይት መተኮሱ ቢረጋገጥም በእርግጥ ሳተላይቱ ለሰላማዊ ኤንጂኔሪንግ ፕሮጅክት መከታተያ ነው ወይንስ ለወታደራዊ አገልግሎት ዝግጅት ማጣደፊያ በማለት የሚጠይቁ ወገኖች ብዙ ናቸው። የግብጹ አዲስ ሳተላይት ወደ ህዋው መምጠቅ በግብፅ የመገናኚያ ብዙኅን የመነጋገሪያ አጀንዳ ይሁን እንጅ የወያኔ አገዛዝ የሰጠው አስተያይት አልተመዘገበም።

Ø በሌላ በኩል ደግሞ በግብጽ በሱዳንና በወያኔ መሀል በተደረሰው ስምምነት መሠረት የአባይ ግድብ ቴክኒካል ጉዳዮች እንዲያጠኑ የተመረጡት ሁለት የፈረንሳይ ኩባንያዎች እስከአሁን ስራ ያልጀመሩ መሆናቸውን የግብፅ ባለሥልጣኖች ገልጸዋል። ጥናቱ የተራዘመው ግብፅና ወያኔ ባለመስማማታችው ስሆን በቅርብ ግን ሥራ እንደሚጀመሩና በበዘጠኝ ወራት ጊዜ ውስጥ እንደሚያጠናቅቁ የተገለጸ ሲሆን  ለሥራቸው ማካሄጃ ከወያኔ ከሱዳንና ከግብፅ የተውጣጣ 5 ሚሊዮን ዶላር የሚከፈላቸው መሆኑ ተዘግቧል።   

Ø የደቡብ አፍሪካ ፕሬዚዳንት ጃኮብ ዙማ ሙስና ውስጥ ተዘፍቀዋል፤ የመንግስታቸውን ስራ የሚያካሄዱት በዝምድና በጥቅም ላይ መሰረት በማድረግ ነው በሚል የተጋለጡ  ስለቀረበባችው ክስ በዛሬው ዕለት በደቡብ አፍሪካ ምክር ቤት ቀርበው ጥያቄዎች ይመልሳሉ ተብሏል። በቅርቡ የደቡብ አፍሪካ ምክትል የገንዘብ ሚኒስትር የሆኑት ግለስብ  ጉብታ የሚባለው የህንድ ሃብታም ቤተሰብ አሎች የዋናውን የገንዘብ ሚኒስትር ቦታ ልናሰጥህ እንችላለን ብለውኛል ብለው በማጋለጣቸው በደቡብ አፍሪካ ከፍተኛ የፖሊቲካ ውጥረት ተፈጥሯል። ጉብታ የተባለው መሰረቱ  ህንድ የሆነው ቤተሰብ በደቡብ አፍሪካ ውስጥ ከፍተኛ የንግድ እና የኢንዱስትሪ ኩባንያዎች ያሉት ሲሆን የፕሪዚዳንት ዙማ ልጅ የባለቤትነት ድርዳ ያለው  ከመሆኑም በላይ ሶስተኛዋ ሚስታቸው በኩባንያው ውስጥ ሠራተኛ ናቸው ተብሏል። ከፕሬዚዳንቱ ጋር ባላቸው የቅርብ ግንኙነት ምክንያት  ከዚህ በፊት የጉብታ ቤተሰቦች በደቡብ አፍሪካ የፖሊቲካ ሁኔታ ላይ ከፍተኛ ተጽእኖ ያደርጋሉ የሚል ክስ በተደጋጋሚ የቀረበ ሲሆን አሁን መጨረሻ የቀረበው ክስ ግን ፕሬዚዳንት ዙማ የሚወክሉትን የገዥውን ፓርቲ ኤ ኤን ሲ ጭምር ክፉኛ ያስቆጣ መሆኑ ታውቋል። የኤ ኤን ሲ ዋና ጸሐፊ ሚስ ማንታሼ ጉዳዩ በጣም አሳሳቢ መሆኑን ገልጸው አስፈላጊውን ርምጃ ባስቸኳይ መውሰድ ያስፈልጋል ብለዋል። ተቃዋሚ ፓርቲዎች በምክር ቤት ውስጥ ዙማን የሚወጥሩ ልዩ ልዩ ጥያቄዎች ያቀርባሉ ተብሎ ይገመታል።

Ø ረቡዕ መጋቢት 7 ቀን 2008 ዓም በደቡብ እና በሰሜን ምስራቅ ሱማሊያ በተደረጉ የተለያዩ ጦርነቶች ከ 30 በላይ የሚሆኑ የአልሸባብ አባላት የተገደሉ መሆናቸውን የኬኒያ ወታደራዊ እዝ እና የአካባቢው ነዋሪዎች ገለጹ። በደቡብ ሱማሊያ በታችኛው ጁባ አካባቢ  የኪኔያ ወታደሮችና ሌሎች የተመድ የአስከባሪ ኃይል በሰፈሩበት ካምፕ ላይ የአልሸባብ ኃይሎች ጨለማን ተገን በማድረግ የወረራ ሙከራ አድርገው የነበረ ሲሆን በተደረገው የመልሶ ማጥቃት ርምጃ  ወረራው ከሽፎ 19 የአልሸባብ አባላት መገደላቸውናመሳሪያዎች እና ጥያቶች መመረካቸው ተነግሯል። አንድ ወታደራዊ መኪና ተቃጥሏል ተብሏል። በሰሜን ምስራቅ ሶማሊያ በተደረገው ጦርነትም 11 የአልሸባብ አባላት መገደላቸውን የአክባቢው ነዋሪዎች ተናገረዋል።

Ø በግብጽ የሲና ባህረ ሰላጤ ውስጥ በምትገኘው ራፋህ በተባለች ከተማ የሲሲ መንግስት በመቃወም የሚንቀሳቀሱ ታጣቂዎች አንድ የመሳሪያ ማከማቻ መጋዘን ላይ ባካሄዱት ጥቃት ቢያንስ አምስት ወታደሮች ሲገደሉ ከ 10 በላይ የቆሰሉ መሆናቸው ተዘግቧል፡፤ ጥቃቱ የተፈጸመው ሐሙስ መጋቢት 8 ቀን 2008 ዓም ጠዋት ላይ ሲሆን አጥቂዎቹ ሞርታር ቦምብ እና አውቶማቲክ መሳሪያዎች የተጠቀሙ መሆናችው ታውቋል። በሲና አካባቢ ታጣቂዎች በየቀኑ በግብጽ ወታድሮች ላይ ጥቃት ሲፈጸሙ መቆየታቸው የታወቀ  ሲሆን  የግብጽ የመከላከያ ኃይል ለመቆጣጠር ከሚችለው በላይ ሆነብታል በማለት ታዛቢዎች ይተቻሉ።

በተያያዘ ዜና የግብጹ ፕሬዚዳንት ሲሲ የምዕራብ አገሮች ሊቢያ ውስጥ ጦራቸውን ማስገባት የለባቸውም በማለት ለአንድ የጣሊያን ጋዜጣ በሰጡት ቃለ ምልልስ ገልጸዋል። ሲሲ የምዕራብ አገሮች ሊቢያ ውስጥ ጦራቸውን ካስገቡ ጦርነቱ እየተባባሰ ሊሄድ እንደሚችል ከአፍጋኒስታንና ከሶማሊያ ሁኔታ ተመክሮ መውሰድ ይገባቸዋል ካሉ በኋላ ማድረግ ያለባቸው በዓለም አቀፉ ህብረተብ እውቅና ያገኘውን ክፍል በወታድራዊ መስክ ማጠናከር ብቻ ነው ብለዋል።

Ø በሳኡዲ የሚመራው ጥምር ኃይል በየመን ውስጥ የሚያካሄደው ዋና ዋና  ወታድራዊ ዘመቻ የሚቆም መሆኑን የጥምሩ ኃይል ቃል አቀባይ ካይሮ ላይ ገልጿል። እንደ ቃል አቀባዩ ገለጻ ላለፉት አንድ ዓመት ጥምሩ ኃይሉ ሲያካሄዳቸው የነበሩት የአየር እና የመሬት ላይ ውጊያዎች የሁቲን እንቅስቃሴ ለመግታት መሆኑን ገልጾ  ከዚህ በኋላ ጥምር ኃይሉ ለየመን ኃይሎች የአየር ሽፋን ከመስጠት በስተቀር በእግረኛ ጦር ውስጥ እንደማይሳተፍ ገልጿል። ዋና ከተማውን ጨምሮ በርከት ያሉ ቦታዎች በሁቲ ቁጥትር ስር ባለበት ሁኔታ በሳኡዲ የሚመራው ጥምር ኃይል በመሬት ላይ የሚያደርገውን ወታደራዊ ዘመቻ ለማቆም የተገደደው እስካሁን የተደረገው ጉዳት እንጅ ውጤት አልባ መሆኑን በመረዳቱ ነው  የሚሉ በርካታ ናቸው። በሳዑዲ አረቢያ የሚመራው ጥምር ኃይል በቅርቡ ባካሄደው የአየር ጥቃት 65 ሰላማዊ ሰዎች ሲገደሉ 55 መቁሰላችው ተዘግቧል።

መጋቢት 7 ቀን 2008 ዓ.ም.

Ø የወያኔ አገዛዝና የዓለም አቀፉ የእርዳታ ሰጭ ድርጅቶች የኢትዮጵያ ድርቅና ረሃብ እየከፋ መምጣቱንና ከ 10 ሚሊዮን በላይ ሕዝብ ለአሰፊ የረሃብ አደጋ መጋለጡን በመጥቀስ የ 1.4 ቢሊዮን ዶላር እርዳታ ተማጽነዋል። በኢትዮጵያ ያለው የሰብዓዊ እርዳታ ፈላጊ ቁጥር ካለፈው ታኅሳስ ወር ጀምሮ በአስደንጋጭ ፍጥነት እየጨመረ መሆኑን የተመድ የሰብአዊ ጉዳይ አስተባባሪ ቢሮ አስታውቋል። የአስተባባሪ ቢሮ ቡድን አባላት የረሃብ የድርቁን አስከፊ ቦታዎች እንደገና እንዲገመገሙና በሶስት ሳምንት ጊዜ ረፖርት እንዲያደርጉ ተጠይቀዋል። ለኢትዮጵያው ድርቅ ረሃብ የተጠየቀው እርዳታ በእርስ በርስ ጦርነት የሚዳክሩት ከሶሪያና ከየመን ቀጥሎ ትልቁ ዓለም አቀፍ እርዳታ መሆኑ ታውቋል። የተመድ ከጠየቀው 1.4 ቢሊዮን ዶላር ገንዘብ ውስጥ እስከ አሁን የሰበሰብው ግማሽ ያህሉን ብቻ መሆኑ የረሃብና የድርቁን አደጋ እርዳታ ከፍተኛ አደጋ ተደቅኖበታል ተብሏል።  ለመጭው ክረምትም የዘር እህል እርዳታ የጠየቁት ገበሬዎች ቁጥር ከ2.2. ሚሊዮን ወደ 3.3. ሚሊዮን ከፍ ማለቱ ታውቋል። የሰብአዊ እርዳታ ባለሙያዎች ግን የኢትዮጵያው ድርቅ ረሃብ የተፈጥሮ ብቻ ሳይሆን የብልሹ አገዛዝ ውጤት መሆኑንና የወያኔ አገዛዝ ድርቅና ረሃብ የፖሊቲካ መሳሪያ እያደረገውና እርዳታን ለፖለቲካ ታማኞቹና ለተመረጡ ዘሮች ቅድሚያ እየሰጠ መሆኑ ይገልጻሉ።

Ø የወያኔ አገልጋይ የሆነውና ጠቅላይ ሚኒስትር ተብየው ኃይለማሪም ደሳለኝ በኢትዮጵያ አራቱም ማዕዘናት ለተነሳው ሕዝባዊ ተቃውሞና ቁጣ የወያኔ ብልሹ አስተዳደር መሆኑን ለፕሮፓጋንዳም ቢሆን አምኖ ይቅርታ በጠየቀ ማግስት የወያኔ ድህንነት መ/ቤት ባስተላለፈው ሚስጥራዊ ትዕዛዝ ሕዝባዊ ተቃውሞውን ያስተባበሩና የመሩ እንዲሁም የተባበሩትን በሙሉ ታድነው እንዲያዙ ጠይቋል። የታመኑ የደህንነት ምንጮች እንደገለጹት የወያኔው ጠቅላይ ሚኒስትር ይቅርታን እንደ አጋጣሚ በመጠቀም የተቃውሞ መሪዎችን አዘናግቶ ማጥመድ አንዱ ሴራ ነው ተብሏል። የወያኔው ጠቅላይ ሚኒስትር ተጽፎ የተሰጠውን የይቅርታ ደብዳቤ ባነበበ ማግስትም የወያኔው ሎሌ ሬድዋን ሁሴን የፖሊስ ኃይሉ የወሰደው እርምጃ የአገዛዙ ትዕዛዝ ሳይሆን የግለሰብ ፖሊስ እርምጃ ነው በማለት መናገሩ ወያኔ ለግድያው የራሱን የፖሊ ኃይል አሰልፎ የሰጠ ይሁን እንጅ አንድም ነፍስ ገዳይን ለሕግ አላቀረበም። የወያኔ ፖሊስና ሠራዊት ለተቃውሞ በወጡ ሰላማዊ ሰልፈኞች ላይ በወያኔ መሪዎች ትዕዛዝ ፍጅት መፈጸማቸው እየታወቀ ሬድዋን ሁሴን ፖሊስና ሠራዊቱ በራሱ አነሳሽነት የወስደው እርምጃ ነው ማለቱ ተራ ቅጥፈት ተብሏል።

Ø የወያኔ ሥርዓት ዘረኛና አምባገነኑን አገዛዝ የሕዝብ ድጋፍ አለኝ ለማሰኘትና የራሱን ዘር አባላትንና የድርጅት ካድሬዎችን በአዲስ አበባ ውስጥ በብዛት ማስገባት ከጀመረ ወዲህ አሁንም ይህን የተጠናከረ ዘመቻ ለማስቀጠል በሺ የሚቆጠሩ የትግራይ ተወላጆችን ወደ አዲስ አበባ ለማዛወር ተጀምረው ያላላቁ የኮንዶሚንየም ቤቶችን ለባለ ዕጣ ተሰጠ በማለት በር ያልተገጠመለትና፤ ወሃ፤ መብራት፤ መጸዳጃ ቤት የሌለው ቤት ውስጥ እንዲገቡና የሚኖሩበትን የቀበሌ ቤት በአስቸኳይ እንዲያስረክብ መጠየቁ ታውቋል። የቀበሌ ቤቶችንም ለራሱ ዘር አባላት መድቦ መጨረሱ ተገልጿል። የወያኔ ቡድን መሪዎች በአስራ አንደኛው ሰዓት የሥልጣን ዘመናቸው የትግራይን ሕዝብ ከሌላው ኢትዮጵያዊ ለመለየት የተለይ ጥቅም እየሰጣቸው መሆኑን አውቀው የወያኔን ስውር ደባ እንዲጠነቀቁበት ሕዝብ እየመከረ ነው።

በተመሳሳይ ዜናም በቦሌ ዓለም አቀፍ አውሮፕላን ማረፊያ ውስጥ ያሉ ሱቆችን በሙሉ በትግራይ ተወላጆች ለማስያዝ በጨረታ ስም ሱቆቹን በሙሉ ለትግራይ ተወላጆች እየሰጠ ሲሆን በአውሮፕላኑ ማረፊያ ውስጥ በሁሉም መስኮች ትግራዮች ብቻ እየተቀጠሩና እየሰሩ መሆናቸውን ሲታወቅ አንዳንድ ወገኖች ቦሌ አውዎላፕላን መረፊያ የመጣ መንገደኛ አደዋ የገባ ቢመስለው አይፈረድበትም ይላሉ።

Ø ትናንት መጋቢት 6 ቀን 2007 ዓም የወያኔው ጠቅላይ ሚኒስትር ተብየው በአዲስ አበባ ከዩኒቨርስቲ ምሁራን ጋር ስብሰባ ተቀምጦ ስለ ብሔራዊ መግባባት ለምሁራኑ ዲስኩር መስጠቱ ታውቋል። የወያኔው ጠቅላይ ሚኒስትር አድርግ ተብሎ የተነገረውና ተጽፎ የተሰጠውን ማንበብ ሥራዎ በማድረግ ሕዝብን ለማታለልና ለማዘናጋት አዲስ ጥረት የጀመረ መሆኑ ተወስቷል። በዚህ ስብሰባ ላይ የወያኔው ጠቅላይ ሚኒስትር ተብየው ስለ ኢኮኖሚው ፈጣን እድገት፤ በምግብ እህል እራስን ስለመቻል፤ እና ስለሌሎች ጉዳዮች ራሱን ብቻ የሚያታልል ዲስኩር የሰጡ መሆኑ ሲደመጥ ምሁራኑ በብሔራዊ መግባባት ላይ ከፍተኛ ሚና እንዳለው ተናግሯል። የፖለቲካ ታዛቢዎች ግን የወያኔ መሪዎች ጭንቀት ሲበዛባችው ፍርሃት ሲወጥራቸው ሕዝባዊና ሀገራዊ የሚመስሉ ነገር ግን የራሳቸውን ሥልጣን ጊዜ የሚያራዝሙበት አጀንዳ መቅረጽ የተለመደ ስልታቸው ሲሆን አሁንም ምሁራንን ስብሰባ ስለ ብሔራዊ መግባባት ማውራታቸው ከጭንቀት ለመገላገል መሆኑን አውስተው ብሔራዊ መግባባትና ተቃዋሚዎችን ያሳተፈ አገራዊ አጀንዳ ያለው የዴሞክራሲና የሰብአዊ መብት ማስከበርን የሚያጠቃልል እንደሆነ በመግለጽ የወያኔው ስብሰባ ጉንጭ አልፋ ነበር ይሉታል። አንዳንድ ምሁራን ሃይለ ማሪያም ደሳለኝ ፈታኝ የሆኑ የታሪክ የዴሞክራሲና የአሠራር ጥያቄዎችን አቅርበው እንደነበር ታውቋል።

Ø ዛሬ መጋቢት 7 ቀን 2008 ዓም በሰሜን ናይጀሪያ ግዛት ከተማ በማይድጉሪ በሚገኝ አንድ መስጊድ ውስጥ ሁለት አጥፍቶ ጠፊ ሴቶች የያዙትን ቦምብ በማፈንዳታቸው 22 ምዕመናን ሲገድሉ ሌሎች 18 ቆስለው ወደ ሆስፒታል የተወሰዱ መሆናቸው ከአካባቢው የመጣው መረጃ ይገልጻል። የመጀመሪያው ቦምብ የፈነዳው መስጊድ ውስጥ በነበሩ ምዕመናን ላይ ሲሆን  ሸሽተው  የሚወጡትን ኢላማ አድርጎ ለመግደል ሁለተኛዋ አጥፍቶ ጠፊ ከመስጊዱ ውጭ የያዘችውን ቦምብ አፈንድታለች።  ቦምቦቹ የፈነዱት ምዕመናኑ የጠዋት ጸሎት ለማድረግ በተሰበሰቡበት ጊዜ ነው። በ2001 ዓም በማይዱጉሪ የተመሰረተው ቦኮ ሃራም የተባለው አክራሪ እስላማዊ ድርጅት  እንቅስቃሴ ወዲህ በሽብር ተግባር ከ200 000 በላይ የናይጄሪያ እና የአካባቢው አገር ዜጎችን መግደሉ በሚሊዮን የሚቆጠሩ ዜጎች እንዲሰደዱ ማድረጉ  ይታወቃል። ከጥቂት ጊዜ ወዲህ ቡድኑ በናይጄሪያ እና በአካባቢው አገሮች የተቀነባበረ ዘመቻ ተዳክሟል ተብሎ የተነገረ ቢሆንም ከፍተኛ የሆነ ጉዳት ከማድረስ ያልተቆጠበ መሆኑ እየታየ ነው።

Ø መጋቢት 4 ቀን 2008 ዓም በአይቮሪ ኮስት የወደብ ከተማ የተካሄደውን የአሸባሪዎች ግድያ ተከትሎ የፈረንሳይ መንግስት ለአስቸኳይ ጊዜ የሚደርስ አንድ ወታደራዊ ቡድን ለመላክ ያቀደ መሆኑ ተነገረ። ይህ የገለጹት ከውጭ ጉዳይ ሚኒስትሩ ጋር  አይቮሪ ኮስትን በመጎብኘት ላይ የሚገኙት የፈረንሳይ የአገር ውስጥ ጉዳይ ሚኒስትር ሲሆኑ ፈረንሳይ ሽብርን ለመከላከል ምን ጊዜም ከአይቮሪ ኮስት ጋር ትቆማለች ብለዋል። ፈረንሳይ በሳህል አካባቢ የታጠቁ ቡድኖችን እንቅስቃሴ ለመግታት ከ 3500 በላይ የሆነ ጦር ያሰማራች ስትሆን ባለፉት አመታት በርካታ ወታደራዊ ዘመቻዎችን አድርጋለች። አልካይዳ ኢን ኢስላሚክ ማግሬብ የተባለው ቡድን በአካባቢው የፈረንሳይ ዜጎችንና ንብረቶችን ኢላማ አድርጎ ጥቃት እንደሚፈጽም በተደጋጋሚ የዛተ መሆኑ ይታወቃል።

Ø የተባበሩት መንግስታት ድርጅት ዋና ጸሐፊ ባንኮ ሙን ስለ ምዕራብ ሳህራ ጉዳይ የተናገሩትን በመቃወም የሞሮኮ መንግስት ሚነርሶ (MINURSO) በሚባለው በደብቡ ሳህራ በሚገኘው የተባበሩት መንግስታት የሰላም አስከባሪ ኃይል ውስጥ ያለውን ተሳትፎ እንደሚቀንስና በዓለም ላይ ከሚገኙት የተመድ የሰላም አስከባሪ ኃይል ውስጥም ወታሮቹን እንደሚያስወጣ ገልጿል። ከተለያዩ አገሮች የመጡና በአሁኑ ወቅት ቁጥራቸው 482 ይድረሳል የተባለው የተመድ ሰላም አስከባሪ ኃይል በምዕራብ ሳህራ የተመሰረው በ1983 ዓም በአገሪቱ ውስጥ ውሳኔ ሕዝብ ለማካሄድ አመች ሁኔታ ለመፍጠር ሲሆን ከዚህ ውስጥ 162 የሚሆኑት የሞሮኮ ወታድራዊ መኮንኖች መሆናቸው ይታወቃል። የሞሮኮ መንግስት በመግለጫ ላይ ባንኪ ሙን ስለ አካባቢው ያደረጉት ንግግር ሕዝቡ  ዕድሉን ለመወሰን ያለውን መብት የሚገድብ ነው ብሏል። በሌላ በኩል አንድ የፖሊሳሪዩ ቃል አቀባይ የሞሮኮ መንግስት በአጠቃላይ በፍርሃት ሁኔታ ላይ ያለ መሆኑን ገልጾ በአሁን በመንግስቱ እየተደረጉ ያሉት እንቅስቃሴዎች አለም አቀፉን ህብረተሰብ ለማስፈራራትና ተጽእኖ ለማድረግ ነው ብሏል።

Ø ባለፈው ጥር ወር በግብጽ ውስጥ እንዳለ ተሰውሮ ከወር በኋላ አካላቱ በከፍተኛ ደረጃ አስከሬኑ ተግድቶ በአንድ ጉድጓድ ውስጥ ተጥሎ የተገኘውን ጣላናዊ ወጣት አስመልክቶ ገዳዮችን አድኖ ለፍርድ ለማቅረብ መንግስታቸው የሚቻለውን እንደሚያደርግ  የግብጹ ፕሬዚዳንት ሲሲ ገልጸዋል። የካምብሪጅ ዩኒቨርስቲ ተማሪ የነበረውና የ28 ዓመት ጎልማሳ የሆነው ጁሊዮ ሬጂኒ  ስለግብጽ ሰራተኛ ማህበር ሁኔታ ጥናት ያደርግ የነበር ሲሆን የሲሲ መንግስትን በመውቀስ በተደጋጋሚ በጋዜጦች ላይ መፃፉ ይታወቃል። ባለፈው ጥር ወር ባልታወቀ ምክንያት ከተሰወረ በኋላ ወር ጊዜ በኋላ በካይሮ አቅራቢያ በሆነ አንድ ጉድጓድ ውስጥ አስከሬኑ ተጥሎ ተገኝቷል። በጁሊዮ አስከሬን ላይ በተደረገው ምርመራ የጎድኑ አጥንቶች የተሰባበሩ መሆናቸውና  በብልቱና በሌሎች አካሎች በኤሌክትርክ የተጠበሱ መሆናችው ታውቋል።   ጁሊያኑ የተያዘውና በምርመራ ከፍተኛ የአካል ጉዳት የደረሰበት በግብጽ የጸጥታ ኃይሎች ነው የሚል ከፍተኛ ጥርጣሬ አለ። የሲሲ መንግስት ወንጀሉን በሌሎች ላይ ለማላከክ ቢሞክርም በጣሊያን መንግስት በኩል ተቀባይነት ስላላገኘ በሁለቱ አገሮች መካክል ያለው ግንኙነት ከቅርብ ጊዜ ወዲህ ውጥረት ውስጥ እንደገባ ይሰማል።  

በሌላ በኩል በሲሲ የሚመራውን የግብጽ አምባገነን አገዛዝ የሚቃወሙ ክፍሎች ከቅርብ ጊዜ ወዲህ እየተጠናከሩ መምጣታቸውን ከስፍራው የሚደርሱ ዜናዎች ይገልጻሉ። ከዚህ በፊት በሙስሊም ወንድማማቾች ድርጅት የሚመራው የሙርሲ መንግስት በአገሪቱ ውስጥ አለመረጋጋትና ሽብር አምጥቷል በሚል እምነት የመንግስቱን መወገድና  የወታደሩን ወደ ስልጣን መምጣት ይደግፉ የነበሩ የታወቁ የተቃዋሚ ኃይሎችና የብዙሀን ድርጅቶች  መሪዎች እንዲሁም  ባለሙያዎችና ሙሁራን  በጋዜጣ ላይ አስተያየታቸውን በመጻፍም ሆነ በይፋ በመናገር የፕሬዚዳንት ሲሲን አገዛዝ፤ አፋኝነትና ጸረ ዴሞክራሲያዊነት በማጋላጥ ተቃዋሟቸውን ማሰማት መጀመራቸው ተዘግቧል።  

የመጋቢት 6 ቀን 2008 ዓ.ም.

Ø ዛሬ መጋቢት 6 ቀን 2008 ዓም በአዲስ አበባ ያሉ የተለያዩ አካባቢዎች በወያኔ ልዩ የፌዴራል ጥበቃ ስር መወደቃቸው ታወቀ። የአዲስ አበባ ከተማ ይህ ዓይነት ጥበቃ የውጭ እንግዶች ሲመጡ ወይንም ወያኔ የራሱን በዓል ሲያከብር ብቻ እንደነበረ የሚናገሩ የዓይን እማኞች የዛሬው ልዩ ጥበቃ በምን ምክንያት እና ለምን ተግባር እንደሆነ የተናገረ ነገር ባይኖርም በተለይ አራት ኪሎ፤ አጼ ሚኒሊክ ቤተ መንግስት አካባቢው ጭምር በአግአዚ ጦር እየተጠበቀ ሲሆን አራት ኪሎ፤ ስድስት ኪሎ፤ አዋሬ፤ ካዛንችስ፤ ቀበና ፤ ሾላ ፒያሳ ከፍተኛ ቁጥር ያለው የወያኔ ፌዴራል ፖሊስ ልዩ ኃይል ተሰማርተው እንደነበር ታይተዋል። የወያኔ ቡድን መሪዎች በመላው ኢትዮጵያ የተቀጣጠለባቸው ሕዝባዊ ተቃውሞና ቁጣ የራሳቸው ጥላ እስኪያስበረግጋቸው ድረስ እያሰጋቸው ሲሆን ይህ ስጋትና ፍርሃታቸው ወደ ሕዝብ ለመመለስ ገዳይ ጦራቸውን በከተሞች ውስጥ በተለይም በአዲስ አበባ ከተማ በማሰማራት አስፈራርቶና አሸብሮ ለመሰንበት የሚጠቀሙበት ዘዴ እንደሆነ ይታወቃል።

Ø የወያኔ ቡድን መሪዎች የሕዝብን ጥያቄና አቤቱታ በአግባብ ማስተናገድ ተፈጥሯቸው ስላልሆነ ሁልጊዜም ምላሻቸው ግድያና እስር መሆኑ ይታወቃል። በደቡብ ኢትዮጵያ ጎሙ ጎፋ ውስጥ የኮንሶ ሕዝብ ያቀረበው አስተዳደራዊ ጥያቄ የወያኔ አገዛዝ ግድያና በእስር ለማቆም ከሳምንታት ጀምሮ በግድያ የሰለጠነው ጦሩን በኮንሶ አስፍሮ ግድያ መፈጸሙ የሚታወቅ ሲሆን ይህ የሕዝብ ጥያቄና ተቃውሞ እንደገና ተቀስቅሶና አገርሽቶ በመነሳቱ የወያኔ መሪዎች የተመደውን የጥይት ምላሽ በመስጠታቸው ሶስት የኮንስ ነዋሪዎች መገዳላቸውና ሌሎቹ ደግሞ መቁሰላችው ተገልጿል። የወያኔ ነፋስ ገዳይ ጦርና የአካባቢዎች ፖሊስ የኮንሶ ከተማን በመክበብና በመውረር ነዋሪውን ጭንቀት ውስጥ እየተከቱትና ወታደራዊ ሽብርን በመላ ኮንሶ ለማድረስ ጥረት እያደረጉ መሆናችው ታውቋል። ከዚህ በተጨማሪ የወያኔ ጦርና የፖሊስ ኃይል የኮንሶ ከተማ ነዋሪን በግዳጅ የድጋፍ ሰልፉ እንዲያደርግ ቀስቀሳ መጀመራችው ታውቋል። በኮኖስና በአጎራባች ከተሞች ውጥረቱ ከፍተኛ ሲሆን የወያኔ ወታደሮች የሕዝብን ንብረት ዘርፈው እየወሰዱ መሆናቸው ተገልጿል። የፖሊትካ ታዛቢዎች የሕዝብን ጥያቄ በአግባብ መመለስ ብቻ የተቃውሞውን ጥያቄ የሚመልስ  ውጥረትን የሚያላላ መሆኑ ታውቆ እስካልተሰራበት ድረስ ወያኔ በኃይልና በግዳጁ ሊፈጽመው የሚችል አንዳች ነገር የለም በማለት አስተያየት ይሰጣሉ።

Ø በናዝሬት የአዳማ ዩኒቨርሲቲ ተማሪዎች ተቃውሞ እንደገና የተቀስቀሰ ሲሆን ወያኔ አግአዚ ጦሩን በመላክ ተማሪዎቹ ን ሲደበድብ የቆየ ከመሆኑ በላይ በጅምላ ያሰራችው መሆኑ ታውቋል። ትናንት መጋቢት 5 ቀን 2008 ዓም ወደ አዳማ ዩኒቨርስቲ ዘልቆ የገባው የወያኔ አግአዚ ጦር ተማሪዎችን በማፈስ በናዝሬት ስታዲዮም እንዳሳደራቸው ሲታወቅ ምክንያቱ ባልታወቀ ሁኔታ የዩኒቨርስቲው የሠት ተማሪዎች መኝታ ክፍሎች በእሳት መቃጠላችውና ጉዳት እንደደረሰባችው ተገልጿል። በዛሬው ዕለት ተማሪዎቹችን ወደ አልታወቀ ቦታ ይዘዋወራሉ ተብሎ የሚጠበቅ ሲሆን ለተማሪዎቹ ምንም ዓይነት ምግብም ሆን ልብስ እንዳይገባላቸው ተከልክሏል። በአዳም ዩኒቨርስቲ ትምህር ሙሉ በሙሉ የተቋረጠ መሆኑም ከናዝሬት የተገኘው መረጃ ያመልክታል። የወያኔው ጠቅላይ ሚኒስተር ተብየው ለተፈጠረው ችግር ለጠፋው ህይወት ለፕሮፓጋንዳ ፍጆታ ብቻ ይቅርታ ይጠይቀ እንጅ በሕዝብ ልጆች ላይ የሚፈጸመው ግድያ እስርና ድብደባ ግን አሁንም እንዳልቆመሁሉ ህዝባዊ ተቃውሞና ቁጣውን በኃይልና በጭካኔ ለማቆም የተደረገው ሙከራ ውጤት አልባ መሆኑ ታይቷል።

Ø የአዋሳ ዩኒቨርስቲ ተማሪዎች በወያኔ ፖሊስ ከፍተኛ ድብደባ እንደተፈጸመባቸው የጅምላ አፈሳና እስር እንደተፈጸመባቸው ከአዋሳ የመጣው መረጃ ያለመክታል። እንደ መረጃው ከሆነ የአዋሳ ዩኒቨርስቲ ተማሪዎች መጋቢት 3 ቀን 2008 ዓ.ም. ማምሻውን ተደብደበውና ታስረው ንጋቱ ላይ በከባድ ካሚዮን ተጭነው ወደ አልታወቀ ቦታ መወሰዳቸውን አስረድቷል። ለተማሪዎቹ የጅምላ አፈሳና እስር ምክንያት የሆነው በአዋሳ ስታዲዮም ተዘጋጅቶ በነበረው የስፖርት ፌስቲቫል ላይ ተቃውሞ የቀሰቀሳችሁ እናንት ናችሁ በሚል ሲሆን የወያኔው አግአዚ ጦር በተማሪዎቹ ላይ በመኝታ ክፍሎቻቸው ሳይቀር በመግባት ድብደባ መፈጸሙንና አስሮ መውሰዱን ተብራርቷል። የአዋሳ ዩኒቨርስቲ ፕሬዚዳንት የተባለው ዮሴፍ ማሞ የወያኔን ጦር ወደ ዩኒቨርስቲ ግቢ በማስገባትና ተማሪዎችን በማስደብደብ አቢይ ሚና መጫወቱ ተደርሶበታል።

Ø  

Ø በሚቀጥለው እሁድ መጋቢት 11 ቀን  በናይጀር በሚደረገው የሁለተኛ ዙር ምርጫ የአሁኑ ፕሬዚዳንት የቅርብ ተፎካካሪ የነበሩት የተቃዋሚው ክፍል መሪ ሃማ አማዶ ከታሰሩበት እንዲፈቱ የቀረበውን ማመልከቻ አንድ የናይጀር የይግባኝ ፍርድ ቤት ሳይቀበለው ቀርቷል። ሃማ አማዶ ህጻናትን ህገ ወጥ በሆነ መንገድ አስተላልፈዋል በሚል ማስረጃ በሌለው ክስ ተጠርጥረው  ካለፈው ህዳር ወር ጀምሮ ታስረው የሚገኙ ሲሆን ከእስር ቤት ሆነው ባደረጉት ውድድር በመጀመሪያ ዙር በተደረገው ምርጫ 18 ከመቶ አግኝተው እንደነበር ተገልጿል። በመጀመሪያ ዙር ምርጫ አሁን በስልጣን ያሉት ፕሬዚዳንት ማሃማዱ ኢሱፉ (Mahamadou Issoufou) የምርጫውን 48 ከመቶ ብቻ በማግኘታቸው ምክንያት አሸናፊ ሆኖ ለመውጣት ያልቻሉ ሲሆን የተቃዋሚ ኃይሎች ምርጫው የተጭበረበረ ነው በማለት ክስ ማቅረባቸው ይታወቃል። በሃማ አማዶ ላይ  የቀረበውን ክስ አስመልቶ ፍርድ ቤት ቤቱ ሰኞ መጋቢት 5 ቀን 008 ዓም ውሳኔ መስጠት የነበረበት ሆኖ ሳለ የውሳኔውን ቀን ወደ መጋቢት 19 ቀን 2008 ዓም  በማስተላለፉ ምክንያት በውድድሩ ወቅት ሃማ አማዶ በእስር ቤት ሆነው መቆየት ግድ ሆኖባቸዋል። ጠበቆቻቸው በዋስ እንዲፈቱ ያቀረቡትን ማመልከቻ አልቀበልም ማለቱ እና የውሳኔውን ቀን ከምርጫው አንድ ሳምንት በኋላ ማስተላለፉ ፍርድ ቤቱ የአገዛዙ ተባባሪና ደጋፊ መሆኑን አሳይቷል የሚሉ ወገኖች በርካታ ናቸው።  

Ø አንድ የናይጄሪያ ፍርድ ቤት የናይጄሪያ የኢኮኖሚና የገንዘብ ወንጀል ለመመርመር የተቋቋመው ኮሚሽንና የወታደሩ ተቋም የሚከተሉት  የአምባገንነ አገዛዝ አሰራር ነው ካለ በኋላ በሙስና ወንጀል ተጠርጥሮ ተይዞ ክስ ሳይቀርብበት ከሶስት ወር በላይ በእስር ላይ የሚገኝ አንድ የኮሎኔል ማዕረግ ያለው ግለሰብ ባስቸኳይ እንዲፈታ ጠይቋል። ኮሎኔሉ ቀደም ብሎ 2.9 ሚሊዮን ዶላር በማጉደል በእስር ላይ የሚገኙት የቀድሞ የናይጄሪያ ወታደራዊ ተቋም አማካሪ የሚስተር ዳሱኪ ረዳት ሲሆን እስካሁን ክስ ያለተመሰረተበት መሆኑ ይታወቃል። ቀደም ብሎ ሚስተር ዳሱኪ ከእስር እንዲፈቱ ሶስት የተለያዩ ፍርድ ቤቶች  ውሳኔ ቢያስተላልፉም የአገሪቱ ፕሬዚዳንት ግለስቡ በእስር እንዲቆዩ አዘዋል። አንዳንድ የህግ ሰዎች ፕሬዚዳንቱ በሙስና ስም የሚወስዱት እርምጃ የፖለቲካ በቀል ነው ሲሉ የሰብአዊ መብት ድርጅቶች ደግሞ ከመንግስት ባለስልጣኖች በተጨማሪም  ወታደሮቹም ሆኑ ዳኞች በሙስና የተጨማለቁ ናችው በማለት ይከሷቸዋል።

በተያያዘ ዜና የመንግስት ንብረት የሆነውና የናይጀሪ ናሽናል ፔትሮሊየም ኮርፖሬሽን (Nigeria National Petrolium Corporation) የሚባለው የናይጄሪያ ነዳጅ ድርጅት እንደ አውሮፓ አቆጣጠር በ2014 የበጀት አመት ወደ መንግስቱ ግምጃ ቤት ማስተላለፍ የነበረበትን 16 ቢሊዮን ዶላር ያላስገባ መሆኑ በምርመራ ተደርሶበታል። የዛሬ ሁለት ዓመት በቀድሞ የናይጄሪያ መንግስት አስተዳድር ወቅት ድርጅቱን ሲመሩ  የነበሩት ግለሰብ 20 ቢሊዮን ዶላር አጉድለዋል ተብለው መከሰሳቸው ይታወሳል። ናይጀሪያ በያመቱ በአማካይ 77 ቢሊዮን ዶላር የሚገመት ነዳጅ የምታመርት ስትሆን በርከት ያለው ገንዘብ በሙስና ይበዘበዛል ይባላል።

Ø እሁድ መጋቢት 4 ቀን 2008 ዓ.ም. ራባት በሚባለው የሞሮኮ ዋና ከተማ ከአንድ ሚሊዮን በላይ የሆነ ሕዝብ ወደ አደባባይ ወጥቶ በቅርቡ የተመድ ዋና ጸሐፊ ባንኪ ሙን ስለምዕራብ ሳህራ ጉዳይ የሰጡትን አስተያየት አውግዟል። ዋና ጸሐፊው ሰኞ ዕለት ኒውዮርክ በሚገኘው በተመድ ጽሕፈት ቤታቸው የሞሮኮን አምባሳደር ጠርተው ባነጋገሩበት ወቅት በእሳቸው ላይ በሞሮኮ ባለስልጣኖች የተሰነዘሩት ስድቦችና ክሶች በጣም ያሳዘናቸውና ያበሳጫቸው መሆኑን ገልጸዋል ተብሏል።  ሕዝብ አደረገ በሚባለው ሰላማዊ ሰልፍ  የመንግስት ባለስልጣኖች መኖራቸውን አስመልክቶ ማብራሪያ እንዲሰጣቸው ጠይቀዋል ተብሏል። በማዕድን ሀብቷ የምትታወቀው የምዕራብ ሳህራ ግዛት በ 1967 ዓም ከስፔን ቅኝ ገዥነት ነጻ ስትወጣ ሞሮኮ በኃይል ወደ ግዛቷ በማጠቃለሏ ፖሊ ሳሪዮ በተባለው ድርጅት አማካይነት ለረጅም ዓመታት የትጥቅ ትግል  ሲካሄድ መቆየቱ ይታወቃል። በ1982 ዓም በተመድ አማካይነት በተጻራሪ ወገኖች መካከል ድርድር ተካሄዶ ጉዳዩን በውሳኔ ሕዝብ ለመጨረስ ስምምነት ቢደረግም የታቀደው ውሳኔ ሕዝብ እስካሁን አለመካሄዱ የተመድ ባለስልጣኖችን ሲያሳስብ ቆይቷል። ባለፈው ሳምንት ባንኪ ሙን በአልጀሪያ በካምፕ ውስጥ በስደት ላይ የሚገኙትን የምዕራብ ሳህራ ዜጎች  ሁኔታ አይተው አገርን በሃይል የመያዙ ሁኔታ አብቆቶ በስምምነት ስደተኞቹ ወደ አገራቸው መመለስ አለባችው የሚል ቃል በመናገራቸው የሞሮኮን ባለስልጣኖች ማበሳጨቱ  ይታወሳል።

Ø ማይንማር ወይም በቀድሞ ስሟ በርማ የምትባለው አገር ላለፉት 50 ዓመታት በወታደራዊ አምባገነን አገዛዝ ስር ስትማቅቅ ቆይታ ለመጀመሪያ ጊዜ በምርጫ አዲስ ፕሬዚዳንት አግኝታለች።  ናሽናል ሊግ ፎር ዴሞክራሲ የተባለውን ፓርቲ በመወከል የተወዳደሩት ሂትን ኪያው ፕሬዚዳንት ሆነው ሲመረጡ እሳቸውም የታዋቂዋ የፖሊቲካ እንቅስቃሴ መሪ የኦንግ ሳን ሱ ኪ የቅርብ ረዳት ናቸው ተብሏል። ኮንግ ሳን ሱ ኪ የፓርቲው መሪ ቢሆኑም ከውጭ ዜጋ ወልደዋል በሚል ምክንያት በህገ መንግስቱ እንዳይወዳደሩ ቢከለሉም በፓርቲ መሪነታቸው ከጀርባ ሆነው የመንግስቱን ስራ ሊያካሂዱ እንደሚችሉ ገልጸዋል።      

መጋቢት 5 ቀን 2008 ዓ.ም.

Ø እሁድ መጋቢት 4 ቀን 2008 ዓ.ም. ግራንድ ባሳም በተባለው የአይቨሪ ኮስት የመዝናኚያ ወደብ ሲዝናኑ በነብሩ ቱሪስቶች ላይ የታጠቁ ሰዎች ተኩስ ከፍተው 16 ሰዎች የገደሉ መሆናቸው ተነገረ። ወደቡ በአገሬውም ሆነ በውጭ ሰዎች የሚዘወተር ሲሆን ከሞቱት መካከል አራቱ የፈረንሳይና የጀርመን ዜጎች መሆናቸው ታውቋል። ገዳዮች በሙሉ መገደላችው ሲነገር በእስላማዊ ማግረብ ውስጥ የሚንቀሳቀሰው የአልቃይዳ ቅርንጫፍ ደግሞ ለድርጊቱ ኃላፊነቱን ወስዷል። ለረጅም ጊዜ የፖለቲካ መረጋጋት የነበረባት አይቮሪ ኮስት አልፎ አልፎ የአልቃይዳ ጥቃት ሲገጥማት መቆየቱ ይታወቃል።

Ø የግብጽ የፍርድ ሚኒስትር ባለፈው አርብ በተሌቪዥን በባደረጉት ቃለ ምልልስ ውስጥ  ህግን ካፈረሱ ነቢዩ መሀመድን እንኳ አስራለሁ የሚል ቃል ስለተናገሩ  ከስራ የተወገዱ መሆናችው ተገለጸ። የፍርድ ሚኒስትሩ ከዚህ ቀደም የግብጽ ይግባኝ ፍርድ ቤት ዳኛ የነበሩ ሲሆን የሙባረክን መንግስት የገለበጠውን ሕዝባዊ እንቅስቃሴም ሆነ የእስልምና ወንድማማችነት ተብሎ የሚጠራውን ድርጅት በጽኑ ይቃወሙ እንደነበር ይታወቃል። የፍርድ ሚኒስትር ቃሉን ከተናገሩ በኋላ ይቅርታ ቢጠይቁም  የግብጽ መንግስት ባለማመንታት ከኃላፊነታቸው እንዲወገዱ አድርጓል። የዳኖችም ማህበር ግን በእሳቸው ላይ የተወሰነውን ውሳኔ በመቃወም ባወጣው መግለጫ ባፍ ወለምታ በተደረገ ስህተት የተወሰደው ቅጣት አግባብ አይደለም ብሏል።

Ø በተያያዘ ዜና ሂውማን ራይትስ ዎች የተባለው የሰብአዊ መብት ተከራካሪ ተቋም ሰኞ መጋቢት 5 ቀን 2008 ዓ.ም. የእስልምናን ሃይማኖት ሰድባችኋል ተብለው የሶስት ዓመት ጽኑ አስራት የተፈረደባችው ሶስት የክርስትና እምነት ተከታይ የሆኑ ወጣቶች እንዲለቀቁ ጠይቋል። ድርጅቱ ወጣቶቹ በቀልድ መልክ የሰደቡት በእስልምና ስም በአሸባሪ ድርጊቶች ላይ የተሰማሩትን ሃይሎች እንጅ ሃይማኖቱን ባለመሆኑ ምህረት ሊደረግላችው ይገባል ብሏል።

Ø የአውሮፓው ኅበረት ለብሩንዲ ሲሰጥ የቆየውን ቀጥተኛ እርዳታ ለጊዜው ያቋረጠ መሆኑን አሳታወቀ። የአውሮፓው ህበረት ባወጣው መግለጫ በብሩንዲ ያለው ሁኔታ አሳሳቢ እየሆነ የቀጠለ በመሆኑ ህብረቱ የጠቋማቸው የሰላም ሀሳቦች  በብሩንዲ መንግስት ተቀባይነት አግኝተው  ተግባራዊ እስኪሆኑ ድረስ እርዳታው ይቋረጣል ብሏል። ለሰብአዊ ጉዳዮች የሚሰጡት እርዳታዎች ግን አይቋረጡም በማለት መግለጫው አክሎ ገልጿል።  በብሩንዲ ከፍተኛ ግምት ያለው የመንግስት ወጭ ይሽፈን የነበረው ከአውሮፓው ህብረት በሚሰጥ እርዳታ ሲሆን የተደረገው ጊዜያዊ ማዕቀብ የመንግስቱን እንቅስቃሴ በጽኑ ሊጎዳው ይችላል የሚል ግምት ተወስዷል።

Ø በተባበሩት መንግስታት ድርጅት መሪነት  በሊቢያ እንዲቋቋም ታቅዶ የነበረው የአንድነት መንግስት ቅዳሜ መጋቢት 3 ቀን 2008 ዓ.ም. ባወጣው መግለጫ በምስራቅ ሊቢያ የሚገኘው የመንግስት አካል ምክር ቤት አብዛኞቹ አባሎች የመንግስቱን መቋቋም የደገፉ መሆናቸውን ገልጾ ከዚህ በኋላ የመንግስቱ አካል ስራውን ሊጀምር ይችላል ብሏል። የአውሮፓ ህብረት አገሮችና አሜሪካ መግለጫን ወዲያውኑ የተቀበሉት ሲሆን የአንድነት መንግስቱ በሊቢያ ውስጥ ህጋዊ የሆነና ተቀባይነት ያለው ብቸኛው መንግስት ይሆናል ብለዋል። ከአንዳንድ ክፍሎችና የሚሊሺያ መሪዎች አሁንም ተቃውሞ የሚሰማ በመሆኑ የአንድነት መንግስቱ አካል ተቋቋሞ ስራውን የሚጀምርበት ሁኔታ አሁንም አስተማማኝ አይደለም በማለት ጉዳዩን የሚከታተሉ ሰዎች ይተቻሉ።

Ø በማሊ በተባበሩት መንግስታት ድርጅት የሰላም አስከባሪ ኃይል ውስጥ የተመደበ አንድ የቻድ ዜግነት ያለው ወታደር ሁለት ባልደረቦችን ገድሎ አንደኛውን ያቆሰለ መሆኑ ተነገረ። ገዳዩ በቁጥጥር ስር የተደረገ ሲሆን ግድያውን ለመፈጽም ያነሳሳው ምክንያት ምን እንደሆን እየተመረመረ ነው ተብሏል። በተመድ የሰላም አስከባሪ ኃይል ወታደሮች ተመሳሳይ አደጋ ሲደርስ ይህ የመጀመሪያው አለመሆኑ ይታወቃል። ከጥቂት ሳምንታት በፊት ኪዳል በሚባለው የቻድ እተማ በተመድ የሰላም አስከባሪ ኃይል ውስጥ ይሰራ የነበረ ሌላ የቻድ ዜግነት ያለው ግለሰብ አንድ ወታደራዊ ኮማንደርና አንድ የህክምና ዶክተር መግደሉ ይታወሳል። 

መጋቢት 3 ቀን 2008 ዓ.ም.

·       የወያኔ ቡድን መሪዎች ለስልጣናቸው  ናቸው ብለው የሚጠረጥሯቸውን  በሙሉ መግደል ማሰርና ማግለል የዘወትር ተግባራቸው ሲሆን በራሳቸው የጦር ኃይል ውስጥም  ጦሩን ያሳምጻሉ ተብለው የጠረጠሩትን  ሁሉ ከስብሰባና ከግምገማ አዳራሽ እየወሰዱ መዳረሻቸውን እየጠፉ መሆኑን ከወያኔ መከላከያ ምንጮች የተገኘው መረጃ ያመለከታል። በዚህ መሠረት በወያኔ ሰሜን ዕዝ ውስጥ የከፍተኛ መኮንኖች ግምገማ ላይ ያነሱት ሃሳብ አመጽ ቀስቃሽ ነው፤ አፍራሽ ነው ብሄራቸው ተጠርጣሪ ነው በሚል ሶስት ሌ/ሎኔል ሁለት የ3ሻለቃ ማዕረግ ያላቸው መኮንኖች በወያኔ ወታደራዊ ደህንነት ተይዘው ከተወሰዱ በኋላ መድረሻቿው መጥፋቱ ታውቋል። ይህ በሰሜን ዕዝ የተፈጸመው ሁኔታ መረጃዎችና ወታደራዊ አዛዦችችን የበለጠ ስጋት ላይ ጥላችቸው። ተይዘው መዳረሻችው የጠፋ መኮንኖች ማንነትና ብሔራቸው ለጊዜው ያልታወቀ ሲሆን በርካታ የጦር አባላት ግን ሁኔታውን በቅርብ አየተከታተሉት መሆኑ ተገልጿል።